ചവറ: ചവറ ബ്ലോക്ക് പഞ്ചായത്തിന്‍റെ നേതൃത്വത്തിൽ പാലിയേറ്റീവ് ട്രീറ്റ്മെന്‍റ് സപ്പോർട്ട് യൂണിറ്റ് ആരംഭിക്കുന്നു. പൊതു മേഖല സ്ഥാപനങ്ങൾ, വ്യാപാരികൾ, ആരോഗ്യ പ്രവർത്തകർ, ഓട്ടോ ടാക്സി തൊഴിലാളികൾ, സന്നദ്ധ പ്രവർത്തകർ എന്നിവരുടെ സഹകരണത്തോടെയാണ് പദ്ധതി നടപ്പാക്കുന്നത്.
ഇതിലേക്കായി വിവിധ പഞ്ചായത്തുകളിൽ നിന്നു തെരഞ്ഞെടുത്ത സന്നദ്ധ പ്രവർത്തകർക്കായി ഏക ദിന പരിശീലന പരിപാടി ചവറ ബ്ലോക്ക് പഞ്ചായത്ത് ഹാളിൽ നടന്നു.ബ്ലോക്ക് പഞ്ചായത്ത് പ്രസിഡന്‍റ് സന്തോഷ്‌ തുപ്പാശേരി ഉദ്ഘാടനം നിർവഹിച്ചു. വൈസ് പ്രസിഡന്‍റ് സോഫിയ സലാം അധ്യക്ഷയായി .
ചവറ പഞ്ചായത്ത് പ്രസിഡന്‍റ് അഡ്വ. സുരേഷ് കുമാർ, ജില്ലാ പഞ്ചായത്ത് അംഗം സി.പി .സുധീഷ് കുമാർ, പന്മന പഞ്ചായത്ത് വൈസ് പ്രസിഡന്‍റ് പന്മന ബാലകൃഷ്ണൻ, സ്ഥിരം സമിതി അധ്യക്ഷരായ ജോസ് വിമൽരാജ്, എം. പ്രസന്നൻ ഉണ്ണിത്താൻ, നിഷാ സുനീഷ്, ബ്ലോക്ക് പഞ്ചായത്ത് അംഗങ്ങളായ ജിജി, പ്രിയഷിനു, ബിഡിഒ അമ്പിളി, ബ്ലോക്ക് മെഡിക്കൽ ഓഫീസർ ഡോ. തനൂജ , വിഷ്ണു, സിദ്ധിക്ക് മംഗലശേരി, സുന്ദരേശൻ, സുരേഷ് ബാബു, അനുജ്, അൻസൽന എന്നിവർ പ്രസംഗിച്ചു.