ദേ​ശീ​യ​പാ​ത​യി​ൽ തീ​രാ​തെ ദു​രി​തം; അ​പ​ക​ട​ങ്ങ​ൾ അ​ടി​ക്ക​ടി
Thursday, October 3, 2024 6:40 AM IST
കൊ​ര​ട്ടി: ദേ​ശീ​യ​പാ​ത കൊ​ര​ട്ടി, മു​രി​ങ്ങൂ​ർ, ചി​റ​ങ്ങ​ര മേ​ഖ​ല​യി​ൽ സു​ര​ക്ഷ​യൊ​രു​ക്കാ​തെ​യു​ള്ള നി​ർ​മാ​ണ​പ്ര​വൃ​ത്തി​ക​ൾ തു​ട​ർ​ച്ച​യാ​യി അ​പ​ക​ട​ങ്ങ​ളു​ണ്ടാ​ക്കു​ന്നു.

ര​ണ്ടു​ദി​വ​സ​ങ്ങ​ളി​ലാ​യി നാ​ല് അ​പ​ക​ട​ങ്ങ​ളാ​ണ് ഉ​ണ്ടാ​യ​ത്. സി​ഗ്ന​ൽ ജം​ഗ്ഷ​നു​ക​ളി​ൽ അ​ടി​പ്പാ​ത - മേ​ല്പാ​ല നി​ർ​മാ​ണ​ങ്ങ​ൾ​ക്കാ​യി പ്ര​ധാ​ന​പാ​ത അ​ട​ച്ചു​കെ​ട്ടു​മ്പോ​ൾ വാ​ഹ​ന​ങ്ങ​ൾ വ​ഴി​തി​രി​ച്ചു​വി​ടാ​ൻ ബ​ദ​ൽറോ​ഡു​ക​ളു​ടെ​യും കാ​ന​ക​ളു​ടെ​യും നി​ർ​മാ​ണ​മാ​ണ് നി​ല​വി​ൽ പു​രോ​ഗ​മി​ക്കു​ന്ന​ത്. പ​ണി​ന​ട​ക്കു​മ്പോ​ൾ പാ​ലി​ക്കേ​ണ്ട യാ​തൊ​രു സു​ര​ക്ഷാ ക്ര​മീ​ക​ര​ണ​ങ്ങ​ളും ക​രാ​ർക​മ്പ​നി​യു​ടെ​യോ ദേ​ശീ​യ​പാ​ത അ​ഥോ​റി​റ്റി​യു​ടെ​യോ ഭാ​ഗ​ത്തു​നി​ന്ന് ഇ​ല്ലെ​ന്ന് നാ​ളു​ക​ളാ​യി പ​രാ​തി​യു​ണ്ട്. വി​ഷ​യം ഉ​ദ്യോ​ഗ​സ്ഥ​വൃ​ന്ദ​ത്തി​ന്‍റെ​യും ജ​ന​പ്ര​തി​നി​ധി​ക​ളു​ടെ​യും ശ്ര​ദ്ധ​യി​ൽ​പ്പെ​ട്ടി​ട്ടും ക​ണ്ണ​ട​യ്ക്കു​ക​യാ​ണ്.

ക​ഴി​ഞ്ഞ​ദി​വ​സം ചി​റ​ങ്ങ​ര അ​മ്പ​ല​ത്തി​നു​സ​മീ​പം ബൈ​ക്ക് യാ​ത്രി​ക​ൻ നി​ർ​മാ​ണ​ത്തി​ലി​രി​ക്കു​ന്ന കാ​ന​യി​ലേ​ക്കു​വീ​ണ് നി​സാ​ര​പ​രി​ക്കു​ക​ളോ​ടെ ര​ക്ഷ​പ്പെ​ട്ടു. ചി​റ​ങ്ങ​ര സി​യോ​ൻ സെ​മി​നാ​രി​ക്ക് സ​മീ​പം പോ​ക്ക​റ്റ് റോ​ഡി​ലൂ​ടെ കാ​റി​ൽ​വ​ന്ന​യാ​ൾ കാ​റു​മാ​യി കാ​ന​യി​ലേ​ക്കു വീ​ണു. കൊ​ര​ട്ടി ജം​ഗ്ഷ​നി​ൽ​നി​ന്നു ജ​മു​ന ന​ഗ​റി​ലേ​ക്കു​ള്ള വ​ള​വി​ൽ സ്കൂ​ട്ട​റി​ൽ സ​ഞ്ച​രി​ച്ച വെ​ട്ടി​യാ​ട​ൻ പൗ​ലോ​സ് കാ​ന​യി​ലേ​ക്കു തെ​ന്നി​വീ​ണ് കൈ ​ഒ​ടി​ഞ്ഞു.

കൊ​ര​ട്ടി സ​ർ​വീ​സ് സ​ഹ​ക​ര​ണ ബാ​ങ്കി​നു​സ​മീ​പം നി​ർ​മാ​ണ​ത്തി​നാ​യി കെ​ട്ടി​യ ക​മ്പി​യി​ൽ ത​ട്ടി ഒ​രാ​ൾ വീ​ണ​തും ക​ഴി​ഞ്ഞ​നാ​ളി​ലാ​ണ്.


നി​ർ​മാ​ണം ന​ട​ക്കു​ന്ന മൂ​ന്നി​ട​ങ്ങ​ളി​ലും അ​പ​ക​ട​സാ​ധ്യ​ത ഏ​റെ​യാ​ണ്. കൊ​ര​ട്ടി ജം​ഗ്ഷ​നു​വ​ട​ക്ക് സ​ഹ​ക​ര​ണ ബാ​ങ്കി​നു സ​മീ​പം കാ​ന​ക​ൾ​ക്കാ​യി കു​ഴി​ച്ച ഭാ​ഗ​ത്തെ ആ​ഴ​വും വീ​തി​യും ഭീ​തി​യു​ള​വാ​ക്കു​ന്ന​താ​ണ്. ഇ​തി​ന്‍റെ ഓ​രം​പി​ടി​ച്ചു​വേ​ണം പ്ര​ദേ​ശ​ത്തെ ബാ​ങ്കു​ക​ളി​ലും വാ​ണി​ജ്യ​സ്ഥാ​പ​ന​ങ്ങ​ളി​ലു​മെ​ത്താ​ൻ.

കാ​ന​ക​ളു​ടെ​യും ബ​ദ​ൽ റോ​ഡി​ന്‍റെ​യും നി​ർ​മാ​ണം എ​ട്ടി​ന​കം പൂ​ർ​ത്തി​യാ​ക്കു​മെ​ന്നാ​യി​രു​ന്നു കൊ​ര​ട്ടി​മു​ത്തി​യു​ടെ തി​രു​നാ​ളി​നു മു​ന്നോ​ടി​യാ​യി പ​ഞ്ചാ​യ​ത്ത് വി​ളി​ച്ചു​ചേ​ർ​ത്ത അ​വ​ലോ​ക​ന യോ​ഗ​ത്തി​ൽ ഹൈ​വേ അ​ധി​കൃ​ത​ർ അ​റി​യി​ച്ചി​രു​ന്ന​ത്. എ​ന്നാ​ൽ ഉ​റ​പ്പു​ക​ൾ പ്രാ​യോ​ഗി​ക​മാ​കാ​ൻ സാ​ധ്യ​ത​യി​ല്ല. ഇ​ത​ര​സം​സ്ഥാ​ന​ക്കാ​രാ​യ തൊ​ഴി​ലാ​ളി​ക​ൾ പൂ​ജാ അ​വ​ധി​ക​ളി​ൽ നാ​ട്ടി​ലേ​ക്കു പോ​യി​ത്തു​ട​ങ്ങി. ഇ​പ്പോ​ൾ ഏ​താ​നും തൊ​ഴി​ലാ​ളി​ക​ൾ മാ​ത്ര​മാ​ണ് നി​ർ​മാ​ണ​പ്ര​വ​ർ​ത്ത​ന​ങ്ങ​ൾ​ക്കു​ള്ള​ത്.

കൊ​ര​ട്ടി​യി​ലെ മേ​ല്പാ​ല​ത്തി​ന്‍റെ​യും സ​ർ​വീ​സ് റോ​ഡി​ന്‍റെ​യും നി​ർ​മാ​ണ​വു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ൾ ച​ർ​ച്ച​ചെ​യ്ത് തു​ട​ർ​പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കു​ന്ന​തി​ന് സേ​വ് കൊ​ര​ട്ടി​യു​ടെ ആ​ഭി​മു​ഖ്യ​ത്തി​ൽ ജ​ന​പ്ര​തി​നി​ധി​ക​ളെ​യും വി​വി​ധ സം​ഘ​ട​ന​ക​ളെ​യും പ​രി​സ​ര​വാ​സി​ക​ളു​ടെ​യും പൊ​തു​യോ​ഗം ഇ​ന്ന് രാ​വി​ലെ 10.30 ന് ​കൊ​ര​ട്ടി വ്യാ​പാ​ര​ഭ​വ​നി​ൽ ന​ട​ക്കും.