തോരാമഴ തീരാദുരിതം; താ​ഴ്ന്ന പ്ര​ദേ​ശ​ങ്ങ​ള്‍ വെ​ള്ള​ത്തി​ല്‍
Thursday, May 30, 2024 12:49 AM IST
കൊ​ല്ലം: ജി​ല്ല​യി​ൽ ഇ​ന്ന​ലെ​യും മ​ഴ​യ്ക്ക് കാ​ര്യ​മാ​യ ശ​മ​ന​മി​ല്ല. രാ​വി​ലെ മു​ത​ൽ പെ​യ്ത മ​ഴ ഇ​ട​വി​ട്ട് വൈ​കു​ന്നേ​രം വ​രെ തു​ട​ർ​ന്നെ​ങ്കി​ലും ക​ഴി​ഞ്ഞ ദി​വ​സ​ത്തേ​ത് പോ​ലെ ശ​ക്തി​പ്രാ​പി​ച്ചി​ല്ല. മ​ഴ​യ്ക്കൊ​പ്പം എ​ല്ലാ​യി​ട​ത്തും നേ​രി​യ കാ​റ്റും അ​നു​ഭ​വ​പ്പെ​ട്ടു.

അ​തേ സ​മ​യം ന​ഗ​ര പ്ര​ദേ​ശ​ങ്ങ​ളി​ലും നാ​ട്ടി​ൻ​പു​റ​ങ്ങ​ളി​ലും റോ​ഡു​ക​ളി​ൽ അ​ട​ക്കം രൂ​പ​പ്പെ​ട്ട വെ​ള്ള​ക്കെ​ട്ട് മാ​റി​യി​ട്ടി​ല്ല. താ​ഴ്ന്ന പ്ര​ദേ​ശ​ങ്ങ​ൾ പ​ല​യി​ട​ത്തും വെ​ള്ള​ത്തി​ന​ടി​യി​ലാ​ണ്. നി​ര​വ​ധി വീ​ടു​ക​ളി​ൽ ക​യ​റി​യ വെ​ള്ള​വും ഇ​റ​ങ്ങി​യി​ട്ടി​ല്ല.

തീ​ര​ദേ​ശ മേ​ഖ​ല​യി​ൽ ക​ട​ൽ ഇ​പ്പോ​ഴും പ്ര​ക്ഷു​ബ്ധ​മാ​ണ്. ജൂ​ൺ ര​ണ്ടു വ​രെ ക​ട​ലി​ൽ പോ​ക​രു​തെ​ന്ന് മ​ത്സ്യ​തൊ​ഴി​ലാ​ളി​ക​ൾ​ക്ക് അ​ധി​കൃ​ത​ർ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്.ജി​ല്ല​യി​ലെ എ​ല്ലാ ജ​ലാ​ശ​യ​ങ്ങ​ളി​ലും വെ​ള്ള​ത്തി​ന്‍റെ നി​ര​പ്പ് ഉ​യ​ർ​ന്നി​ട്ടു​ണ്ട്. മ​ല​വെ​ള്ള​പ്പാ​ച്ചി​ൽ കൂ​ടി ആ​രം​ഭി​ക്കു​മ്പോ​ൾ ജ​ല​നി​ര​പ്പ് ഇ​നി​യും ഉ​യ​രാ​നാ​ണ് സാ​ധ്യ​ത.

പ​ള്ളി​ക്ക​ലാ​റ് ക​ര​ക​വി​ഞ്ഞു

കൊ​ല്ലം: ശാ​സ്താം​കോ​ട്ട​യി​ൽ പ​ള്ളി​ക്ക​ലാ​റ് ക​ര​ക​വി​ഞ്ഞ​തോ​ടെ ശൂ​ര​നാ​ട് വ​ട​ക്ക്, തെ​ക്ക് പ​ഞ്ചാ​യ​ത്തു​ക​ളി​ലെ താ​ഴ്ന്ന പ്ര​ദേ​ശ​ങ്ങ​ളി​ല്‍ എ​ല്ലാം വെ​ള്ളം ക​യ​റി. അ​ന്‍​പ​തോ​ളം വീ​ടു​ക​ള്‍ വെ​ള്ള​ത്തി​ല്‍ മു​ങ്ങി. ഏ​ലാ​ക​ളും റോ​ഡു​ക​ളും വെ​ള്ള​ത്തി​ല്‍ മു​ങ്ങി. ര​ണ്ടു​വീ​ടു​ക​ള്‍ ഭാ​ഗി​ക​മാ​യി ത​ക​ര്‍​ന്നു. റോ​ഡു​ക​ള്‍ ഇ​ടി​ഞ്ഞു​താ​ഴ്ന്നു. ശൂ​ര​നാ​ട് വ​ട​ക്ക് പ​ടി​ഞ്ഞാ​റ്റം​മു​റി, പാ​റ​ക്ക​ട​വ്, പാ​തി​രി​ക്ക​ല്‍, കൂ​രി​ക്കു​ഴി, മ​ണ​ലി​ക്ക​ല്‍, ആ​ന​യ​ടി വ​യ​ല്‍ കോ​ള​നി, ശൂ​ര​നാ​ട് തെ​ക്ക് കി​ട​ങ്ങ​യം വ​ല്ല്യ​ച്ഛ​ന്‍ ന​ട എ​ന്നി​വി​ട​ങ്ങ​ളി​ലാ​ണ് പ​ള്ളി​ക്ക​ലാ​റ് ക​ര​ക​വി​ഞ്ഞ് വീ​ടു​ക​ളി​ല്‍ വെ​ള്ളം ക​യ​റി​യ​ത്. പ​ല​രും ബ​ന്ധു​വീ​ടു​ക​ളി​ലേ​ക്ക് മാ​റി. ശൂ​ര​നാ​ട് വ​ട​ക്ക് ഓ​ണ​മ്പി​ള്ളി, ആ​ന​യ​ടി, നെ​ടി​യ​പാ​ടം, കൂ​രി​ക്കു​ഴി, വി​ള​ക്കു​പാ​ടം, ശൂ​ര​നാ​ട് തെ​ക്ക് വെ​ങ്ങോ​ല, കു​മ​ര​ന്‍ ചി​റ, പ​ന്തി​രം​മ്പി​ള്ളി തു​ട​ങ്ങി പ്ര​ധാ​ന ഏ​ലാ​ക​ളെ​ല്ലാം വെ​ള്ളം ക​യ​റി.

ഓ​ണ​മ്പി​ള്ളി ഏ​ലാ​യി​ല്‍ ര​ണ്ടു​ദി​വ​സം മു​മ്പ് ന​ട്ട ഞാ​റ്റാ​ടി​ക​ള്‍ കു​ത്തൊ​ഴു​ക്കി​ല്‍ ഒ​ലി​ച്ചു​പോ​യി. ഓ​രോ മേ​ഖ​ല​യി​ലും വ​ലി​യ നാ​ശ​ന​ഷ്ട​മാ​ണ് ക​ര്‍​ഷ​ക​ര്‍​ക്ക് ഉ​ണ്ടാ​യി​രി​ക്കു​ന്ന​ത്. ശൂ​ര​നാ​ട് ഹൈ​സ്‌​കൂ​ള്‍ ജ​ങ്ഷ​ന്‍-​പാ​റ​ക്ക​ട​വ് റോ​ഡും ഓ​ണ​മ്പി​ള്ളി ഏ​ലാ​റോ​ഡും വെ​ള്ള​ത്തി​ല്‍ മു​ങ്ങി. പാ​റ​ക്ക​ട​വ് അ​ങ്ക​ണ​വാ​ടി​യി​ല്‍ വെ​ള്ളം ക​യ​റി. കൊ​ല്ലം-​തേ​നി ദേ​ശീ​യ​പാ​ത​യി​ല്‍ ശൂ​ര​നാ​ട് അ​രീ​ക്ക​ല്‍ ക​ലു​ങ്കി​ന് സ​മീ​പം റോ​ഡി​ല്‍ മ​രം വീ​ണ് ഗ​താ​ഗ​തം ത​ട​സ​പ്പെ​ട്ടു.

ശാ​സ്താം​കോ​ട്ട​യി​ല്‍ നി​ന്നും ഫ​യ​ര്‍​ഫോ​ഴ്‌​സ് സം​ഘം എ​ത്തി​യാ​ണ് മ​രം മു​റി​ച്ചു മാ​റ്റി ഗ​താ​ഗ​തം പു​നഃ​സ്ഥാ​പി​ച്ച​ത്. അ​ടു​ത്തി​ടെ ന​വീ​ക​രി​ച്ച ശൂ​ര​നാ​ട് ഹൈ​സ്‌​കൂ​ള്‍ ജ​ങ്ഷ​ന്‍-​കി​ഴ​കി​ട ഏ​ലാ റോ​ഡി​ന്‍റെ വ​ശ​ങ്ങ​ളും ഇ​ടി​ഞ്ഞു​താ​ഴ്ന്നു.


ഒ​ഴു​ക്കി​ൽ​പ്പെ​ട്ട് കാ​ണാ​താ​യ ആ​ൾ​ക്ക് വേ​ണ്ടി തെര​ച്ചി​ൽ തു​ട​രും

കൊ​ട്ടി​യം: തൃ​ക്കോ​വി​ൽ​വ​ട്ടം പ​ഞ്ചാ​യ​ത്തി​ൽ​പ്പെ​ട്ട മു​ഖ​ത്ത​ല ക​ണി​യാം​തോ​ട്ടി​ൽ ഒ​ഴു​ക്കി​ൽ​പ്പെ​ട്ട് കാ​ണാ​താ​യ ആ​ളെ ഇ​ന്ന​ല ന​ട​ത്തി​യ തെര​ച്ചി​ലി​ലും ക​ണ്ടെ​ത്താ​നാ​യി​ല്ല. രാ​ത്രി​ മ​ഴ​യും ഇ​രു​ട്ടും ആ​യ​തി​നെ തു​ട​ർ​ന്ന് തെര​ച്ചി​ൽ നി​ർ​ത്തി​വ​ച്ചു. ഇ​ന്നും തെര​ച്ചി​ൽ തു​ട​രു​മെ​ന്ന് ഫ​യ​ർ​ഫോ​ഴ്സ് അ​റി​യി​ച്ചു.

തൃ​ക്കോ​വി​ൽ​വ​ട്ടം പ​ഞ്ചാ​യ​ത്തി​ലെ കു​റു​മ​ണ്ണ വ​യ​ലി​ൽ പു​ത്ത​ൻ വീ​ട്ടി​ൽ നൂ​ഹു എ​ന്നു വി​ളി​ക്കു​ന്ന സ​ലി (48) മി​നെ​യാ​ണ് കാ​ണാ​താ​യ​ത്.​ചൊ​വ്വാ​ഴ്ച വൈ​കുന്നേരം അ​ഞ്ചോടെ​യാ​യി​രു​ന്നു സം​ഭ​വം. വെ​ള്ളം ക​യ​റി​യ വീ​ടു​ക​ളി​ൽ നി​ന്നും താ​മ​സ​ക്കാ​രെ ക്യാ​മ്പി​ലേ​ക്ക് മാ​റ്റു​ന്ന​തി​നും രോ​ഗി​ക​ളെ വീ​ട്ടി​ൽ നി​ന്നും പു​റ​ത്തു കൊ​ണ്ടു​വ​രു​ന്ന​തി​നും, വെ​ള്ളം വെ​ട്ടി വി​ടു​ന്ന​തി​ന്നും ചൊ​വ്വാ​ഴ്ച രാ​വി​ലെ മു​ത​ൽ ബ്ലോ​ക്ക് പ​ഞ്ചാ​യ​ത്ത് അം​ഗ​ത്തൊ​ടൊ​പ്പം സ​ലീ​മും ഉ​ണ്ടാ​യി​രു​ന്നു.

വൈ​കുന്നേരം തോ​ടി​ന് സ​മീ​പ​ത്തു​കൂ​ടി ന​ട​ക്ക​വേ​കാ​ൽ വ​ഴു​തി തോ​ട്ടി​ലേ​ക്ക് വീ​ഴു​ക​യാ​യി​രു​ന്നു. സം​ഭ​വ സ​മ​യം അ​വി​ടെ​യു​ണ്ടാ​യി​രു​ന്ന​വ​ർ ര​ക്ഷ​പ്പെ​ടു​ത്താ​ൻ ശ്ര​മി​ച്ചെ​ങ്കി​ലും ന​ട​ന്നി​ല്ല. വി​വ​ര​മ​റി​ഞ്ഞ് കൊ​ല്ല​ത്തു നി​ന്നും ഫ​യ​ർ ഫോ​ഴ്സി​ന്‍റെ സ്കൂ​ബാ ടീ​മെ​ത്തി രാ​ത്രി വ​രെ തെര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല. ബു​ധ​നാ​ഴ്ച ന​ട​ത്തി​യ തെര​ച്ചി​ലി​ലും സ​ലീ​മി​നെ ക​ണ്ടെ​ത്താ​നാ​യി​ല്ല.
മു​ഖ​ത്ത​ല ബ്ലോ​ക്ക് പ​ഞ്ചാ​യ​ത്തം​ഗം സ​ജീ​വ്, പി.​സി. വി​ഷ്ണു​നാ​ഥ് എം​എ​ൽ​എ എ​ന്നി​വ​ർ തെ​ര​ച്ചി​ലി​ന് മേ​ൽ​നോ​ട്ടം വ​ഹി​ക്കു​ന്ന​തി​നാ​യി സ്ഥ​ല​ത്തു​ണ്ടാ​യി​രു​ന്നു. തെര​ച്ചി​ൽ ഇ​ന്ന് രാ​വി​ലെ വീ​ണ്ടും തു​ട​രും.

ദു​രി​താ​ശ്വാ​സ ക്യാ​മ്പു​ക​ൾ തു​റ​ന്നു

ക​രു​നാ​ഗ​പ്പ​ള്ളി : ശ​ക്ത​മാ​യ മ​ഴ തു​ട​രു​ന്ന സാ​ഹ​ച​ര്യ​ത്തി​ൽ താ​ലൂ​ക്കി​ൽ നാ​ലി​ട​ത്ത് ദു​രി​താ​ശ്വാ​സ ക്യാ​മ്പു​ക​ൾ തു​റ​ന്നു. കു​ല​ശേ​ഖ​ര​പു​രം ഗ​വ.​എ​ച്ച്എ​സ്എ​സ്., ത​ഴ​വ അ​ഭ​യ​കേ​ന്ദ്രം, ക്ലാ​പ്പ​ന വ​ര​വി​ള ഗ​വ. എ​ൽപിഎ​സ്., വ​ലി​യ​കു​ള​ങ്ങ​ര എ​ൽപി​എ​സ്. എ​ന്നി​വി​ട​ങ്ങ​ളി​ലാ​ണ് ക്യാ​മ്പു​ക​ൾ തു​ട​ങ്ങി​യ​ത്. 28 കു​ടും​ബ​ങ്ങ​ളി​ൽ നി​ന്നു​ള്ള​വ​രെ​യാ​ണ് വി​വി​ധ ക്യാ​മ്പു​ക​ളി​ലേ​ക്ക് മാ​റ്റി​യി​ട്ടു​ള്ള​ത്. കു​ല​ശേ​ഖ​ര​പു​ര​ത്തെ ക്യാ​മ്പി​ൽ നാ​ലു കു​ടും​ബ​ങ്ങ​ളി​ൽ നി​ന്നാ​യി ഏ​ഴു​പേ​രും ത​ഴ​വ​യി​ലെ ക്യാ​മ്പി​ൽ മൂ​ന്നു കു​ടും​ബ​ങ്ങ​ളി​ൽ നി​ന്നാ​യി ഏ​ഴു​പേ​രും വ​ലി​യ​കു​ള​ങ്ങ​ര​യി​ലെ ക്യാ​മ്പി​ൽ എ​ട്ടു കു​ടും​ബ​ങ്ങ​ളി​ൽ നി​ന്നാ​യി 22 പേ​രും ക്ലാ​പ്പ​ന​യി​ലെ ക്യാ​മ്പി​ൽ 13 കു​ടും​ബ​ങ്ങ​ളി​ൽ നി​ന്നാ​യി 19 പേ​രു​മാ​ണ് ഉ​ള്ള​ത്. പാ​വു​മ്പ വ​ട​ക്ക് ര​മ്യാ​ല​യ​ത്തി​ൽ ര​വീ​ന്ദ്ര​ന്‍റെ വീ​ട്ടു​മു​റ്റ​ത്തെ 17 തൊ​ടി​യൂ​ള്ള കി​ണ​ർ ഇ​ടി​ഞ്ഞു​താ​ഴ്ന്നു.

Copyright @ 2022 , Rashtra Deepika Ltd.