പാരീസ് നഗരത്തിന്‍റെ വടക്കു ഭാഗത്ത് സ്ഥിതിചെയ്യുന്ന സെന്‍റ് ഡെനിസ് പ്രദേശത്താണ് ഒളിന്പിക് വില്ലേജ് ക്രമീകരിച്ചിരിക്കുന്നത്. സെന്‍റ് ഡെനിസിലെ സ്റ്റാഡ് ഡി ഫ്രാൻസ് (Stade de France) സ്റ്റേഡിയത്തിന്‍റെ സമീപത്താണിത്. ഗെയിംസ് വില്ലേജിലേക്ക് എളുപ്പത്തിൽ എത്തിച്ചേരാനാകുന്നവിധമാണ് ക്രമീകരണങ്ങൾ.
പാരീസിന്‍റെ ഏറ്റവും വലിയ ശ്രദ്ധാകേന്ദ്രമായ ഈഫൽ ടവറിൽ കഴിഞ്ഞ മാസം ഒളിന്പിക് റിംഗുകൾ സ്ഥാപിച്ചിരുന്നു. രാത്രികാലങ്ങളിൽ ഈഫൽ ടവറിനൊപ്പം ഒളിന്പിക് വളയങ്ങളും പ്രകാശപൂരിതമാകുന്നത് സുന്ദരകാഴ്ചയാണ്.
ആതിഥ്യമര്യാദയുടെ ഭാഗമായാണ് ഇങ്ങനെ ചെയ്തത്. വിനോദസഞ്ചാരികൾക്കും കായികതാരങ്ങൾക്കും ഈഫൽ ടവറിലെ ഒളിന്പിക് വളയങ്ങളിലൂടെ പാരീസിന്‍റെ ഹൃദയത്തുടിപ്പ് നേരിട്ടനുഭവിക്കാനാകും...