കു​ഴ​പ്പ​ത്തി​ലാ​യ ചും​ബ​നം!
ക​തി​രു​കാ​ണാ​ക്കി​ളി എ​ന്ന റേ​ഡി​യോ നാ​ട​ക​ത്തി​ൽ പ്ര​മു​ഖ​രാ​യ റേ​ഡി​യോ താ​ര​ങ്ങ​ളാ​ണ് പ​ങ്കെ​ടു​ത്ത​ത്. കൈ​നി​ക്ക​ര കു​മാ​ര​പി​ള്ള, ടി.​ആ​ർ. സു​കു​മാ​ര​ൻ നാ​യ​ർ, പി.​കെ. കൃ​ഷ്ണ​ൻ​നാ​യ​ർ, എ​സ്. രാ​മ​ൻ​കു​ട്ടി​നാ​യ​ർ, കു​മാ​രി ത​ളി​യ​ത്ത്, ടി.​പി. രാ​ധാ​മ​ണി, സി.​എ​സ്. രാ​ധാ​ദേ​വി എ​ന്നി​വ​ർ​ക്കു പു​റ​മേ ഞാ​നും.

ടി.​എ​ന്നി​ന്‍റെ സം​വി​ധാ​ന​ത്തി​ൽ നാ​ട​കം മി​ക​ച്ച നി​ല​വാ​രം പു​ല​ർ​ത്തി. ഞാ​നും കു​മാ​രി ത​ളി​യ​ത്തും കാ​മു​കീ​കാ​മു​ക​ന്മാ​രു​ടെ റോ​ളി​ലാ​ണ്. കു​മാ​രി ത​ളി​യ​ത്ത് പ്ര​സി​ദ്ധ സി​നി​മാ​താ​ര​വും ഭ​ര​ണ​ങ്ങാ​ന​ത്തു​കാ​രി ത്രേ​സ്യാ​മ്മ​യു​മാ​യ മി​സ് കു​മാ​രി​യാ​ണ്. നീ​ല​ക്കു​യി​ൽ, പാ​ടാ​ത്ത പൈ​ങ്കി​ളി തു​ട​ങ്ങി നി​ര​വ​ധി ച​ല​ച്ചി​ത്ര​ങ്ങ​ളി​ൽ നാ​യി​ക​യാ​യി മി​ക​ച്ച അ​ഭി​ന​യം കാ​ഴ്ച​വ​ച്ച അ​നു​ഗൃ​ഹീ​ത ന​ടി.

ഞ​ങ്ങ​ൾ ത​മ്മി​ൽ പ​രി​ച​യ​പ്പെ​ട്ടു. നാ​ട​ക​ത്തി​ലൂ​ടെ എ​ന്നെ അ​റി​യാ​മെ​ന്നു കു​മാ​രി പ​റ​ഞ്ഞു. എ​ത്ര ആ​ദ​ര​വോ​ടെ​യാ​ണ് അ​വ​ർ എ​ന്നോ​ടു സം​സാ​രി​ച്ച​ത്. ഒ​രു സി​നി​മാ​താ​ര​ത്തി​ന്‍റെ ഗ​മ​യോ ത​ല​ക്ക​ന​മോ ഇ​ല്ല. സ്നേ​ഹം നി​റ​ഞ്ഞ സം​സാ​രം, സൗ​മ്യ​മാ​യ പെ​രു​മാ​റ്റം, വി​ന​യം തു​ളു​ന്പു​ന്ന മു​ഖ​ഭാ​വം.

റേ​ഡി​യോ നാ​ട​ക പ്ര​ണ​യം

നാ​ട​ക​ത്തി​ൽ ഒ​രി​ട​ത്തു ഞാ​നും കു​മാ​രി​യും പ്രേ​മ​വാ​യ്പോ​ടെ ഉ​രു​വി​ടു​ന്ന ഒ​രു സം​ഭാ​ഷ​ണ​ഭാ​ഗ​മു​ണ്ട്. അ​തി​ങ്ങ​നെ​യാ​ണ്.

ലീ​ലേ പ്ര​ഭേ​ട്ടാ ഇ​ങ്ങ​ടു​ത്തു​നി​ൽ​ക്കൂ.. ലീ​ലേ നി​ന്‍റെ ഈ ​കൃ​ഷ്ണ​മ​ണി​യി​ൽ തി​ള​ങ്ങു​ന്ന എ​ന്‍റെ രൂ​പം​പോ​ലെ​യു​ള്ള ഒ​രു കു​ഞ്ഞു ന​മു​ക്കു​ണ്ടാ​വ​ണം. അ​തി​ന്‍റെ ക​വി​ളി​ൽ തെ​രു​തെ​രെ ചും​ബി​ക്ക​ണം.

ശ്യോ, ​നാ​ണ​മി​ല്ല​ല്ലോ. ഇ​ങ്ങ​നെ​യൊ​ക്കെ പ​റ​യാ​ൻ. (വി​കാ​ര​പു​ര​സ​രം) ലീ​ലേ! നി​ന്‍റെ ഈ ​മു​ന്തി​രി​ച്ചു​ണ്ടു​ക​ളി​ൽ... (ചും​ബ​ന​ത്തി​ന്‍റെ സീ​ൽ​ക്കാ​രം).

ഈ ​രം​ഗം അ​തീ​വ​ഹൃ​ദ്യ​മാ​യി ഞ​ങ്ങ​ൾ അ​ഭി​ന​യി​ച്ചു. ചും​ബ​ന​ത്തി​ന്‍റെ സ​മ​യം വ​ന്ന​പ്പോ​ൾ ടി.​എ​ൻ. നി​ർ​ദേ​ശം​ത​ന്നു. "ജോ​സ് ആ ​സ​മ​യ​ത്ത് സ്വ​ന്തം കൈ​വെ​ള്ള​യി​ൽ ഒ​ന്നു ചും​ബി​ച്ചാ​ൽ മ​തി. മൈ​ക്രോ​ഫോ​ണ്‍ ആ ​സ്വ​രം പി​ടി​ച്ചെ​ടു​ത്തോ​ളും. ആ ​സൂ​ത്രം ഭം​ഗി​യാ​യി ഫ​ലി​ച്ചു. ചും​ബ​നം യ​ഥാ​ത​ഥ​മാ​യി തോ​ന്നു​ക​യും ചെ​യ്തു. റി​ക്കാ​ർ​ഡിം​ഗ് ക​ഴി​ഞ്ഞ് ഞാ​ൻ തൃ​ശൂ​ർ​ക്കു മ​ട​ങ്ങി.

നാ​ട​കം പ്ര​ക്ഷേ​പ​ണം ചെ​യ്ത ദി​വ​സം. ഞാ​നാ​ദ്യ​മാ​യി അ​ഭി​ന​യി​ച്ച നാ​ട​കം കേ​ൾ​ക്കാ​ൻ എ​ന്‍റെ അ​മ്മ​യും ഭാ​ര്യ​യും മ​റ്റു കു​ടും​ബാം​ഗ​ങ്ങ​ളും ഉ​ത്സാ​ഹ​പൂ​ർ​വം റേ​ഡി​യോ​യ്ക്കു മു​ന്പി​ൽ ചെ​വി വ​ട്ടം പി​ടി​ച്ചി​രു​ന്നു. നാ​ട​കം പു​രോ​ഗ​മി​ക്ക​വേ ഞാ​നും കു​മാ​രി​യും ത​മ്മി​ലു​ള്ള മു​ൻ​പ​റ​ഞ്ഞ സം​ഭാ​ഷ​ണ​ഭാ​ഗം കേ​ട്ട​പ്പോ​ൾ അ​മ്മ​യു​ടെ​യും സ​ഹ​ധ​ർ​മി​ണി ലി​സി​യു​ടെ​യും മു​ഖം മ​ങ്ങി. ഉ​ത്സാ​ഹം ചോ​ർ​ന്നു​പോ​യ​തു​പോ​ലെ.

നാ​ട​കം തീ​ർ​ന്ന​പ്പോ​ൾ എ​ങ്ങ​നെ​യു​ണ്ട് നാ​ട​കം എ​ന്ന എ​ന്‍റെ ചോ​ദ്യ​ത്തി​ന് അ​മ്മ​യു​ടെ മ​റു​പ​ടി വ​ന്നു. "ന​ന്നാ​യി. എ​ന്നാ​ലും എ​ന്തി​നാ ഇ​ങ്ങ​നെ​യൊ​ക്കെ​യു​ള്ള ഭാ​ഗം നീ​യ്...'

പ്രേ​മ​രം​ഗ​വും ചും​ബ​ന​ത്തി​ന്‍റെ സ്വ​ര​വു​മാ​ണ് അ​മ്മ​യെ​ക്കൊ​ണ്ട് അ​ങ്ങ​നെ പ​റ​യി​പ്പി​ച്ച​ത്. അ​മ്മ​യ്ക്ക് ആ​ശ​യ​ക്കു​ഴ​പ്പം. ലി​സി​ക്ക് ആ​ശ​ങ്ക. അ​വ​രി​ൽ ചെ​റി​യ തെ​റ്റി​ദ്ധാ​ര​ണ ക​ട​ന്നി​രി​ക്കു​ന്നു. ഞാ​ൻ വി​ശ​ദീ​ക​ര​ണ​ത്തി​നൊ​ന്നും പോ​യി​ല്ല.

മി​സ് കു​മാ​രി​യു​ടെ മ​ര​ണം

അ​ടു​ത്ത മാ​സ​ത്തി​ൽ തി​രു​വ​ന​ന്ത​പു​ര​ത്തു​ള്ള എ​ന്‍റെ സ​ഹോ​ദ​രി​യു​ടെ വീ​ട്ടി​ലേ​ക്കു ഞാ​നും കു​ടും​ബ​വും അ​മ്മ​യെ​യും​കൂ​ട്ടി പോ​യ സ​മ​യ​ത്ത് ആ​കാ​ശ​വാ​ണി​യും സ​ന്ദ​ർ​ശി​ച്ചു. ടി.​എ​ൻ. ഞ​ങ്ങ​ളെ ആ​ഹ്ലാ​ദ​പൂ​ർ​വം സ്വീ​ക​രി​ച്ചു. ടി.​എ​ന്നി​നോ​ട് ര​ഹ​സ്യ​മാ​യി ഈ ​അ​നു​ഭ​വം പ​ങ്കു​വ​ച്ചു. ടി.​എ​ൻ. ഉ​ട​നെ പ​റ​ഞ്ഞു. "അ​തി​നു വ​ഴി​യു​ണ്ട്. ഇ​ന്നു നാ​ട​ക റി​ക്കാ​ർ​ഡിം​ഗു​ള്ള ദി​വ​സ​മാ​ണ്. സ്റ്റു​ഡി​യോ​യി​ൽ ആ ​റി​ക്കാ​ർ​ഡിം​ഗ് ഇ​വ​ർ​ക്കു കാ​ണാം.' റി​ക്കാ​ർ​ഡിം​ഗ് ന​ട​ക്കു​ന്ന സ്ഥ​ല​ത്തേ​ക്ക് ടി.​എ​ൻ. ഞ​ങ്ങ​ളെ കൂ​ട്ടി​ക്കൊ​ണ്ടു​പോ​യി.

ചു​റ്റും ചി​ല്ലു​ള്ള എ.​സി. റൂ​മി​ന​ക​ത്തു ന​ടീ​ന​ട​ന്മാ​ർ അ​വ​ര​വ​രു​ടെ ഭാ​ഗ​ങ്ങ​ൾ കു​റി​ച്ച ഷീ​റ്റു​ക​ൾ പി​ടി​ച്ച് ഒ​രു മൈ​ക്രോ​ഫോ​ണി​നു ചു​റ്റും​നി​ന്നു ക​ട​ലാ​സി​ൽ നോ​ക്കി ഡ​യ​ലോ​ഗു​ക​ൾ വ്യ​ത്യ​സ്ത വി​കാ​ര​ങ്ങ​ളോ​ടെ പ​റ​യു​ക​യാ​ണ്. അ​ത് അ​ല്പ​നേ​രം കാ​ണു​ക​യും കേ​ൾ​ക്കു​ക​യും ചെ​യ്ത​തോ​ടെ അ​മ്മ​യു​ടെ​യും ലി​സി​യു​ടെ​യും തെ​റ്റി​ദ്ധാ​ര​ണ മാ​റി​യെ​ന്ന് അ​വ​രു​ടെ മു​ഖ​ത്തു വി​രി​ഞ്ഞ പു​ഞ്ചി​രി വി​ളി​ച്ചു​പ​റ​ഞ്ഞു.

സാ​ന്ദ​ർ​ഭി​ക​മാ​യി ഒ​രു വ​സ്തു​ത ഇ​വി​ടെ കു​റി​ച്ചു​കൊ​ള്ള​ട്ടെ. കു​മാ​രി ത​ളി​യ​ത്ത് സി​നി​മ​യി​ൽ​നി​ന്നു വി​ട്ട് ത​ളി​യ​ത്തു​കു​ടും​ബ​ത്തി​ലെ ഒ​രു എ​ക്സി​ക്യൂ​ട്ടീ​വ് എ​ൻ​ജി​നി​യ​റു​ടെ ഭാ​ര്യ​യാ​യി ക​ഴി​യു​ന്പോ​ഴാ​ണ് ടി.​എ​ന്നി​ന്‍റെ സ്നേ​ഹ​പൂ​ർ​വ​മാ​യ ക്ഷ​ണം സ്വീ​ക​രി​ച്ചു റേ​ഡി​യോ​നാ​ട​ക​ത്തി​ൽ പ​ങ്കെ​ടു​ക്കാ​ൻ ഭ​ർ​തൃ​സ​മേ​തം തി​രു​വ​ന​ന്ത​പു​ര​ത്തെ​ത്തി​യ​ത്.

ആ ​എ​ൻ​ജി​നി​യ​റു​മാ​യി ഞാ​ന​ന്നു പ​രി​ച​യ​പ്പെ​ടു​ക​യും ചെ​യ്തു. അ​വ​രു​ടെ ദാ​ന്പ​ത്യ​ബ​ന്ധം അ​ത്ര സു​ഖ​ക​ര​മാ​യി​രു​ന്നി​ല്ല​ത്രെ. എ​ന്തൊ​ക്കെ​യോ അ​രു​താ​ത്ത​തു സം​ഭ​വി​ച്ചി​ട്ടു​ണ്ട്. ആ​ഴ്ച​ക​ൾ​ക്കു ശേ​ഷം ദുഃ​ഖ​ക​ര​മാ​യ ആ ​വാ​ർ​ത്ത വ​ന്നു. കു​മാ​രി അ​ന്ത​രി​ച്ചു! ഷോ​ക്കേ​റ്റ​പോ​ലെ​യാ​യി ഞാ​ൻ. അ​തു സ്വാ​ഭാ​വി​ക മ​ര​ണ​മാ​യി​രു​ന്നോ? അ​റി​യി​ല്ല. ആ ​മ​ര​ണ​ത്തെ​ക്കു​റി​ച്ചു പ​ല ക​ഥ​ക​ൾ ഇ​ന്നും ഉ​ത്ത​രം കി​ട്ടാ​ത്ത​താ​യി അ​ന്ത​രീ​ക്ഷ​ത്തി​ലു​ണ്ട്.

എ​ന്നോ​ടൊ​ത്ത് അ​ഭി​ന​യി​ച്ച കു​മാ​രി​യു​ടെ ചി​ത്രം മ​ന​സി​ൽ​നി​ന്നു മാ​ഞ്ഞി​ട്ടി​ല്ല. ഞ​ങ്ങ​ൾ ഇ​രു​വ​രും അ​ഭി​ന​യി​ച്ച ആ ​നാ​ട​കം! എ​ന്‍റെ ആ​ദ്യ​ത്തെ റേ​ഡി​യോ നാ​ട​ക​മാ​യി​രു​ന്നെ​ങ്കി​ൽ കു​മാ​രി​യു​ടെ അ​വ​സാ​ന​ത്തെ റേ​ഡി​യോ നാ​ട​ക​മാ​യി​രു​ന്നു. എ​ന്തു​ചെ​യ്യാം. വി​ധി​യു​ടെ ഓ​രോ വി​ള​യാ​ട്ട​ങ്ങ​ൾ!

റേ​ഡി​യോ ന​ൽ​കി​യ സ​ന്തോ​ഷം

1972ലെ ​നാ​ട​ക​വാ​ര​ത്തി​ൽ ടി.​എ​ന്നി​ന്‍റെ സം​വി​ധാ​ന​ത്തി​ൽ സി​നി​മാ​താ​ര​ങ്ങ​ളെ പ​ങ്കെ​ടു​പ്പി​ച്ചു​കൊ​ണ്ട് എ​ന്‍റെ "തീ​മ​ഴ' എ​ന്ന നാ​ട​കം വ​ന്നു. അ​താ​ണ് പി​ന്നീ​ട് "ന​ഷ്ട​സ്വ​ർ​ഗം' എ​ന്ന പേ​രി​ൽ പു​സ്ത​ക​മാ​യ​ത്. ആ ​നാ​ട​ക​ത്തി​ൽ പ്രേം​ന​സീ​ർ, അ​ടൂ​ർ ഭാ​സി, ക​വി​യും ഗാ​ന​ര​ച​യി​താ​വും സം​വി​ധാ​യ​ക​നു​മാ​യ പി. ​ഭാ​സ്ക​ര​ൻ, ടി.​എ​ൻ. ഗോ​പി​നാ​ഥ​ൻ​നാ​യ​ർ, തൃ​ശൂ​ർ ഫി​ലോ​മി​ന, ടി.​ആ​ർ. ഓ​മ​ന തു​ട​ങ്ങി​യ​വ​ർ പ​ങ്കെ​ടു​ത്തു. തു​ട​ർ​ന്ന് 1974ലെ ​നാ​ട​ക​വാ​ര​ത്തി​ൽ എ​ന്‍റെ പ്ര​സി​ദ്ധ​മാ​യ അ​ഗ്നി​വ​ല​യം നാ​ട​കം പ്ര​ക്ഷേ​പ​ണം ചെ​യ്യ​പ്പെ​ട്ടു.

"മ​ണ​ൽ​ക്കാ​ട് ' നാ​ട​ക​വാ​ര​ത്തി​ൽ വ​ന്ന​പ്പോ​ൾ അ​ത് ആ ​വ​ർ​ഷ​ത്തെ ഏ​റ്റ​വും മി​ക​ച്ച​താ​ണെ​ന്ന് ആ​കാ​ശ​വാ​ണി​യു​ടെ ര​ഹ​സ്യ സ​ർ​വേ​യി​ൽ വെ​ളി​പ്പെ​ട്ടു. അ​താ​ണു പി​ന്നീ​ട് നാ​ഷ​ണ​ൽ പ്രോ​ഗ്രാ​മി​ൽ വ​ന്ന​ത്. അ​തേ അ​നു​ഭ​വം​ത​ന്നെ അ​ഗ്നി​വ​ല​യ​ത്തി​നു​മു​ണ്ടാ​യി. ഈ ​നാ​ട​ക​വും ദേ​ശീ​യ പ​രി​പാ​ടി​യാ​യി ഇ​ന്ത്യ​യൊ​ട്ടു​ക്കും പ്ര​ക്ഷേ​പ​ണം ചെ​യ്യ​പ്പെ​ട്ടു. മ​ണ​ൽ​ക്കാ​ടും അ​ഗ്നി​വ​ല​യ​വും ഇ​ന്ത്യ​യി​ലെ ആ​കാ​ശ​വാ​ണി നി​ല​യ​ങ്ങ​ൾ പ​ല​ത​വ​ണ പു​നഃ​പ്ര​ക്ഷേ​പ​ണം ചെ​യ്ത​ത് എ​ന്നെ ഏ​റെ സ​ന്തു​ഷ്ട​നാ​ക്കി.

തൃ​ശൂ​ർ റേ​ഡി​യോ സ്റ്റേ​ഷ​ന്‍റെ പ്ര​വ​ർ​ത്ത​നം ആ​രം​ഭി​ച്ചി​ട്ട് വ​ർ​ഷ​ങ്ങ​ളാ​യെ​ങ്കി​ലും സ്വ​ന്ത​മാ​യും സ്വ​ത​ന്ത്ര​മാ​യും പ്രോ​ഗ്രാം ചെ​യ്തു​തു​ട​ങ്ങി​യ​ത് 1974 ലാ​ണ്. തൃ​ശൂ​ർ നി​ല​യ​ത്തി​ൽ​നി​ന്ന് ആ​ദ്യം പ്ര​ക്ഷേ​പ​ണം ചെ​യ്യ​പ്പെ​ട്ട നാ​ട​കം ഞാ​നെ​ഴു​തി​യ​താ​ണ് എ​ന്ന​തി​ൽ എ​നി​ക്കു സ​ന്തോ​ഷ​മു​ണ്ട്. ആ ​നാ​ട​ക​ത്തി​ൽ ആ​കാ​ശ​വാ​ണി​യി​ലെ ത​ങ്ക​മ​ണി​യും ഞാ​നും മ​റ്റു പ​ല ആ​ർ​ട്ടി​സ്റ്റു​ക​ളും പ​ങ്കെ​ടു​ത്തു.

1976ലെ ​നാ​ട​ക​വാ​ര​ത്തി​ൽ തൃ​ശൂ​ർ നി​ല​യം പ്ര​ക്ഷേ​പ​ണം ചെ​യ്ത​ത് എ​ന്‍റെ "സൂ​ര്യാ​ഘാ​തം' നാ​ട​ക​മാ​ണ്. കെ.​വി. മ​ണി​ക​ണ്ഠ​ൻ, ത​ങ്ക​മ​ണി, വി.​ടി. അ​ര​വി​ന്ദാ​ക്ഷ​മേ​നോ​ൻ, പി.​എ​ൻ. ബാ​ല​കൃ​ഷ്ണ​പി​ള്ള തു​ട​ങ്ങി​യ​വ​ർ ശ​ബ്ദം ന​ൽ​കി. പി​ന്നീ​ട് ഒ​ട്ടേ​റെ ത​വ​ണ സു​ര്യാ​ഘാ​തം പു​നഃ​പ്ര​ക്ഷേ​പ​ണം ചെ​യ്യ​പ്പെ​ട്ടു.

തി​രു​വ​ന​ന്ത​പു​ര​ത്തു ഞാ​ൻ ഓ​ഡി​ഷ​ൻ ടെ​സ്റ്റ് പാ​സാ​യ വി​വ​രം മു​ന്പു സൂ​ചി​പ്പി​ച്ചി​ട്ടു​ണ്ട​ല്ലോ. റേ​ഡി​യോ ആ​ർ​ട്ടി​സ്റ്റ് എ​ന്ന ആ ​സ്ഥാ​നം അ​പ്ഗ്രേ​ഡ് ചെ​യ്യാ​നാ​യി ഞാ​ൻ അ​പേ​ക്ഷ അ​യ​ച്ചു. 1975ൽ ​തൃ​ശൂ​ർ നി​ല​യ​ത്തി​ൽ​വ​ച്ച് അ​തി​ന്‍റെ ഓ​ഡി​ഷ​ൻ ന​ട​ന്നു. ആ ​ടെ​സ്റ്റ് കു​റെ ക​ടു​പ്പ​മാ​യി​രു​ന്നെ​ങ്കി​ലും അ​തി​ലും ഞാ​ൻ വി​ജ​യി​ച്ചു. അ​തോ​ടെ ഞാ​ൻ ബി ​ഹൈ​ഗ്രേ​ഡ് ആ​ർ​ട്ടി​സ്റ്റാ​യി.

ഞാ​ൻ തൃ​ശൂ​ർ നി​ല​യ​ത്തി​ന്‍റെ കീ​ഴി​ലാ​യി​രു​ന്നെ​ങ്കി​ലും 1977ലെ ​നാ​ട​ക​വാ​ര​ത്തി​ൽ തി​രു​വ​ന​ന്ത​പു​ര​ത്തി​ന്‍റെ നാ​ട​ക​മാ​യി ടി.​എ​ൻ. തെ​ര​ഞ്ഞെ​ടു​ത്ത​തു സാ​ഹി​ത്യ അ​ക്കാ​ദ​മി അ​വാ​ർ​ഡ് നേ​ടി​യ എ​ന്‍റെ "ജ്വ​ല​നം' നാ​ട​ക​മാ​യി​രു​ന്നു.

ഏ​താ​ണ്ട് മി​ക്ക വ​ർ​ഷ​ങ്ങ​ളി​ലും നാ​ട​ക​വാ​ര​ത്തി​ലേ​ക്ക് ആ​കാ​ശ​വാ​ണി എ​ന്നെ​ക്കൊ​ണ്ടു നാ​ട​ക​മെ​ഴു​തി​ച്ചു. കേ​ര​ള നി​​ലയ​ങ്ങ​ളു​ടെ സം​യു​ക്ത നാ​ട​ക​വാ​ര​ത്തി​ൽ തൃ​ശൂ​ർ നി​ല​യ​ത്തി​ൽ​നി​ന്നു പ്രോ​ഗ്രാം എ​ക്സി​ക്യൂ​ട്ടീ​വാ​യ എ​ൻ.​കെ. സെ​ബാ​സ്റ്റ്യ​ന്‍റെ സം​വി​ധാ​ന​ത്തി​ൽ 1984ൽ ​എ​ന്‍റെ അ​ഭി​സ​ന്ധി​യും 1986ൽ ​ശോ​ക​പ്പ​ക്ഷി​യും 1987ൽ ​ആ​ന്പ​ൽ​പ്പൂ​വി​ന്‍റെ ആ​ത്മ​ഗീ​ത​വും 1988ൽ ​മേ​ഘ​ധ്വ​നി​യും പ്ര​ക്ഷേ​പ​ണം ചെ​യ്യ​പ്പെ​ട്ടു.

ഇ​വ​യി​ൽ പ​ല​തി​ലും ഞാ​ൻ അ​ഭി​ന​യി​ച്ചു. 1986, 87, 88 വ​ർ​ഷ​ങ്ങ​ളി​ലെ നാ​ട​ക​ങ്ങ​ളി​ൽ മു​ഖ്യ ക​ഥാ​പാ​ത്ര​ത്തി​നു ശ​ബ്ദം ന​ൽ​കി​യ​തു പ്ര​ശ​സ്ത ച​ല​ച്ചി​ത്ര​ന​ട​നും എ​ന്‍റെ സു​ഹൃ​ത്തു​മാ​യ എ​ൻ.​എ​ഫ്. വ​ർ​ഗീ​സാ​ണ്.

തൃ​ശൂ​ർ നി​ല​യം

കൂ​ടെ അ​ഭി​ന​യി​ച്ച​വ​രും തൃ​ശൂ​രി​ന്‍റെ മു​ന്തി​യ ആ​ർ​ട്ടി​സ്റ്റു​ക​ൾ​ത​ന്നെ. നാ​ട​ക​വാ​രം തീ​ർ​ന്ന​പ്പോ​ൾ തി​രു​വ​ന​ന്ത​പു​രം ആ​കാ​ശ​വാ​ണി ന​ട​ത്തി​യ ശ്രോ​താ​ക്ക​ളു​ടെ സ​ർ​വേ​യി​ൽ തു​ട​ർ​ച്ച​യാ​യി മൂ​ന്നാം വ​ർ​ഷ​വും ഒ​ന്നാം​സ്ഥാ​നം ക​ര​സ്ഥ​മാ​ക്കി​യ​ത് എ​ന്‍റെ നാ​ട​ക​ങ്ങ​ൾ അ​വ​ത​രി​പ്പി​ച്ച തൃ​ശൂ​ർ നി​ല​യ​മാ​ണ് എ​ന്നു പ​റ​യു​ന്ന​തി​ൽ അ​ഭി​മാ​ന​മു​ണ്ട്.

തൃ​ശൂ​ർ നി​ല​യ​ത്തി​ൽ എ​ന്‍റെ വി​വി​ധ നാ​ട​ക​ങ്ങ​ൾ സം​വി​ധാ​നം​ചെ​യ്ത് എ​ൻ.​കെ. സെ​ബാ​സ്റ്റ്യ​ൻ, എം.​ഡി. രാ​ജേ​ന്ദ്ര​ൻ, സി.​പി. രാ​ജ​ശേ​ഖ​ര​ൻ, ടി.​ടി. പ്ര​ഭാ​ക​ര​ൻ, കെ.​വി. മ​ണി​ക​ണ്ഠ​ൻ, എം. ​ത​ങ്ക​മ​ണി, ഗീ​ത, ഉ​മ തു​ട​ങ്ങി​യ​വ​രാ​ണ്. ഇ​വ​രെ ന​ന്ദി​പൂ​ർ​വം സ്മ​രി​ക്കു​ന്നു.

കേ​ര​ള​ത്തി​ലെ വി​വി​ധ ആ​കാ​ശ​വാ​ണി നി​ല​യ​ങ്ങ​ൾ എ​ന്‍റെ ചെ​റു​തും വ​ലു​ത​മാ​യ ഒ​ട്ട​ന​വ​ധി റേ​ഡി​യോ നാ​ട​ക​ങ്ങ​ൾ പ്ര​ക്ഷേ​പ​ണം ചെ​യ്തു. നാ​ട​ക​വാ​ര​ത്തി​ൽ 15 വ​ർ​ഷം എ​ന്‍റെ ഓ​രോ നാ​ട​ക​മു​ണ്ടാ​യി​രു​ന്നു.

നാ​ട​ക​വാ​ര​ത്തി​നാ​യി ഇ​ത്ര​യേ​റെ നാ​ട​ക​ങ്ങ​ൾ എ​ഴു​താ​ൻ ഭാ​ഗ്യം മ​റ്റാ​ർ​ക്കും സി​ദ്ധി​ച്ചി​ട്ടി​ല്ലെ​ന്നു തോ​ന്നു​ന്നു. ആ​കെ ക​ണ​ക്കാ​ക്കി​യാ​ൽ റേ​ഡി​യോ​യ്ക്കു​വേ​ണ്ടി ഞാ​നെ​ഴു​തി​യ​തു പ​തി​ന​ഞ്ചു നാ​ട​ക​വാ​ര നാ​ട​ക​ങ്ങ​ൾ, അ​ഞ്ചു ഫാ​മി​ലി സീ​രി​യ​ൽ നാ​ട​ക​ങ്ങ​ൾ, നാ​ല്പ​തോ​ളം കൊ​ച്ചു​നാ​ട​ക​ങ്ങ​ൾ, നാ​ഷ​ണ​ൽ പ്രോ​ഗ്രാ​മി​ൽ ര​ണ്ടു നാ​ട​ക​ങ്ങ​ൾ.

ഇ​തേ​പോ​ലെ അ​ന​വ​ധി നാ​ട​ക​ങ്ങ​ളി​ൽ അ​ഭി​നേ​താ​വാ​യും പ​ങ്കെ​ടു​ത്തു ഞാ​ൻ ശ​ബ്ദം ന​ൽ​കി. എ​ല്ലാം അ​ഭി​മാ​ന​പു​ര​സ​രം ഓ​ർ​ക്കു​ന്നു. എ​ന്‍റെ അ​ഭി​പ്രാ​യ​ത്തി​ൽ തി​രു​വ​ന​ന്ത​പു​രം നി​ല​യ​ത്തി​ൽ ടി.​എ​ൻ. ഗോ​പി​നാ​ഥ​ൻ​നാ​യ​രു​ടെ​യും കോ​ഴി​ക്കോ​ട് നി​ല​യ​ത്തി​ൽ തി​ക്കോ​ടി​യ​ന്‍റെ​യും തൃ​ശൂ​ർ നി​ല​യ​ത്തി​ൽ എ​ൻ.​കെ. സെ​ബാ​സ്റ്റ്യ​ന്‍റെ​യും സേ​വ​ന​കാ​ല​മാ​യി​രു​ന്നു കേ​ര​ള​ത്തി​ൽ റേ​ഡി​യോ നാ​ട​ക​ങ്ങ​ളു​ടെ സു​വ​ർ​ണ​കാ​ലം.

സി.​എ​ൽ.​ജോ​സ്