കി​ഴ​ക്കേ ക​ല്ല​ട​യി​ൽ കു​ടി​വെ​ള്ള​ക്ഷാ​മം രൂ​ക്ഷം; പ​മ്പ് ഹൗ​സു​ക​ൾ തു​രു​മ്പ് ക​യ​റി ന​ശി​ക്കു​ന്നു
Saturday, March 18, 2023 11:21 PM IST
കു​ണ്ട​റ: കി​ഴ​ക്കേ ക​ല്ല​ട​യി​ൽ കു​ടി​വെ​ള്ള​ക്ഷാ​മം രൂ​ക്ഷ​മാ​യ​തോ​ടെ ജ​ന​ങ്ങ​ൾ വി​ഷ​മ​ത്തി​ലാ​യി. അ​ടു​ത്ത കാ​ല​ത്തൊ​ന്നും ഉ​ണ്ടാ​യി​ട്ടി​ല്ലാ​ത്ത​ത്ര വ​ര​ൾ​ച്ച കാ​ര​ണം കി​ണ​റു​ക​ളി​ലെ വെ​ള്ളം നി​ശേ​ഷം നി​ല​ച്ച​തും പ​മ്പ് ഹൗ​സു​ക​ൾ നോ​ട്ട പി​ശ​ക് മൂ​ലം ന​ശി​ച്ച​തു​മാ​ണ് കു​ടി​വെ​ള്ള ക്ഷാ​മ​ത്തി​ന് കാ​ര​ണ​മാ​യ​ത്.

ദീ​ർ​ഘ​നാ​ള​ത്തെ ജ​ന​ങ്ങ​ളു​ടെ ആ​വ​ശ്യ​ത്തി​ന്‍റെ ഫ​ല​മാ​യി മൈ​ന​ർ ഇ​റി​ഗേ​ഷ​ൻ ഡി​പ്പാ​ർ​ട്ട്മെ​ന്‍റ് ല​ക്ഷ​ങ്ങ​ൾ ചെ​ല​വി​ട്ട് കി​ഴ​ക്കേ ക​ല്ല​ട​യു​ടെ വി​വി​ധ ഭാ​ഗ​ങ്ങ​ളി​ൽ പ​മ്പ് സെ​റ്റു​ക​ൾ സ്ഥാ​പി​ച്ചി​രു​ന്നു.
1984ൽ ​ചി​റ്റു​മ​ല ചി​റ​യു​ടെ കി​ഴ​ക്കു​ഭാ​ഗ​ത്ത് നി​ർ​മ്മി​ച്ച​തും കു​റേ​ക്കാ​ലം പ്ര​വ​ർ​ത്തി​ച്ചു​വ​ന്ന​തു​മാ​യ പ​മ്പ് ഹൗ​സ് കൈ​കാ​ര്യം ചെ​യ്ത​വ​രു​ടെ കെ​ടു​കാ​ര്യ​സ്ഥ​ത മൂ​ലം തു​രു​മ്പ് ക​യ​റി കേ​ടു​പാ​ടു​ക​ൾ സം​ഭ​വി​ച്ച്‌ ന​ശി​ക്കു​ക​യാ​യി​രു​ന്നു.

പ​രി​സ​ര​പ്ര​ദേ​ശ​ങ്ങ​ളി​ലെ പ​മ്പ് ഹൗ​സു​ക​ളു​ടെ​യും സ്ഥി​തി വി​ഭി​ന്ന​മ​ല്ല. മൈ​ന​ർ ഇ​റി​ഗേ​ഷ​ൻ വി​ഭാ​ഗ​ത്തി​ലെ ഉ​ദ്യോ​ഗ​സ്ഥ​രു​ടെ അ​നാ​സ്ഥ​യാ​ണ് ഈ ​പ്ര​ദേ​ശ​ങ്ങ​ളി​ൽ ജ​ല​ക്ഷാ​മ​ത്തി​ന് കാ​ര​ണ​മാ​യി കാ​ണു​ന്ന​ത്.

കി​ഴ​ക്കേക​ല്ല​ട​യി​ലെ വ​യ​ൽ മേ​ഖ​ല​യി​ലെ നി​ര​വ​ധി കൈ​തോ​ടു​ക​ളാ​ണ് നി​ശേ​ഷം നി​ക​ത്തി സ്വ​കാ​ര്യ വ്യ​ക്തി​ക​ൾ കൈ​യേറു​ക​യോ പൊ​തു​വ​ഴി​ക​ളാ​ക്കു​ക​യോ ചെ​യ്തി​ട്ടു​ള്ള​ത്. പ​രി​ച്ചേ​രി പാ​ല​ത്തി​ന് പ​ടി​ഞ്ഞാ​റോ​ട്ട് ഒ​ഴു​കി ക​ല്ല​ട​യാ​റ്റി​ൽ ചെ​ന്ന് പ​തി​ച്ചി​രു​ന്ന തോ​ട് കൈയേറി റോ​ഡ് ആ​ക്കി​യ വി​വ​രം ഇ​വ​സം​ര​ക്ഷി​ക്കേ​ണ്ട വ​കു​പ്പ് അ​ധി​കൃ​ത​ർ അ​റി​ഞ്ഞി​ട്ടു​ണ്ടോ എ​ന്ന് സം​ശ​യ​മാ​ണ്. ക​ടു​ത്ത വേ​ന​ലി​ൽ പോ​ലും ചു​റ്റു​മ​ല ചി​റ​യി​ൽ നി​ന്നും വെ​ള്ളം തോ​ടു​വ​ഴി ഒ​ഴു​കി​യി​രു​ന്ന തി​നാ​ൽ പ​രി​സ​ര​ത്തെ കി​ണ​റു​ക​ളി​ൽ വെ​ള്ളം എ​ത്തു​മാ​യി​രു​ന്നു. കൃ​ഷി കാ​ര്യ​ങ്ങ​ൾ​ക്കും സു​ല​ഭ​മാ​യി വെ​ള്ളം ഉ​പ​യോ​ഗി​ക്കു​ന്ന സ്ഥി​തി യുണ്ടായിരുന്നു . ​തോ​ട് നി​ക​ത്തി കൈ​യേറി റോ​ഡാക്കി​യ​തോ​ടെ പ​രി​സ​ര​ങ്ങ​ളി​ൽ രൂ​ക്ഷ​മാ​യ വ​ര​ൾ​ച്ച ബാ​ധി​ക്കു​ക​യാ​യി​രു​ന്നു. ഇ​ത്ത​രം ക​ര​ത്തോ​ടു​ക​ൾ പ​ല പ്ര​ദേ​ശ​ങ്ങ​ളി​ലും നി​ക​ത്തി ചു​രു​ക്കി ഓ​ട​ പോ​ലാ​ക്കി മാ​റ്റി​യി​ട്ടു​മു​ണ്ട്.

വി​വി​ധ പേ​രു​ക​ളി​ൽ സ്ഥാ​പി​ത​മാ​യി​ട്ടു​ള്ള ജ​ല​വി​ത​ര​ണ പ​ദ്ധ​തി​ക​ൾ പ​രാ​ജ​യ​പ്പെ​ടു​ന്ന സാ​ഹ​ച​ര്യ​ത്തി​ൽ കാ​ര​ണ​ങ്ങ​ൾ ക​ണ്ടെ​ത്തി നി​ത്യജീ​വി​ത​ത്തി​ൽ അ​നു​ഭ​വ​പ്പെ​ടു​ന്ന ജ​ല​ക്ഷാ​മം പ​രി​ഹ​രി​ക്കാ​ൻ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് കോ​ൺ​ഗ്ര​സ് കി​ഴ​ക്കേ​ക്ക​ല്ല​ട മ​ണ്ഡ​ലം പ്ര​സി​ഡ​ന്‍റ് ച​ന്ദ്ര​ൻ ക​ല്ല​ട അ​ധി​കൃ​ത​രോ​ട് ആ​വ​ശ്യ​പ്പെ​ട്ടു.

Copyright @ 2022 , Rashtra Deepika Ltd.