Play Audio

ശ്രേ​ഷ്ഠ നാ​യ​കാ ആ​ദ​ര​പൂ​ർ​വം വി​ട
Saturday, November 2, 2024 12:00 AM IST
ശ്രേ​ഷ്ഠ കാ​തോ​ലി​ക്ക ബ​സേ​ലി​യോ​സ് തോ​മ​സ് പ്ര​ഥ​മ​ൻ ബാ​വ വി​ശ്വാ​സം സം​ര​ക്ഷി​ച്ചു​കൊ​ണ്ട് സം​വ​ത്സ​ര​ങ്ങ​ൾ വി​ശ്ര​മ​മി​ല്ലാ​തെ ഓ​ടി, ന​ല്ല ഓ​ട്ടം പൂ​ർ​ത്തി​യാ​ക്കി​യി​രി​ക്കു​ന്നു. ഇ​നി യാ​ക്കോ​ബാ​യ സു​റി​യാ​നി​ സ​ഭ​യു​ടെ സ്വ​ർ​ഗീ​യ മ​ധ്യ​സ്ഥ​ൻ.

യാ​ക്കോ​ബാ​യ സു​റി​യാ​നി സ​ഭ​യെ ജീ​വ​നു തു​ല്യം സ്നേ​ഹി​ക്കു​ക​യും ര​ണ്ടു പ​തി​റ്റാ​ണ്ട് ന​യി​ക്കു​ക​യും ചെ​യ്ത ശ്രേ​ഷ്ഠ കാ​തോ​ലി​ക്ക ബ​സേ​ലി​യോ​സ് തോ​മ​സ് പ്ര​ഥ​മ​ൻ ബാ​വ കാ​ല​യ​വ​നി​ക​യ്ക്കു പി​ന്നി​ലേ​ക്കു മാ​റി​യി​രി​ക്കു​ന്നു. ബാ​വ​യു​ടെ വി​യോ​ഗം സൃ​ഷ‌്ടി​ച്ച ദുഃ​ഖ​വും ശൂ​ന്യ​ത​യും ചെ​റു​ത​ല്ല. പു​ത്ത​ൻ​കു​രി​ശ് മാ​ര്‍ അ​ത്ത​നേ​ഷ്യ​സ് ക​ത്തീ​ഡ്ര​ലി​ലെ ക​ബ​റി​ട​ത്തി​ൽ അ​ദ്ദേ​ഹ​ത്തി​ന്‍റെ ഭൗ​തി​ക​ദേ​ഹം ഇ​ന്നു സം​സ്ക​രി​ക്കും.

പ​ക്ഷേ, ക​ഠി​നാ​ധ്വാ​ന​ത്തി​ലും സ​ഭാ സ്നേ​ഹ​ത്തി​ലും അ​ദ്ദേ​ഹം താ​ണ്ടി​യ ദു​ർ​ഘ​ട​പാ​ത​ക​ളു​ടെ ച​രി​ത്ര​സ്മ​ര​ണ​ക​ൾ​ക്കു മ​ര​ണ​മി​ല്ല. പ്ര​തി​സ​ന്ധി​യു​ടെ കാ​ല​ത്ത് ശ്രേ​ഷ്ഠ കാ​തോ​ലി​ക്ക​യാ​യി സ​ഭ​യെ ന​യി​ക്കാ​നാ​യി​രു​ന്നു ബ​സേ​ലി​യോ​സ് തോ​മ​സ് പ്ര​ഥ​മ​ൻ ബാ​വ​യു​ടെ നി​യോ​ഗം. 1958ൽ ​മ​ഞ്ഞ​നി​ക്ക​ര ദ​യ​റാ​യി​ല്‍ ഫാ. ​സി.​എം. തോ​മ​സ് ചെ​റു​വി​ള്ളി​ല്‍ എ​ന്ന പേ​രി​ല്‍ വൈ​ദി​ക​പ​ട്ടം സ്വീ​ക​രി​ച്ച​തു മു​ത​ൽ ജീ​വി​തം സ​ഭ​യ്ക്കു​വേ​ണ്ടി​യാ​യി​രു​ന്നു.

പി​ന്നീ​ടു​ള്ള ആ​റ​ര പ​തി​റ്റാ​ണ്ട് നി​സാ​ര​മാ​യ കാ​ല​യ​ള​വ​ല്ല. വി​വി​ധ പ​ള്ളി​ക​ളി​ല്‍ വി​കാ​രി​യാ​യി സേ​വ​നം ചെ​യ്തു. വി​ശ്വാ​സി​ക​ളു​ടെ​യും ഇ​ത​ര മ​ത​സ്ഥ​രു​ടെ​യു​മൊ​ക്കെ ജീ​വി​താ​വ​സ്ഥ​ക​ളെ അ​ടു​ത്ത​റി​യാ​ൻ സ്വ​ന്തം ജീ​വി​ത​യാ​ത്ര​യി​ൽ പി​ന്നി​ട്ട ക​ഠി​ന​വ​ഴി​ക​ളും അ​ദ്ദേ​ഹ​ത്തെ സ​ഹാ​യി​ച്ചു. നാ​ലാം ക്ലാ​സി​ൽ ര​ണ്ടു​വ​ട്ടം തോ​റ്റ​തോ​ടെ പ​ഠ​നം നി​ർ​ത്തി അ​ഞ്ച​ലോ​ട്ട​ക്കാ​ര​നാ​യി.

ഒ​രു തോ​ൾ​സ​ഞ്ചി​യി​ൽ ക​ത്തു​ക​ൾ ഉ​ൾ​പ്പെ​ടെ​യു​ള്ള ത​പാ​ൽ ഉ​രു​പ്പ​ടി​ക​ളു​മാ​യി ഓ​ടി​യെ​ത്തി​യി​രു​ന്ന​യാ​ളാ​യി​രു​ന്നു അ​ഞ്ച​ലോ​ട്ട​ക്കാ​ര​ൻ; പ​ഴ​യ പോ​സ്റ്റ്മാ​ൻ. പു​ത്ത​ൻ​കു​രി​ശു മു​ത​ൽ തൃ​പ്പൂ​ണി​ത്തു​റ വ​രെ ആ ​ത​പാ​ൽ​ക്കാ​ര​ൻ ഓ​ടി. പ​ക്ഷേ, സെ​മി​നാ​രി​യി​ൽ ചേ​ർ​ന്ന​തു മു​ത​ൽ അ​വ​സാ​ന ദി​വ​സം വ​രെ അ​ദ്ദേ​ഹം സ​ഭ​യു​ടെ അ​ഞ്ച​ലോ​ട്ട​ക്കാ​ര​നാ​യി​രു​ന്നു.

സ​ഭ​യ്ക്കു​വേ​ണ്ടി ദൈ​വ​ത്തി​നും സ​മൂ​ഹ​ത്തി​നും സ​ർ​ക്കാ​രി​നും കോ​ട​തി​ക​ൾ​ക്കു​മി​ട​യി​ൽ സ​ന്ദേ​ശ​ങ്ങ​ളും ഉ​ത്ത​ര​വു​ക​ളും വി​ധി​പ്പ​ക​ർ​പ്പു​ക​ളു​മാ​യി ഓ​ടി​ക്കൊ​ണ്ടേ​യി​രു​ന്നു. സ​ർ​ക്കാ​രി​ന്‍റെ കാ​ക്കി​യു​ടു​പ്പി​നും ത​ലേ​ക്കെ​ട്ടി​നും പ​ക​രം ന​ല്ലി​ട​യ​ന്‍റെ വേ​ഷം! 1974 ഫെ​ബ്രു​വ​രി 24ന് ​മെ​ത്രാ​പ്പോ​ലീ​ത്ത​യാ​യ​പ്പോ​ൾ ചു​മ​ത​ല​യും വ​ർ​ധി​ക്കു​ക​യാ​യി​രു​ന്നു. 1999ൽ ​എ​പ്പി​സ്‌​കോ​പ്പ​ല്‍ സൂ​ന​ഹ​ദോ​സ് പ്ര​സി​ഡ​ന്‍റാ​യി.

അ​ഖി​ല മ​ല​ങ്ക​ര പ​ള്ളി പ്ര​തി​പു​രു​ഷ യോ​ഗം അ​ദ്ദേ​ഹ​ത്തെ കാ​തോ​ലി​ക്കാ ബാ​വ​യും മെ​ത്രാ​പ്പോ​ലീ​ത്ത​ന്‍ ട്ര​സ്റ്റി​യു​മാ​യി തെ​ര​ഞ്ഞെ​ടു​ത്തു. 2002 ജൂ​ലൈ 26ന് ​ഡ​മാ​സ്‌​ക​സി​ലെ സെ​ന്‍റ് പീ​റ്റേ​ഴ്‌​സ് ആ​ന്‍​ഡ് സെ​ന്‍റ് പോ​ള്‍​സ് പാ​ത്രി​യാ​ര്‍​ക്കാ ക​ത്തീ​ഡ്ര​ലി​ല്‍ ഇ​ഗ്‌​നാ​ത്തി​യോ​സ് സ​ഖാ പ്ര​ഥ​മ​ന്‍ പാ​ത്രി​യ​ര്‍​ക്കീ​സ് ബാ​വ അ​ദ്ദേ​ഹ​ത്തെ ശ്രേ​ഷ്ഠ കാ​തോ​ലി​ക്ക​യാ​യി വാ​ഴി​ച്ചു. മാ​ര്‍ ബ​സേ​ലി​യോ​സ് തോ​മ​സ് പ്ര​ഥ​മ​ന്‍ എ​ന്ന പേ​ര് സ്വീ​ക​രി​ച്ചു.

17 വ​ര്‍​ഷം മെ​ത്രാ​പ്പോ​ലീ​ത്ത​ന്‍ ട്ര​സ്റ്റി​യാ​യും സേ​വ​നം ചെ​യ്തു. സ​ഭാ ത​ർ​ക്ക​ങ്ങ​ളും കോ​ട​തി വ്യ​വ​ഹാ​ര​ങ്ങ​ളും പോ​ലീ​സ് ഇ​ട​പെ​ട​ലു​ക​ളും അ​റ​സ്റ്റും ജ​യി​ൽ​വാ​സ​വു​മൊ​ന്നും ത​ള​ർ​ത്തി​യി​ല്ലെ​ങ്കി​ലും സു​പ്രീം​കോ​ട​തി വി​ധി​യെ​ത്തു​ട​ർ​ന്ന് പ​ള്ളി​ക​ൾ വി​ട്ടു​കൊ​ടു​ക്കേ​ണ്ട സ്ഥി​തി​യു​ണ്ടാ​യ​ത് അ​ദ്ദേ​ഹ​ത്തെ ദുഃ​ഖി​ത​നാ​ക്കി​യി​രു​ന്നു. 650 കേ​സു​ക​ളി​ൽ പ്ര​തി​യാ​യി​രു​ന്നെ​ങ്കി​ലും വാ​ദി​യാ​യി ഒ​രു കേ​സു​പോ​ലു​മി​ല്ലെ​ന്നാ​ണ് അ​റി​യു​ന്ന​ത്.

സ​ഭാ​ത​ർ​ക്ക​ങ്ങ​ൾ നി​ല​നി​ൽ​ക്കു​ന്പോ​ഴും സൗ​ഹൃ​ദ​ങ്ങ​ളെ​യും സാ​ഹോ​ദ​ര്യ​ത്തെ​യും വി​ല​മ​തി​ച്ചു. ശ്രേ​ഷ്ഠ​ത വി​ശേ​ഷ​ണ​ത്തി​ൽ മാ​ത്ര​മ​ല്ല, പ്ര​വൃ​ത്തി​യി​ലും തി​ള​ങ്ങി​യി​രു​ന്നു. 2019 മേ​യ് ഒ​ന്നി​ന് ആ​രോ​ഗ്യ കാ​ര​ണ​ങ്ങ​ളാ​ൽ ഭ​ര​ണ​ച്ചു​മ​ത​ല​ക​ളി​ൽ​നി​ന്ന് ഒ​ഴി​ഞ്ഞെ​ങ്കി​ലും ആ​ത്മീ​യ നേ​തൃ​സ്ഥാ​ന​ത്ത് തു​ട​രു​ക​യാ​യി​രു​ന്നു.

അ​ഞ്ച​ലോ​ട്ട​ക്കാ​ര​ൻ ദി​വ​സ​വും എ​ട്ടു മ​ണി​ക്കൂ​ർ ഓ​ട​ണ​മെ​ന്നാ​യി​രു​ന്നു വ്യ​വ​സ്ഥ. പി​ന്നീ​ട് ചു​മ​ത​ല അ​ടു​ത്ത​യാ​ൾ​ക്കു കൈ​മാ​റും. അ​തേ, ശ്രേ​ഷ്ഠ കാ​തോ​ലി​ക്ക ബ​സേ​ലി​യോ​സ് തോ​മ​സ് പ്ര​ഥ​മ​ൻ ബാ​വ വി​ശ്വാ​സം സം​ര​ക്ഷി​ച്ചു​കൊ​ണ്ട് സം​വ​ത്സ​ര​ങ്ങ​ൾ സ​മ​യ​പ​രി​ധി​യി​ല്ലാ​തെ ഓ​ടി, ന​ല്ല ഓ​ട്ടം പൂ​ർ​ത്തി​യാ​ക്കി​യി​രി​ക്കു​ന്നു.

ബ​സേ​ലി​യോ​സ് തോ​മ​സ് പ്ര​ഥ​മ​ൻ ബാ​വ സ്ഥാ​പി​ച്ച പ​ള്ളി​ക​ളും വി​ദ്യാ​ഭ്യാ​സ സ്ഥാ​പ​ന​ങ്ങ​ളും ആ​ശു​പ​ത്രി​ക​ളു​മൊ​ക്കെ എ​ല്ലാ മ​നു​ഷ്യ​രു​ടെ​യും ആ​ത്മീ​യ​വും ഭൗ​തി​ക​വു​മാ​യ വ​ള​ർ​ച്ച​യ്ക്കു​വേ​ണ്ടി ഇ​നി​യു​മു​ണ്ടാ​കും. യാ​ക്കോ​ബാ​യ സ​ഭ​യു​ടെ പു​ത്ത​ൻ​കു​രി​ശി​ലെ ആ​സ്ഥാ​ന മ​ന്ദി​ര​ത്തി​ലും ആ ​നാ​യ​ക​ന്‍റെ മു​ദ്ര​യു​ണ്ട്. വി​ശ്വാ​സി​ക​ളു​ടെ മാ​ത്ര​മ​ല്ല, ക​ണ്ടും കേ​ട്ടു​മ​റി​ഞ്ഞ​വ​രു​ടെ​യെ​ല്ലാം ഹൃ​ദ​യ​ത്തി​ലും സ്ഥാ​ന​മു​റ​പ്പി​ച്ച ശ്രേ​ഷ്ഠ നാ​യ​ക​ന് ദീ​പി​ക​യും ആ​ദ​ര​വോ​ടെ വി​ട ചൊ​ല്ലു​ന്നു.
Copyright @ 2018 , Rashtra Deepika Ltd.