മികച്ച രക്തദാന സംഘടനക്കുള്ള പുരസ്കാരം പ്രഷ്യസ് ഡ്രോ പ്സിന്
1429320
Friday, June 14, 2024 11:39 PM IST
കൊട്ടാരക്കര : ലോക രക്തദാന ദിനാചരണത്തിന്റെ ഭാഗമായി കൊട്ടാരക്കര ആശ്രയ ഏർപ്പെടുത്തിയ കർമശ്രേഷ്ഠ പുരസ്കാരം പുത്തൂർ പ്രഷ്യസ് ഡ്രോപ്പസ് എന്ന രക്തദാന സംഘടനയ്ക്കു കൈമാറി.
10000 ത്തിൽപരം രക്തദാതാക്കളെ കണ്ടെത്തി രക്തദാനം നിർവഹിച്ച ഏറ്റവും മികച്ച സംഘടന എന്ന നിലയ്ക്കാണ് പ്രഷ്യസ് ഡ്രോപ് സിന് അവാർഡിന് അർഹമായത്. രക്തദാനത്തോടൊപ്പം നിരവധി ജീവകാരുണ്യ പ്രവർത്തനങ്ങളും നിർവഹിച്ചുവരുന്ന സംഘടനയാണ് പ്രഷ്യസ് ഡ്രോപ്പ്. കലയപുരം ആശ്രയ സങ്കേതം അങ്കണത്തിൽ ആശ്രയ ജനറൽ സെക്രട്ടറി കലയപുരം ജോസിന്റെ അധ്യക്ഷതയിൽ ചേർന്ന സമ്മേളനത്തിൽ കൊട്ടാരക്കര സ്റ്റേഷൻ ഹൗസ് ഓഫീസർ എൻ. ബിജു പ്രഷ്യസ് ഡ്രോപ്സ് സ്റ്റേറ്റ് കോ- ഓർഡിനേറ്റർ എസ്. സന്തോഷ്കുമാറിന് അവാർഡ് കൈമാറി. ചിഞ്ചു സന്തോഷ്, ആശ്രയ സിഇഒ ജുബിൻ സാം, അഡ്മിനിസ്ട്രേറ്റർ ഒ. ദിവാകരൻ, ജനറൽ സൂപ്രണ്ട് വർഗീസ് മാത്യു എന്നിവർ പ്രസംഗിച്ചു.