ഉ​യ​ർ​ന്ന വി​ല​ക്ക​യ​റ്റം ട്രം​പ് ഭ​ര​ണ​കൂ​ട​ത്തി​ന് വി​ന​യാ​കു​മോ ?
Monday, September 29, 2025 3:32 PM IST
ഏ​ബ്ര​ഹാം തോ​മ​സ്
വാ​ഷിം​ഗ്ട​ൺ: യു​എ​സി​ൽ വ​ള​രെ ഉ​യ​ർ​ന്ന വി​ല​ക്ക​യ​റ്റം പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​നെ രാ​ഷ്‌​ട്രീ​യ​മാ​യി ബാ​ധി​ക്കു​മെ​ന്ന് നി​രീ​ക്ഷ​ക​രു​ടെ വി​ല​യി​രു​ത്ത​ൽ. പ്ര​ത്യേ​കി​ച്ചു ഇ​ട​ക്കാ​ല തെ​ര​ഞ്ഞെ​ടു​പ്പി​നെ നേ​രി​ടു​മ്പോ​ൾ പ്ര​സി​ഡ​ന്‍റി​ന് മേ​ൽ സ​മ്മ​ർ​ദം വ​ർ​ധി​ക്കു​ക​യാ​ണ്.

വി​ല​ക്ക​യ​റ്റം പ്ര​ധാ​ന പ്ര​ശ്ന​മാ​യി ഉ​യ​ർ​ത്തി റി​പ്പ​ബ്ലി​ക്ക​ൻ പാ​ർ​ട്ടി​ക്കെ​തി​രേ​യും പ്ര​സി​ഡ​ന്‍റി​നെ​തി​രേ​യും പ്ര​ചാ​ര​ണം ശ​ക്‌​തി​പ്പെ​ടു​ത്താ​നാ​ണ് ഡെ​മോ​ക്ര​റ്റി​ക് പാ​ർ​ട്ടി​യു​ടെ ത​ന്ത്രം. വ​ള​രെ നേ​രി​യ ഭൂ​രി​പ​ക്ഷ​മാ​ണ് പ്ര​തി​നി​ധി സ​ഭ​യി​ൽ റി​പ്പ​ബ്ലി​ക്ക​ൻ പാ​ർ​ട്ടി​ക്കു​ള്ള​ത്.

വീ​ണ്ടും മ​ത്സ​രി​ക്കു​ക​യി​ല്ലെ​ന്ന പ്ര​ഖ്യാ​പ​ന​ങ്ങ​ളു​മാ​യി ഇ​തി​ന​കം ചി​ല അം​ഗ​ങ്ങ​ൾ രം​ഗ​ത്തു​ണ്ട്. ഈ ​സീ​റ്റു​ക​ളി​ലെ സി​റ്റിം​ഗ് അം​ഗ​ങ്ങ​ൾ മാ​റി നി​ന്നാ​ൽ പ​ക​രം തീ​രു​മാ​നി​ക്കു​ന്ന സ്ഥാ​നാ​ർ​ഥി​ക​ൾ​ക്ക് പി​ന്തു​ണ നേ​ടാ​ൻ പ്ര​യാ​സ​മാ​യ സാ​ഹ​ച​ര്യം ചി​ല സീ​റ്റു​ക​ളി​ലെ​ങ്കി​ലും ഉ​ണ്ട്.

അ​ങ്ങ​നെ വ​രു​മ്പോ​ൾ ഇ​പ്പോ​ഴു​ള്ള കേ​വ​ല ഭൂ​രി​പ​ക്ഷം ഇ​ല്ലാ​താ​കാ​നോ കു​റ​യാ​നോ ഉ​ള്ള സാ​ധ്യ​ത ത​ള്ളി​ക്ക​ള​യാ​നാ​വി​ല്ല. 1970ക​ൾ​ക്ക് ശേ​ഷം ഏ​റ്റ​വും കൂ​ടു​ത​ൽ വി​ല​ക്ക​യ​റ്റം സം​ഭ​വി​ച്ച​ത് പ്ര​സി​ഡ​ന്‍റ് ജോ ​ബൈ​ഡ​ന്റെ കാ​ല​ത്താ​ണ്.

വോ​ട്ട​ർ​മാ​രു​ടെ തൃ​പ്തി​യി​ല്ലാ​യ്‌​മ​യാ​ണ് ട്രം​പി​ന് വൈ​സ് പ്ര​സി​ഡ​ന്‍റ് ക​മ​ല ഹാ​രി​സി​നെ നി​ഷ്പ്ര​യാ​സം തോ​ല്പി​ക്കു​വാ​ൻ ക​ഴി​ഞ്ഞ​തെ​ന്ന് ചി​ല നി​രീ​ക്ഷ​ക​ർ ക​രു​തു​ന്നു. ക​ഴി​ഞ്ഞ തെ​ര​ഞ്ഞെ​ടു​പ്പി​ൽ വി​ല​ക്ക​യ​റ്റം ട്രം​പി​ന് ഫ​ല​വ​ത്താ​യി ഉ​പ​യോ​ഗി​ക്കു​വാ​ൻ ക​ഴി​ഞ്ഞെ​ങ്കി​ൽ അ​തെ പ്ര​ചാ​ര​ണാ​യു​ധം ട്രം​പി​നെ​തി​രേ ഇ​പ്രാ​വ​ശ്യം ശ​ക്ത​മാ​യി ഡെ​മോ​ക്ര​റ്റു​ക​ൾ ഉ​പ​യോ​ഗി​ക്കു​വാ​ൻ സാ​ധ്യ​ത​യു​ണ്ട്.

ക​ഴി​ഞ്ഞ കു​റെ മാ​സ​ങ്ങ​ളാ​യി വി​ല​ക്ക​യ​റ്റം ശ​ക്ത​മാ​യി വ​ർ​ധി​ച്ചു വ​രി​ക​യാ​ണ്. ഈ ​വ​ർ​ഷ​ത്തി​ന്‍റെ നാ​ലി​ൽ മൂ​ന്നു ഭാ​ഗം ക​ഴി​യു​മ്പോ​ഴും ട്രം​പി​ന് ഫ​ല​പ്ര​ദ​മാ​യി എ​ന്തെ​ങ്കി​ലും ന​ട​പ​ടി​ക​ൾ സ്വീ​ക​രി​ക്കു​വാ​നോ ന​ട​പ്പാ​ക്കു​വാ​നോ ക​ഴി​ഞ്ഞി​ട്ടി​ല്ല എ​ന്ന് വി​മ​ർ​ശ​ക​ർ പ​റ​യു​ന്നു.

വി​ല​ക്ക​യ​റ്റം ഉ​ണ്ടാ​കു​ന്ന സാ​ധ​ന​ങ്ങ​ൾ മി​ക്ക​വാ​റും എ​ല്ലാ കു​ടും​ബ​ങ്ങ​ൾ​ക്കും ദി​വ​സേ​ന ആ​വ​ശ്യ​മു​ള്ള​വ​യാ​ണ്. എ​ലെ​ക്ട്രി​സി​റ്റി ചാ​ർ​ജു​ക​ൾ ക​ഴി​ഞ്ഞ വ​ർ​ഷ​ത്തേ​ക്കാ​ൾ 6.2 ശ​ത​മാ​നം കൂ​ടു​ത​ലാ​യി. ഉ​പ​യോ​ഗി​ച്ച കാ​റു​ക​ളു​ടെ വി​ല​യും ആ​റ് ശ​ത​മാ​നം ഉ​യ​ർ​ന്നു. ഗ്രോ​സ​റി സാ​ധ​ന​ങ്ങ​ളു​ടെ വി​ല കൂ​ടി​ക്കൊ​ണ്ടേ ഇ​രി​ക്കു​ന്നു.

ഇ​റ​ച്ചി​യു​ടെ വി​ല 7.3 ശ​ത​മാ​നം ഉ​യ​ർ​ന്ന​പ്പോ​ൾ ന​ല്ല ഇ​റ​ച്ചി ക​ഷ​ണ​ങ്ങ​ളു​ടെ(​സ്റ്റേ​ക്കി​ന്‍റെ) വി​ല 16.6 ശ​ത​മാ​നം കൂ​ടി. കോ​ഴി ഇ​റ​ച്ചി​യു​ടെ വി​ല 2.8 ശ​ത​മാ​നം ഉ​യ​ർ​ന്നു. റ​സ്റ്റ​റ​ന്‍റു​ക​ളി​ലെ ഭ​ക്ഷ​ണ സാ​ധ​ന​ങ്ങ​ളു​ടെ വി​ല ക​ഴി​ഞ്ഞ അ​ഞ്ചു വ​ർ​ഷ​ത്തി​നു​ള്ളി​ൽ 30 ശ​ത​മാ​നം ഉ​യ​ർ​ന്നു.


ഈ ​വ​ർ​ഷം മാ​ത്രം നാ​ല് ശ​ത​മാ​നം ഉ​യ​ർ​ന്ന​താ​യാ​ണ് ക​ണ​ക്ക്. ഉ​യ​ർ​ന്നു നി​ന്നി​രു​ന്ന ഗ്യാ​സി​ന്‍റെ വി​ല 6.6 ശ​ത​മാ​നം കു​റ​ഞ്ഞു. മു​ട്ട​യു​ടെ വി​ല​യും ഉ​യ​ർ​ന്നു നി​ന്ന​തു അ​ല്പം താ​ഴേ​ക്ക് വ​ന്നു.

അ​മേ​രി​ക്ക​ക്കാ​ർ പൊ​തു​വെ ട്രം​പ് വി​ല​ക്ക​യ​റ്റ​വും സ​മ്പ​ത്തി​കാ​വ​സ്ഥ​യും കൈ​കാ​ര്യം ചെ​യ്യു​ന്ന രീ​തി​യി​ൽ അ​സം​തൃ​പ്ത​രാ​ണെ​ന്നു ചി​ല സ​ർ​വേ​ക​ൾ പ​റ​ഞ്ഞു. വി​ല​ക്ക​യ​റ്റം ഓ​ഗ​സ്റ്റ് മാ​സം അ​വ​സാ​നി​ക്കു​മ്പോ​ൾ 2.9 ശ​ത​മാ​ന​മാ​യി​രു​ന്നു എ​ന്ന് സി​പി​ഐ (ക​ൺ​സ്യൂ​മ​ർ പ്രൈ​സ് ഇ​ൻ​ഡ​ക്സ് ) പ​റ​ഞ്ഞു.

ട്രം​പ് ഭ​ര​ണ കൂ​ട​ത്തി​ൽ ഏ​റ്റ​വും കു​റ​വ് ജ​ന​പ്രീ​തി​യു​ള്ള​തു ആ​ർ​എ​ഫ്കെ ജൂ​ണി​യ​റി​നാ​ണെ​ന്നു സ​ർ​വേ ഫ​ലം. യു​എ​സ് ഹെ​ൽ​ത്ത് സെ​ക്ര​ട്ട​റി റോ​ബ​ർ​ട്ട് എ​ഫ്. കെ​ന്ന​ഡി ജൂ​ണി​യ​ർ വീ​ണ്ടും വി​വാ​ദ​ത്തി​ലാ​ണ്.

അ​ദ്ദേ​ഹ​ത്തി​നെ​തി​രേ വീ​ണ്ടും ഒ​രു ഇം​പീ​ച്ച്മെ​ന്‍റ് ശ്ര​മം ന​ട​ക്കു​ന്നു. ഇ​തി​നു പു​റ​മെ ട്രം​പ് ഭ​ര​ണ​കൂ​ട​ത്തി​ൽ കെ​ന്ന​ഡി ജൂ​ണി​യ​റി​നാ​ണ് ഏ​റ്റ​വും കു​റ​വ് ജ​ന​പ്രീ​തി​യു​ള്ള​ത് എ​ന്ന് പു​തി​യ അ​ഭി​പ്രാ​യ സ​ർ​വേ പ​റ​ഞ്ഞു.

പു​തി​യ ക്വി​ന്നി​പ്പി​യ്ക് യൂ​ണി​വേ​ഴ്സി​റ്റി പ​ഠ​ന​ത്തി​ൽ ആ​ർ​എ​ഫ്കെ ജൂ​ണി​യ​റി​ന്‍റെ വി​വാ​ദ ന​യ​ങ്ങ​ൾ 1276 വി​ദ്യാ​ർ​ഥി​ക​ളി​ൽ 54 ശ​ത​മാ​ന​വും എ​തി​ർ​ത്തു. 57 ശ​ത​മാ​നം അ​ദ്ദേ​ഹ​ത്തി​ൽ വി​ശ്വാ​സ​മി​ല്ലെ​ന്ന് പ​റ​ഞ്ഞു.

ആ​ർ​എ​ഫ്കെ ജൂ​ണി​യ​റി​ന്‍റെ ന​യ​ങ്ങ​ൾ രാ​ഷ്ട്രീ​യ​ത്തി​ൽ ജ​ന​ങ്ങ​ൾ​ക്ക് എ​ങ്ങ​നെ ദോ​ഷ​ക​ര​മാ​കും എ​ന്ന​താ​ണ് പ്ര​ധാ​നം. ഇ​വി​ടെ​യും അ​ദ്ദേ​ഹം പ​രാ​ജ​യ​പ്പെ​ട്ട​താ​യാ​ണ് പൊ​തു​വെ വി​ല​യി​രു​ത്തു​ന്ന​ത്. കെ​ന്ന​ഡി ജൂ​ണി​യ​റി​ന്‍റെ സ്റ്റാ​ഫ്, അ​ദ്ദേ​ഹം സ്വ​യം നി​യ​മി​ച്ച​വ​ർ ഉ​ൾ​പ്പ​ടെ, അ​ദ്ദേ​ഹ​ത്തി​ൽ വി​ശ്വാ​സ​മി​ല്ലാ​യ്മ രേ​ഖ​പെ​ടു​ത്തു​ന്നു എ​ന്നാ​ണ് റി​പ്പോ​ർ​ട്ട്.

അ​ദ്ദേ​ഹം രാ​ജി വ​യ്ക്ക​ണ​മെ​ന്ന് പ​റ​യു​ന്ന​വ​രി​ൽ ട്രം​പ് നി​യ​മി​ച്ച​വ​രും ഉ​ൾ​പ്പെ​ടു​ന്നു എ​ന്ന് റി​പ്പോ​ർ​ട്ട് തു​ട​ർ​ന്ന് പ​റ​ഞ്ഞു. അ​ദ്ദേ​ഹം ന​ട​ത്തു​ന്ന പ​ത്ര​സ​മ്മേ​ള​ന​ങ്ങ​ളി​ൽ ന​ൽ​കു​ന്ന വി​വ​ര​ങ്ങ​ളി​ൽ ത​ങ്ങ​ൾ​ക്കു വി​ശ്വാ​സ​മി​ല്ലെ​ന്ന് ഒ​രു വി​ഭാ​ഗം റി​പ്പോ​ർ​ട്ട​ർ​മാ​ർ പ​റ​ഞ്ഞു.

ട്രം​പി​ന്‍റെ ക്യാ​ബി​ന​റ്റി​ൽ ചേ​രു​ന്ന​തി​നു മു​ൻ​പ്, കെ​ന്ന​ഡി ജൂ​ണി​യ​ർ ആ​ന്‍റി വാ​ക്‌​സി​ൻ തീ​യ​റി​യു​ടെ വ​ക്താ​വാ​യി​രു​ന്നു. ട്രം​പ് ഭ​ര​ണ​ത്തി​നൊ​പ്പം ചേ​ർ​ന്ന് ക​ഴി​ഞ്ഞ​തി​നു ശേ​ഷം കു​ത്തി​വ​യ്പു​ക​ളെ അ​നു​കൂ​ലി​ച്ചു അ​ദ്ദേ​ഹം ന​ട​ത്തി​യ മ​ല​ക്കം മ​റി​ച്ചി​ൽ അ​നു​യാ​യി​ക​ൾ​ക്ക് പോ​ലും ഉ​ൾ​കൊ​ള്ളാ​ൻ പ്ര​യാ​സ​മാ​യി​രു​ന്നു.
">