സൂര്യകുമാർ യാദവിന്‍റെ നേതൃത്വത്തിലാണ് ഇന്ത്യൻ ടീം ബംഗ്ലാദേശിനെ നേരിടാൻ ഒരുങ്ങുന്നത്. ഒന്നാം നന്പർ വിക്കറ്റ് കീപ്പറായി മലയാളി താരം സഞ്ജു സാംസണ്‍ ടീമിലുണ്ട്. ബാറ്റിംഗിൽ സഞ്ജുവിന് ഓപ്പണർ സ്ഥാനം ലഭിക്കുമെന്ന് ഏകദേശം ഉറപ്പാണ്. അഭിഷേക് ശർമ മാത്രമാണ് ബിസിസിഐ പ്രഖ്യാപിച്ചിരിക്കുന്ന 15 അംഗ ടീമിലെ ഏക സ്പെഷലിസ്റ്റ് ഓപ്പണർ. സഞ്ജു, സൂര്യകുമാർ, റിങ്കു സിംഗ് അടക്കമുള്ളവർ ബാറ്റിംഗ് പരിശീലനവും നടത്തി. മൂന്നു മത്സര പരന്പരയിലെ ആദ്യമത്സരം ഞായറാഴ്ച ഗ്വാളിയോറിൽ നടക്കും.