തൃശൂർ: സർക്കാർ ഏകപക്ഷീയമായി നടപ്പാക്കുന്ന അക്കാദമിക കലണ്ടറിന് എതിരേ ആറാം പ്രവൃത്തിദിനമായ ഇന്നലത്തെ ക്ലസ്റ്റർ യോഗം കെപിഎസ്ടിഎ ബഹിഷ്കരിച്ചു. തുടർന്നു പടിഞ്ഞാറെകോട്ടയിലെ കരുണാകരൻ സ്ക്വയറിൽനിന്ന് വിദ്യാഭ്യാസ ഉപഡയറക്ടറുടെ ഓഫീസിലേക്കു നടത്തിയ പ്രതിഷേധമാർച്ചിൽ നൂറുകണക്കിന് അധ്യാപകർ പങ്കെടുത്തു.
ചാണ്ടി ഉമ്മൻ എംഎൽഎ മാർച്ച് ഫ്ലാഗ്ഓഫ് ചെയ്തു. സനീഷ് കുമാർ ജോസഫ് എംഎൽഎ മുഖ്യപ്രഭാഷണം നടത്തി. ജില്ലാ പ്രസിഡന്റ് പി.കെ. ജയപ്രകാശ് അധ്യക്ഷത വഹിച്ചു. കെ.എസ്. സുഹൈർ സ്വാഗതവും പി.സി. ശ്രീപത്മനാഭൻ നന്ദിയും പറഞ്ഞു.
സീനിയർ വൈസ് പ്രസിഡന്റ് ടി.എ. ഷാഹിദ റഹ്മാൻ, സാജു ജോർജ്, എ.എം. ജെയ്സൺ, ടി.യു. ജയ്സൺ, സി.ആർ. ജിജോ, കെ.ജെ. ജോബി, ജസ്ലിൻ ജോർജ്, എം.ജെ. ഷാജി, റൈജു പോൾ, കെ. സുനിത, ലാൽ ബാബു, റെയ്മണ്ട്, പ്രവീൺ എം. കുമാർ, സെബി, എം.ആർ. ആംസൺ, ഡെന്നി മാത്യു, എ.കെ. ജിജേഷ്, ജോബി ബെൻസ്, സി.ജെ. ദാമു, ജെഫ്രൻ ജോർജ് എന്നിവർ പ്രസംഗിച്ചു.