ADVERTISEMENT

ADVERTISEMENT

ഓർമപ്പെരുന്നാൾ ആഘോഷിച്ചു

കുളത്തുവയൽ: അമ്പാഴപ്പാറ സെന്‍റ് ജോർജ് ഓർത്തഡോക്സ് സിറിയൻ പള്ളിയിൽ വിശുദ്ധ ഗീവർഗീസ് സഹദായുടെ ഓർമപ്പെരുന്നാൾ ആഘോഷിച്ചു. പ്രഭാത നമസ്കാരം, വിശുദ്ധ കുർബാന, പ്രദക്ഷിണം, ആശീർവാദം എന്നിവയ്ക്ക് ഫാ. പോൾജി കെ. ജോൺ കാർമികത്വം വഹിച്ചു.

ADVERTISEMENT

ശലഭോദ്യാനം ഉദ്ഘാടനം ചെയ്തു

പുല്ലൂരാംപാറ: പുല്ലൂരാംപാറ സെന്‍റ് ജോസഫ്സ് യുപി സ്കൂളിൽ ഒരുക്കിയ ശലഭോദ്യാനം ഉദ്ഘാടനം ചെയ്തു. തിരുവമ്പാടി പഞ്ചായത്ത് പ്രസിഡന്‍റ് ബിന്ദു ജോൺസൺ ഉദ്ഘാടനകർമ്മം നിർവഹിച്ചു. ഹെഡ്മാസ്റ്റർ സിബി കുര്യാക്കോസ്, പിടിഎ പ്രസിഡന്‍റ് സിജോയ് മാളോല, എംപിടിഎ പ്രസിഡന്‍റ് ജിൻസ് മാത്യു തുടങ്ങിയവരും അധ്യാപകരും വിദ്യാർഥികളും ചടങ്ങിൽ പങ്കെടുത്തു.

കടിയങ്ങാട് ബസ് അപകടം; ഡ്രൈവറുടെ ലൈസന്‍സ് സസ്പെൻഡ് ചെയ്തു

പേരാമ്പ്ര: കഴിഞ്ഞ ദിവസം കടിയങ്ങാട് പെട്രോൾ പമ്പിന് സമീപം സ്വകാര്യ ബസ് ടിപ്പറിന് പിന്നിൽ ഇടിച്ച് അപകടമുണ്ടാക്കിയ ഡ്രൈവറുടെ ലൈസൻസ് സസ്പെൻഡ് ചെയ്തു. ഞായറാഴ്ച രാവിലെയാണ് കുറ്റ്യാടി പേരാമ്പ്ര സംസ്ഥാന പാതയില്‍ കടിയങ്ങാട് വച്ച് ടിപ്പറിന് പുറകില്‍ ബസ് ഇടിച്ച് അപകടം ഉണ്ടായത്. അപകടം വരുത്തിയ കെ എൽ 56 എം 8199 എസാർ ബസിന്‍റെ ഡ്രൈവര്‍ മരുതോങ്കര സ്വദേശി കുനിയിൽ കെ. വിപിന്‍റെ ഡ്രൈവിംഗ് ലൈസന്‍സാണ് ആറുമാസത്തേക്ക് സസ്പെൻഡ് ചെയ്തത്. എടപ്പാൾ ഐആർഡിഎയിൽ അഞ്ച് ദിവസത്തെ പരിശീലനത്തിനും ജോയിന്‍റ് ആര്‍ടിഒ ടി.കെ പ്രഗീഷ് ഉത്തരവ് നല്‍കി. ഡ്രൈവര്‍ വിപിന്‍ കുറ്റസമ്മതം നടത്തി. എംവിഐയുടെ അന്വേഷണ റിപ്പോര്‍ട്ടില്‍ വാഹനം അശ്രദ്ധമായും അമിത വേഗത്തിലുമാണ് ഓടിച്ചിരുന്നതെന്ന് കണ്ടെത്തിയതിന്‍റെ അടിസ്ഥാനത്തിലാണ് നടപടി. ഈ റൂട്ടിലെ സ്വകാര്യ ബസുകളുടെ അമിത വേഗത നിയന്ത്രിക്കാൻ കർശന നടപടികൾ തുടരുമെന്ന് മോട്ടോർ വാഹന വകുപ്പ് അധികൃതർ അറിയിച്ചു.

മേപ്പയൂരിൽ വിറകുപുരയ്ക്ക് തീ പിടിച്ചു

പേരാമ്പ്ര: വീടിനോടനുബന്ധിച്ചുള്ള വിറകുപുരയ്ക്ക് തീ പിടിച്ചു. മേപ്പയ്യൂർ പഞ്ചായത്ത് വാർഡ് പത്തിൽ ചാവട്ടു പള്ളി താഴെ എം.കെ. ഹൗസിൽ അബ്ദുറഹിമാന്‍റെ വീടിനോടനുബന്ധിച്ചുള്ള വിറകുപുരയ്ക്കാണ് തീ പിടിച്ചത്. അടുപ്പിൽ നിന്ന് പടർന്നാണ് തീ പിടിച്ചത്. കെട്ടിടത്തിന്‍റെ മേൽ കൂരയും അതിനകത്തുണ്ടായിരുന്ന വിറകും ഭാഗികമായി കത്തി നശിച്ചു. ഇന്നലെ രാവിലെ പത്തരയോടെയാണ് സംഭവം. പേരാമ്പ്ര അഗ്നി രക്ഷാനിലയത്തിലെ അസി. സ്റ്റേഷൻ ഓഫീസർ പ്രദീപന്‍റെ നേതൃത്വത്തിലുള്ള രണ്ടു യൂണിറ്റ് സ്ഥലത്തെത്തി തീയണച്ചു. ഫയർഫോഴ്സ് അംഗങ്ങളായ ബൈജു, നിഗേഷ്കുമാർ, ശ്രീകാന്ത്, ധീര ജ്‌ലാൽ, സനൽ രാജ്, ബബീഷ്, ജിനേഷ്, ഹൃദിൻ, രജീഷ്, ആരാധ്കുമാർ, രാജീവൻ, മുരളീധരൻ എന്നിവരും രക്ഷാ പ്രവർത്തനത്തിൽ പങ്കാളികളായി.

കാട്ടാന ശല്യം രൂക്ഷം രൂക്ഷം ; കൃഷി നശിപ്പിച്ചു

കോഴിക്കോട്: ജില്ലയിലെ മൈലള്ളംപാറ പ്രദേശത്ത് കാട്ടാനശല്യം രൂക്ഷം. ഒരാഴ്ചയായി 11 ന്നോളംകാട്ടാനകൾ ഉൾപ്പെടുന്നകൂട്ടം പ്രദേശത്ത് നിലയുറപ്പിച്ചിരിക്കുകയാണ്. മാത്യു തെക്കേക്കര, ജോസഫ് കൊണ്ടോടി, ബിനോയ്‌, ആനിയമ്മ, കുഞ്ഞികണാരൻ, ടോമിച്ചൻ, ജമീല, ബെന്നിമാത്യു,അരുൻതോമസ് തുടങ്ങി പതിനഞ്ചോളാം കർഷകരുടെ കൃഷികളാണ് ആനക്കൂട്ടം നശിപ്പിച്ചിരിക്കുന്നത്. അധികൃതരുടെ ഭാഗത്തുനിന്നും ഇവയെ തുരത്താനുള്ള കൃത്യമായ നടപടികൾ ഉണ്ടാകുന്നില്ല. ആർആർടി അംഗങ്ങൾ പടക്കം പൊട്ടിക്കുന്നുണ്ടെങ്കിലും കാട്ടാനകൾ കാടുകയറുന്നില്ല. വർഷങ്ങൾക്കുമുമ്പുള്ള ഫെൻസിംഗ് റിപ്പയർ ചെയ്യാത്തതിനാൽ ഉപയോഗശൂന്യമാണ്. ഇതിനെതിരേ ശക്തമായ നടപടി ഉണ്ടാകണമെന്ന് കിഫ മൈലളളാംപാറ യൂണിറ്റ് ആവശ്യപ്പെട്ടു. അല്ലാത്തപക്ഷം ശക്തമായ ജനകീയ പ്രക്ഷോഭം തുടങ്ങാനാണ് പ്രദേശവാസികളുടെ തീരുമാനം. കക്കയത്ത് കൃഷി നശിപ്പിച്ചു കൂരാച്ചുണ്ട്: കക്കയം ജനവാസ കേന്ദ്രത്തിൽ കാട്ടാനയിറങ്ങി കൃഷി നശിപ്പിച്ചു. പഞ്ചായത്ത് നാലാം വാർഡ് കക്കയം പഞ്ചവടി ഇല്ലി തോട്ടത്തിന് സമീപം താമസിക്കുന്ന കർഷകൻ പാറക്കൽ കുട്ടിയാലിയുടെ കൃഷിയിടത്തിലാണ് കാട്ടാന വാഴകൃഷി നശിപ്പിച്ചത്. കഴിഞ്ഞ ദിവസം രാത്രിയിലാണ് സംഭവം. ഈ മേഖലയിൽ സ്ഥാപിച്ചിട്ടുള്ള സോളാർ ഫെൻസിംഗ് തകർത്തശേഷമാണ് കാട്ടാന കൃഷിയിടത്തിലേക്ക് പ്രവേശിച്ചത്. കക്കയം മേഖലയുടെ വിവിധ ഭാഗങ്ങളിൽ വന്യമൃഗ ശല്യം രൂക്ഷമാണ്. വന്യമൃഗങ്ങളെ വനത്തിൽ തടയാൻ ശാശ്വതമായ പരിഹാരം കാണാൻ വനം വകുപ്പ് തയാറാകണമെന്നാണ് നാട്ടുകാർ ആവശ്യപ്പെടുന്നത്. കാട്ടുപോത്തുകളും നാട്ടുകാർക്ക് ഭീഷണിയായി മാറിയിട്ടുണ്ട്. കാട്ടാന അടക്കമുള്ള വന്യമൃഗങ്ങളെ ഏറെ ഭയപ്പെട്ടാണ് പ്രദേശവാസികൾ ഇപ്പോൾ കഴിഞ്ഞുകൂടുന്നത്. കൃഷി നാശത്തിന് തക്കതായ നഷ്ടപരിഹാരം നൽകണമെന്നുമാണ് ആവശ്യം ഉയരുന്നത്. വന്യമൃഗ ശല്യത്തിനെതിരേ കത്തോലിക്ക കോൺഗ്രസ് കൂരാച്ചുണ്ട്: മലയോര മേഖലയായ ചക്കിട്ടപാറ, പെരുവണ്ണാമുഴി, ചെമ്പനോട, മുതുകാട്, കക്കയം, കൂരാച്ചുണ്ട് എന്നിവിടങ്ങളിൽ നിരന്തരമായി വന്യമൃഗശല്യം രൂക്ഷമായിട്ടും വനം വകുപ്പ് നടപടി സ്വീകരിക്കാത്തതിൽ കത്തോലിക്കാ കോൺഗ്രസ് കൂരാച്ചുണ്ട് ഫൊറോന കമ്മിറ്റി യോഗം പ്രതിഷേധിച്ചു. ഇതിനെതിരേ ശക്തമായ നടപടി സ്വീകരിക്കാത്ത പക്ഷം അടുത്ത മാസം ആദ്യവാരത്തിൽ പെരുവണ്ണാമൂഴി ഫോറസ്റ്റ് റെയിഞ്ച് ഓഫീസിലേക്ക് കത്തോലിക്ക കോൺഗ്രസ് കൂരാച്ചുണ്ട്, മരുതോങ്കര ഫൊറോന കമ്മിറ്റികളുടെ നേതൃത്വത്തിൽ മാർച്ച് നടത്താൻ യോഗം തീരുമാനിച്ചു. ഫൊറോന ഡയറക്ടർ ഫാ. വിൻസെന്‍റ് കണ്ടത്തിൽ ഉദ്ഘാടനം ചെയ്തു. ഫൊറോന പ്രസിഡന്‍റ് ജോസ് ചെറുവള്ളിൽ അധ്യക്ഷത വഹിച്ചു. ഭാരവാഹികളായ ജോൺസൺ കക്കയം, ദാസ് കാനാട്ട്, ബോബൻ പുത്തൂർ, നിമ്മി പൊതയിട്ടേൽ, സണ്ണി എമ്പ്രയിൽ എന്നിവർ പ്രസംഗിച്ചു.

മുസ്ലീം ലീഗിൽ വിഭാഗീയത പുകയുന്നു

തിരുവമ്പാടി: മുസ്ലീം ലീഗ് നേതൃത്വത്തെ വെല്ലുവിളിച്ച് കെഎംസിസി കുടുംബ സംഗമം നടത്തിയതുൾപ്പെടെ തിരുവമ്പാടി മുസ്ലീം ലീഗിൽ നിലനിൽക്കുന്ന വിഭാഗീയത കൂടുതൽ രൂക്ഷമാവുന്നു. കഴിഞ്ഞ ദിവസം മുസ്ലിം ലീഗ് നിയോജക മണ്ഡലം നേതൃത്വത്തിനെതിരേ ഗുരുതരമായ ആരോപണങ്ങളുമായി വിമതപക്ഷം രംഗത്തെത്തിയിരുന്നു. ഇതിന് പിന്നാലെയാണ് മറുപടിയുമായി പഞ്ചായത്ത് ലീഗ് ഭാരവാഹികൾ രംഗത്തെത്തിയത്. സംസ്ഥാന സെക്രട്ടറിയും കഴിഞ്ഞ തവണ യുഡിഎഫ് സ്ഥാനാർഥിയുമായ സി.പി. ചെറിയ മുഹമ്മദിനെ പരാജയപ്പെടുത്തിയത് നിലവിലെ മണ്ഡലം പ്രസിഡന്‍റും സെക്രട്ടറിയുമാണന്നായിരുന്നു പ്രധാന ആരോപണം. എന്നാൽ പരാജയം പഠിക്കാനായി സംസ്ഥാന കമ്മിറ്റി നിയോഗിച്ച അന്വേഷണ കമ്മീഷനായ അഡ്വ. എൻ. ശംസുദ്ധീൻ, പി.എം സാദിഖലി എന്നിവർ പോലും കണ്ടെത്താത്ത ആരോപണമുന്നയിച്ച സാഹചര്യത്തിൽ സംസ്ഥാന സെക്രട്ടറി സി.പി. ചെറിയ മുഹമ്മദ് മറുപടി പറയണമെന്ന് തിരുവമ്പാടി പഞ്ചായത്ത് മുസ്ലീം ലീഗ് ജനറൽ സെക്രട്ടറി ഷൗക്കത്തലി കൊല്ലളത്ത് പറഞ്ഞു. കഴിഞ്ഞ ലോക്സഭാ തെരഞ്ഞെടുപ്പിൽ പ്രിയങ്ക ഗാന്ധി മത്സര രംഗത്തുണ്ടായിട്ടും തെരഞ്ഞെടുപ്പ് പ്രചരണ രംഗത്ത് നിന്ന് വിട്ടു നിന്നവരാണ് ഇപ്പോൾ ആരോപണവുമായി രംഗത്ത് വന്നിരിക്കുന്നത്. പാർട്ടിയിൽ നിന്ന് പുറത്താക്കിയവരുടെ രാജി പ്രഖ്യാപനം അപഹാസ്യമാണന്നും അദ്ദേഹം പറഞ്ഞു. അൽപ്പമെങ്കിലും ധാർമ്മികതയുണ്ടങ്കിൽ കെ.എ അബ്ദുറഹിമാൻ തിരുവമ്പാടി പഞ്ചായത്ത് വൈസ് പ്രസിഡന്‍റ് സ്ഥാനം രാജിവെക്കണമെന്നും ഷൗക്കത്തലി ആവശ്യപ്പെട്ടു.

എല്‍ഡിഎഫ് സര്‍ക്കാരിനെ ജനം കടലില്‍ താഴ്ത്തും: ഷാഫി പറമ്പില്‍

കോഴിക്കോട്: എല്‍ഡിഎഫ് സര്‍ക്കാരിനെ ജനം അറബി കടലില്‍ താഴ്ത്തുമെന്നും സര്‍ക്കാരിന്‍റെ എക്സിറ്റ് ഓഡര്‍ ജനങ്ങള്‍ ഒപ്പിട്ടു കഴിഞ്ഞുവെന്നും കെപിസിസി വര്‍ക്കിംഗ് പ്രസിഡന്‍റ് ഷാഫി പറമ്പില്‍ എംപി പറഞ്ഞു. ശസ്ത്രക്രിയ ഉപകരണങ്ങളുടെയും മരുന്നിന്‍റെയും ക്ഷാമം മൂലം ഗവ. മെഡിക്കല്‍ കോളജ് നേരിടുന്ന ദുരവസ്ഥക്കെതിരേ കോളജിന് മുന്നില്‍ ജില്ല കോണ്‍ഗ്രസ് കമ്മിറ്റി സംഘടിപ്പിച്ച ധര്‍ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരളത്തിലെ ആരോഗ്യ മന്ത്രി അനാരോഗ്യമന്ത്രിയായി മാറിയെന്നും കേരളത്തിലെ ആരോഗ്യവകുപ്പിനെ പിടികൂടിയിരിക്കുന്ന ഗുരുതരമായ രോഗമാണ് പിആര്‍ അഡിക്ഷനെന്നും ഷാഫി പറമ്പില്‍ വിമര്‍ശിച്ചു. ഡോ. ഹാരിസിന്‍റെ ഫേസ്ബുക്ക് പോസ്റ്റ്, ഭരണത്തെക്കുറിച്ചുള്ള കറകളഞ്ഞ സഖാവിന്‍റെ വിലയിരുത്തലാണ്. പോരാളി ഷാജി തോറ്റുപോകുംവിധം നിലമ്പൂര്‍ ഉപതെരഞ്ഞെടുപ്പിലെ പരാജയത്തെ ന്യായീകരിച്ചയാളാണ് ആശുപത്രിയിലെ ദുരിതം കാണിച്ച് പോസ്റ്റ് ഇട്ടത്. മെഡിക്കല്‍ കോളജിലെ കാഷ്വാലിറ്റി വിഷയത്തില്‍ കോണ്‍ഗ്രസ് പ്രതിഷേധവുമായി രംഗത്തുണ്ടാകുമെന്നും ഷാഫി പറമ്പില്‍ പറഞ്ഞു. ഡിസിസി പ്രസിഡന്‍റ് അഡ്വ. കെ. പ്രവീണ്‍കുമാര്‍ അധ്യക്ഷത വഹിച്ചു. കെപിസിസി ജനറല്‍ സെക്രട്ടറിമാരായ അഡ്വ. കെ. ജയന്ത്, അഡ്വ. പി.എം നിയാസ്, മുന്‍ ഡിസിസി പ്രസിഡന്‍റ് കെ.സി അബു, യുഡിഎഫ് ജില്ലാ ചെയര്‍മാന്‍ കെ. ബാലനാരായണന്‍, ഡികെടിഎഫ് സംസ്ഥാന പ്രസിഡന്‍റ് യു.വി ദിനേശ് മണി എന്നിവര്‍ പ്രസംഗിച്ചു.

പുസ്തക നിറവ് ഉദ്ഘാടനം ചെയ്തു

പാറോപ്പടി: സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട് കോഴിക്കോട് ജില്ലയില്‍ സംഘടിപ്പിച്ച പുസ്തകപ്രദര്‍ശനവും വിപണനവും "പുസ്തകനിറവ് 2025' ന്‍റെ ജില്ലാതല ഉദ്ഘാടനം സില്‍വര്‍ ഹില്‍സ് ഹയര്‍ സെക്കൻഡറി സകൂളില്‍ നടന്നു. മഹിതമലയാളത്തിന്‍റെ പ്രാധാന്യം വിദ്യാർഥികളില്‍ എത്തിക്കുന്നതിനും വായനാശീലം പ്രോത്സാഹിപ്പിക്കുന്നതിനുമായി സംസ്ഥാന ബാല സാഹിത്യ ഇന്‍സ്റ്റിറ്റ്യൂട്ട് സംഘടിപ്പിച്ച പരിപാടിയുടെ ഉദ്ഘാടനം പ്രശസ്ത എഴുത്തുകാരൻ എം.എന്‍. കാരശേരി നിര്‍വഹിച്ചു. കുട്ടികള്‍ സംസ്‌കാര സമ്പന്നരും മൂല്യബോധമുള്ളവരുമായി വളരുവാന്‍ വായന അനിവാര്യമാണെന്ന് അദ്ദേഹം ഓര്‍മ്മപ്പെടുത്തി. "എഴുത്തും സംസ്‌കാരവും' എന്ന വിഷയത്തില്‍ കുട്ടികളുമായി അദ്ദേഹം സംവദിക്കുകയും ചെയ്തു. സ്‌കൂളുമായി ബന്ധപ്പെട്ട് സാമൂഹിക സാംസ്‌കാരിക രംഗത്ത് ശ്രദ്ധേയമായ സംഭാവന നല്‍കിയ മുന്‍ മലയാളം അധ്യാപിക വി. ശശികലയെ ചടങ്ങില്‍ ആദരിച്ചു. സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട് ഡയറക്ടര്‍ പള്ളിയറ ശ്രീധരന്‍ അധ്യക്ഷത വഹിച്ചു. ബാലസാഹിത്യ ഇന്‍സ്റ്റിറ്റ്യൂട്ട് എഡിറ്റര്‍ രാധികാനായര്‍ ആമുഖ പ്രഭാഷണം നടത്തി. ബാല സാഹിത്യ ഇന്‍സ്റ്റിറ്റ്യൂട്ട് ഭരണസമിതി അംഗം ജാനമ്മ കുഞ്ഞുണ്ണി, സ്‌കൂള്‍ പ്രിന്‍സിപ്പല്‍ ഫാ. ജോണ്‍ മണ്ണാറത്തറ, മലയാളം അധ്യാപകന്‍ വി.പി. മനോജ് എന്നിവർ‌ പ്രസംഗിച്ചു.

കക്കയത്തെ ടൂറിസം വികസനം മുരടിപ്പിലെന്ന് ആരോപണം

കൂരാച്ചുണ്ട്: നിത്യേന നൂറു കണക്കിന് വിനോദസഞ്ചാരികൾ വന്നുപോകുന്ന കക്കയം ടൂറിസം പദ്ധതിയിൽ നിന്നും പ്രതിമാസം ലക്ഷങ്ങൾ വരുമാനം ലഭിക്കുന്നുണ്ടെങ്കിലും കക്കയം ടൂറിസം പദ്ധതി മുരടിപ്പിന്‍റെ പടുകുഴിയിലാണെന്ന് കക്കയം ടൂറിസം വികസന സമിതി. ടൂറിസം പദ്ധതിയുടെ ആരംഭകാലത്തുണ്ടായിരുന്ന സൗകര്യങ്ങൾ ഓരോന്നായി നശിച്ചതോടെ സന്ദർശകരുടെ ആസ്വാദനത്തിനും മങ്ങലേറ്റു. വനംവകുപ്പിന്‍റെ അധീനതയിലുള്ള ഉരക്കുഴി ഇക്കോ ടൂറിസം കേന്ദ്രത്തിൽ സന്ദർശകർക്കായി ഒരുക്കിയിരുന്ന തൂക്കുപാലം തകർന്നിട്ട് വർഷങ്ങൾ പിന്നിട്ടെങ്കിലും പുനർനിർമ്മാണം നടത്തിയിട്ടില്ല. ഇവിടുത്തെ നടപ്പാത പൊട്ടിപ്പൊളിഞ്ഞു. മേഖലയിൽ ഇരിപ്പടങ്ങളില്ല, പൂന്തോട്ടങ്ങൾ നശിച്ചു, കൂടാതെ ഡാമിൽ നടത്തിയിരുന്ന ബോട്ടിംഗ് സർവീസും ഇപ്പോൾ കട്ടപ്പുറത്താണുള്ളത്. വനംവകുപ്പിന്‍റെയും, കെഎസ്ഇബിയുടെയും കീഴിലുള്ള രണ്ട് പദ്ധതികളും നാശത്തിന്‍റെ വക്കിലാണ്. രണ്ടു പദ്ധതികളിലായി ഏകദേശം മുപ്പതോളം ഗൈഡുമാരുടെ ജീവിതം ദുരിതപൂർണമാണ്. വൈദ്യുതി ബോർഡിന്‍റെ പുതിയ പ്രഖ്യാപന പ്രകാരം പഴയ കെട്ടിടങ്ങൾ അറ്റകുറ്റപ്പണികൾ നടത്തി ടൂറിസ്റ്റുകൾക്ക് നൽകാൻ തയാറാകണം. അതിനായി നിരവധി കെട്ടിടങ്ങൾ നിലവിലുണ്ട്. കക്കയത്തും കക്കയം ഡാം മേഖലയിലും ആവശ്യമായ സുരക്ഷാ സംവിധാനങ്ങൾ ഏർപ്പെടുത്തണമെന്നും വികസന സമിതി ആവശ്യപ്പെട്ടു. കെഎസ്ആർടിസി വയനാട്ടിലും മറ്റും നടപ്പാക്കിയ പോലെ ആവശ്യമായ സുരക്ഷാ സംവിധാനം ഒരുക്കിക്കൊണ്ട് ബസുകളിൽ താമസം ഏർപ്പെടുത്താൻ കഴിയും. ഇവയെല്ലാം പരിഗണിച്ച് കക്കയത്ത് ടൂറിസ്റ്റ് വികസനത്തിന് ആവശ്യമായ ശ്രദ്ധ ചൊലുത്തുവാൻ ബന്ധപ്പെട്ട വകുപ്പുകൾ ഉടൻ തയാറാകണമെന്നും ടൂറിസം വികസന സമിതി ആവശ്യപ്പെട്ടു. പ്രസിഡന്‍റ ആൻഡ്രൂസ് കട്ടിക്കാന അധ്യക്ഷത വഹിച്ചു. വാർഡ് മെമ്പർ ഡാർലി ഏബ്രഹാം, സലോമി തോമസ്, ഷമീർ പിച്ചൻ, ചാക്കോ വല്ലയിൽ, ഷൈജ കാരിവേലി എന്നിവർ പ്രസംഗിച്ചു.

റോഡിൽ സീബ്രാ ലൈനില്ല,നിയന്ത്രിക്കാൻ പോലീസുമില്ല

കൂരാച്ചുണ്ടിൽ യാത്രാ ദുരിതം ; വിദ്യാർഥികൾ വലയുന്നു കൂരാച്ചുണ്ട്: കൂരാച്ചുണ്ട് മേലെ അങ്ങാടിയിലെ റോഡിൽ സീബ്രാ ലൈനില്ലാത്തത് യാത്രക്കാ‌ർക്ക് പ്രതിസന്ധിയാവുന്നു. മേലെ അങ്ങാടിയിൽ റോഡ് മുറിച്ച് കടക്കുന്ന ഭാഗത്ത് സീബ്രാ ലൈൻ ഉണ്ടായിരുന്നു. ഇപ്പോൾ പൂർണമായും മാഞ്ഞ് അപ്രത്യക്ഷമായതോടെയാണ് വിദ്യാർഥികൾ ഉൾപ്പടെ പ്രയാസത്തിലായി. നേരത്തെ ഇവിടെ സ്കൂൾ വിടുന്ന സമയങ്ങളിൽ വാഹനങ്ങളെ നിയന്ത്രിക്കാന്‍ പോലീസിനെ ഡ്യൂട്ടിക്ക് ഇടുന്ന സംവിധാനവുമുണ്ടായിരുന്നു. എന്നാൽ ഇപ്പോൾ പോലീസും ഇവിടെ ഇല്ലാതായതോടെ ചെറിയ കുട്ടികൾ അടക്കമുള്ള വിദ്യാർഥികൾ ഭയത്തോടെയും ബുദ്ധിമുട്ടിയുമാണ് റോഡ് മുറിച്ച് കടക്കുന്നത്. വാഹനങ്ങളെല്ലാം വേഗതയിൽ കടന്നു പോകുന്നത് ഭീഷണിയായി മാറിയിട്ടുണ്ട്. സീബ്രാ ലൈൻ മാഞ്ഞുപോയത് വീണ്ടും പുനസ്ഥാപിക്കാൻ ബാലുശേരി പിഡബ്ല്യൂഡി അധികൃതർക്ക് സിപിഐ കൂരാച്ചുണ്ട് ബ്രാഞ്ച് കമ്മിറ്റി പരാതി നൽകിയിരുന്നെങ്കിലും ഇതുവരെയും നടപടി ഉണ്ടായിട്ടില്ല. വിദ്യാർഥികളും യാത്രക്കാരും റോഡ് മുറിച്ച് കടക്കുന്ന ഭാഗങ്ങളിൽ സീബ്രാ ലൈൻ സ്ഥാപിക്കാനും സ്ഥിരമായി പോലീസ് സംവിധാനം ഏർപ്പെടുത്താനും നടപടി സ്വീകരിക്കണമെന്ന് സിപിഐ കൂരാച്ചുണ്ട് ബ്രാഞ്ച് കമ്മിറ്റി അധികൃതരോട് ആവശ്യപ്പെട്ടു. ടി.കെ. ശിവദാസൻ അധ്യക്ഷത വഹിച്ചു. എ.കെ. പ്രേമൻ, കെ.എം. പീറ്റർ, വിനു മ്ലാക്കുഴിയിൽ,പി.ടി. തോമസ്, ഗോപിനാഥൻ, പ്രവീൺ എന്നിവർ പ്രസംഗിച്ചു.

മാനാഞ്ചിറ സ്‌ക്വയറിലെ വെള്ളക്കെട്ട്പരിഹരിക്കാനുള്ള നടപടി തുടങ്ങി

ഓവുചാലിന്‍റെ ആഴം കൂട്ടും കോഴിക്കോട്: നഗരത്തിലെ പ്രധാന േകന്ദ്രമായ മാനാഞ്ചിറ സ്‌ക്വയറിലെ വെള്ളക്കെട്ടിനു പരിഹാരമാകുന്നു.പ്രശ്‌നം പരിഹരിക്കുന്നതിനു നടപടി തുടങ്ങി. മാനാഞ്ചിറ സെന്‍ട്രല്‍ ലൈബ്രറിക്ക് മുന്നിലും എസ്‌കെ പ്രതിമയ്ക്കു സമീപവുമാണ് ദുരിതം വിതച്ച് വെള്ളക്കെട്ട് ഉള്ളത്. നിരവധി യാത്രികര്‍ക്ക് അപകടം ഉണ്ടായതിന് ശേഷമണ് അറ്റകുറ്റപ്പണി ആരംഭിച്ചത്. കോര്‍പറേഷന്‍ 50 ലക്ഷം വ കയിരുത്തിയാണ് റോഡ് ഉയര്‍ത്തിയും ഓവുചാല്‍ ആഴം കൂട്ടിയും വെള്ളക്കെട്ടിന് പരിഹാരം കാണാന്‍ ശ്രമിക്കുന്നത്. സ്ലാബിന് മുകളില്‍ ടൈല്‍ പാകിയ ഓവുചാലില്‍ ചളിയും മാ ലിന്യങ്ങളും അടിഞ്ഞുകൂടി ഒഴുക്ക് നഷ്ടപ്പെട്ടതും ഓവുചാലിനെ ക്കാള്‍ താഴ്ന്നുള്ള റോഡിന്‍റെ കിടപ്പുമാണ് വെള്ളക്കെട്ടിന് കാരണ മായത്.ഇതിനു പരിഹാരമായാണ് സ്റ്റാബുകള്‍ നീക്കി ഓവുചാലിന്‍റെ ആഴം കൂട്ടുന്നത്. ഇതിനുശേഷം ഓവുചാലിന്‍റെ നിരപ്പിന് സമാനമാ യി റോഡ് ഉയര്‍ത്തി ഇന്‍റര്‍ലോക്ക് പാകും. മൊയ്തീന്‍ പള്ളിമുതല്‍ സ്‌പോട്‌സ് കൗണ്‍സല്‍ ഓഫീസിന്‍റെ ഭാഗംവരെയാണ് അറ്റകുറ്റപ്പണികള്‍ നടത്തുക. നിലവില്‍ ഓവുചാലിലെ വെള്ളം ഒരുഭാഗം കമീഷണര്‍ ഓഫിസിന് സമീപത്തുകൂടെ പാളയം ഭാഗത്തേക്കും ഒരു ഭാഗം മാനാഞ്ചിറ ഗ്രൗണ്ടിന് നടുവിലൂടെ ബിഇഎം സ്‌കൂള്‍ ഭാഗത്തുകൂടെ ബീച്ചിലേക്കുമാണ് ഒഴുകുന്നത്. നവീകരണത്തിന് മൂന്നാഴ്ചയോളം വേണ്ടി വരുമെന്നാണ് പ്രതീക്ഷിക്കുന്നത്. റോഡ് പണി ആരംഭിച്ചാല്‍ കണ്ണൂര്‍ റോഡിലേക്കുള്ള ഗതാഗതം നി യന്ത്രിക്കും. റോഡ് ഉയര്‍ത്തുന്നതിനാണ് തുക വകയിരുത്തിയ തെങ്കിലും ഓവുചാലിന്‍റെ അറ്റ കുറ്റപ്പണികള്‍ക്കുള്ള തുകയും വ കയിരുത്തുമെന്ന് കോര്‍പറേഷന്‍ കൗണ്‍സിലര്‍ എസ്.കെ. അബൂബക്കര്‍ പറഞ്ഞു.

പത്രവിതരണക്കാരനെ വാഹനം ഇടിച്ചു തെറിപ്പിച്ചു

പേരാമ്പ്ര: കുറ്റ്യാടി- പേരാമ്പ്ര സംസ്ഥാനപാതയില്‍ പത്ര വിതരണക്കാരനെ ഇടിച്ച് തെറിപ്പിച്ച് വാഹനം നിര്‍ത്താതെ പോയി. പാറക്കടവ് സ്വദേശിയായ തയ്യില്‍ കുഞ്ഞികൃഷ്ണനെ (65) യാണ് ഇടിച്ച് തെറിപ്പിച്ചു വാഹനം നിര്‍ത്താതെ പോയത്. പാലേരി പാറക്കടവ് അരിയന്താരി ക്ഷേത്ര ബസ് സ്റ്റോപ്പിന് സമീപത്താണ് സംഭവം. ഇന്നലെ പുലര്‍ച്ചെ അഞ്ചിന് പത്ര വിതരണത്തിനായി പോവുന്നതിനിടയിലാണ് വാഹനം ഇടിച്ചത്. ഗുരുതരമായി പരിക്കേറ്റ ഇയാളെ കോഴിക്കോട് മെഡിക്കല്‍ കോളജ് ആശുപത്രിയിൽ പ്രവേശി പ്പിച്ചു.

സംസ്ഥാന പാതയിൽ വീണ്ടും അപകടം : കാറും ഓട്ടോയും കൂട്ടിയിടിച്ച് രണ്ടുപേർക്ക് പരിക്ക്

മുക്കം: എടവണ്ണ- കൊയിലാണ്ടി സംസ്ഥാന പാതയിലെ അപകടങ്ങൾക്ക് അറുതിയാവുന്നില്ല. ചൊവ്വാഴ്ച മുത്തേരി കപ്പുമല വളവിലുണ്ടായ വാഹനാപകടത്തിൽ രണ്ട് പേർക്ക് പരിക്കേറ്റു. കാറും ഓട്ടോറിക്ഷയും കൂട്ടി ഇടിച്ചാണ് അപകടമുണ്ടായത്. കാറിൽ യാത്ര ചെയ്ത സ്ത്രീക്കും ഓട്ടോ ഡ്രൈവർക്കുമാണ് പരിക്ക്. പരിക്കേറ്റ സ്ത്രീയെ ഓമശേരിയിലെ സ്വകാര്യ ആശുപത്രിയിലും കാലിന് പരിക്കേറ്റ ഓട്ടോ ഡ്രൈവർ മുക്കം പൂളപ്പൊയിൽ സ്വദേശി ചെട്ടിയാം ചാലിൽ അബ്ദുറഹിമാനെ മുക്കത്തെ സ്വകാര്യ മെഡിക്കൽ കോളജിലും പ്രവേശിപ്പിച്ചു. അപകടത്തിൽ കാറിന്‍റെയും ഓട്ടോറിക്ഷയുടെയും മുൻഭാഗം പൂർണമായും തകർന്നിട്ടുണ്ട്. ഇവിടെ നേരത്തെയും നിരവധി അപകടങ്ങൾ നടന്നിട്ടുള്ളതായി നാട്ടുകാർ പറഞ്ഞു. സംസ്ഥാന പാതയിൽ കഴിഞ്ഞ രണ്ട് ആഴ്ചക്കിടെ മാത്രം ചെറുതും വലുതുമായ പത്തോളം അപകടങ്ങളാണ് നടന്നത്. റോഡിന്‍റെ അശാസ്ത്രീയ നിർമാണമാണ് അപകടങ്ങൾക്ക് കാരണമെന്നാണ് ആക്ഷേപം.

സ്‌കൂട്ടര്‍ യാത്രക്കാരനെ ഇടിച്ചുതെറിപ്പിച്ച് കടന്നുകളഞ്ഞ ബൈക്ക് പിടികൂടി

കോഴിക്കോട്: ബാലുശേരി കോക്കല്ലൂർ - മുത്തപ്പൻ തോടില്‍ സ്‌കൂട്ടര്‍ യാത്രക്കാരനെ ഇടിച്ചുതെറിപ്പിച്ച് കടന്നുകളഞ്ഞ ബൈക്ക് യാത്രക്കാരനായ ഒമ്പതുവയസുകാരനായ വിദ്യാര്‍ഥി പിടിയില്‍. വിദ്യാര്‍ഥിക്കെതിരേ തുടര്‍ നടപടി സ്വീകരിക്കുമെന്ന് ബാലുശേരി പോലീസ് അറിയിച്ചു. വിദ്യാര്‍ഥിയുടെ പിതാവിന്‍റെ പേരിലാണ് ബൈക്ക്. ഇദ്ദേഹത്തെിനെതിരേയും കേസ് എടുക്കും. അപകടം വരുത്തിയ ഗ്ലാമർ ബൈക്ക് പോലീസ് കസ്റ്റഡിയില്‍ എടുത്തിട്ടുണ്ട്. ഈ മാസം 17-ന് വൈകുന്നേരമാണ് അപകടമുണ്ടായത്. വിദ്യാര്‍ഥിക്കൊപ്പം സഹപാഠിയും ബൈക്കില്‍ സഞ്ചരിച്ചിരുന്നു. തെറ്റായ സൈഡിലൂടെ എത്തിയ ഇവരുടെ ബൈക്ക് തൊട്ടെതിരേ വരികയായിരുന്ന സ്‌കൂട്ടറിനെ ഇടിച്ചുതെറിപ്പിക്കുകയായിരുന്നു. നിയന്ത്രണംവിട്ട ബൈക്ക് തൊട്ടുമുന്നിലുണ്ടായിരുന്ന ഇലക്ട്രിക് പോസ്റ്റിലിടിക്കാതെ ഭാഗ്യം കൊണ്ടാണ് രക്ഷപ്പെട്ടത്.അപകടം വരുത്തിയശേഷം അവിടെ നില്‍ക്കാതെ ബൈക്കില്‍ രക്ഷപ്പെടുകയായിരുന്നു. അപകടസമയത്ത് ശക്തമായ മഴയുണ്ടായിരുന്നു. അപകടത്തിന്‍റെ സിസിടിവി ദൃശ്യങ്ങള്‍ പരിേശാധിച്ച് പോലീസ് നടത്തിയ അന്വേഷണത്തിലാണ് ബൈക്കും അത് ഓടിച്ചയാളെയും മനസിലായത്. പിതാവ് അറിയാതെയാണ് കുട്ടി ബൈക്ക് ഉപയോഗിച്ചതെന്നാണ് പോലീസ് നല്‍കുന്ന സൂചന.

സ്കൂട്ടർ മോഷ്ടാവ് പിടിയിൽ

കോഴിക്കോട്: കുന്നമംഗലത്ത്നിന്നും സ്കൂട്ടർ മോഷ്ടിച്ച ആന്ധ്രാപ്രദേശ് സ്വദേശി മണിക്കൂറുകൾക്കുള്ളിൽ പിടിയിൽ. കല്ലുരു ഒബ്ലേസു (40 ) വിനെയാണ് കുന്നമംഗലം പോലീസ് അറസ്റ്റ് ചെയ്തത്. 30ന് രാത്രി കുന്നമംഗലം സംഗമം ഹോട്ടലിന് മുൻവശം ചാവിയോടെ നിർത്തിയിട്ടിരുന്ന വെള്ളന്നൂർ സ്വദേശിയായ അരുണിന്‍റെ പേരിലുള്ള സ്കൂട്ടർ പ്രതി മോഷ്ടിച്ചു കൊണ്ടു പോകുകയായിരുന്നു. തുടർന്ന് കുന്നമംഗലം പോലീസ് കേസ് രജിസ്റ്റർ ചെയ്ത് അന്വേഷണം നടത്തുകയും സമീപപ്രദേശങ്ങളിലെ സിസിടിവി ദൃശ്യങ്ങൾ പരിശോധിച്ച് പ്രതിയെ പിടികൂടുയുമായിരുന്നു. പ്രതിയെ അടിവാരത്ത് വച്ച് മോഷ്ടിച്ച സ്കൂട്ടറുമായി കസ്റ്റഡിയിൽ എടുത്തു. പ്രതി കുന്നമംഗലം ഐഐഎമ്മിൽ കാന്‍റീൻ ഡ്രൈവറായി ജോലിചെയ്യുകയായിരുന്നു.

കംപ്യൂട്ടർ സയന്‍സിനോട് താത്പര്യം, മൂന്നാം റാങ്കിന്‍റെ മധുരത്തില്‍ അക്ഷയ് ബിജു

കോഴിക്കോട്: കീം പരീക്ഷയിൽ എന്‍ജിനിയറിംഗ് വിഭാഗത്തിൽ മൂന്നാം റാങ്ക് കരസ്ഥമാക്കിയതിന്‍റെ സന്തോഷത്തിലാണ് കോഴിക്കോട് കാക്കൂർ സ്വദേശി അക്ഷയ് ബിജു. ജെഇഇ മെയിൻ പരീക്ഷയിൽ കേരളത്തിൽ ഒന്നാമനായ അക്ഷയ് ബിജുവിന്‍റെ (98 റാങ്ക് )കഠിനാധ്വാനത്തിന് ഇരട്ടി മധുരം നൽകുന്നതാണ് ഈ നേട്ടം. കാൺപൂർ ഐഐടിയിൽ കംപ്യൂട്ടർ സയൻസിന് ചേരണമെന്നാണ് ആഗ്രഹം. ആറാം ക്ലാസ് മുതൽ ഐഐടി പ്രവേശനം ലക്ഷ്യമിട്ടു പരിശീലനത്തിനു പോയിരുന്നു. സ്കൂള്‍ ദിവസങ്ങളിൽ ഏഴു മണിക്കൂറോളം വീട്ടിൽ ഇരുന്ന് പഠിക്കാൻ അക്ഷയ് സമയം കണ്ടെത്തിയിരുന്നു. പുലർച്ചെ 4.30 മുതൽ സ്കൂളിലേക്ക് പോകും വരെയായിരുന്നു പഠനം. സ്കൂൾ വിട്ടുവന്ന ശേഷം വൈകിട്ട് 6.30 മുതൽ രാത്രി 10 വരെ പഠിക്കും. സ്കൂൾ ഇല്ലാത്ത ദിവസങ്ങളിൽ 13 മണിക്കൂറായിരുന്നു പഠനം. കോഴിക്കോട് മാനാഞ്ചിറ അഡീഷണൽ സബ് ട്രഷറി ജൂണിയര്‍ സൂപ്രണ്ടായ എൻ.ബിജുവിന്‍റെയും ആലപ്പുഴയില്‍ ആയൂര്‍ വേദ ഡോക്ടറായ സി.കെ.നിഷയുടെയും മകനായ അക്ഷയ്‌ കോഴിക്കോട് മലാപ്പറമ്പ് വേദവ്യാസ വിദ്യാലയത്തിലാണ് പത്താം ക്ലാസ് പൂർത്തിയാക്കിയത്. തുടർന്ന് കോട്ടയം മാന്നാനം കുര്യാക്കോസ് ഏലിയാസ് ഇംഗ്ലീഷ് മീഡിയം സ്കൂളിൽ നിന്നും പ്ലസ് ടു പൂർത്തിയാക്കി. ചെറുപ്പം മുതലേ കൃത്യമായ ലക്ഷ്യമിട്ടായിരുന്നു മകന്‍റെ പഠനമെന്നാണ് രക്ഷിതാക്കൾ പറയുന്നത്. അതിന്‍റെ വിജയമാണ് മകൻ നേടിയതെന്നും ബിജുവും നിഷയും പറയുന്നു. പഠനത്തിനു പുറമെ ചിത്രരചനയും ചെസുമാണ് അക്ഷയ്ക്ക് ഇഷ്ടം. സേലം മെഡിക്കല്‍ കോളജിലെ എംബിബിഎസ് വിദ്യാര്‍ഥിനിയായ ബി.എന്‍. ഗോപിക ഏക സഹോദരിയാണ്.പിതാവ് ബിജു മുന്‍പ് ദീപിക ദിനപത്രത്തില്‍ കണ്ണൂര്‍ യൂണിറ്റില്‍ ടെക്‌നിക്കല്‍ സ്റ്റാഫായി ജോലി ചെയ്തിരുന്നു.

മെഡിക്കല്‍ കോളജിലെ കുടിശിക :ചികിത്സാ ഉപകരണ വിതരണക്കാരുടെ നിര്‍ണായകയോഗം 10ന്

കോഴിക്കോട്: തിരുവനന്തപുരം മെഡിക്കല്‍ കോളജിലെ ശസ്ത്രക്രിയ മാറ്റിവയ്ക്കല്‍ വിവാദം ആരോഗ്യ വകുപ്പിനെ പ്രതിസന്ധിയിലാക്കിയിരിക്കേ കോഴിക്കോട് മെഡിക്കല്‍ കോളജും സമാന അവസ്ഥയിലേക്ക്. മെഡിക്കല്‍ കോളജിലേക്കുള്ള സ്‌റ്റെന്‍ഡ്, വാൽവ്, പേസ് മേക്കർ വിതരണം പ്രതിസന്ധിയിലേക്ക് നീങ്ങുകയാണ്. ഹൃദയ ചികിത്സയ്ക്കായി കാർഡിയോളജി, ഇന്‍റർവെൻഷനൽ റേഡിയോളജി വിഭാഗത്തിലേക്കുള്ള സ്‌റ്റെന്‍റ്, വാൽവ്, പേസ് മേക്കർ, ബലൂൺ, കത്തീറ്റർ വയർ, ഗൈഡ് വയർ തുടങ്ങിയ ഉപകരണങ്ങൾ നൽകിയ വകയിൽ കോഴിക്കോട് മെഡിക്കൽ കോളജിൽനിന്ന് മാത്രം 30 കോടിയിലേറെ കുടിശികയുണ്ടെന്ന് സ്‌റ്റെന്‍റ്, വാൽവ് വിതരണക്കാരുടെ സംഘടനയായ ചേംബർ ഓഫ് ഡിസ്ട്രിബ്യൂട്ടേഴ്‌സ് ഓഫ് മെഡിക്കൽ ഇംപ്ലാന്‍റ്സ് ആൻഡ് ഡിസ്‌പോസബിൾസ് ഭാരവാഹികൾ പറയുന്നു. 10ന് സ്‌റ്റെന്‍റ് വിതരണ സംഘടനയുടെ സംസ്ഥാന പ്രവർത്തകസമിതി യോഗം നടക്കും. ഈ യോഗത്തിൽ വിതരണം നിർത്തുന്നത് സംബന്ധിച്ച് അന്തിമ തീരുമാനമെടുക്കുമെന്ന് ഭാരവാഹികൾ പറഞ്ഞു. അതേസമയം ഇതുവരെ ആരോഗ്യ വകുപ്പ് വിഷയത്തില്‍ ഇടപെട്ടിട്ടില്ല. ആശുപത്രിയിലേക്കുള്ള മരുന്ന്, സർജിക്കൽ ഉപകരണങ്ങൾ വിതരണം ചെയ്ത വകയിൽ കോടികൾ കുടിശികയെന്നു വിതരണക്കാർ. മരുന്നു വിതരണക്കാർക്കു 65 കോടിയോളം രൂപയും ഉപകരണങ്ങൾ വിതരണം ചെയ്തതിൽ 30 കോടിയോളം രൂപയുമാണു കുടിശിക. ഒരു മാസം ഏകദേശം മൂന്ന്കോടിയാണ് കുടിശിക. ആരോഗ്യ മന്ത്രി അനാരോഗ്യമന്ത്രിയായി മാറി: ഷാഫി പറമ്പില്‍ എംപി കോഴിക്കോട്: എല്‍ഡിഎഫ് സര്‍ക്കാരിനെ ജനം അറബി കടലില്‍ താഴ്ത്തുമെന്നും സര്‍ക്കാരിന്‍റെ എക്‌സിറ്റ് ഓഡര്‍ ജനങ്ങള്‍ ഒപ്പിട്ടു കഴിഞ്ഞുവെന്നും കെപിസിസി വര്‍ക്കിംഗ് പ്രസിഡന്‍റ് ഷാഫി പറമ്പില്‍ എംപി. ശസ്ത്രക്രിയ ഉപകരണങ്ങളുടെയും മരുന്നിന്‍റെയും ക്ഷാമം മൂലം ഗവ.മെഡിക്കല്‍ കോളജ് നേരിടുന്ന ദുരവസ്ഥക്കെതിരേ കോളജിന് മുന്നില്‍ ജില്ല കോണ്‍ഗ്രസ് കമ്മിറ്റി സംഘടിപ്പിച്ച ധര്‍ണ ഉദ്ഘാടനം ചെയ്യുകയായിരുന്നു അദ്ദേഹം. കേരളത്തിലെ ആരോഗ്യ മന്ത്രി അനാരോഗ്യമന്ത്രിയായി മാറിയെന്നും കേരളത്തിലെ ആരോഗ്യവകുപ്പിനെ പിടികൂടിയിരിക്കുന്ന ഗുരുതരമായ രോഗമാണ് പിആര്‍ അഡിക്ഷനെന്നും ഷാഫി പറമ്പില്‍ വിമര്‍ശിച്ചു. ആ അസുഖം മാറുമെന്ന് തോന്നുന്നില്ല. കാരണം അതാണ് നിലനില്‍പ്പ് എന്നു കരുതുന്നയാളാണ് കേരളം ഭരിക്കുന്നത്. ആരോഗ്യമേഖലയില്‍ ഉണ്ടായ അടിസ്ഥാന വികസനം കേരളം കാലാകാലങ്ങളായി ഉണ്ടാക്കിയെടുത്തതാണ്. അതിനുമുകളിലുള്ള പിആര്‍ എക്‌സസൈസ് ആണ് കഴിഞ്ഞ ഒന്‍പത് വര്‍ഷമായി കേരളത്തിലെ ആരോഗ്യവകുപ്പ് ചെയ്തുകൊണ്ടിരിക്കുന്നത്. ആരോഗ്യമന്ത്രി ആ സ്ഥാനത്ത് തുടരാന്‍ യോഗ്യയല്ല. തീപിടിത്തത്തത്തുടര്‍ന്ന് അടച്ചിട്ട കോഴിക്കോട് മെഡിക്കല്‍ കോളജിലെ കാഷ്വാലിറ്റി ബ്ലോക്ക് ഇതുവരെ തുറക്കാത്തത് എന്തുകൊണ്ട് എന്നതിന് മറുപടിയില്ലെന്നും എംപി പറഞ്ഞു. കോളജിലെ കാഷ്വാലിറ്റി വിഷയത്തില്‍ കോണ്‍ഗ്രസ് പ്രതിഷേധവുമായി രംഗത്തുണ്ടാകുമെന്നും ഷാഫി പറമ്പില്‍ പറഞ്ഞു. ഡിസിസി പ്രസിഡന്‍റ് കെ. പ്രവീണ്‍കുമാര്‍ അധ്യക്ഷത വഹിച്ചു.

സോളാര്‍ ഫെന്‍സിംഗ് പദ്ധതി പാളി: കക്കയത്ത് വീണ്ടും ഭീഷണി വിതച്ച് കാട്ടുപോത്തുകള്‍

കൂരാച്ചുണ്ട്: കക്കയത്ത് ഭീഷണി വിതക്കുന്ന കാട്ടുപോത്ത് അടക്കമുള്ള വന്യജീവികളെ പ്രതിരോധിക്കാനായി വനംവകുപ്പ് ആരംഭിച്ച ഫെന്‍സിംഗ് പദ്ധതി പാതിവഴിയില്‍. കൂരാച്ചുണ്ട് പഞ്ചായത്ത് നാലാം വാര്‍ഡ് കക്കയം ഡാംസൈറ്റ് റോഡിലെ ജനവാസ കേന്ദ്രത്തില്‍ തുടര്‍ച്ചയായി കാട്ടുപോത്തിറങ്ങി ജനജീവിതത്തിനു ഭീഷണി സൃഷ്ടിച്ചതിനെ തുടര്‍ന്നായിരുന്നു വനാതിര്‍ത്തിയില്‍ 2.5 കിലോമീറ്റര്‍ ദൂരത്തില്‍ ഫെന്‍സിംഗ് സ്ഥാപിക്കല്‍ പ്രവൃത്തി കഴിഞ്ഞ മെയ് 21ന് ആരംഭിച്ചത്. ചുരുങ്ങിയ ദിവസം മാത്രമാണ് പ്രവൃത്തി നടന്നത്. ഫെന്‍സിംഗ് വനാതിര്‍ത്തിയില്‍ സ്ഥാപിക്കാനായിരുന്നു തീരുമാനം. പക്ഷെ ഫെന്‍സിംഗ് റോഡരികില്‍ സ്ഥാപിച്ചതോടെയാണ് പ്രശ്‌നമായത്. ഫെന്‍സിംഗ് സ്ഥാപിച്ച സ്ഥലം പൊതുമരാമത്ത് വക സ്ഥലത്തായതാണ് പ്രതിസന്ധിക്കിടയാക്കിയത്. ഫെന്‍സിംഗ് റോഡരികില്‍ സ്ഥാപിച്ചാല്‍ വാഹനങ്ങള്‍ കടന്നു പോകുന്നതിനു േറാഡിന് വീതി കുറയുമെന്ന ആക്ഷേപവും ഉയര്‍ന്നിരുന്നു. ഇപ്പോള്‍ ഒരു മാസത്തിലേറെയായി പ്രവൃത്തി മുടങ്ങിക്കിടക്കുകയാണ്. അതിനിടെ ഈ മേഖലയിലെ കൃഷിയിടങ്ങളില്‍ കാട്ടുപോത്തുകള്‍ വീണ്ടും പ്രത്യക്ഷപ്പെട്ടു തുടങ്ങി. കര്‍ഷകര്‍ ഏറെ ആശങ്കയിലാണ്. കൃഷിയിടത്തില്‍ ജോലി ചെയ്യാന്‍ ആളുകള്‍ ഭയപ്പെടുകയാണ്. അടുത്തിടെ ഡാം റോഡില്‍ യാത്ര ചെയ്തവര്‍ കാട്ടുപോത്ത് കൂട്ടത്തെ കണ്ടിരുന്നു. കക്കയത്ത് കാട്ടുപോത്ത് ആക്രമണത്തില്‍ കര്‍ഷകന്‍ കൊല്ലപ്പെട്ടതിനെ തുടര്‍ന്ന് നിരവധി സമരങ്ങള്‍ അരങ്ങേറി ഒരു വര്‍ഷം കഴിഞ്ഞാണ് വനം വകുപ്പ് വനാതിര്‍ത്തിയില്‍ ഫെന്‍സിംഗ് സ്ഥാപിക്കാനുള്ള നടപടികള്‍ ആരംഭിച്ചത്. ഭൂമി സംബന്ധമായ പ്രശ്‌നങ്ങള്‍ പരിഹരിച്ച് അടിയന്തരമായി വനഭൂമിയില്‍ തന്നെ സോളാര്‍ ഫെന്‍സിംഗ് സ്ഥാപിച്ച് എത്രയും വേഗം വന്യമൃഗ ഭീഷണിക്ക് പരിഹാരം കാണണമെന്നാണ് ആവശ്യം ഉയരുന്നത്. ജനങ്ങളുടെ ജീവന്‍ പന്താടരുത് കക്കയത്ത് കാട്ടുപോത്ത് ആക്രമണത്തില്‍ കര്‍ഷകന്‍ കൊല്ലപ്പെട്ടതിനു ശേഷം ഫെന്‍സിംഗ് നിര്‍മിക്കുമെന്ന് അധികൃതര്‍ നല്‍കിയ ഉറപ്പ് ഇതുവരെ പാലിക്കപ്പെട്ടിട്ടില്ല. കരാറുകാരന്‍ സാങ്കേതിക കാരണത്തിന്‍റെ പേരില്‍ പ്രവര്‍ത്തി ഇടയ്ക്ക് വച്ച് നിര്‍ത്തി പോവുകയാണുണ്ടായത്. ജനങ്ങളുടെ ജീവന്‍ വെച്ച് അധികാരികള്‍ പന്താടുകയാണ്. പൊതുവഴിയില്‍ നിന്നും വനാതിര്‍ത്തിയിലേക്ക് ഫെന്‍സിംഗ് മാറ്റി സ്ഥാപിക്കണമെങ്കില്‍ കേന്ദ്രത്തിന്‍റെ അംഗികാരം ഇനിയും വാങ്ങണമെന്നാണ് കക്കയത്തെ വനം ഉദ്യോഗസ്ഥരുടെ നിലപാട്. പേപ്പട്ടികളെയും വന്യമൃഗങ്ങളെയും സംരക്ഷിക്കാന്‍ ചിലവഴിക്കുന്ന കോടിക്കണക്കിന് രൂപയുടെ ചെറിയ ശതമാനമെങ്കിലും ജനങ്ങളുടെ ജീവനും സ്വത്തിനും സംരക്ഷിക്കാന്‍ വിനിയോഗിക്കണം. വന്യമൃഗങ്ങള്‍ കൃഷി നശിപ്പിക്കുന്നത് അര്‍ഹമായ നഷ്ടപരിഹാരവും നല്‍കണം. ജോണ്‍സണ്‍ കക്കയം. ( എകെസിസി രൂപതാ സെക്രട്ടറി) വനംവകുപ്പ് പരാജയം കക്കയത്ത് ജനവാസ കേന്ദ്രങ്ങളില്‍ കാട്ടുപോത്ത് അടക്കമുള്ള വന്യമൃഗങ്ങള്‍ ജനങ്ങള്‍ക്ക് കടുത്ത ഭീഷണി സൃഷ്ടിക്കുകയാണ്. ജനങ്ങളുടെ ജീവനും സ്വത്തിനും സംരക്ഷണം നല്‍കുന്നതില്‍ വനംവകുപ്പ് പരാജയപ്പെടുകയാണ്. സോളാര്‍ ഫെന്‍സിംഗ് പദ്ധതി എങ്ങുമെത്തിയില്ല. പ്രശ്‌നത്തിന് പരിഹാരം കാണാന്‍ ഇനിയും വൈകരുത്. ജോണ്‍ വേമ്പുവിള. (കക്കയത്തെ കര്‍ഷകന്‍)

മുത്തശ്ശിപ്പാറ ഇക്കോ ടൂറിസം പദ്ധതിയില്‍

കോഴിക്കോട്: പ്രകൃതിയിലേക്ക് വാതില്‍ തുറക്കുന്ന മുഖമാണ് കായണ്ണ ഗ്രാമപഞ്ചായത്തിലെ മുത്തശ്ശിപ്പാറക്ക്. ഇക്കോടൂറിസം പദ്ധതിയില്‍ ഉള്‍പ്പെടുത്തിയതോടെ മുഖം മിനുക്കലിനൊരുങ്ങുകയാണ് വിനോദ സഞ്ചാരികളുടെ ഇഷ്ട ഇടങ്ങളിലൊന്നായ മുത്തശ്ശിപ്പാറ. വനം വകുപ്പുമായി കായണ്ണ ഗ്രാമപഞ്ചായത്ത് അധികൃതര്‍ നടത്തിയ ചര്‍ച്ചയിലാണ് ഇക്കോ ടൂറിസം പദ്ധതിയില്‍ ഉള്‍പ്പെടുത്താന്‍ ധാരണയായത്. പാറയുടെ മുകളിലെത്തിയാല്‍ അറബിക്കടലും മലനിരകളും കാണാം. കൂടുതല്‍ ഹരിതഭംഗിയോടെ വയനാടിന്‍റെ വനപ്രദേശങ്ങളും വയലടയും ദൃശ്യമാകും. പയ്യോളി കടല്‍ തീരമാണ് മറുവശം. ശൈത്യകാലത്തെ കാഴ്ചകളാണ് കൂടുതല്‍ മനോഹരം. ടൂറിസം കേന്ദ്രത്തിന്‍റെ വികസനത്തിന് 10 ലക്ഷം രൂപയാണ് വനം വകുപ്പ് അനുവദിച്ചത്. ഇതുപയോഗിച്ച് നടപ്പാത, ഹാന്‍ഡ് റെയില്‍, ഇരിപ്പിടം തുടങ്ങിയവ നിര്‍മിക്കും. ടിക്കറ്റ് കൗണ്ടര്‍ സ്ഥാപിക്കുന്നതോടൊപ്പം മൂന്ന് ടൂറിസം ഗൈഡുകളെയും അനുവദിക്കും. കുടിവെള്ളം, ശുചിമുറി എന്നിവക്കായി കായണ്ണ ഗ്രാമപഞ്ചായത്ത് 10 ലക്ഷം രൂപയാണ് വകയിരുത്തിയത്. ഈ കേന്ദ്രത്തിലെത്തുന്ന 800 മീറ്റര്‍ റോഡ് വികസനത്തിന് 10 ലക്ഷവും നീക്കിവെച്ചു. സംരക്ഷണ വേലി, ഇരിപ്പിടം, സോളാര്‍ ലൈറ്റ്, പ്രവേശന കവാടം, ടിക്കറ്റ് കൗണ്ടര്‍ ശില്‍പം എന്നിവ വനം വകുപ്പ് ഒരുക്കും. റോഡ്, കുടിവെള്ളം, ടോയ്ലറ്റ്, വേസ്റ്റ് ബിന്‍ എന്നിവ പഞ്ചായത്തും നിര്‍മിക്കും. മുത്തശ്ശിപ്പാറയുടെ സമീപത്തെ ഗുഹയും ടൂറിസം സാധ്യത പരിശോധിച്ച് വികസിപ്പിക്കും. കുത്തനെയുള്ള പാറയിലൂടെ മുകളില്‍ കയറാന്‍ ട്രക്കിങ് സൗകര്യം ഒരുക്കും. നാടന്‍ ഭക്ഷണം നല്‍കുന്ന കഫറ്റീരിയ, ഹോം സ്റ്റേ തുടങ്ങിയ സൗകര്യങ്ങളും പൊതുജന പങ്കാളിത്തത്തോടെ നടപ്പാക്കുമെന്ന് കായണ്ണ ഗ്രാമപഞ്ചായത്ത് പ്രസിഡന്‍റ് സി.കെ. ശശി പറയുന്നു.

സരോവരം പാര്‍ക്ക് വികസന പ്രവൃത്തികള്‍ അന്തിമഘട്ടത്തില്‍

കോഴിക്കോട്: ജില്ലയിലെ പ്രധാന വിനോദസഞ്ചാര കേന്ദ്രങ്ങളിലൊന്നായ സരോവരം ബയോപാര്‍ക്ക് നവീകരണം അവസാനഘട്ടത്തില്‍. ജില്ലയിലെ മികച്ച വിനോദസഞ്ചാര കേന്ദ്രമായി പാര്‍ക്കിനെ മാറ്റുന്നതിന്റെ ഭാഗമായാണ് ടൂറിസം വകുപ്പ് വിവിധ പ്രവൃത്തികള്‍ നടത്തുന്നത്. നവീകരണത്തിന്‍റെ ഭാഗമായ ചുറ്റുമതില്‍ നിര്‍മാണവും കുട്ടികളുടെ പാര്‍ക്കിന്‍റെ പ്രവൃത്തികളും ഗ്രീന്‍ ഷെല്‍ട്ടറുകള്‍ മാറ്റിസ്ഥാപിക്കലും പുരോഗമിക്കുകയാണ്. കുട്ടികളുടെ കളിസ്ഥലത്ത് പുതിയ ഉപകരണങ്ങള്‍ സ്ഥാപിക്കും. പാര്‍ക്കിലെ പഴയ ബള്‍ബുകളും വിളക്കുകാലുകളും മാറ്റും. റെയിന്‍ ഷെല്‍ട്ടറുകളുടെ നവീകരണവും പഴയ ഓട് മാറ്റിസ്ഥാപിക്കലും പെയിന്‍റങ്, വെല്‍ഡിങ് പ്രവൃത്തികളുമാണ് പൂര്‍ത്തിയായത്. 40 സിസിടിവി കാമറകളും 30 വേസ്റ്റ് ബിന്നും പാര്‍ക്കിന്‍റെ വിവിധയിടങ്ങളിലായി ഉടന്‍ സജ്ജീകരിക്കും. ഓപണ്‍ എയര്‍ തിയറ്റര്‍, കല്ലുപാകിയ നടപ്പാത, മരംകൊണ്ടുള്ള ചെറുപാലങ്ങള്‍, സെക്യൂരിറ്റി ക്യാബിന്‍, കവാടം എന്നിവയെല്ലാം മനോഹരമാക്കും. തകര്‍ന്നതും തുരുമ്പെടുത്തതുമായ ഇരിപ്പിടങ്ങള്‍, അമിനിറ്റി സെന്‍റര്‍, കഫറ്റീരിയ, ടോയ്ലറ്റ് ബ്ലോക്ക് എന്നിവയും നവീകരിക്കും. 2024ലാണ് നവീകരണത്തിനായി 2.19 കോടിയുടെ പദ്ധതിക്ക് ഭരണാനുമതി ലഭിച്ചത്. ഓപണ്‍ ജിം, ബോട്ടിങ് സൗകര്യം, ചിത്രശലഭ പാര്‍ക്ക്, പക്ഷിസങ്കേതം, ബോര്‍ഡ്-വാക്ക് എന്നിവയും പാര്‍ക്കിലെ ആകര്‍ഷണങ്ങളാണ്.

ജീവനക്കാരുടെ സര്‍ക്കാര്‍ ക്ഷേമം അട്ടിമറിച്ചു: എന്‍ജിഒ അസോ.

താമരശേരി: സംസ്ഥാന ജീവനക്കാരുടെയും അധ്യാപകരുടെയും ശമ്പളപരിഷ്‌കരണവും ക്ഷാമബത്തയും സര്‍ക്കാര്‍ അട്ടിമറിച്ചിരിക്കുകയാണെന്ന് എന്‍ജിഒ അസോസിയേഷന്‍ ജില്ലാ പ്രസിഡന്‍റ് പ്രേംനാഥ് മംഗലശ്ശേരി പറഞ്ഞു. എന്‍ജിഒ അസോസിയേഷന്‍റെ നേതൃത്വത്തില്‍ താമരശേരി താലൂക്ക് ഓഫീസിന് മുന്‍പില്‍ നടത്തിയ പ്രതിഷേധ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം. ബ്രാഞ്ച് പ്രസിഡന്‍റ് പി.അരുണ്‍ അധ്യക്ഷനായി. സെറ്റോ ജില്ലാ ചെയര്‍മാന്‍ സിജു കെ. നായര്‍, കെ. അജിത് കുമാര്‍, കെ.ഫവാസ്, ബി.സി. സാജേഷ്, കെ.കെ. ഷൈജേഷ്, കെ. സുധീര, സി.ബിനീഷ് എന്നിവര്‍ പ്രസംഗിച്ചു. പ്രതിഷേധ പ്രകടനത്തിന് കെ. അബ്ദുള്‍ റഹീം, പി.വി. സന്ദീഷ്, പി. ഉണ്ണികണ്ണന്‍, ഷാബി പെരുവയല്‍ കെ.ആയിഷകുട്ടി, പി. ഷമീര്‍ എന്നിവര്‍ നേതൃത്വം നല്‍കി.

സ്‌കൂളുകളില്‍ പേവിഷ ബോധവത്ക്കരണ പരിപാടികള്‍ക്ക് തുടക്കം

കോഴിക്കോട്: പേവിഷബാധക്കെതിരെ ആരോഗ്യ വകുപ്പിന്‍റെയും വിദ്യാഭ്യാസ വകുപ്പിന്‍റെയും ആഭിമുഖ്യത്തില്‍ ജില്ലയിലെ സ്‌കൂളുകളില്‍ നടത്തുന്ന ബോധവത്കരണ പരിപാടികള്‍ക്ക് തുടക്കമായി. ആദ്യഘട്ടമായി സ്‌കൂള്‍ അസംബ്ലികളില്‍ ബോധവത്കരണ ക്ലാസ് സംഘടിപ്പിച്ചു. മൃഗങ്ങളുടെ കടിയോ മാന്തലോ പോറലോ ഏറ്റാല്‍ രോഗപ്രതിരോധത്തിന്റെ ഭാഗമായി നല്‍കേണ്ട പ്രഥമ ശുശ്രൂഷ, വാക്സിനേഷന്‍, മൃഗങ്ങളോട് ഇടപഴകുമ്പോള്‍ ശ്രദ്ധിക്കേണ്ട കാര്യങ്ങള്‍ എന്നിവയിലായിരുന്നു ക്ലാസ്. പരിപാടിയുടെ ജില്ലാതല ഉദ്ഘാടനം കോഴിക്കോട് പ്രൊവിഡന്‍സ് ഗേള്‍സ് ഹയര്‍സെക്കന്‍ഡറി സ്‌കൂളില്‍ ജില്ലാ മെഡിക്കല്‍ ഓഫീസര്‍ ഡോ.കെ.കെ.രാജാറാം നിര്‍വഹിച്ചു. പ്രധാനാധ്യാപിക സിസ്റ്റര്‍ എ.സി.മിനിഷ അധ്യക്ഷത വഹിച്ചു. ജില്ലാ എഡ്യൂക്കേഷന്‍ ആന്‍ഡ് മീഡിയ ഓഫീസര്‍ ഡോ. എല്‍. ഭവില പ്രതിജ്ഞ ചൊല്ലിക്കൊടുത്തു. ഡോ. കെ.ടി. മുഹ്സിന്‍, സി. ദിവ്യ, പിടിഎ പ്രസിഡന്‍റ് സജീവ് കുമാര്‍ തുടങ്ങിയവര്‍ സംസാരിച്ചു.

ക്രൈസ്തവ പീഡനത്തിനെതിരെ എകെസിസിയുടെ പ്രതിഷേധം

നെല്ലിപ്പൊയില്‍: നൈജീരിയയിലും സിറിയയിലും ക്രിസ്തുമതത്തില്‍പ്പെട്ടവരെ കൂട്ടക്കൊല ചെയ്തതിലും മധ്യപ്രദേശ് ഉള്‍പ്പെടെയുള്ള സംസ്ഥാനങ്ങളില്‍ നടക്കുന്ന ക്രിസ്തുമത വിശ്വാസികള്‍ക്കെതിരേയുള്ള പീഡനങ്ങളിലും പ്രതിഷേധിച്ച് കത്തോലിക്ക കോണ്‍ഗ്രസ് മഞ്ഞുവയല്‍ യൂണിറ്റ് പ്രകടനവും പൊതുയോഗവും സംഘടിപ്പിച്ചു. കത്തോലിക്ക കോണ്‍ഗ്രസ് കോടഞ്ചേരി ഫൊറോന പ്രസിഡന്‍റ് ജോസഫ് ആലവേലിയില്‍ യോഗം ഉദ്ഘാടനം ചെയ്തു. കത്തോലിക്ക കോണ്‍ഗ്രസ് രൂപത സോഷ്യല്‍ മീഡിയ കോ ഓര്‍ഡിനേറ്റര്‍ ജോസഫ് മൂത്തേടത്ത്, യൂത്ത്‌വിംഗ് രൂപതാ എക്‌സിക്യൂട്ടീവ് അംഗം ലൈജു അരീപ്പറമ്പില്‍, ഷിന്‍റോ കുന്നപ്പള്ളിയില്‍, ഡെല്ലീസ് കാരിക്കുഴിയില്‍, മാത്യു തേക്കുംകാട്ടില്‍, ബേബി ആലവേലിയില്‍, ബിനോയ് തുരുത്തിയില്‍, ചാക്കോ ഓരത്ത്, സണ്ണി വെള്ളക്കാക്കൂടിയില്‍ തുടങ്ങിയവര്‍ പ്രസംഗിച്ചു. കെ.എല്‍. ജോസഫ്, ജോയ് ഇല്യാരത്ത്, ബിജു പഞ്ഞിക്കാരന്‍, അനൂപ് മുണ്ടിയാങ്കല്‍, ഷാരോണ്‍ പേണ്ടാനത്ത്, ആല്‍ബിന്‍ മൈലക്കല്‍, മിനി ഊന്നുകല്ലേല്‍, ജോസഫ് തൂങ്കുഴിയില്‍, തങ്കച്ചന്‍ കുന്നത്തേട്ട് എന്നിവര്‍ നേതൃത്വം നല്‍കി.

ഹോട്ടലില്‍ കയറി തൊഴിലാളിയെ മര്‍ദിച്ചു

കൂടരഞ്ഞി: ലഹരിക്ക് അടിമയായ നേപ്പാള്‍ സ്വദേശിയായ യുവാവ് കൂടെ ജോലി ചെയ്തിരുന്ന വെസ്റ്റ് ബംഗാള്‍ സ്വദേശിയായ ജീവനക്കാരനെ ഹോട്ടലില്‍ കയറി മര്‍ദിച്ചു. ലഹരി ഉപയോഗം കാരണം ഹോട്ടല്‍ ജോലിയില്‍ നിന്നും പുറത്താക്കിയ വൈരാഗ്യത്തെ തുടര്‍ന്ന് കമല്‍ എന്ന യുവാവാണ് ഹോട്ടലില്‍ കയറി സന്ദീപിനെ ആക്രമിച്ചത്. കൂടരഞ്ഞിയിലെ വിജയ് ഹോട്ടലില്‍ ഇന്നലെ രാത്രി പത്തുമണിയോടെയാണ് സംഭവം. നാലു ദിവസം മാത്രമാണ് നേപ്പാള്‍ സ്വദേശിയായ കമല്‍ ഹോട്ടലില്‍ ജോലിക്ക് നിന്നത്. യുവാവ് ലഹരിക്കടിമയാണെന്നു മനസിലാക്കിയ ഉടമ ഇയാളെ പറഞ്ഞു വിടുകയായിരുന്നു. തുടര്‍ന്ന് രാത്രിയില്‍ ഹോട്ടലില്‍ എത്തിയ യുവാവ് അവിടെ ജോലി ചെയ്തിരുന്ന സന്ദീപിനെ പുറത്തേക്ക് വിളിച്ച് മര്‍ദ്ദിച്ചു. കൈയ്ക്കും മുഖത്തും പരിക്കേറ്റ സന്ദീപിനെ ആശുപത്രിയില്‍ പ്രവേശിപ്പിച്ചു. ഹോട്ടല്‍ അധികൃതര്‍ തിരുവമ്പാടി പോലീസ് സ്റ്റേഷനില്‍ പരാതിയും മര്‍ദനത്തിന്‍റെ സിസിടിവി ദൃശ്യങ്ങളും നല്‍കി. പ്രതിക്ക് വേണ്ടി പോലീസ് അന്വേഷണം ആരംഭിച്ചു.

മണ്ണിടിച്ചില്‍ ദുരന്തം: പ്രതിഷേധ ധര്‍ണ്ണ നടത്തി

കോഴിക്കോട്: ബൈപ്പാസില്‍ നെല്ലിക്കോട് നിര്‍മ്മിക്കുന്ന ബഹുനില കെട്ടിടത്തിന്‍റെ ചുറ്റുമതില്‍ ഇടിഞ്ഞ് വീണ് ബംഗാള്‍ സ്വദേശിയായ തൊഴിലാളി മരിക്കാന്‍ ഇടയായ സംഭവത്തില്‍ സ്ഥാപന ഉടമക്കെതിരെ കൊലക്കുറ്റത്തിന് കേസ് എടുക്കണമെന്ന് ആവിശ്യപ്പെട്ട് നടക്കാവ് വണ്ടിപെട്ടയില്‍ ബിള്‍ഡേഴ്‌സ് ഓഫിസിന് മുന്‍പില്‍ പ്രതിഷേധ ധര്‍ണ്ണ സംഘടിപ്പിച്ചു. നവ ജനശക്തി കോണ്‍ഗ്രസ്സ് ദേശീയ പ്രസിഡന്‍റ് മനോജ് ശങ്കരനെല്ലൂര്‍ ഉദ്ഘാടനം ചെയ്തു. ജില്ലാ പ്രസിഡന്‍റ് ഗണേഷ് ബാബു പാലത്ത് അധ്യക്ഷത വഹിച്ചു. നബില്‍ അഹമ്മദ്, ടി.കെ.രവീന്ദ്രന്‍, ബാലകൃഷ്ണ കുറുപ്പ്, ഇര്‍ഷാദ് മീഞ്ചന്ത, ഉമ്മര്‍ മേത്തോട്ടത്താഴം, പത്മാവതി കുറ്റിക്കാട്ടൂര്‍, സജി പൂക്കാട്, രാമകൃഷ്ണന്‍ ചീക്കിലോട് തുടങ്ങിയവര്‍ പങ്കെടുത്തു

കൃഷിനാശ നഷ്ടപരിഹാര തുക വര്‍ധിപ്പിക്കണം: കര്‍ഷക സംഘം

കൂടരഞ്ഞി: വന്യമൃഗശല്യം, പ്രകൃതി ക്ഷോഭം എന്നിവ മൂലം നശിക്കുന്ന കൃഷിക്കും വിളകള്‍ക്കും നല്‍കുന്ന നഷ്ടപരിഹാരം കാലാനുസൃതമായി വര്‍ധിപ്പിക്കണമെന്ന് കര്‍ഷകസംഘം കൂടരഞ്ഞി മേഖല സമ്മേളനം ആവശ്യപ്പെട്ടു. കേന്ദ്ര വനം- വന്യജീവി സംരക്ഷണ നിയമം ഭേദഗതി ചെയ്യാന്‍ ശക്തമായ പ്രക്ഷോഭത്തിന് കര്‍ഷകസംഘം നേതൃത്വം നല്‍കും. മലയോര മേഖലയില്‍ തെങ്ങുകള്‍ക്ക് മഞ്ഞളിപ്പ് രോഗം ബാധിക്കുന്ന വിഷയം കൃഷി വകുപ്പ് പരിശോധനക്ക് വിധേയമാക്കണമെന്നും സമ്മേളനം ആവശ്യപ്പെട്ടു. ജില്ലാ കമ്മിറ്റിയംഗം ലിന്‍റോ ജോസഫ് എംഎല്‍എ ഉദ്ഘാടനം ചെയ്തു. ജിജി കട്ടക്കയം അധ്യക്ഷത വഹിച്ചു.കെ.എം. മോഹനന്‍,സി.എന്‍. പുരുഷോത്തമന്‍, തിരുവമ്പാടി കൃഷിഭവന്‍ ഓഫീസര്‍ ഫൈസല്‍, ജെറീന റോയി, കെ.എം.പ്രണുപ്, സെബാസ്റ്റ്യന്‍ പുളിക്കകണ്ടം എന്നിവര്‍ സംസാരിച്ചു. ഭാരവാഹികള്‍: ജിജി കട്ടക്കയം(പ്രസിഡന്‍റ്),കെ.എം. മോഹനന്‍ (സെക്രട്ടറി).

ചരക്കുലോറികള്‍ വഴിയില്‍ കുടുങ്ങി: വടകരയില്‍ ബസ് സര്‍വീസ് നിര്‍ത്തിവച്ചു

വടകര: ദേശീയപാതയില്‍ ചരക്കുലോറികള്‍ വഴിയില്‍ കുടുങ്ങിയതോടെ രൂക്ഷമായ ഗതാഗത കുരുക്ക്. കൈനാട്ടിക്കും ചോറോട് ഗേറ്റിനുമിടയിലാണ് ലോറികള്‍ അകപ്പെട്ടത്. ലോറികള്‍ നിശ്ചലമായതോടെ ഗതാഗത കുരുക്ക് മുര്‍ച്ഛിച്ചു. രാവിലെ ആറു മണിക്ക് തുടങ്ങിയ കുരുക്ക് മണിക്കൂറുകള്‍ പിന്നിട്ട ശേഷമാണ് സാധാരണ നിലയിലായത്. പാലത്തിന്‍റെ പണി നടക്കുന്നിടത്ത് റോഡിന്‍റെ ശോചനീയാവസ്ഥ കാരണം ഒരു ലോറിയാണ് ആദ്യം കുടുങ്ങിയത്. ഇതിന് തൊട്ടടുത്ത് തന്നെയാണ് മറ്റൊരു ചരക്കു ലോറിയും കുടുങ്ങിയത്. ഇതോടെ ഇതുവഴിയുള്ള ഗതാഗതം പൂര്‍ണമായും താറുമാറായി. വിദ്യാലയങ്ങളിലും ഓഫീസുകളിലും എത്തിപ്പെടേണ്ടവരെല്ലാം വഴിയില്‍ അകപ്പെട്ടു. ഗതാഗത കുരുക്കിനെ തുടര്‍ന്ന് വടകരയില്‍ ബസ് സര്‍വീസ് നിര്‍ത്തി. തലശേരി, നാദാപുരം റൂട്ടുകളിലെ മിക്ക ബസുകളും ഓട്ടം നിര്‍ത്തി വച്ചു. ഇതോടെ യാത്രക്കാര്‍ വലഞ്ഞു.

കായികതാരങ്ങളെ ആദരിച്ചു

കോഴിക്കോട്: ഉസ്ബെക്കിസ്ഥാനിലെ താഷ്‌കന്‍റില്‍ നടന്ന കാന്‍വാ നേഷന്‍സ് ലീഗ് വോളിബോള്‍ ടൂര്‍ണമെന്‍റില്‍ സില്‍വര്‍ മെഡല്‍ നേടിയ ഇന്ത്യന്‍ ടീമിലെ അംഗങ്ങളായിരുന്ന ദേവഗിരി സെന്‍റ് ജോസഫ്‌സ് (ഓട്ടോണമസ്) കോളജിലെ കെ.ആനന്ദ് , ഇ.ജെ. ജോണ്‍ ജോസഫ് , ചൈനയിലെ ഹോംങ്കോങില്‍ നടന്ന ഏഷ്യ കോര്‍ഫ്‌ബോളില്‍ ഇന്ത്യന്‍ ടീമിലെ അംഗമായിരുന്ന ജിയാ സെബാസ്റ്റ്യന്‍ എന്നിവരെയും വോളിബോള്‍ കോച്ച് ലിജോ.ഇ.ജോണിനെയും ദേവഗിരി കോളജില്‍ ആദരിച്ചു. പ്രിന്‍സിപ്പല്‍ ഫാ.ഡോ. ബിജു ജോസഫ് ഉപഹാരങ്ങള്‍ കൈമാറി.ഒന്നാം വര്‍ഷ ഡിഗ്രി പ്രവേശനം ലഭിച്ച 1300 കുട്ടികള്‍ക്കും അവരുടെ രക്ഷിതാക്കള്‍ക്കുമായി കോളജില്‍ സംഘടിപ്പിച്ച ഓറിയന്‍റേഷന്‍ ചടങ്ങില്‍ വച്ചാണ് കായികതാരങ്ങളെ ആദരിച്ചത്.മാനേജര്‍ ഫാ.ബിജു.കെ.ഐസക്, വൈസ് പ്രിന്‍സിപ്പല്‍ ഫാ.ഡോ.സുനില്‍ ജോസ്, ഫിസിക്കല്‍ എഡ്യുക്കേഷന്‍ വിഭാഗം മേധാവി ഫാ.ബോണി അഗസ്റ്റ്യന്‍, സ്റ്റാഫ് സെക്രട്ടറി ഷിന്റോ.പി.മാത്യു എന്നിവരും സന്നിഹിതരായിരുന്നു.

വികസന കുതിപ്പിനൊരുങ്ങി കുന്നമംഗലം ഗവ. കോളേജ്

കോഴിക്കോട്:ഉന്നത വിദ്യാഭ്യാസ മേഖലയില്‍ വികസനക്കുതിപ്പിനൊരുങ്ങി കുന്നമംഗലം ഗവ. ആര്‍ട്സ് ആന്‍ഡ് സയന്‍സ് കോളജ്. വെള്ളനൂര്‍ കോട്ടോല്‍കുന്നില്‍ ചാത്തമംഗലം പഞ്ചായത്ത് ഏറ്റെടുത്തുനല്‍കിയ 5.1 ഏക്കര്‍ ഭൂമിയില്‍ പ്രവര്‍ത്തിക്കുന്ന കോളേജില്‍ 12 ക്ലാസ് മുറികളും വിശാലമായ സെമിനാര്‍ ഹാളും രണ്ട് കമ്പ്യൂട്ടര്‍ ലാബുകളും ഉള്‍ക്കൊള്ളുന്ന മൂന്നുനില അക്കാദമിക് ബ്ലോക്ക് ഇന്ന് വൈകുന്നേരം മൂന്നിന് ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു ഉദ്ഘാടനം ചെയ്യും. കാന്‍റിന്‍, പെണ്‍കുട്ടികള്‍ക്കുള്ള ഹോസ്റ്റല്‍, ഓപണ്‍ എയര്‍ ഓഡിറ്റോറിയം, വുഷു പ്ലാറ്റ്ഫോം എന്നിവയും മന്ത്രി സമര്‍പ്പിക്കും. സംസ്ഥാന സര്‍ക്കാര്‍ കിഫ്ബി പദ്ധതിയില്‍ ഉള്‍പ്പെടുത്തി അനുവദിച്ച 10 കോടി രൂപ ഉപയോഗപ്പെടുത്തിയാണ് പുതിയ അക്കാദമിക് ബ്ലോക്കും കാന്‍റിനും ഹോസ്റ്റലും നിര്‍മിച്ചത്. പി.ടി.എ. റഹീം എംഎല്‍എയുടെ മണ്ഡലം ആസ്തി വികസന ഫണ്ടില്‍നിന്ന് അനുവദിച്ച 25 ലക്ഷം രൂ വിനിയോഗിച്ചാണ് വുഷു പ്ലാറ്റ്ഫോം നിര്‍മിച്ചത്. ഇതോടെ സ്വന്തമായി വുഷു പ്ലാറ്റ്ഫോം ഉള്ള സംസ്ഥാനത്തെ ആദ്യ കോളേജ് എന്ന നേട്ടവും സ്വന്തമായി. നിലവില്‍ കാലിക്കട്ട് യൂണിവേഴ്സിറ്റി ഇന്‍റര്‍ കോളജ് വുഷു ചാമ്പ്യന്മാരാണ്. സ്വന്തമായി ഫുട്ബോള്‍ ടര്‍ഫ് ഒരുക്കിയ ആദ്യ സര്‍ക്കാര്‍ കോളജ് കൂടിയാണിത്. സംസ്ഥാന സര്‍ക്കാര്‍ അനുവദിച്ച 92 ലക്ഷം രൂപ ഉപയോഗപ്പെടുത്തിയാണ് ഓപണ്‍ എയര്‍ ഓഡിറ്റോറിയം നിര്‍മിച്ചത്. ഇംഗ്ലീഷ്, ഇക്കണോമിക്സ്, കൊമേഴ്സ് വിഷയങ്ങളിലായി മൂന്ന് യു ജി പ്രോഗ്രാമുകളും ഗണിത വിഷയത്തില്‍ ഒരു പി ജി പ്രോഗ്രാമുമാണ് കോളജില്‍ നിലവിലുള്ളത്.

സ്വകാര്യ ബസും പിക്കപ്പ് ലോറിയും കൂട്ടിയിടിച്ച് നിരവധി പേര്‍ക്ക് പരിക്ക്

കോഴിക്കോട്: കാക്കൂരില്‍ സ്വകാര്യ ബസും പിക്കപ്പ് ലോറിയും കൂട്ടിയിടിച്ച് നിരവധി പേര്‍ക്ക് പരിക്ക്. ഇന്നെല ഉച്ചയ്ക്ക് രണ്ടരയോടെയാണ് അപകടം. കോഴിക്കോട്ടുനിന്ന് ബാലുശേരിയിലേക്ക് പോകുകയായിരുന്ന സ്വകാര്യ ബസും എതിര്‍ദിശയില്‍നിന്ന് വരികയായിരുന്ന മരം കയറ്റിയ പിക്കപ്പ് ലോറിയും തമ്മിലാണ് കൂട്ടിയിടിച്ചത്. കാക്കൂര്‍ പോലീസ് സ്‌റ്റേഷനു സമീപമാണ് അപകടം.സമീപത്തെ ഗ്രാനൈറ്റ് കടയുടെ മതിലില്‍ ഇടിച്ചാണ് ബസ് നിന്നത്. പരിക്കേറ്റവരെ സമീപത്തെ സ്വകാര്യ ആശുപത്രിയിലും ബാലുശേരി താലൂക്ക് ആശുപത്രിയിലും പ്രവേശിപ്പിച്ചു.

വടകര നഗരസഭ ഓഫീസ് കെട്ടിടം മുഖ്യമന്ത്രി നാടിന് സമര്‍പ്പിച്ചു

വടകര: ആധുനിക രീതിയില്‍ പണി കഴിപ്പിച്ച വടകര നഗരസഭ ഓഫീസ് കം ഷോപ്പിംഗ് കോംപ്ലക്സ് മുഖ്യമന്ത്രി പിണറായി വിജയന്‍ നാടിന് സമര്‍പ്പിച്ചു. 15 കോടി രൂപ ചെലവില്‍ നാലു നിലകളിലായി നിര്‍മിച്ച കെട്ടിടത്തില്‍ നഗരസഭ ഓഫീസ് കെട്ടിടം, കൗണ്‍സില്‍ ഹാള്‍, ലിഫ്റ്റുകള്‍, അഗ്നി ശമന നിയന്ത്രണ സംവിധാനം, പാര്‍ക്കിംഗ് സൗകര്യം, വിവിധ വകുപ്പുകള്‍ക്ക് പ്രത്യേകം മുറികള്‍ തുടങ്ങിയ സൗകര്യങ്ങളുണ്ട്. കേരള നിയമസഭയെ അനുസ്മരിപ്പിക്കുന്ന വിധത്തിലാണ് കൗണ്‍സില്‍ ഹാള്‍ സജീകരിച്ചിരിക്കുന്നത്. നെറ്റ് സീറോ ക്യാമ്പയിന്‍ പദ്ധതി ഏറ്റെടുത്ത കേരളത്തിലെ ആദ്യത്തെ നഗരസഭയയുടെ കെട്ടിടമായതിനാല്‍ ഹരിത, നെറ്റ് കാര്‍ബണ്‍ മാനദണ്ഡം പാലിച്ചാണ് കെട്ടിടം പരിപാലിക്കുക. മന്ത്രി പി.എ.മുഹമ്മദ് റിയാസ് അധ്യക്ഷത വഹിച്ചു. കെ.ജി.സന്ദീപ് റിപ്പോര്‍ട്ട് അവതരിപ്പിച്ചു. കെ.കെ.രമ എംഎല്‍എ, ഷാഫി പറമ്പില്‍ എംപി, കെ.പി.കുഞ്ഞമ്മദ് എംഎല്‍എ, മുന്‍ മന്ത്രി സി.കെ.നാണു എന്നിവര്‍ മുഖ്യാതിഥികളായി.

ജില്ലയില്‍ പുതിയ പോളിംഗ് ബൂത്തുകള്‍ സ്ഥാപിക്കും

കോഴിക്കോട്: പുതിയ പോളിങ് ബൂത്തുകള്‍ സ്ഥാപിക്കല്‍, വോട്ടര്‍ പട്ടിക പുതുക്കല്‍, ബൂത്ത് ലെവല്‍ ഏജന്‍റുമാരുടെ നിയമനം, ബിഎല്‍എ-ബിഎല്‍ഒ യോഗം തുടങ്ങിയവയുമായി ബന്ധപ്പെട്ട് രാഷ്ട്രീയ പാര്‍ട്ടി പ്രതിനിധികളുടെ യോഗം ചേര്‍ന്നു. 1200 വോട്ടര്‍മാര്‍ക്ക് ഒന്ന് അടിസ്ഥാനത്തില്‍ പുതിയ പോളിങ് ബൂത്തുകള്‍ സ്ഥാപിക്കുന്നതിനാവശ്യമായ നടപടികള്‍ സ്വീകരിക്കണമെന്നും ഇതിനുള്ള സ്ഥലങ്ങള്‍ ബന്ധപ്പെട്ട ഓഫീസര്‍ പരിശോധിക്കണമെന്നും യോഗത്തില്‍ അധ്യക്ഷത വഹിച്ച ജില്ലാ കളക്ടര്‍ സ്‌നേഹില്‍ കുമാര്‍ സിംഗ് ആവശ്യപ്പെട്ടു. വോട്ടര്‍പട്ടിക ശുദ്ധീകരണവുമായി ബന്ധപ്പെട്ട് പുതുതായി പേര് ചേര്‍ക്കുന്നതിനും അനര്‍ഹരെ ഒഴിവാക്കുന്നതിനും പ്രത്യേക പരിശോധന വേണമെന്നും കളക്ടര്‍ നിര്‍ദേശിച്ചു.

കെഎസ്എസ്പിയു സമ്മേളനം

കൂടരഞ്ഞി: കേരള സ്‌റ്റേറ്റ് സര്‍വീസ് പെന്‍ഷനേഴ്‌സ് യൂണിയന്‍ (കെഎസ്എസ്പിയു) യൂണിറ്റ് സമ്മേളനം നടത്തി. അധ്യാപകനും സംഗീതജ്ഞനുമായ എന്‍. ഉണ്ണികൃഷ്ണന്‍ ഉദ്ഘാടനം ചെയ്തു. ജില്ലാ പ്രസിഡന്‍റ് കെ.വി.ജോസഫ്, ടി.ടി. സദാനന്ദന്‍, എ.ടി. ജോസഫ്, സോമനാഥന്‍ കുട്ടത്ത്, എന്‍.വി.ദിവാകരന്‍, എം.ആര്‍. പുരുഷോത്തമന്‍, ഇ.എച്ച്. ഷാഹുല്‍ ഹമീദ്, വി.വി. ജോണ്‍, എ.എം.തങ്കച്ചന്‍, കെ.സി. എല്‍സമ്മ എന്നിവര്‍ പ്രസംഗിച്ചു.

ഗതാഗതക്കുരുക്ക് പരിഹരിക്കണം: കെവിവിഇഎസ്

മുക്കം: കൊയിലാണ്ടി - എടവണ്ണ സംസ്ഥാന പാതയിലെ പ്രധാന അങ്ങാടികളിലൊന്നായ അഗസ്ത്യന്മുഴിയിലെ ഗതാഗതക്കുരുക്കിന് ശാശ്വത പരിഹാരം വേണമെന്ന് വ്യാപാരി വ്യവസായി ഏകോപന സമിതി അഗസ്ത്യന്മുഴി യൂണിറ്റ് വാര്‍ഷിക ജനറല്‍ബോഡി യോഗം ആവശ്യപ്പെട്ടു. വ്യാപാരികളുടെ മക്കളില്‍ എസ്എസ്എല്‍സിക്കും, പ്ലസ്ടുവിനും ഉന്നത വിജയം കരസ്ഥമാക്കിയവരെയും ഓര്‍ഗാനിക് കെമിസ്ട്രിയില്‍ മദ്രാസ് ഐ ഐ ടി യില്‍ പ്രവേശനം ലഭിച്ച ശ്വേതാ സതീഷിനെയും ആദരിച്ചു. യോഗം ഏകോപന സമിതി ജില്ലാ വൈസ് പ്രസിഡന്‍റ് റഫീഖ് മാളിക ഉദ്ഘാടനം ചെയ്തു. ജോസഫ് പൈമ്പിള്ളി അധ്യക്ഷനായിരുന്നു. പി. പ്രേമന്‍, എം.ടി.അസ്ലം, ടി.കെ. സുബ്രഹ്‌മണ്യന്‍, പി.കെ.റഷീദ്, എ.കെ. ലത്തീഫ്, സുരേഷ് കുമാര്‍, കെ.പി.രമേശ്, ഷിജി അഗസ്റ്റിന്‍, സി. പ്രമോദ് എന്നിവര്‍ സംസാരിച്ചു.

ഇന്‍റര്‍നാഷണല്‍ കോണ്‍ഫറന്‍സ് നടത്തി

കോഴിക്കോട്: വടകര കോളജ് ഓഫ് എൻജിനീയറിങ്ങിലെ ഇലക്ട്രോണിക്സ് ആന്‍ഡ് കമ്യൂണിക്കേഷന്‍ ഡിപ്പാര്‍ട്ട്മെന്‍റ് 'കമ്പ്യൂട്ടിങ്ങിലെയും സിസ്റ്റം ഡിസൈനിങ്ങിലെയും സമീപകാല മുന്നേറ്റങ്ങള്‍' വിഷയത്തില്‍ അന്തര്‍ദേശീയ കോണ്‍ഫറന്‍സ് സംഘടിപ്പിച്ചു. കോണ്‍ഫറന്‍സ് കേംബ്രിഡ് യൂണിവേഴ്സിറ്റിയിലെ കമ്പ്യൂട്ടര്‍ സയന്‍സ് വിഭാഗം മേധാവിയും വടകര എൻജിനീയറിംഗ് കോളജ് പൂര്‍വ വിദ്യാര്‍ഥിയും 2017ല്‍ ലോകത്തെ മികച്ച 50 സ്ത്രീ സംരംഭകരില്‍ ഒരാളായി തെരഞ്ഞെടുക്കപ്പെടുകയും ചെയ്ത ഡോ. നികിത ഹരി ഉദ്ഘാടനം ചെയ്തു. തുടര്‍ന്ന് "നിര്‍മിത ബുദ്ധിയില്‍ ചലിക്കുന്ന പുതിയ ലോകം' എന്ന വിഷയത്തില്‍ പ്രഭാഷണം നടത്തി. ഭിലായി ഐഐടിയിലെ അസി. പ്രഫ. ടി.വി. ശ്രീജിത്ത്, സിങ്കപ്പൂര്‍ നന്യാംഗ് യൂണിവേഴ്സിറ്റിയിലെ റിസര്‍ച്ച് സയിന്‍റിസ്റ്റ് അഖില്‍ കെ. രമേഷ്, എന്‍എക്സ്പി സെമി കണ്ടക്ടര്‍ ടെക്നോളജിയില്‍ ഡിസൈന്‍ എൻജിനീയറായ പ്രഹ്‌ളാദ് എന്നിവര്‍ വിവിധ വിഷയങ്ങളില്‍ പ്രഭാഷണം നടത്തി.

കേരളത്തിലേത് വ്യവസായ സൗഹൃദാന്തരീക്ഷം: തോട്ടത്തില്‍ രവീന്ദ്രന്‍

കോഴിക്കോട്: കേരളത്തില്‍ നിലവിലുള്ളത് വ്യവസായ സൗഹൃദാന്തരീക്ഷമാണെന്നും യുവത തൊഴിലന്വേഷകരാവാതെ തൊഴില്‍ദായകരായി മാറുകയാണ് വേണ്ടതെന്നും തോട്ടത്തില്‍ രവീന്ദ്രന്‍ എംഎല്‍എ. ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്‍റ്സിന്‍റെയും (ഐസിഎഐ) ജില്ലാ വ്യവസായ കേന്ദ്രത്തിന്‍റെയും ആഭിമുഖ്യത്തില്‍ നടന്ന എംഎസ്എംഇ ദിനാചരണം ഉദ്ഘാടനം ചെയ്യുകയായിരുന്നു അദ്ദേഹം. പുതുതലമുറയുടെ കഴിവുകള്‍ ക്രിയാത്മക മേഖലകളിലേക്ക് തിരിച്ചുവിടണമെന്നും എംഎല്‍എ പറഞ്ഞു. പരിപാടിയോടനുബന്ധിച്ച് സംഘടിപ്പിച്ച ഇന്‍വെസ്‌റ്റേഴ്‌സ് മീറ്റില്‍ ജില്ലയിലെ മുതിര്‍ന്ന സംരംഭകരെ ആദരിക്കുകയും പരമ്പരാഗത കരകൗശല മേഖലയില്‍ വൈദഗ്ധ്യം തെളിയിച്ചവര്‍ക്ക് സര്‍ട്ടിഫിക്കറ്റുകള്‍ നല്‍കുകയും ചെയ്തു. കോഴിക്കോട് ബ്രാഞ്ച് ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്‍റ്സ് ചെയര്‍മാന്‍ സി.എ. സച്ചിന്‍ ശശിധരന്‍ അധ്യക്ഷത വഹിച്ചു.

പഠനോപകരണ കിറ്റുകൾ വിതരണം ചെയ്തു

മുക്കം: പിന്നോക്കാവസ്ഥയിലുള്ള കുട്ടികൾക്കിടയിൽ വിദ്യാഭ്യാസം പ്രോത്സാഹിപ്പിക്കുന്നതിനായി മാമ്പറ്റ ഡോൺ ബോസ്കോ കോളജിന്‍റെ ആഭിമുഖ്യത്തിൽ സ്കൂൾ വിദ്യാർഥികൾക്ക് പഠനോപകരണ കിറ്റുകൾ വിതരണം ചെയ്തു. മുക്കം തടപ്പറമ്പ് കോളനിയിൽ നടന്ന ചടങ്ങിൽ കോളജ് മാനേജർ ഫാ. മാർട്ടിൻ അഗസ്റ്റിൻ അധ്യക്ഷത വഹിച്ചു. വാർഡ് കൗൺസിലർ വളപ്പിൽ ശിവശങ്കരൻ പരിപാടി ഉദ്ഘാടനം ചെയ്തു. എൻഎസ്എസ് പ്രോഗ്രാം ഓഫീസർ ജിജി ജോർജ്, എൻഎസ്എസ് വളണ്ടിയർമാർ, കോളജ് പിആർഒ, സന്തോഷ് അഗസ്റ്റിൻ, പടപ്പറമ്പ് റസിഡൻസ് അസോസിയേഷൻ സെക്രട്ടറി പ്രഭാകരൻ എന്നിവർ നേതൃത്വം നൽകി.

തിരുവമ്പാടിയിൽ ലീഗിൽ വീണ്ടും പൊട്ടിത്തെറി

തിരുവമ്പാടി: കഴിഞ്ഞ ദിവസം ലീഗിൽ നിന്നും പുറത്താക്കിയവരും നിലവിലെ യൂണിറ്റ് ഭാരവാഹികളും ഒരുമിച്ചു രഹസ്യമീറ്റിംഗ് നടത്തി. പുല്ലൂരാംപാറ ലീഗ് ഹൗസിൽ തിരുവമ്പാടി പഞ്ചായത്ത് വൈസ് പ്രസിഡന്‍റ് അബ്ദുറഹ്മാന്‍റെ നേതൃത്വത്തിലാണ് മീറ്റിംഗ് നടന്നത്. ലീഗ് നേതൃത്വത്തിനെതിരേ രൂക്ഷ വിമർശനം ഉയർന്നു. പഞ്ചായത്തിലെ വിവിധ വാർഡുകളിൽ നിന്നായി നാൽപ്പതോളം പേർ യോഗത്തിൽ പങ്കെടുത്തു. ലീഗിന് സ്വാധീനമുള്ള ഏഴ് വാർഡുകളിൽ നിന്നുള്ള വിവിധ സ്ഥാനങ്ങൾ വഹിക്കുന്ന ഇരുപത്തിയഞ്ചോളം നിലവിലെ ഭാരവാഹികൾ സ്ഥാനം രാജിവെച്ചേക്കുമെന്ന് സൂചനയുണ്ട്.

കാരക്കുറ്റി സ്കൂളിൽ പ്രധാനാധ്യാപകനെ നിയമിക്കണമെമന്ന്

മുക്കം: കൊടിയത്തൂർ ഗ്രാമപഞ്ചായത്തിലെ കാരക്കുറ്റി ജിഎൽപി സ്കൂളിൽ പ്രധാനാധ്യാപകനെ നിയമിക്കാൻ അടിയന്തര നടപടി സ്വീകരിക്കണമെന്ന് യുഡിഎഫ് വാർഡ് കമ്മിറ്റി ആവശ്യപ്പെട്ടു. ഈ വർഷം പുതുതായി ചാർജെടുത്ത പ്രധാനധ്യാപകൻ രണ്ടുദിവസത്തിനു ശേഷം ദീർഘകാല അവധിയെടുത്തിരിക്കുകയാണ്. ഇതോടെ സ്കൂളിന്‍റെ ദൈനംദിന പ്രവർത്തനം താളം തെറ്റുന്ന സ്ഥിതിയാണുള്ളത്. 62 വിദ്യാർഥികൾ പഠിക്കുന്ന ഈ വിദ്യാലയത്തിൽ പ്രധാനാധ്യാപകൻ ഇല്ലാത്തതിനാൽ ഉച്ചഭക്ഷണ ഫണ്ട് വിനിയോഗം ഉൾപ്പെടെ സാമ്പത്തിക വിനിയോഗത്തിന് പിടിഎ കമ്മിറ്റി ഏറെ പ്രയാസം നേരിടുകയാണ്. നിലവിൽ പിടിഎ കമ്മിറ്റിക്ക് ഇത് വലിയ സാമ്പത്തിക ബാധ്യതയാണ് വരുത്തിയിരിക്കുന്നത്. പ്രധാന അധ്യാപകന് ചാർജുള്ള ക്ലാസ് ജൂൺ രണ്ട് മുതൽ അധ്യാപകൻ ഇല്ലാതെ ഒഴിഞ്ഞു കിടക്കുന്നു. ഈ വിഷയങ്ങളെല്ലാം ഉന്നയിച്ച് എഇഒ, ഡിഡിഡി ഓഫീസുകൾ നിരന്തരമായി കയറി ഇറങ്ങിയെങ്കിലും നിരാശയായിരുന്നു ഫലം. സാങ്കേതിക പ്രശ്നങ്ങൾ പറയാതെ എത്രയും പെട്ടെന്ന് പ്രധാനാധ്യാപകനെ നിയമിക്കണമെന്ന് യുഡിഎഫ് ആവശ്യപ്പെട്ടു. അല്ലാത്ത പക്ഷം ശക്തമായ പ്രക്ഷോഭങ്ങൾക്ക് നേതൃത്വം നൽകുമെന്നും യുഡിഎഫ് മുന്നറിയിപ്പ് നൽകി. വി. അഹമ്മദിന്‍റെ അധ്യക്ഷതയിൽ ചേർന്ന യോഗം എം.എ. അബ്ദുറഹ്മാൻ ഉദ്ഘാടനം ചെയ്തു. വാർഡ് മെമ്പർ വി. ഷംലൂലത്ത്, അഹമ്മദ് കുട്ടി പൂളക്കത്തൊടി, അബ്ദുസലാം, സി.വി. അബ്ദുറഹിമാൻ, ബിലാൽ കാരക്കുറ്റി, ആരിഫ് മുല്ലവീട്ടിൽ എന്നിവർ പ്രസംഗിച്ചു

മുക്കം ടൗണിൽ അനധികൃത പാർക്കിംഗും ഗതാഗതക്കുരുക്കും രൂക്ഷം

മുക്കം: അനധികൃത പാർക്കിംഗും ഗതാഗതക്കുരുക്കും മൂലം വലഞ്ഞ് മുക്കം ടൗണിലെത്തുന്നവർ. ട്രാഫിക് സംവിധാനങ്ങൾ കാര്യക്ഷമമായി നിയന്ത്രിക്കേണ്ട മുക്കം നഗരസഭയോ പോലീസോ ജനങ്ങളുടെ ദുരിതം കണ്ടില്ലെന്ന് നടിക്കുകയാണ്. ടൗണിലെത്തുന്ന വാഹനങ്ങൾ പാർക്ക് ചെയ്യാൻ നഗരസഭ സൗകര്യമൊരുക്കാത്തതിനാൽ റോഡരികുകളിലാണ് ഭൂരിഭാഗം വാഹനങ്ങളും പാർക്ക് ചെയ്യുന്നത്. പൊതുവേ തീരെ വീതിയില്ലാത്ത മുക്കം ഓർഫനേജ് റോഡിലടക്കം കാർ അടക്കമുള്ള വാഹനങ്ങൾ പാർക്ക് ചെയ്യുന്നത് നിത്യസംഭവമാണ്. ഇത് പലപ്പോഴും രൂക്ഷമായ ഗതാഗത കുരുക്കിനാണ് കാരണമാകുന്നത്. വർഷങ്ങൾക്കു മുൻപ് നടപ്പിലാക്കിയ ട്രാഫിക് പരിഷ്കരണം നോക്കുകുത്തിയായിട്ട് മാസങ്ങൾ കഴിഞ്ഞു. വൺവേ സംവിധാനം അടക്കം പരിഷ്കരണത്തിന്‍റെ ഭാഗമായി നടപ്പിലാക്കിയിരുന്നുവെങ്കിലും നോക്കാൻ ആളില്ലാതായതോടെ നിയമലംഘനം നിത്യസംഭവമായി. നഗരസഭ ട്രാഫിക് റെഗുലേറ്ററി കമ്മിറ്റി ഇടയ്ക്കിടയ്ക്ക് ചേരുന്നുണ്ടെങ്കിലും തീരുമാനങ്ങളെല്ലാം പ്രഖ്യാപനങ്ങളിൽ മാത്രമായി ഒതുങ്ങുകയാണ്. നഗരത്തിലെ ചില റോഡുകൾ വൺവേയാക്കിയും വലിയ വാഹനങ്ങൾക്ക് പ്രവേശനം നിഷേധിച്ചും ബസ് റൂട്ട് മാറ്റിയുമായിരുന്നു രണ്ടുവർഷം മുൻപ് നഗരസഭയിൽ ട്രാഫിക് പരിഷ്കരണം നടപ്പിലാക്കിയത്. മുക്കം ഓർഫനേജ് റോഡ്, പിസി ജംഗ്ഷൻ റോഡ്, അഭിലാഷ് ജംഗ്ഷൻ റോഡ്, മാർക്കറ്റ് റോഡ് എന്നിവ ട്രാഫിക് പരിഷ്കരണത്തിന്‍റെ ഭാഗമായി വൺവേ ആക്കിയിരുന്നു. രാവിലെ ഏഴ് മുതൽ രാത്രി എട്ട് വരെ ഈ റോഡുകളിൽ വൺവേ ഗതാഗതം മാത്രമാണ് അനുവദിക്കപ്പെട്ടിട്ടുള്ളത്. എന്നാൽ മിക്ക യാത്രക്കാരും ഇത് പരസ്യമായി ലംഘിക്കുകയാണ്. തീരെ വീതിയില്ലാത്തതും കടകൾ നിറഞ്ഞതുമായ ഈ റോഡുകളിൽ വൺവേ നിയമം ലംഘിച്ച് വാഹനങ്ങൾ കടന്നുപോകുന്നത് വലിയ ഗതാഗത കുരുക്കാണ് സൃഷ്ടിക്കുന്നത്. വൺവേ പാലിക്കണമെന്നത് സംബന്ധിച്ച സൂചന ബോർഡുകൾ റോഡരികുകളിൽ സ്ഥാപിക്കുകയല്ലാതെ നഗരസഭാ അധികൃതരോ പൊസോ യാതൊരു നടപടിയും കൈക്കൊള്ളുന്നില്ലെന്നാണ് ആക്ഷേപം. ഏറെ തിരക്കുള്ള മുക്കം കടവ് പാലത്തിലടക്കം അനധികൃത പാർക്കിംഗ് രൂക്ഷമാണ്. വാഹനങ്ങൾക്ക് പാർക്ക് ചെയ്യാൻ സ്ഥലമില്ലാത്തതാണ് അനധികൃത പാർക്കിംഗിന് പ്രധാന കാരണം. ടൗണിൽ വിവിധ ആവശ്യങ്ങൾക്കായി എത്തുന്ന തങ്ങൾ എവിടെയാണ് വാഹനങ്ങൾ പാർക്ക് ചെയ്യേണ്ടതെന്നാണ് യാത്രക്കാർ ചോദിക്കുന്നത്. ഗതാഗത പരിഷ്കരണം പരാജപ്പെടുന്നതിനെതിരേ പ്രതിഷേധം ഉയരുമ്പോൾ ട്രാഫിക് റഗുലേറ്ററി കമ്മിറ്റി യോഗം ചേർന്ന് നിയമ ലംഘകർക്കെതിരേ കർശന നടപടി സ്വീകരിക്കാൻ തീരുമാനമെടുക്കും. രണ്ട് ദിവസത്തിനകം ആ തീരുമാനം വെറും പ്രഖ്യാപനത്തിലൊതുങ്ങും. ഇതാണ് കാലങ്ങളായി നഗരസഭയിൽ സംഭവിക്കുന്നത്. മുക്കം സ്റ്റേഷനിൽ ആവശ്യത്തിന് പോലീസുകാർ ഇല്ലാത്തതാണ് ഗതാഗത പരിഷ്കരണം പരാജയപ്പെടാൻ പ്രധാന കാരണമെന്ന് ആക്ഷേപമുണ്ട്. ടൗൺ നേരിടുന്ന ഏറ്റവും വലിയ പ്രതിസന്ധിയായ ഗതാഗതക്കുരുക്ക് പരിഹരിക്കാൻ നഗരസഭ യാതൊരു നടപടിയും സ്വീകരിക്കുന്നില്ലെന്ന ആക്ഷേപവും ശക്തമാണ്. നഗരസഭയിലെ അഗസ്ത്യൻമുഴിയിലും ഗതാഗതക്കുരുക്ക് രൂക്ഷമാണ്.

തിരുവമ്പാടിയിൽ കത്തോലിക്ക കോൺഗ്രസ് പ്രതിഷേധിച്ചു

തിരുവമ്പാടി : നൈജീരിയയിലും മധ്യേഷ്യയിലുമായി നടക്കുന്ന ക്രൈസ്തവ വംശഹത്യയിലും, അതിക്രൂരമായ പീഡനങ്ങളിലും, അതിക്രമങ്ങളിലും കത്തോലിക്കാ കോൺഗ്രസ് തിരുവമ്പാടി യൂണിറ്റ് ശക്തമായി പ്രതിഷേധിച്ചു. തിരുവമ്പാടി ടൗണിൽ നടന്ന പ്രതിഷേധ റാലിയിലും സമ്മേളനത്തിലും ഇടവക ജനങ്ങൾ സംയുക്തമായി പങ്കെടുത്തു. തിരുവമ്പാടി ഫൊറോന അസിസ്റ്റന്‍റ് വികാരി ഫാ. ജേക്കബ് തിട്ടയിൽ സമ്മേളനം ഉദ്ഘാടനം ചെയ്തു. കത്തോലിക്ക കോൺഗ്രസ് ഭാരവാഹികളായ സണ്ണി പുതുപ്പറമ്പിൽ, തോമസ് പുത്തൻപുരക്കൽ, പ്രിൻസ് തിനംപറമ്പിൽ, ടോമി ചക്കിട്ടമുറിയിൽ, ബെന്നി കിഴക്കേ പറമ്പിൽ, ജോസ് റാണിക്കാട്ട്, ജോയി കുരിശിങ്കൽ, മാർഗരറ്റ് തേവടിയിൽ, ലൈസമ്മ മാടപ്പാട്ട്, ഡയാന നെല്ലിക്കതെരുവിൽ എന്നിവർ പ്രസംഗിച്ചു.

സെൻസർ ബോർഡിന്‍റെ തടസവാദം ബാലിശം: തപസ്യ

കോഴിക്കോട്: നിസാരവും ബാലിശവുമായ തടസവാദങ്ങൾ ഉന്നയിച്ച് സർഗാവിഷ്കാരങ്ങൾക്ക് വിലക്ക് ഏർപ്പെടുത്തുന്ന ഫിലിം സെൻസർ ബോർഡിന്‍റെ നിലപാട് തെറ്റാണെന്ന് തപസ്യ കലാ സാഹിത്യ വേദി. "ജാനകി വേഴ്സസ് സ്റ്റേറ്റ് ഓഫ് കേരള' എന്ന മലയാള സിനിമയുടെ പേരും കഥാപാത്രത്തിന്‍റെ പേരും മാറ്റാതെ പ്രദർശനാനുമതിക്കുള്ള സർട്ടിഫിക്കറ്റ് നൽകില്ലെന്ന തീരുമാനത്തിൽ നിന്ന് സിബിഎഫ്സി പിൻമാറണമെന്ന് തപസ്യ കേന്ദ്ര ഭരണസമിതി യോഗം ആവശ്യപ്പെട്ടു. സിബിഎഫ്സി തീരുമാനം പുനഃപരിശോധിക്കണമെന്ന് ആവശ്യപ്പെട്ട് തപസ്യ ചെയർമാൻ സന്ദേശമയച്ചു.യോഗത്തിൽ സംസ്ഥാന വർക്കിംഗ് പ്രസിഡന്‍റ് പ്രഫ. പി.ജി. ഹരിദാസ് അധ്യക്ഷത വഹിച്ചു.

മത്സ്യ പ്രവർത്തക സംഘം ജില്ലാ സമ്മേളനം

കൊയിലാണ്ടി: ഭാരതീയ മത്സ്യ പ്രവർത്തക സംഘം കോഴിക്കോട് ജില്ലാ സമ്മേളനം കൊയിലാണ്ടിയിൽ സീമാ ജാഗരൻ മഞ്ച് ദേശീയ സംരക്ഷക് എ. ഗോപാലകൃഷ്ണൻ ഉദ്ഘാടനം ചെയ്തു. മത്സ്യ തൊഴിൽ മേഖലകളെ ഭരണകക്ഷിയുടെ പിന്തുണയോടെ നിയന്ത്രിക്കുന്ന ഒരു വിഭാഗം പ്രവർത്തിച്ചു വരുന്നുണ്ടെന്ന് അദ്ദേഹം വിമർശിച്ചു. മത്സ്യ പ്രവർത്തക സംഘം സംസ്ഥാന പ്രസിഡന്‍റ് പി. പീതാംബരൻ മുഖ്യപ്രഭാഷണം നടത്തി. ജില്ലാ പ്രസിഡന്‍റ് എ. കരുണാകരൻ മാറാട് അധ്യക്ഷത വഹിച്ചു. വി.കെ. രാമൻ, പി.പി. ഉദയ ഘോഷ്, വി. പ്രഹ്ലാദൻ, പി.കെ. ഷിജു, അംബിക, സതി ബാലൻ, പി.പി. സന്തോഷ് എന്നിവർ പ്രസംഗിച്ചു.

യൂത്ത് ലീഗ് നന്തി മേൽപ്പാലം ഉപരോധിച്ചു

കൊയിലാണ്ടി: ദേശീയപാതയുടെ തകർച്ചയിൽ സർക്കാറിന്‍റെ നിസംഗതയിൽ പ്രതിഷേധിച്ച് യൂത്ത് ലീഗ് നന്തി മേൽപ്പാലം ഉപരോധിച്ചു. യൂത്ത് ലീഗ് മണ്ഡലം സെക്രട്ടറി കെ.കെ. റിയാസ് ഉദ്ഘാടനം ചെയ്തു. പി.കെ. മുഹമ്മദാലി, ഒ.കെ. കാസിം, റഫീഖ് ഇയ്യക്കണ്ടി, റനീൻ അഷറഫ്, ഫിനാൻ, നിഷാദ് എന്നിവർ നേതൃത്വം നൽകി. ഉപരോധത്തെ തുടർന്ന് ദേശീയപാതയിൽ ഗതാഗത തടസമുണ്ടായി. കൊയിലാണ്ടി പോലീസിന്‍റെ നേതൃത്വത്തിൽ പ്രവർത്തകരെ ബലം പ്രയോഗിച്ച് അറസ്റ്റ് ചെയ്തു.

കത്തോലിക്ക കോൺഗ്രസ് പ്രതിഷേധ മാർച്ച് നടത്തി

മുക്കം: നൈജീരിയ, സുഡാൻ തുടങ്ങിയ ആഫ്രിക്കൻ രാജ്യങ്ങളിൽ നടന്നു കൊണ്ടിരിക്കുന്ന ക്രൈസ്തവ വംശഹത്യക്കെതിരേയും വടക്കേ ഇന്ത്യയിൽ ക്രൈസ്തർ നേരിടുന്ന പിഠനങ്ങൾ ക്കെതിരേയും പ്രതിഷേധിച്ച് കത്തോലിക്ക കോൺഗ്രസ് മുക്കം യൂണിറ്റ് മാർച്ച് നടത്തി. ഫാ. ഷിനോ കരിന്തോലിൽ എസ്ഡിബി മാർച്ച് ഉദ്ഘാടനം ചെയ്തു. തങ്കച്ചൻ അനുഗ്രഹ മുഖ്യ പ്രഭാഷണം നടത്തി. കത്തോലിക്ക കോൺഗ്രസ് പ്രസിഡന്‍റ് അഡ്വ. വർഗീസ് പാലക്കീൽ, സെക്രട്ടറി രാജൻ ചൂരപൊയ്കയിൽ, ട്രഷറർ ലോവൽ പള്ളി താഴത്ത് ഭാരവാഹികളായ അഖിൽ മലേക്കുന്നേൽ, കുര്യൻ കോട്ടയിൽ, ആൽബിൻ തുളുവനാനി, ദേവസ്യ പൈമ്പിള്ളിൽ, ഷിജി കിഴക്കരക്കാട്ട്, ആന്‍റണി അ രണോലിക്കൽ, ജിൻസൺ പുഴക്കര, ധന്യ കൂട്ടിയാനി, ബിന്ദു കോഴികുന്നേൽ എന്നിവർ നേതൃത്വം നൽകി.

പേവിഷബാധ: അസംബ്ലികളില്‍ ബോധവത്കരണം : ജില്ലാതല ഉദ്ഘാടനം പ്രൊവിഡന്‍സ് ഗേള്‍സ് സ്‌കൂളില്‍

കോഴിക്കോട്: പേവിഷബാധക്കെതിരായ ബോധവത്കരണ പ്രവര്‍ത്തനങ്ങളുടെ ഭാഗമായി ഇന്ന് ജില്ലയിലെ സ്‌കൂള്‍ അസംബ്ലികളില്‍ പ്രത്യേക ക്ലാസുകള്‍ സംഘടിപ്പിക്കും. മൃഗങ്ങളുടെ കടിയോ മാന്തലോ പോറലോ ഏറ്റാല്‍ രോഗപ്രതിരോധത്തിന്‍റെ ഭാഗമായി നല്‍കേണ്ട പ്രഥമ ശുശ്രൂഷ, വാക്സിനേഷന്‍, മൃഗങ്ങളോട് ഇടപഴകുമ്പോള്‍ ശ്രദ്ധിക്കേണ്ട കാര്യങ്ങള്‍ എന്നിവയിലാണ് കുട്ടികള്‍ക്കും അധ്യാപകര്‍ക്കും ബോധവത്കരണം നല്‍കുക. ആരോഗ്യ വകുപ്പും വിദ്യാഭ്യാസ വകുപ്പും ചേര്‍ന്ന് നടത്തുന്ന പരിപാടിയുടെ തുടര്‍ച്ചയായി ജൂലൈയില്‍ എല്ലാ സ്‌കൂളുകളിലെ അധ്യാപകര്‍ക്കും രക്ഷിതാക്കള്‍ക്കും പിടിഎ യോഗങ്ങളിലൂടെ ബോധവത്കരണ ക്ലാസുകള്‍ സംഘടിപ്പിക്കും. കുട്ടികള്‍ക്ക് മാര്‍ഗനിര്‍ദേശങ്ങള്‍ നല്‍കുന്ന ലഘുലേഖകളും വിഡിയോകളും പോസ്റ്ററുകളും തയാറാക്കി പ്രചാരണവും നടത്തും. സ്‌കൂളുകളിലെ ബോധവത്കരണ പരിപാടിയുടെ ജില്ലാതല ഉദ്ഘാടനം പ്രൊവിഡന്‍സ് ഗേള്‍സ് ഹയര്‍ സെക്കന്‍ഡറി സ്‌കൂളില്‍ ജില്ലാ കളക്ടര്‍ സ്നേഹില്‍ കുമാര്‍ സിംഗ് നിര്‍വഹിക്കും. ജില്ലാ മെഡിക്കല്‍ ഓഫീസര്‍ അധ്യക്ഷത വഹിക്കും.

‌മുഖച്ഛായ മാറ്റത്തിനൊരുങ്ങി എ.സി. ഷണ്‍മുഖദാസ് സ്മാരക ആശുപത്രി

കോഴിക്കോട്: മുഖച്ഛായ മാറ്റത്തിനൊരുങ്ങി പുറക്കാട്ടിരി എ.സി. ഷണ്‍മുഖദാസ് മെമോറിയല്‍ ആയുര്‍വേദ ചൈല്‍ഡ് ആന്‍ഡ് അഡോളസന്‍റ് കെയര്‍ സെന്‍റര്‍. നാലര കോടി രൂപ ചെലവിട്ട് പുതുതായി നിര്‍മിക്കുന്ന അഞ്ച് നിലയുള്ള കെട്ടിടത്തില്‍ പഞ്ചകര്‍മ തിയേറ്റര്‍, കുട്ടികളുടെ ഒപി, ഐപി എന്നിവയാണ് ഒരുക്കുന്നത്. നവകേരള സദസില്‍ അനുവദിച്ച 2.5 കോടി രൂപയും ബജറ്റ് തുകയായ രണ്ട് കോടിയും വിനിയോഗിച്ച് നടത്തുന്ന വികസന പ്രവൃത്തിയുടെ ഡിപിആര്‍ തയാറായി വരികയാണ്. പഠന, പെരുമാറ്റ, വളര്‍ച്ചാ വൈകല്യമുള്ള കുട്ടികളെയും കൗമാരക്കാരെയും ചികിത്സിക്കുന്ന ആശുപത്രിയില്‍ നിരവധി മാറ്റങ്ങളാണ് സര്‍ക്കാര്‍ കൊണ്ടുവന്നത്. നേരത്തെ മന്ത്രി എ.കെ. ശശീന്ദ്രന്‍റെ ആസ്തി വികസന ഫണ്ടില്‍നിന്ന് ഒന്നരക്കോടി രൂപ ചെലവിട്ട് ആശുപത്രി കവാടവും റോഡും നിര്‍മിച്ചിരുന്നു. ആയുര്‍വേദ മരുന്ന്, പഞ്ചകര്‍മ തെറാപ്പി എന്നിവക്കൊപ്പം ലേണിംഗ് അസസ്‌മെന്‍റ്, റെമഡിയല്‍ ട്രെയിനിംഗ്, ഫിസിയോതെറാപ്പി, ഒക്യുപേഷണല്‍ തെറാപ്പി, സ്പീച്ച് ആന്‍ഡ് ലാംഗ്വേജ് തെറാപ്പി, ക്ലിനിക്കല്‍ യോഗ, സൈക്കോളജി എന്നീ സേവനങ്ങള്‍ സാധാരണക്കാര്‍ക്ക് സര്‍ക്കാര്‍ നിരക്കില്‍ ആശുപത്രിയില്‍ ലഭ്യമാക്കുന്നുണ്ട്. സെറിബ്രല്‍ പാള്‍സി, ഓട്ടിസം, എഡിഎച്ച്ഡി തുടങ്ങിയ രോഗങ്ങള്‍ക്കും ചികിത്സയുണ്ട്. വ്യക്തിഗത തെറാപ്പിക്ക് പുറമെ, ഗ്രൂപ്പ് തെറാപ്പി, രക്ഷാകര്‍തൃ വിദ്യാഭ്യാസ പരിപാടികള്‍, സ്‌കൂള്‍ പരിഹാര പരിപാടികള്‍, ബോധവത്കരണ ക്ലാസുകള്‍ എന്നിവയും നടത്തി വരുന്നു. വികസന പ്രവൃത്തികള്‍ വേഗത്തില്‍ പൂര്‍ത്തീകരിച്ച് ആശുപത്രിയെ അന്താരാഷ്ട്ര നിലവാരത്തിലേക്ക് ഉയര്‍ത്തുമെന്ന് മന്ത്രി എ.കെ. ശശീന്ദ്രന്‍ അറിയിച്ചു.

ഭിന്നശേഷിക്കാര്‍ക്കുള്ള ഏകീകൃത തിരിച്ചറിയല്‍ കാര്‍ഡ് : 2000 കാർഡുകൾ നൽകി

കോഴിക്കോട്: ജില്ലയിലെ ഭിന്നശേഷിക്കാരുടെ സമഗ്ര പുരോഗതി ലക്ഷ്യമിട്ട് ജില്ലാ ഭരണകൂടം ആരംഭിച്ച സഹമിത്ര പദ്ധതിയുടെ ഭാഗമായി ജില്ലാ സാമൂഹിക സുരക്ഷാ മിഷന്‍റെയും സാമൂഹികനീതി വകുപ്പിന്‍റെയും സഹകരണത്തോടെ സംഘടിപ്പിച്ച ഭിന്നശേഷി നിര്‍ണയ ക്യാമ്പുകളിലൂടെ ലഭ്യമാക്കിയത് 2019 സവിശേഷ ഏകീകൃത തിരിച്ചറിയല്‍ കാര്‍ഡുകള്‍. താമരശേരി മേരി മാതാ കത്തീഡ്രല്‍ പാരീഷ് ഹാളില്‍ നടന്ന ക്യാമ്പില്‍ പരിഗണിച്ച 175 അപേക്ഷകളില്‍ 133 എണ്ണത്തിന് മെഡിക്കല്‍ ബോര്‍ഡ് അംഗീകാരം നല്‍കുകയും 39 അപേക്ഷകള്‍ തുടര്‍പരിശോധനകള്‍ക്കായി ശിപാര്‍ശ ചെയ്യുകയും ചെയ്തു. ഇതോടെയാണ് തിരിച്ചറിയല്‍ കാര്‍ഡുകള്‍ 2000 പിന്നിട്ടത്. താമരശേരി താലൂക്ക് ആശുപത്രിക്ക് കീഴില്‍ രജിസ്റ്റര്‍ ചെയ്ത അപേക്ഷകരെയാണ് ക്യാമ്പില്‍ പരിഗണിച്ചത്. അങ്കണവാടി ടീച്ചര്‍മാര്‍ ഗൃഹസന്ദര്‍ശനങ്ങളിലൂടെ ശേഖരിച്ച് ജില്ലയിലെ വിവിധ കോളജുകളുടെ നേതൃത്വത്തില്‍ ഡിജിറ്റലൈസ് ചെയ്ത അപേക്ഷകളാണ് ജില്ലാ ഭരണകൂടത്തിന്‍റെ നേരിട്ടുള്ള മേല്‍നോട്ടത്തില്‍ സംഘടിപ്പിക്കുന്ന ക്യാമ്പുകളില്‍ പരിഗണിക്കുന്നത്. ഭിന്നശേഷിക്കാരുടെ അടിസ്ഥാന തിരിച്ചറിയല്‍ രേഖയായ ഏകീകൃത സവിശേഷ തിരിച്ചറിയല്‍ കാര്‍ഡിന് (യുഡിഐഡി) ആവശ്യമായ മെഡിക്കല്‍ പരിശോധനകള്‍ പൂര്‍ത്തിയാക്കി ഭിന്നശേഷി നിര്‍ണയമാണ് ഇതിലൂടെ നിര്‍വഹിക്കുന്നത്. ഭിന്നശേഷിക്കാരുടെ സമഗ്ര പരിരക്ഷ ഉറപ്പാക്കുക, അടിസ്ഥാന രേഖകളുടെ വിതരണം പൂര്‍ത്തിയാക്കുക, അനുകൂല സാമൂഹികാന്തരീക്ഷം വളര്‍ത്തുക, കേന്ദ്ര-സംസ്ഥാന തലങ്ങളിലെ സര്‍ക്കാര്‍ പദ്ധതികളുടെയും സ്‌കീമുകളുടെയും വിതരണം ഉറപ്പാക്കുക, ഭിന്നശേഷി സൗഹൃദ കെട്ടിടങ്ങള്‍ സാധ്യമാക്കുക തുടങ്ങിയ കര്‍മപരിപാടികള്‍ ഉള്‍പ്പെടുത്തിയതാണ് സഹമിത്ര പദ്ധതി. സാമൂഹിക സുരക്ഷാ മിഷന്‍ റീജ്യണല്‍ ഡയറക്ടര്‍ ഡോ. പി.സി. സൗമ്യ, റീജ്യണല്‍ പ്രോഗ്രാം കോഓഡിനേറ്റര്‍ മുഹമ്മദ് ഫൈസല്‍, കോഓഡിനേറ്റര്‍മാരായ ഡോ. ജിഷോ ജെയിംസ്, ഡോ. നിജീഷ് ആനന്ദ്, ജില്ലാ കളക്ടറുടെ ഇന്‍റേണ്‍സ് തുടങ്ങിയവര്‍ ക്യാമ്പിന് നേതൃത്വം നല്‍കി. താമരശേരി ഐഎച്ച്ആര്‍ഡി കോളജിലെ വിദ്യാര്‍ഥികളുടെ പിന്തുണയോടെയാണ് ക്യാമ്പ് സംഘടിപ്പിച്ചത്.

എൽഡിഎഫ് പ്രതിഷേധ മാർച്ച് നടത്തി

കൂരാച്ചുണ്ട്: കൂരാച്ചുണ്ട് പഞ്ചായത്ത് യുഡിഎഫ് ഭരണസമിതിയുടെ കെടുകാര്യസ്ഥതക്കും ഓഡിറ്റ് റിപ്പോർട്ടിലെ ഗുരുതരമായ പോരായ്‌മകൾക്കുമെതിരേ എൽഡിഎഫ് കൂരാച്ചുണ്ട് പഞ്ചായത്ത് കമ്മിറ്റിയുടെ നേതൃത്വത്തിൽ പഞ്ചായത്ത് ഓഫീസിലേക്ക് പ്രതിഷേധ മാർച്ച് സംഘടിപ്പിച്ചു. എൽഡിഎഫ് ബാലുശേരി നിയോജക മണ്ഡലം കൺവീനർ ഇസ്മായിൽ കുറുമ്പൊയിൽ ഉദ്ഘാടനം ചെയ്തു. ചെയർമാൻ ജോസഫ് വെട്ടുകല്ലേൽ അധ്യക്ഷത വഹിച്ചു. സിപിഐ ബാലുശേരി നിയോജക മണ്ഡലം അസിസ്റ്റന്‍റ് സെക്രട്ടറി എൻ. മുരളീധരൻ, എൽഡിഎഫ് പഞ്ചായത്ത് കമ്മിറ്റി കൺവീനർ വി.ജെ സണ്ണി, സിപിഎം ലോക്കൽ കമ്മിറ്റി സെക്രട്ടറി കെ.ജി അരുൺ , കേരള കോൺഗ്രസ്- എം കൂരാച്ചുണ്ട് മണ്ഡലം കമ്മിറ്റി പ്രസിഡന്‍റ് വിത്സൻ പാത്തിച്ചാലിൽ എന്നിവർ പ്രസംഗിച്ചു.

വ്യാജ ആയുർവേദ കേന്ദ്രങ്ങൾക്കെതിരേ എഎംഎഐ

പേരാമ്പ്ര: ആയുർവേദത്തിന്‍റെ മറവിൽ യാതൊരു അംഗീകാരവുമില്ലാതെ പ്രവർത്തിക്കുകയും അനാശാസ്യ പ്രവർത്തനങ്ങളിൽ ഏർപ്പെടുകയും ചെയ്യുന്ന സ്ഥാപനങ്ങൾക്കെതിരേ കൃത്യമായ നടപടികൾ സ്വീകരിക്കണമെന്നു ആയുർവേദ മെഡിക്കൽ അസോസിയേഷൻ ഓഫ് ഇന്ത്യ (എഎംഎഐ) ആവശ്യപ്പെട്ടു. കഴിഞ്ഞ ദിവസം പേരാമ്പ്രയിലെ ഒരു വെൽനസ് സെന്‍ററിൽ നടന്ന പോലീസ് റെയ്ഡും അതിനെത്തുടർന്നുണ്ടായ അറസ്റ്റുകളും നിർഭാഗ്യകരമാണ്. ഇത്തരം വ്യാജ വൈദ്യ സ്ഥാപനങ്ങൾ പൊതുജനാരോഗ്യത്തിനും ആയുർവേദത്തിന്‍റെ സൽപ്പേരിനും ഭീഷണിയാണെന്നു എഎംഎഐ ഭാരവാഹികൾ പേരാമ്പ്ര പ്രസ് ക്ലബിൽ നടത്തിയ വാർത്താസമ്മേളനത്തിൽ വ്യക്തമാക്കി. ഈ സ്ഥാപനത്തിനെതിരേ സംഘടനയുടെ സംസ്ഥാന നേതൃത്വം മുമ്പ് തന്നെ കേരള മുഖ്യമന്ത്രി ഉൾപ്പെടെ ബന്ധപ്പെട്ട അധികാരികൾക്ക് പരാതി നൽകിയിരുന്നു. എന്നാൽ പരാതി താഴെത്തട്ടിലേക്ക് അന്വേഷണത്തിനായി വന്നപ്പോൾ അങ്ങനെ ഒരു സ്ഥാപനം ഇവിടെ പ്രവർത്തിക്കുന്നില്ല എന്ന റിപ്പോർട്ടാണ് പോലീസിന്‍റെ ഭാഗത്തുനിന്നും ലഭിച്ചത്. ഈ റിപ്പോർട്ടിന് വിരുദ്ധമായി അവിടെ നിന്ന് കഴിഞ്ഞ ദിവസം ആളുകളെ പിടികൂടുകയും അനാശാസ്യ പ്രവർത്തനങ്ങൾ നടന്നതായി തെളിയുകയും ചെയ്തത് ഞെട്ടിക്കുന്നതാണ്. ഇത് നിയമപാലകരുടെ ഭാഗത്തു നിന്നുണ്ടായ ഗുരുതരമായ വീഴ്ചയാണെന്നും ഭാരവാഹികൾ പത്രസമ്മേളനത്തിൽ പറഞ്ഞു. എഎംഎഐ ജില്ലാ പ്രസിഡന്‍റ് ഡോ.ബി.ജി. അഭിലാഷ്, എഎംഎഐ കോഴിക്കോട് സോൺ സെക്രട്ടറി ഡോ. ജി.എസ്. സുഗേഷ് കുമാർ, എഎംഎഐ കോഴിക്കോട് ജില്ലാ വൈസ് പ്രസിഡന്‍റ് ഡോ. കെ. വിപിൻദാസ്, എഎംഎഐ പേരാമ്പ്ര ഏരിയാ പ്രസിഡന്‍റ് ഡോ. ഷീന സുരേഷ്, എഎംഎഐ പേരാമ്പ്ര ഏരിയ സെക്രട്ടറി ഡോ. എം. മേനക എന്നിവർ വാർത്താ സമ്മേളനത്തിൽ പങ്കെടുത്തു.

കാട്ടാന ശല്യം:കൃഷിയിടം കർഷക കോൺഗ്രസ് നേതാക്കൾ സന്ദർശിച്ചു

തിരുവമ്പാടി: കാട്ടാന കൃഷി നശിപ്പിച്ച തിരുവമ്പാടി പഞ്ചായത്ത് മേലെ പൊന്നാങ്കയം കാടോത്തിമല ഭാഗത്ത്‌ കർഷക കോൺഗ്രസ് സംസ്ഥാന പ്രസിഡന്‍റ് മാജുഷ് മാത്യുവിന്‍റെ നേതൃത്വത്തിലുള്ളസംഘം സന്ദർശിച്ചു. കാട്ടാനയെ തുരത്തുന്നതിന് അടിയന്തര നടപടി സ്വീകരിക്കണമെന്ന് നേതാക്കൾ ആവശ്യപ്പെട്ടു. സ്ഥലം എംഎൽഎ കൃഷിനാശം സംഭവിക്കുന്ന കർഷകർക്ക് വേണ്ടി പ്രതികരിക്കുന്നില്ല. അവരുടെ പ്രശ്നങ്ങൾ ഉയർത്തിക്കാണിക്കുന്നതിൽ പരാജയപ്പെട്ടു. കൃഷിയിടത്തിൽ ഇറങ്ങുന്ന കാട്ടാനകളെ വനത്തിലേക്ക് തുരത്തുന്നതിൽ വനംവകുപ്പ് ഉദ്യോഗസ്ഥർ കാണിക്കുന്ന അനാസ്ഥ അവസാനിപ്പിക്കണമെന്നും മാജുഷ് മാത്യു പറഞ്ഞു. പുത്തൻപുരയിൽ ഷാജി, ഗോപിനാഥൻ പുത്തൻപുരയിൽ, മുരിങ്ങയിൽ മൈക്കിൾ, മണിക്കൊമ്പേൽ ജോസുകുട്ടി, മോഹനൻ പുളിയാനിപ്പുഴ, അശോകൻ പുതുപ്പറമ്പിൽ, പ്രവീൺ പതാലിയിൽ, അനിൽ പുതുപ്പറമ്പിൽ എന്നീ കർഷകരുടെ വാഴ, തെങ്ങ്, കമുങ്ങ്, ജാതി, കൊക്കോ, കപ്പ തുടങ്ങിയവയാണ് കാട്ടാന നശിപ്പിച്ചത്. കർഷക കോൺഗ്രസ് ജില്ലാ പ്രസിഡന്‍റ് അഡ്വ. ബിജു കണ്ണന്തറ, സംസ്ഥാന ജനറൽ സെക്രട്ടറി ബോസ് ജേക്കബ്, വൈസ് പ്രസിഡന്‍റ് ദേവസ്യ ചൊള്ളാമഠം, നിയോജക മണ്ഡലം പ്രസിഡന്‍റ് തമ്പി പറകണ്ടത്തിൽ, പഞ്ചായത്ത് പ്രസിഡന്‍റ് ബിന്ദു ജോൺസൺ, യുഡിഎഫ് ചെയർമാൻ ടി.ജെ. കുര്യാച്ചൻ തെങ്ങുംമൂട്ടിൽ, ടോമി കൊന്നക്കൽ, സാബു അവന്നൂർ, ലൈജു അരീപ്പറമ്പിൽ, തുടങ്ങിയവർ ഒപ്പമുണ്ടായിരുന്നു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]