കൊടകര സഹൃദയ കോളജ്
ഓഫ് അഡ്വാന്‍സ്ഡ് സ്റ്റഡീസ്
കൊടകര: സഹൃദയ കോളജ് ഓഫ് അഡ്വാന്‍സ്ഡ് സ്റ്റഡീസില്‍ വിജ്ഞാനോത്സവം സംഘടിപ്പിച്ചു. ഇരിങ്ങാലക്കുട രൂപത ബിഷപ് മാര്‍ പോളി കണ്ണൂക്കാടന്‍ ഉദ്ഘാടനം ചെയ്തു.
സഹൃദയ കോളജ് മാനേജര്‍ മോണ്‍. വില്‍സണ്‍ ഈരത്തറ, കോളജ് എക്‌സിക്യൂട്ടീവ് ഡയറക്ടര്‍ റവ. ഡോ. ഡേവിസ് ചെങ്ങിനിയാടന്‍, പ്രിന്‍സിപ്പല്‍ ഡോ. കെ.എല്‍.ജോയ്, വൈസ് പ്രിന്‍സിപ്പല്‍ ഡോ. കെ.കരുണ, ഫിനാന്‍സ് ഓഫീസര്‍ ഫാ ആന്‍റോ വട്ടോലി, പിടിഎ പ്രസിഡന്‍റ് തോമസ് മാത്യു എന്നിവര്‍ വിദ്യാര്‍ഥികളെയും രക്ഷിതാക്കളെയും അഭിസംബോധന ചെയ്തു.
സംസ്ഥാനതല എഫ്‌വൈയുജിപി ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിക്കുന്നതിന്‍റെ തത്സമയ പ്രക്ഷേപണം ഉണ്ടായിരുന്നു. വിദ്യാര്‍ഥികള്‍ക്കും രക്ഷിതാക്കള്‍ക്കുമായി നാലുവര്‍ഷ ബിരുദത്തെക്കുറിച്ചുളള ഓറിയന്‍റേഷന്‍ ക്ലാസ് സംഘടിപ്പിച്ചു. ഈ അക്കാദമിക വര്‍ഷത്തെ കോളജ് ഹാന്‍ഡ് ബുക്കിന്‍റെ പ്രകാശനം മാനേജര്‍ നിര്‍വഹിച്ചു. തുടര്‍ന്ന് മോട്ടിവേഷണല്‍ സ്പീക്കര്‍ പ്രവീണ്‍ ചിറയത്തിനന്‍റെ പ്രഭാഷണവും വിദ്യാര്‍ഥികളുടെ കലാപരിപാടികളും അരങ്ങേറി. ഈ വര്‍ഷം നടപ്പിലാക്കുന്ന എഫ്‌വൈയുജിപിയുടെ ആദ്യ ബാച്ച് വിദ്യാര്‍ഥികളെ സ്വീകരിക്കുവാന്‍ വിപുലമായ പരിപാടികളാണ് സഹൃദയ കോളജ് ഒരുക്കിയത്.
ഇരിങ്ങാലക്കുട
സെന്‍റ്് ജോസഫ്‌സ്
ഇരിങ്ങാലക്കുട: ഇരിങ്ങാലക്കുട സെന്‍റ്് ജോസഫ്‌സ് കോളജില്‍ ഒന്നാംവര്‍ഷ ബിരുദ വിദ്യാര്‍ഥിനികള്‍ക്കായുള്ള "വിജ്ഞാനോത്സവം 2024'ന്‍റെ ഉദ്ഘാടനം ഇരിങ്ങാലക്കുട നഗരസഭ ചെയര്‍പേഴ്‌സണ്‍ സുജ സഞ്ജീവ് കുമാര്‍ നിര്‍വഹിച്ചു. പ്രിന്‍സിപ്പല്‍ സിസ്റ്റര്‍ ഡോ. ബ്ലെസി അധ്യക്ഷത വഹിച്ചു. മുന്‍ പ്രിന്‍സിപ്പലും പാവനാത്മ പ്രൊവിന്സിന്റെ എഡ്യൂക്കേഷന്‍ കൗണ്‍സിലറുമായ സിസ്റ്റര്‍ ഡോ. ആഷ തെരേസ് മുഖ്യ പ്രഭാഷണം നടത്തി.
തുടര്‍ന്ന് പിടിഡബ്യുഎ പ്രസിഡന്‍റ് ഡേവിസ് ഊക്കന്‍ ആശംസകള്‍ അര്‍പ്പിച്ചു സംസാരിച്ചു.
കോട്ടയ്ക്കൽ സെന്‍റ് തെരേസാസ്
ആർട്സ് ആൻഡ് സയൻസ്
മാള: കോട്ടയ്ക്കൽ സെന്‍റ് തെരേസാസ് ആർട്സ് ആൻഡ് സയൻസ് കോളജിൽ നാലുവർഷ ബിരുദ വിദ്യാർഥികളെ സ്വാഗതം ചെയ്യുന്ന കോളജ്തല വിജ്ഞാനോത്സവം നടത്തി. മാള ഗ്രാമപഞ്ചായത്ത് പ്രസിഡന്‍റ് ബിന്ദു ബാബു ഉദ്ഘാടനം ചെയ്തു. ഗ്രാമപഞ്ചായത്ത് അംഗം ലിസ്സി സേവിയർ അധ്യക്ഷയായിരുന്നു. മാനേജർ ഫാ. ജേക്കബ് ഞെരിഞ്ചാമ്പിള്ളി അനുഗ്രഹ പ്രഭാഷണം നടത്തി.
കോളജ് ബർസാർ ഫാ. മെജോ ജോണി, റിട്ടയേർഡ് പോലീസ് സബ് ഇൻസ്പെക്ടർ സേവിയർ പള്ളിപ്പാട്ട്, റിട്ടയേർഡ് ഡെപ്യൂട്ടി ഡയറക്ടർ കെ. ഡി. വർഗീസ്, മാള പ്രസ് ഫോറം സെക്രട്ടറി അബ്ബാസ്, എസ്എൻഡിപി യൂണിയൻ സെക്രട്ടറി ശ്രീലാൽ സിഡി, കോളജ് യൂണിയൻ ചെയർമാൻ ശ്രീഹരി എസ് വാരിയർ, അസിസ്റ്റന്‍റ്് പ്രഫസർ ഇ.കെ. അൽഫോൻസ എന്നിവർ സംസാരിച്ചു.
പ്രിൻസിപ്പൽ ഡോ. കെ. വി. പോളി സ്വാഗതവും സ്റ്റാഫ് അഡ്വെെസർ എ.ആർ. ചന്ദ്രബോസ് നന്ദിയും പറഞ്ഞു.
മാള കാർമൽ കോളജ്
മാള: കാർമൽ കോളജിൽ നവാഗതർക്കുള്ള നാല് വർഷ യുജി പ്രോഗ്രാമിന്‍റെ ഉദ് ഘാടനം വിജ്ഞാനോത്സവം നടത്തി.
മാള ബ്ലോക്ക് പഞ്ചായത്ത് പ്രസിഡന്‍റ്് രേഖ ഷാന്‍റി ഉദ്ഘാടനം ചെയ്തു. ഉദയ പ്രൊവിൻസ് പ്രൊവിൻഷ്യൽ സുപ്പീരിയർ സിസ്റ്റർ ഡോ. വിമല സിഎംസി മുഖ്യ പ്രഭാഷണം നടത്തി. കോളജ് പ്രിൻസിപ്പൽ സിസ്റ്റർ ഡോ. റിനി റാഫേൽ സിഎംസി അധ്യക്ഷയായിരുന്നു.
മാള പഞ്ചായത്ത് പ്രസിഡന്‍റ്് ബിന്ദു ബാബു, പഞ്ചായത്ത് വാർഡ്മെമ്പർ നിത ജോഷി, പിടിഎ വൈസ് പ്രസിഡന്‍റ്് അഡ്വ. കെ.സി. രാധിക എന്നിവർ ആശംസകളർപ്പിച്ചു. ഡോ. കെ.ബി. ബിന്ദു, മിസ്. ഗ്രേറ്റൽ ഫ്രാൻസിസ്, ഡോ. ജിയോ ജോസഫ്. എന്നിവർ സംസാരിച്ചു. വിവിധ സെമസ്റ്ററുകളിൽ അക്കാദമിക് വിജയികളായവർക്കുള്ള സമ്മാനദാനവും നടന്നു.