ബ്ലാസ്റ്റേഴ്സ് നിലപാട് 2022 ഡ്യൂറന്റ് കപ്പിൽ കേരള ബ്ലാസ്റ്റേഴ്സ് റിസർവ് ടീമിനെയാണ് കളിപ്പിച്ചത്. ഈ സീസണിലും അതിനു മാറ്റമുണ്ടായേക്കില്ല. സൂപ്പർ കപ്പിൽ റിസർവ് ടീമിനെ ഇറക്കിയേക്കും എന്നായിരുന്നു മുന്പ് ബ്ലാസ്റ്റേഴ്സ് നൽകിയ സൂചന. കേരളത്തിലാണ് 2023 സൂപ്പർ കപ്പ് എന്നത് ഈ നിലപാടിൽ മാറ്റം വരുത്താൻ കാരണമായേക്കാം.
അഡ്രിയാൻ ലൂണ സ്വകാര്യ ആവശ്യത്തിനായി അവധിയിലാണ്. സൂപ്പർ കപ്പിലും ഡ്യൂറന്റ് കപ്പിലും നോക്കൗട്ടിൽ കടന്നില്ലെങ്കിലും ഐഎസ്എല്ലിൽ ആദ്യ മൂന്ന് മത്സരങ്ങളോടെ ഇവാന്റെ വിലക്ക് അവസാനിക്കും, അതോടെ എല്ലാം ശുഭം... അപ്പീൽ ചെയ്ത് നിലവിലെ ശിക്ഷയിൽ കുറവുലഭിച്ചാൽ അതും ഗുണമാകും.
അങ്ങനെ നോക്കുന്പോൾ എഐഎഫ്എഫിന്റെ വിലക്ക് ആശാനെയോ മഞ്ഞപ്പട ആരാധകരെയോ പിടിച്ചു കുലുക്കില്ല. കാരണം, ഐഎസ്എൽ റഫറിയിംഗിലെ പിഴവുകൾക്കെതിരേ സ്വയം സമർപ്പിച്ച ആശാൻ മഞ്ഞപ്പട ആരാധകരുടെ ഹീറോയാണ്.