ഹൈ​മാ​സ്റ്റ് ലൈ​റ്റിന് അ​നി​വാ​ര്യ​താ സ​ർ​ട്ടി​ഫി​ക്ക​റ്റ് ഉ​റ​പ്പാ​ക്കാൻ ശിപാർശ
Saturday, August 10, 2024 6:12 AM IST
ചാ​ത്ത​ന്നൂ​ർ: അ​നി​വാ​ര്യ​ത ഉ​റ​പ്പാ​ക്കി ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ സ​ർ​ട്ടി​ഫി​ക്ക​റ്റ് ന​ൽ​കി​യാ​ൽ മാ​ത്ര​മേ ഹൈ​മാ​സ്റ്റ് ലൈ​റ്റു​ക​ളും തെ​രു​വ് വി​ള​ക്കു​ക​ളും സ്ഥാ​പി​ക്കാ​വൂ എ​ന്ന് കൊ​ല്ലം വി​ജി​ല​ൻ​സി​ന്‍റെ ശു​പാ​ർ​ശ.

ചാ​ത്ത​ന്നൂ​രി​ൽ ഒ​രേ സ്ഥ​ല​ത്ത് എം​പി​യും എം​എ​ൽ​എ​യും മ​ത്സ​രി​ച്ച് ര​ണ്ട് ഉ​യ​ര​വി​ള​ക്കു​ക​ൾ സ്ഥാ​പി​ച്ച​തി​നെ തു​ട​ർ​ന്നു​ണ്ടാ​യ പ​രാ​തി​യി​ലാ​ണ് വി​ജി​ല​ൻ​സ് സ​ർ​ക്കാ​രി​ന് ശി​പാ​ർ​ശ ന​ൽ​കി​യ​ത്.

ചാ​ത്ത​ന്നൂ​ർ സെ​ന്‍റ്ജോ​ർ​ജ് ഓ​ർ​ത്ത​ഡോ​ക്സ് പ​ള്ളി​യ്ക്ക് സ​മീ​പ​മാ​ണ് ഒ​രേ സ്ഥ​ല​ത്ത് ര​ണ്ട് ജ​ന​പ്ര​തി​നി​ധി​ക​ൾ അ​വ​രു​ടെ പ്രാ​ദേ​ശി​ക വി​ക​സ​ന ഫ​ണ്ട് ഉ​പ​യോ​ഗി​ച്ച് ഹൈ​മാ​സ്റ്റ് ലൈ​റ്റ് സ്ഥാ​പി​ച്ച​ത്.

ഇ​ത് സം​ബ​ന്ധി​ച്ച് ന​ട​ത്തി​യ അ​ന്വേ​ഷ​ണ റി​പ്പോ​ർ​ട്ടി​ലാ​ണ് വി​ജി​ല​ൻ​സ് ആ​ന്‍​ഡ് ആ​ന്‍റി ക​റ​പ്ഷ​ൻ ബ്യൂ​റോ​യു​ടെ ശി​പാ​ർ​ശ​യു​ള്ള​ത്.


സ​ർ​ക്കാ​ർ ഫ​ണ്ട് പൊ​തു​ജ​ന​ങ്ങ​ൾ​ക്ക് ഉ​പ​കാ​ര​പ്ര​ദ​മാ​കു​ന്ന വി​ധ​ത്തി​ലാ​ണ് വി​നി​യോ​ഗി​ക്കു​ന്ന​തെ​ന്ന് ഉ​റ​പ്പാ​ക്കേ​ണ്ട​ത് ഉ​ദ്യോ​ഗ​സ്ഥ​ന്മാ​രു​ടെ ഉ​ത്ത​ര​വാ​ദി​ത്ത​മാ​ണെ​ന്ന് റിപ്പോർട്ടിൽ പറയുന്നു.
എ​സ്റ്റി​മേ​റ്റി​നോ​ടൊ​പ്പം തെ​രു​വി​ള​ക്ക് ഒ​രു സ്ഥ​ല​ത്ത് അ​നി​വാ​ര്യ​മാ​ണെ​ന്നു തെ​ളി​യി​ക്കു​ന്ന അ​നി​വാ​ര്യ​ത സ​ർ​ട്ടി​ഫി​ക്ക​റ്റ് വാ​ങ്ങി മാ​ത്ര​മേ ഭ​ര​ണാ​നു​മ​തി ന​ൽ​കാ​ൻ പാ​ടു​ള്ളൂ​വെ​ന്നും ബ​ന്ധ​പ്പെ​ട്ട വ​കു​പ്പു​ക​ൾ​ക്ക് നി​ർ​ദേ​ശം ന​ൽ​ക​ണ​മെ​ന്നാ​ണ് ശി​പാ​ർ​ശ ന​ൽ​കി​യ​ത്.

ആ​ന്‍റി ക​റ​പ്ഷ​ൻ പീ​പ്പി​ൾ​സ് മൂ​വ്മെ​ന്‍റ് ജി​ല്ലാ പ്ര​സി​ഡ​ന്‍റ് ജി. ​ദി​വാ​ക​ര​ൻ വി​ജി​ല​ൻ​സ് ഡ​യ​റ​ക്ട​ർ​ക്ക് ന​ൽ​കി​യ പ​രാ​തി​യി​ന്മേ​ൽ ന​ട​ന്ന അ​ന്വേ​ഷ​ണ റി​പ്പോ​ർ​ട്ടി​ലാ​ണ് ഈ ​ശി​പാ​ർ​ശ​യു​ള്ള​ത്.