ഞ​ങ്ങ​ൾ​ക്ക് സ്വ​രം ആ​വ​ശ്യ​മു​ണ്ട്!
കാ​ഴ്ച​യി​ല്ലാ​ത്ത​വ​രെ കാ​ണു​ന്പോ​ൾ തൃ​ശൂ​ർ ഒ​ല്ലൂ​ർ സ്വ​ദേ​ശി ജോ​യി മു​ത്തി​പ്പീ​ടി​ക​യ്ക്കു പ​ല​പ്പോ​ഴും സ​ഹ​താ​പം തോ​ന്നി​യി​രു​ന്നു. ന​ട​ന്നു​പോ​കു​ന്പോ​ൾ ഒ​ന്നു കൈ​പി​ടി​ച്ചു കൊ​ടു​ക്കാ​മെ​ന്ന​ല്ലാ​തെ അ​വ​ർ​ക്കു വേ​ണ്ടി അ​ധി​ക​മാ​യി എ​ന്തെ​ങ്കി​ലും ചെ​യ്യാ​ൻ ക​ഴി​യു​മെ​ന്ന് അ​ദ്ദേ​ഹം ക​രു​തി​യി​രു​ന്നേ​യി​ല്ല..

അ​ങ്ങ​നെ​യി​രി​ക്കെ​യാ​ണ് കാ​ഴ്ച​യി​ല്ലാ​ത്ത​വ​രു​ടെ സം​ഘ​ട​നാ സെ​ക്ര​ട്ട​റി​യു​ടെ ഒ​രു പ്ര​ഭാ​ഷ​ണം കേ​ൾ​ക്കാ​ൻ ഇ​ട​യാ​യ​ത്. കാ​ഴ്ച​യി​ല്ലാ​ത്ത​വ​ർ​ക്ക് നി​ങ്ങ​ൾ സ്വ​ര​മാ​ണ് സ​മ്മാ​നി​ക്കേ​ണ്ട​തെ​ന്ന അ​ദ്ദേ​ഹ​ത്തി​ന്‍റെ വാ​ക്കു​ക​ൾ ജോ​യി​യെ ചി​ന്തി​പ്പി​ച്ചു. അ​ങ്ങ​നെ റി​ക്കാ​ർ​ഡിം​ഗി​ന് ത​ന്‍റെ സ്വ​രം യോ​ജ്യ​മാ​ണോ​യെ​ന്നു പ​രി​ശോ​ധി​ക്കാ​ൻ തീ​രു​മാ​നി​ച്ചു.

അ​ങ്ങ​നെ തു​ട​ങ്ങി​യ​താ​ണ് ജോ​യി. യു ​ട്യൂ​ബി​ലൂ​ടെ​യും വാ​ട്ട്സ് ആ​പ്പി​ലൂ​ടെ​യും നൂ​റു ക​ണ​ക്കി​ന് ഒാ​ഡി​യോ പ്ര​ഭാ​ഷ​ണ​ങ്ങ​ളാ​ണ് ഇ​ദ്ദേ​ഹം അ​പ്‌​ലോ​ഡ് ചെ​യ്ത​ത്. ക​ഴി​ഞ്ഞ അ​ഞ്ചു വ​ർ​ഷ​മാ​യി ക​ഥ​ക​ളാ​യും നോ​വ​ലു​ക​ളാ​യു​മൊ​ക്കെ ഈ 72​കാ​ര​ന്‍റെ ശ​ബ്ദം നി​ര​വ​ധി പേ​രു​ടെ കാ​തു​ക​ളി​ലേ​ക്ക് എ​ത്തി​ക്കൊ​ണ്ടി​രി​ക്കു​ന്നു.

പു​ല​ർ​ച്ചെ എ​ഴു​ന്നേ​ൽ​ക്കും. ഫ്ര​ഷ് ആ​യ ശേ​ഷം നാ​ലോ​ടെ റി​ക്കാ​ർ​ഡിം​ഗ്. ഒ​രു മ​ണി​ക്കൂ​റോ​ളം പു​സ്ത​ക​ങ്ങ​ൾ വാ​യി​ച്ച് റി​ക്കാ​ർ​ഡ് ചെ​യ്യും. തു​ട​ർ​ന്ന് ഇ​തു ഗ്രൂ​പ്പു​ക​ളി​ലേ​ക്ക് അ​യ​യ്ക്കും. ഒ​രു ദി​വ​സം മൂ​ന്നു പു​സ്ത​ക​ങ്ങ​ളു​ടെ ആ​ശ​യ​ങ്ങ​ളും സാ​രാം​ശ​വു​മാ​ണ് ഇ​ങ്ങ​നെ ശ​ബ്ദ​മാ​യി പ​ങ്കു​വ​യ്ക്കു​ന്ന​ത്.
മൂ​വാ​യി​രം പു​സ്ത​ക​ങ്ങ​ൾ

കാ​ഴ്ച​യി​ല്ലാ​ത്ത​തി​ന്‍റെ പേ​രി​ൽ പു​സ്ത​ക​ങ്ങ​ൾ വാ​യി​ച്ച് ആ​സ്വ​ദി​ക്കാ​നും അ​റി​വ് നേ​ടാ​നും ക​ഴി​യാ​ത്ത​വ​രു​ടെ കാ​തു​ക​ളി​ലേ​ക്ക് പ​തി​വാ​യി ഈ ​ശ​ബ്ദം ഒ​ഴു​കി​യെ​ത്തും. ഒ​രു ദി​വ​സം എ​ത്താ​താ​യാ​ൽ വി​ളി​യെ​ത്തും... ഇ​ന്ന് എ​ന്തു പ​റ്റി?... ഈ ​ദൗ​ത്യം ആ​ളു​ക​ൾ​ക്കു പ്ര​യോ​ജ​ന​പ്പെ​ടു​ന്നു​ണ്ടെ​ന്ന​റി​യു​ന്പോ​ൾ ജോ​യി​ക്കു നി​റ​ഞ്ഞ സം​തൃ​പ്തി. ത​ന്‍റെ പു​സ്ത​ക​പ്പു​ര​യി​ലെ മൂ​വാ​യി​ര​ത്തോ​ളം പു​സ്ത​ക​ങ്ങ​ളി​ൽ ക​ഴി​യാ​വു​ന്ന​ത്ര​യും ഒാ​ഡി​യോ​യാ​യി ന​ൽ​കാ​നാ​ണ് പ​രി​ശ്ര​മം.

ഏ​ക​ദേ​ശം ര​ണ്ടു ല​ക്ഷ​ത്തോ​ളം രൂ​പ​യു​ടെ പു​സ്ത​ക​മാ​ണ് അ​ദ്ദേ​ഹ​ത്തി​ന്‍റെ ശേ​ഖ​ര​ത്തി​ലു​ള്ള​ത്. വി​ല​ക്കി​ഴി​വു​ക​ൾ ഉ​ള്ള​പ്പോ​ൾ ഇ​പ്പോ​ഴും പു​സ്ത​കം വാ​ങ്ങി​ക്കൊ​ണ്ടി​രി​ക്കു​ന്നു. മ​റ്റു​ള്ള​വ​ർ​ക്കു മു​ന്നി​ൽ സ്വ​ര​മാ​യി എ​ത്തു​ന്ന ജോ​യി​ക്ക് അ​ത്ര വ​ലി​യ പ​ഠി​പ്പി​ന്‍റെ​യും പ​ത്രാ​സി​ന്‍റെ​യും ക​ഥ പ​റ​യാ​നി​ല്ല. ആ​റാം ക്ലാ​സ് വ​രെ​യേ പ​ഠി​ക്കാ​ൻ ക​ഴി​ഞ്ഞു​ള്ളൂ. പ​തി​മൂ​ന്നു മ​ക്ക​ളി​ൽ ര​ണ്ടാ​മ​ൻ. പി​താ​വ് ക​ർ​ഷ​ക​നാ​യി​രു​ന്നു.

അ​തു​കൊ​ണ്ടു​ത​ന്നെ അ​ദ്ദേ​ഹ​ത്തെ സ​ഹാ​യി​ക്കാ​ൻ കൃ​ഷി​യി​ട​ങ്ങ​ളി​ലേ​ക്കു പോ​കേ​ണ്ടി​വ​ന്ന​തോ​ടെ​യാ​ണ് പ​ഠി​പ്പ് അ​വ​സാ​നി​പ്പി​ച്ച​ത്. പി​താ​വ് വി​ൻ​സ​ന്‍റ് ഡി ​പോ​ൾ സം​ഘ​ട​ന​യു​ടെ സ​ജീ​വ പ്ര​വ​ർ​ത്ത​ക​നാ​യി​രു​ന്നു. ജീ​വ​കാ​രു​ണ്യ​രം​ഗ​ത്തെ അ​ദ്ദേ​ഹ​ത്തി​ന്‍റെ പ്ര​വ​ർ​ത്ത​നം ജോ​യി​ക്കും പ്ര​ചോ​ദ​ന​മാ​യി. അ​ങ്ങ​നെ 33 വ​ർ​ഷം സം​ഘ​ട​ന​യി​ൽ സ​ജീ​വ​മാ​യി പ്ര​വ​ർ​ത്തി​ച്ചു.

ത​ന്‍റെ ചി​ന്താ​ഗ​തി​ക​ളെ​യും പ്ര​വ​ർ​ത്ത​ന​രീ​തി​ക​ളെ​യും മാ​റ്റി​യ കാ​ല​മാ​യി​രു​ന്നു അ​തെ​ന്ന് ഇ​ദ്ദേ​ഹം ഒാ​ർ​മി​ക്കു​ന്നു. ശ​ബ്ദ​മു​ള്ള കാ​ല​ത്തോ​ളം കാ​ഴ്ച​യി​ല്ലാ​ത്ത​വ​ർ​ക്കു മു​ന്നി​ൽ സ്വ​ര​മാ​യി എ​ത്താ​നു​ള്ള തീ​രു​മാ​ന​ത്തി​ലാ​ണ് ജോ​യി മു​ത്തി​പ്പീ​ടി​ക. ജോ​യി​യു​ടെ ഒ​രു സ​ഹോ​ദ​ര​ൻ വൈ​ദി​ക​നാ​ണ്.

പി.​ജെ. ജോ​ണി