കൊടിയത്തൂര്‍: കൊടിയത്തൂരില്‍ നടന്ന മുക്കം ഉപജില്ലാ സ്കൂൾ കലോത്സവത്തിൽ വേനപ്പാറ ലിറ്റിൽ ഫ്ലവർ യുപി സ്കൂളിന് യുപി ജനറൽ വിഭാഗത്തിൽ ഓവറോൾ ചാമ്പ്യൻഷിപ്പ്. തുടർച്ചയായ രണ്ടാം വർഷമാണ് യുപി ജനറൽ വിഭാഗത്തിൽ 80 പോയിന്‍റ് നേടി സ്കൂൾ ഓവറോൾ ഒന്നാം സ്ഥാനം കരസ്ഥമാക്കുന്നത്.
ചരിത്രത്തിലാദ്യമായി സംസ്കൃതോത്സവത്തിൽ സ്കൂൾരണ്ടാം സ്ഥാനം കരസ്ഥാക്കി. എൽപി വിഭാഗത്തിൽ നാലാംസ്ഥാനം കരസ്ഥമാക്കിയ വിദ്യാലയം അറബി കലോത്സവത്തിലും മികച്ച പ്രകടനമാണ് കാഴ്ചവച്ചത്. സമാപന യോഗത്തിൽ മുക്കം ഉപജില്ലാ വിദ്യാഭ്യാസ ഓഫീസർ ടി.ദീപ്തിയിൽ നിന്നും കലാകിരീടം പ്രധാനാധ്യാപകൻ ജെയിംസ് ജോഷി അധ്യാപകരായ എം.എ. ഷബ്ന ,
സി.കെ. ബിജില, ജിൽസ് തോമസ്, വിമൽ വിനോയി, സ്മിത മാത്യു, സിസ്റ്റർ ജെയ്സി, ബിജു മാത്യു, പി.എം. ഷാനിൽ , സിന്ധു സഖറിയ , എബി തോമസ്, പിടിഎ പ്രസിഡന്‍റ് അബ്ദുൾ സത്താർ, എംപിടിഎ പ്രസിഡന്‍റ് ഭാവന വിനോദ്, വിദ്യാർഥി പ്രതിനിധികളായ ഹന ഫാത്തിമ, അബീറ മറിയം, ഹദീജ മുഫ്ലിഹ , വൈഷ്ണവ് ഹരി, റിയോൺ പ്രവീൺ , കെ.ഇൻഷ , ആഗ്ന യാമി എന്നിവരും മറ്റു വിദ്യാർഥികളും രക്ഷിതാക്കളും ചേർന്ന് ഏറ്റുവാങ്ങി.