സംസ്ഥാന റോഡ് സൈക്ലിംഗ്: കോട്ടയം ചാമ്പ്യന്മാര്‍
Monday, November 4, 2024 1:02 AM IST
കാസര്‍ഗോഡ്: 29-ാമത് സംസ്ഥാന റോഡ് സൈക്ലിംഗ് ചാമ്പ്യന്‍ഷിപ്പില്‍ 34 പോയിന്‍റുമായി കോട്ടയം ജില്ല ചാമ്പ്യന്മാരായി. 18 പോയിന്‍റുമായി എറണാകുളം റണ്ണേഴ്‌സ് അപ്പായി. ഇരിയണ്ണിയില്‍ നടന്ന ചാമ്പ്യന്‍ഷിപ്പിന്‍റെ സമാപനസമ്മേളനം ജില്ലാ കളക്‌ടര്‍ കെ. ഇമ്പശേഖര്‍ ഉദ്ഘാടനം ചെയ്തു. ജില്ലാ സൈക്ലിംഗ് അസോസിയേഷന്‍ പ്രസിഡന്‍റ് കെ.വി. വിജയകുമാര്‍ അധ്യക്ഷത വഹിച്ചു.
മുളിയാര്‍ പഞ്ചായത്ത് പ്രസിഡന്‍റ് പി.വി. മിനി, വാര്‍ഡ് മെംബര്‍ സി. നാരായണിക്കുട്ടി, കെ. വിനോദ്, ടി.വി. ബാലന്‍, എസ്. വിനോദ്, കെ. പ്രഭാകരന്‍, കെ. സുരേന്ദ്രന്‍, വി. വാസു, കെ.വി. സജേഷ്, രജിത് കാടകം, എ.പി. സുരേഷ് എന്നിവര്‍ പ്രസംഗിച്ചു. സംഘാടകസമിതി ജനറല്‍ കണ്‍വീനര്‍ എം. അച്യുതന്‍ സ്വാഗതവും കെ. ജനാര്‍ദ്ദനന്‍ നന്ദിയും പറഞ്ഞു.
മത്സരവിജയികള്‍ (ഒന്നും രണ്ടും മൂന്നും സ്ഥാനങ്ങള്‍ യഥാക്രമം): അണ്ടര്‍ 18 ബോയ്‌സ് -അവിനാശ് ശ്രീധര്‍ (തിരുവനന്തപുരം), എന്‍. ആദിത്യ (വയനാട്), ദേവക് പ്രദീപ് (തൃശൂര്‍). വുമണ്‍ എലൈറ്റ് -അലനീസ് ലില്ലി ക്യൂബിലിയോ (എറണാകുളം), ജോസിയ ജോസ് (കോട്ടയം), തെരേസ ഫിലിപ്പ് (കോട്ടയം). മെന്‍ എലൈറ്റ്-സി. രഞ്ജിത് (കോട്ടയം), മുഹമ്മദ് റോഷന്‍ (മലപ്പുറം), കെ.എസ്. അലന്‍ (എറണാകുളം).