കുണ്ടറ : കിഴക്കേകല്ലട ഗ്രാമപഞ്ചായത്ത് പ്രസിഡന്‍റായി കൊടുവിള 14-ാം വാർഡ് മെമ്പർ കെ.ജി.ലാലിയെ തെരഞ്ഞെടുത്തു. ഗ്രാമപഞ്ചായത്ത് ഓഫീസിൽ നടന്ന തെരഞ്ഞെടുപ്പിൽഎൽഡിഎഫിലെ ശ്രുതി. എസ് ആറിനെതിരെ എട്ട് വോട്ടുകൾ ക്ക്പരാജയപ്പെടുത്തിയാ ണ് കോൺഗ്രസിലെ ലാലി വിജയിച്ചത് .
ബിജെപി അംഗം അമ്പിളി ശങ്കർവോട്ട് അസാധുവാക്കി. കൃഷി അസി. ഡയറക്ടർ രാജി റിട്ടേണിംഗ് ഓഫീസർ ആയിരുന്നു. കോൺഗ്രസിലെ മുൻ ധാരണ പ്രകാരം പ്രസിഡന്‍റ് പി.ഉമാദേവിയമ്മ രാജി വച്ച ഒഴിവിലാണ് തെരഞ്ഞെടുപ്പ് നടന്നത് .
തുടർന്ന് പഞ്ചായത്ത് കോൺഫറൻസ് ഹാളിൽചേർന്നയോഗത്തിൽ വൈസ് പ്രസിഡന്‍റ് രാജു ലോറൻസ് അധ്യക്ഷത വഹിച്ചു. കല്ലടവിജയൻ, കേരള കോൺഗ്രസ് സംസ്ഥാനസെക്രട്ടറി കല്ലട ഫ്രാൻസിസ്, കോൺഗ്രസ് മണ്ഡലം പ്രസിഡന്‍റ് വിനോദ് വില്ല്യേത്ത് ,പഞ്ചായത്ത് മെമ്പർമാരായ ഉമാദേവിയമ്മ, മായാദേവി, റാണിസുരേഷ് , സജിലാൽ , ആർ .ജി. രതീഷ്, ശ്രുതി.എസ് ,ഷാജി മുട്ടം, വിജയമ്മ,അമ്പിളി ശങ്കർ, ശ്രീരാഗ് മഠത്തിൽ, മല്ലിക, പ്രദീപ് കുമാർ, പഞ്ചായത്ത് സെക്രട്ടറി സുചിത്രാദേവി,സജി മള്ളാക്കോണം, ഷാജി വെള്ളാപ്പള്ളി, കോശി അലക്സ് , ജോൺ പള്ളിമുക്കം, എഡ്വേർഡ് പരിച്ചേരി , മേഴ്സി,ജലജ , കമലൻ കണിയാംകുന്നത്ത്, ക്യാപ്റ്റൻ വർഗീസ്, ജോൺസൻ തുടങ്ങിയവർ പ്രസംഗിച്ചു.