മോദിയുടെ സത്യപ്രതിജ്ഞയ്ക്ക് മലയാളി ലോക്കോ പൈലറ്റിനും ക്ഷണം : Deepika.com National News |

Click here for detailed news of all items

മോദിയുടെ സത്യപ്രതിജ്ഞയ്ക്ക് മലയാളി ലോക്കോ പൈലറ്റിനും ക്ഷണം

Sunday, June 9, 2024 1:09 AM IST

ചെന്നൈ: ഇന്നു വൈകുന്നേരം രാഷ്‌ട്രപതിഭവൻ അങ്കണത്തിൽ നടക്കുന്ന മൂന്നാം മോദി സർക്കാരിന്‍റെ സത്യപ്രതിജ്ഞാചടങ്ങിലേക്ക് മലയാളി ലോക്കോ പൈലറ്റിനും ക്ഷണം.

അങ്കമാലി മൂഴിക്കുളം സ്വദേശിനി ഐശ്വര്യ എസ്. മേനോനാണു ക്ഷണം ലഭിച്ചത്. ചടങ്ങില്‍ ഐശ്വര്യ പങ്കെടുക്കുമെന്ന് ദക്ഷിണറെയില്‍വേ അറിയിച്ചു. ചടങ്ങിലേക്ക് ക്ഷണമുള്ള 8,000 അതിഥികളിൽ ഐശ്വര്യ ഉൾപ്പെടെ പത്ത് ലോക്കോ പൈലറ്റുമാരുമുണ്ട്.

ചെന്നൈ ഡിവിഷനിലെ സീനിയര്‍ അസിസ്റ്റന്‍റ് ലോക്കോ പൈലറ്റാണ് ഐശ്വര്യ. മികച്ച പ്രവര്‍ത്തനത്തിനും കാര്യക്ഷമതയ്ക്കും നിരവധി തവണ റെയില്‍വേയുടെ അംഗീകാരം ലഭിച്ചിട്ടുണ്ട്.

മൂന്നാര്‍ കോളജ് ഓഫ് എന്‍ജിനിയറിംഗില്‍നിന്ന് ബിടെക് പൂര്‍ത്തിയാക്കി 2019ലാണ് ദക്ഷിണ റെയില്‍വേയില്‍ ചേര്‍ന്നത്.

വന്ദേഭാരത് എക്‌സ്പ്രസ് ആരംഭിച്ചതു മുതല്‍ ചെന്നൈ-വിജയവാഡ, ചെന്നൈ-കോയമ്പത്തൂര്‍ റൂട്ടിലെ ട്രെയിനുകളാണ് ഓടിക്കുന്നത്. ഇതിനോടകം വന്ദേഭാരത് എക്സ്പ്രസ്, ജനശതാബ്‌ദി എക്സ്പ്രസ് തുടങ്ങി വിവിധ ട്രെയിനുകളിലായി രണ്ടു ലക്ഷം മണിക്കൂർ പ്രവർത്തനപരിചയമുണ്ട് ഐശ്വര്യയ്ക്ക്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.