ജാ​മ്യ​മി​ല്ലാവ​കു​പ്പ് പ്ര​കാ​രം കേ​സെടുത്തു : ജി​ല്ലാപ​ഞ്ചാ​യ​ത്തം​ഗം ഹോ​ട്ട​ലി​ൽ അ​തി​ക്ര​മി​ച്ചുക​യ​റി മ​ർ​ദിച്ചെന്ന് പരാതി
Saturday, September 21, 2024 6:32 AM IST
നെ​ടു​മ​ങ്ങാ​ട്: ജി​ല്ലാ പ​ഞ്ചാ​യ​ത്തം​ഗം വെ​ള്ള​നാ​ട് ശ​ശി ഹോ​ട്ട​ലി​ൽ അ​തി​ക്ര​മി​ച്ചു ക​യ​റി യു​വാ​വി​നെ​യും ഭാ​ര്യ​യെ​യും കു​ട്ടി​യെ​യും മർദിച്ചെന്നു പരാതി. യുവതിയുടെ മാ​താ​വി​നും മ​ർ​ദനമേറ്റു.

വെ​ള്ള​നാ​ട് കു​ള​ക്കോ​ട് വി​ല്ലേ​ജ് ഓ​ഫീ​സി​നു മു​ൻ​പി​ലെ ഹോ​ട്ട​ലി​ൽ ഇ​ന്ന​ലെ ഉ​ച്ച​യ്ക്കാ​യി​രു​ന്നു സം​ഭ​വം. വെ​ള്ള​നാ​ട് പ​ഞ്ചാ​യ​ത്തി​ലെ ജീ​വ​ന​ക്കാ​ര​നാ​യ നെ​ടു​മാ​നൂ​ർ അ​യ​ണി​ത്ത​ല​ക്ക​ൽ സ്വ​ദേ​ശി അ​രു​ൺ ജി ​റോ​ജ് ന​ട​ത്തു​ന്ന ഹോ​ട്ട​ലി​ലാ​ണ് അ​ക്ര​മം ഉ​ണ്ടാ​യ​ത്. ഹോ​ട്ട​ലി​നു മു​ന്നി​ലെ ഭ​ക്ഷ​ണ സാ​ധ​ങ്ങ​ളു​ടെ പ​ട്ടി​ക ത​യാ​റാ​ക്കി​യ ബോ​ർ​ഡ് നീ​ക്കം ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ടു ന​ട​ന്ന ത​ർ​ക്ക​ത്തി​നൊ​ടു​വി​ലാ​യി​രു​ന്നു അ​ക്ര​മം.

അ​രു​ൺ ജി ​റോ​ജി​ന്‍റെ എ​ട്ടു വ​യ​സു​ള്ള മ​ക​ൻ സം​ഭ​വം മൊ​ബൈ​ലി​ൽ പ​ക​ർ​ത്തി​യി​രു​ന്നു. ഇ​തി​ൽ പ്ര​കോ​പി​ത​നാ​യ വെ​ള്ള​നാ​ട് ശ​ശി ഫോ​ൺ ത​ട്ടി​തെ​റി​പ്പി​ച്ച​ശേ​ഷം കു​ട്ടി​യെ പി​ടി​ച്ചു ത​ള്ളി. ഇ​തു​ചോ​ദ്യം ചെ​യ്ത അ​രു​ണി​ന്‍റെ ഭാ​ര്യ സു​ക​ന്യ രാ​ജു​മാ​യും മാ​താ​വ് ഗീ​ത​യു​മാ​യും ശ​ശി ത​ർ​ക്ക​ത്തി​ലാ​യി.

തു​ട​ർ​ന്ന് തി​രി​ഞ്ഞു ന​ട​ന്ന ശ​ശി മ​ട​ങ്ങി​പ്പോ​കാ​നായി ​സ്കൂ​ട്ട​റി​ന്‍റെ അ​ടു​ത്തെ​ത്തി​യ​പ്പോ​ൾ, സു​ക​ന്യ ശ​ശി​യു​ടെ വാ​ഹ​ന​ത്തി​ൽ​നി​ന്ന് താ​ക്കോ​ൽ എ​ടു​ത്തു​മാ​റ്റി. ഇ​തോ​ടെ പ്ര​കോ​പി ത​നാ​യ ശ​ശി​യും താ​ക്കോ​ൽ തി​രി​കെ വാ​ങ്ങാ​നാ​യി ക​ട​യി​ൽ ക​യ​റി. തു​ട​ർ​ന്ന് ശ​ശി​യെ സു​ക​ന്യ​യും സം​ഘ​വും ഹോ​ട്ട​ലി​ൽ നി​ന്നും ത​ള്ളി പു​റ​ത്താ​ക്കു​ക​യും ചെ​യ്തു.

എ​ന്നാ​ൽ ശ​ശി കു​ട്ടി​യെ ആ​ക്ര​മി​ച്ചി​ട്ടി​ല്ലെ​ന്നും ഫോ​ൺ ത​ട്ടി താ​ഴെ ഇ​ടു​ക ആ​ണ് ഉ​ണ്ടാ​യ​തെ​ന്നും ഒ​രു വി​ഭാ​ഗം പ​റ​ഞ്ഞു. 10,000 രൂ​പ ശ​ശി പി​രി​വു ചോ​ദി​ച്ചെ​ന്നും 2000 രൂ​പ ത​രാ​മെ​ന്നു പ​റ​ഞ്ഞ​തി​ലു​ള്ള വി​രോ​ധ​മാ​ണ് അ​ക്ര​മ​ത്തി​നു പി​ന്നി​ലെ​ന്ന് കോ​ൺ​ഗ്ര​സ് പ്ര​വ​ർ​ത്ത​ക​ർ ആ​രോ​പി​ച്ചു. ക​ട ഉ​ട​മ​യെ ആ​ക്ര​മി​ച്ച ശ​ശി​യെ അ​റ​സ്റ്റ് ചെ​യ്യ​ണ​മെ​ന്നാ​വ​ശ്യ​പ്പെ​ട്ട് കോ​ൺ​ഗ്ര​സ് പ്ര​വ​ർ​ത്ത​ക​ർ ക​ട​യു​ടെ മു​ന്നി​ൽ ബ​ഹ​ളം ന​ട​ത്തി.

ഉ​ചി​ത​മാ​യി ന​ട​പ​ടി സ്വീ​ക​രി​ക്കു​മെ​ന്ന് ആ​ര്യ​നാ​ട് ഇ​ൻ​സ്പെ​ക്ട​ർ വി.​എ​സ്. അ​ജീ​ഷ് ഉ​റ​പ്പ് ന​ൽ​കി. തു​ട​ർ​ന്ന് പോ​ലീ​സ് ശ​ശി എ​ത്തി​യ സ്കൂ​ട്ട​ർ സ്റ്റേ​ഷ​നി​ലേ​ക്ക് കൊ​ണ്ടു​പോ​യി. ഗീ​ത​യും വ​ല​തു കൈയിൽ പ​രു​ക്കേ​റ്റ കുട്ടിയും വെ​ള്ള​നാ​ട് ആ​ശു​പ​ത്രി​യി​ൽ ചി​കി​ത്സ തേ​ടി​യി​ട്ടു​ണ്ട്. ഹോ​ട്ട​ലി​ൽ അ​തി​ക്ര​മി​ച്ചു ക​യ​റി ആ​ക്ര​മ​ണം ന​ട​ത്തി​യ​തി​നു ജി​ല്ലാ​പ​ഞ്ചാ​യ​ത്തം​ഗം വെ​ള്ള​നാ​ട് ശ​ശി ക്കെ​തി​രെ ജാ​മ്യ​മി​ല്ല വ​കു​പ്പു​പ്ര​കാ​രം ആ​ര്യ​നാ​ട് പോ​ലീ​സ് കേ​സെ​ടു​ത്തു.
Copyright @ 2018 , Rashtra Deepika Ltd.