കാ​ക്ക​നാ​ട്: യു​എ​ഇ അ​ട​ക്ക​മു​ള്ള രാ​ജ്യ​ങ്ങ​ളി​ൽ ജോ​ലി ചെ​യ്യു​ന്ന പ്ര​വാ​സി മ​ല​യാ​ളി​ക​ൾ​ക്ക് ന​ടി​മാ​രെ എ​സ്കോ​ർ​ട്ടി​നു ത​ര​പ്പെ​ടു​ത്തി ന​ൽ​കാ​മെ​ന്ന് വി​ശ്വ​സി​പ്പി​ച്ച് പ​ണം ത​ട്ടി​യ കേ​സി​ൽ കൊ​ല്ലം സ്വ​ദേ​ശി ശ്യാം ​മോ​ഹ​ൻ (38)കൊ​ച്ചി സൈ​ബ​ർ പോ​ലീ​സ് അ​റ​സ്റ്റ് ചെ​യ്തു. ക​ട​വ​ന്ത്ര​യി​ൽ ലാ​നെ​യി​ൽ എ​ന്ന പേ​രി​ൽ ടാ​റ്റു സ്ഥാ​പ​നം ന​ട​ത്തി​യി​രു​ന്ന ഇ​യാ​ൾ എ​ള​മ​ക്ക​ര​യി​ൽ വാ​ട​ക​യ്ക്കു താ​മ​സി​ക്കു​ക​യാ​ണെ​ന്ന് പോ​ലീ​സ് പ​റ​ഞ്ഞു.

ര​ണ്ടു യു​വ ന​ടി​ക​ളു​ടെ പേ​രു​ക​ൾ ഉ​ൾ​പ്പെ​ടു​ത്തി ഇ​ൻ​സ്റ്റ​യി​ലും മ​റ്റും പ​ര​സ്യം ന​ൽ​കി​യാ​ണി​യാ​ൾ ഇ​ര​ക​ളെ ക​ണ്ടെ​ത്തി​യി​രു​ന്ന​ത്. ന​ടി​ക​ൾ വി​ദേ​ശ സ​ന്ദ​ർ​ശ​ന​ത്തി​നെ​ത്തു​മ്പോ​ൾ ആ​വ​ശ്യ​ക്കാ​ർ​ക്കൊ​പ്പം ഒ​രു ദി​വ​സം ചെ​ല​വ​ഴി​ക്കാ​ൻ അ​വ​സ​രം ന​ൽ​കാ​മെ​ന്നു പ​റ​ഞ്ഞ് ഫോ​ൺ​ന​മ്പ​റും, ബാ​ങ്ക് ഡീ​റ്റ​യി​ൽ​സും ന​ൽ​കി​യാ​യി​രു​ന്നു ത​ട്ടി​പ്പ്. 20000 രൂ​പ മു​ത​ൽ 30000 രൂ​പ​വ​രെ അ​ഡ്വാ​ൻ​സാ​യും കൈ​പ്പ​റ്റി​യി​രു​ന്നു.

ഒ​ട്ടേ​റെ​പ്പേ​ർ ഇ​യാ​ളു​ടെ ത​ട്ടി​പ്പി​ന് ഇ​ര​യാ​യി​ട്ടു​ണ്ടെ​ങ്കി​ലും ആ​രും പ​രാ​തി​പ്പെ​ട്ടി​ല്ല. ത​ങ്ങ​ളു​ടെ പേ​രു​പ​യോ​ഗി​ച്ച് ഇ​ത്ത​രം ത​ട്ടി​പ്പു​ക​ൾ ന​ട​ത്തു​ന്ന​താ​യ ശ്ര​ദ്ധ​യി​ൽ പെ​ട്ട ര​ണ്ടു യു​വ​ന​ടി​ക​ൾ പ​രാ​തി​പ്പെ​ട്ട​തോ​ടെ ഇ​ട​പാ​ടു​കാ​രെ​ന്ന വ്യാ​ജേ​ന സൈ​ബ​ർ പോ​ലീ​സ് ഇ​യാ​ളെ വ​ല​യി​ലാ​ക്കു​ക​യാ​യി​രു​ന്നു. പ്ര​തി​യെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡു ചെ​യ്തു.