വാ​യ്പ തി​രി​ച്ച​ട​വ്: ക​ർ​ഷ​ക​ർ​ക്കെ​തി​രേ നി​യ​മ ന​ട​പ​ടി​യു​മാ​യി ബാ​ങ്കു​ക​ൾ
Wednesday, April 24, 2024 5:55 AM IST
പു​ൽ​പ്പ​ള്ളി: വ​ര​ൾ​ച്ച​യും കൃ​ഷി നാ​ശ​വും​മൂ​ലം പ്ര​തി​സ​ന്ധി​യി​ൽ ന​ട്ടം തി​രി​യു​ന്ന ക​ർ​ഷ​ക​ർ​ക്കെ​തി​രേ വാ​യ്പാ​കു​ടി​ശി​ക മു​ട​ങ്ങി​യ​തി​ന്‍റെ പേ​രി​ൽ ബാ​ങ്കു​ക​ൾ നി​യ​മ​ന​ട​പ​ടി​ക​ളു​മാ​യി മു​ന്നോ​ട്ടു​പോ​കു​ന്ന​ത് ക​ർ​ഷ​ക​രെ വീ​ണ്ടും ആ​ശ​ങ്ക​യി​ലാ​ക്കു​ന്നു.

ക​ഴി​ഞ്ഞ ദി​വ​സ​ങ്ങ​ളി​ൽ ജ​പ്തി ന​ട​പ​ടി​ക​ളു​മാ​യി ബാ​ങ്കു​ക​ൾ മു​ന്നോ​ട്ട് പോ​കാ​ൻ തീ​രു​മാ​നി​ച്ച​തോ​ടെ ക​ർ​ഷ​ക​ർ ആ​ശ​ങ്ക​യി​ലാ​ണ്. ക​ർ​ഷ​ക​രു​ടെ കൃ​ഷി​യി​ട​ങ്ങ​ൾ ജ​പ്തി ചെ​യ്യാ​നു​ള്ള ന​ട​പ​ടി​ക​ൾ ആ​രം​ഭി​ച്ച​തി​നെ തു​ട​ർ​ന്ന് രാ​ഷ്ട്രീ​യ​പാ​ർ​ട്ടി​ക​ളും ക​ർ​ഷ​ക​സം​ഘ​ട​ന​ക​ളും സ​മ​ര​പ​രി​പാ​ടി​ക​ളു​മാ​യി രം​ഗ​ത്തെ​ത്തി​യ​തോ​ടെ താ​ൽ​ക്കാ​ലി​ക​മാ​യി നി​ർ​ത്തി​വ​ച്ച ജ​പ്തി ന​ട​പ​ടി​ക​ളാ​ണ് വീ​ണ്ടും ആ​രം​ഭി​ച്ച​ത്.

ക​ർ​ഷ​ക​രു​ടെ ഭൂ​മി ജ​പ്തി ചെ​യ്യ​രു​തെ​ന്ന് ആ​വ​ശ്യ​പ്പെ​ട്ട് രാ​ഷ്ട്രീ​യ​പാ​ർ​ട്ടി​ക​ളും വി​വി​ധ ക​ർ​ഷ​ക​സം​ഘ​ട​ന​ക​ളും ബാ​ങ്കു​ക​ൾ​ക്ക് മു​ന്നി​ൽ സ​മ​രം ആ​രം​ഭി​ക്കു​ക​യും ജ​പ്തി ന​ട​പ​ടി​ക​ൾ നി​ർ​ത്തി​വ​യ്ക്ക​ണ​മെ​ന്നാ​വ​ശ്യ​പ്പെ​ട്ട് സം​സ്ഥാ​ന സ​ർ​ക്കാ​രി​നും കേ​ന്ദ്ര​സ​ർ​ക്കാ​രി​നും ക​ത്ത​യ​ക്കു​ക​യും ക​ർ​ഷ​ക സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ നി​വേ​ദ​നം ന​ൽ​കു​ക​യും ചെ​യ്തി​ട്ടും യാ​തൊ​രു​പ്ര​യോ​ജ​ന​വു​മു​ണ്ടാ​യി​ല്ലെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.

ബാ​ങ്കു​ക​ൾ ഇ​പ്പോ​ൾ വാ​യ്പാ​കു​ടി​ശി​ക​യു​ള്ള ക​ർ​ഷ​ക​രു​ടെ വീ​ടു​ക​ളി​ലെ​ത്തി വാ​യ്പ പു​തു​ക്കു​ക​യോ അ​ട​ച്ചു​തീ​ർ​ക്കു​ക​യോ ചെ​യ്യാ​ത്ത പ​ക്ഷം നി​യ​മ​ന​ട​പ​ടി​ക​ളു​മാ​യി മു​ന്നോ​ട്ടു​പോ​കു​മെ​ന്ന നി​ല​പാ​ട് ക​ർ​ശ​ന​മാ​ക്കി​യ​തോ​ടെ കി​ട​പ്പാ​ടം ന​ഷ്ട​പ്പെ​ടു​മോ​യെ​ന്ന ആ​ശ​ങ്ക​യി​ലാ​ണ് കു​ടി​യേ​റ്റ​മേ​ഖ​ല​യി​ലെ ക​ർ​ഷ​ക​ർ.

സാ​ന്പ​ത്തി​ക​വ​ർ​ഷം ക​ഴി​ഞ്ഞ​തോ​ടെ വാ​യ്പ​യെ​ടു​ത്ത ക​ർ​ഷ​ക​ർ​ക്ക് പ​ലി​ശ​യും കൂ​ട്ടു​പ​ലി​ശ​യും ഉ​ൾ​പ്പെ​ടെ വ​ൻ​തു​ക​യാ​ണ് കു​ടി​ശി​ക​യാ​യി​ട്ടു​ള്ള​ത്. കു​രു​മു​ള​ക്, കാ​പ്പി എ​ന്നി​വ​യു​ടെ ഉ​ത്പാ​ദ​ന​ക്കു​റ​വും ക​ർ​ഷ​ക​രെ പ്ര​തി​സ​ന്ധി​യി​ലാ​ക്കി​യി​രി​ക്കു​ക​യാ​ണ്. ബാ​ങ്കു​ക​ൾ വാ​യ്പ അ​ട​ക്കു​ന്ന​തി​ന് സാ​വ​കാ​ശം ന​ൽ​കി​യാ​ൽ ലോ​ണ​ട​യ്ക്കാ​മെ​ന്ന് ക​ർ​ഷ​ക​ർ ബാ​ങ്ക് അ​ധി​കൃ​ത​രോ​ട് ആ​വ​ശ്യ​പ്പെ​ടു​ന്പോ​ഴും സാ​വ​കാ​ശം ന​ൽ​കാ​ൻ ക​ഴി​യി​ല്ലെ​ന്നാ​ണ് ബാ​ങ്കു​ക​ളു​ടെ നി​ല​പാ​ട്.

അ​ടി​യ​ന്ത​ര​മാ​യി ബ​ന്ധ​പ്പെ​ട്ട​വ​ർ വി​ഷ​യ​ത്തി​ൽ ഇ​ട​പെ​ട്ടി​ല്ലെ​ങ്കി​ൽ ശ​ക്ത​മാ​യ പ്ര​ക്ഷോ​ഭ​പ​രി​പാ​ടി​ക​ളി​ലേ​ക്ക് ക​ട​ക്കാ​നാ​ണ് ക​ർ​ഷ​ക​സം​ഘ​ട​ന​ക​ളു​ടെ തീ​രു​മാ​നം. അ​ടി​യ​ന്ത​ര​മാ​യി ബാ​ങ്കു​ക​ളു​ടെ ജ​പ്തി ന​ട​പ​ടി നി​ർ​ത്തി​വ​യ്ക്ക​ൻ ആ​വ​ശ്യ​മാ​യ ന​ട​പ​ടി​യു​ണ്ടാ​ക​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം.

Copyright @ 2022 , Rashtra Deepika Ltd.