കൽപ്പറ്റ: ബിജെപി വീണ്ടും അധികാരത്തിലെത്തിയാൽ ഭരണഘടന മാറ്റിയെഴുതുമെന്ന് ദളിത് കോണ്ഗ്രസ് സംസ്ഥാന പ്രസിഡന്റ് എ.കെ. ശശി. ദളിത് കോണ്ഗ്രസ് ജില്ലാ കണ്വൻഷൻ ഉദ്ഘാടനം ചെയ്യുകയായിരുന്നു അദ്ദേഹം. ജനാധിപത്യത്തിന്റെയും മതേരത്വത്തിന്റെയും സംരക്ഷണത്തിനു രാജ്യഭരണം കോണ്ഗ്രസിന്റെ കൈകളിൽ എത്തണമെന്ന് ശശി പറഞ്ഞു.
വയനാട് മണ്ഡലത്തിൽ രാഹുൽഗാന്ധിയെ വന്പിച്ച ഭൂരിപക്ഷത്തിൽ വിജയിപ്പിക്കണമെന്നു അദ്ദേഹം ആഹ്വാനം ചെയ്തു. ജില്ലാ പ്രസിഡന്റ് വി.കെ. ശശികുമാർ അധ്യക്ഷത വഹിച്ചു. ഡിസിസി പ്രസിഡന്റ് എൻ.ഡി. അപ്പച്ചൻ മുഖ്യപ്രഭാഷണം നടത്തി.
എഐസിസി അംഗം പി.കെ. ജയലക്ഷ്മി, ദളിത് കോണ്ഗ്രസ് സംസ്ഥാന വൈസ് പ്രസിഡന്റ് അജിത് മാട്ടൂൽ, സംസ്ഥാന ജനറൽ സെക്രട്ടറി ആർ. രാജൻ, സെക്രട്ടറി എ. രാംകുമാർ, ഡിസിസി വൈസ് പ്രസിഡന്റ് ഒ.വി. അപ്പച്ചൻ, ഗോകുൽദാസ് കോട്ടയിൽ, ദളിത് കോണ്ഗ്രസ് ജില്ലാ നേതാക്കളായ എം. രാഘവൻ, ആർ. രാമചന്ദ്രൻ, രാജാറാണി, ശ്രീജ ബാബു, ടി.എം. ഷാജി, അനീഷ് കെ. വൈത്തിരി, കെ. കാർത്യായനി, ഇ.എം. ഉഷ, എം. ബാലൻ എന്നിവർ പ്രസംഗിച്ചു.