വി​ശു​ദ്ധ മ​റി​യം ത്രേ​സ്യാ​യു​ടെ തി​രൂ​സ്വ​രു​പ​വും തി​രു​ശേ​ഷി​പ്പും സെ​ന്‍റ് മ​റി​യം ത്രേ​സ്യാ സീറോ മ​ല​ബാ​ർ മി​ഷ​നി​ൽ പ്ര​തി​ഷ്ഠി​ച്ചു
Wednesday, March 12, 2025 2:36 AM IST
മാ​ർ​ട്ടി​ൻ
ഫ്രി​സ്കോ: നോ​ർ​ത്ത് ഡാ​ള​സി​ൽ ക​ഴി​ഞ്ഞ​വ​ർ​ഷം പു​തു​താ​യി സ്ഥാ​പി​ത​മാ​യ സെ​ന്‍റ് മ​റി​യം ത്രേ​സ്യാ സീ​റോ മ​ല​ബാ​ർ മി​ഷ​നി​ൽ, കേ​ര​ള​ത്തി​ൽ നി​ന്ന് കൊ​ണ്ടു​വ​ന്ന മ​റി​യം ത്രേ​സ്യാ​യു​ടെ തി​രൂ​സ്വ​രു​പം പ്ര​തി​ഷ്ഠി​ച്ചു.

മാ​ർ​ച്ച് 2 നു ​ഫ്രി​സ്കോ സെ​ന്‍റ് ത്രേ​സ്യാ സീ​റോ മ​ല​ബാ​ർ മി​ഷ​നി​ൽ ന​ട​ന്ന ച​ട​ങ്ങു​ക​ളി​ൽ ഷി​ക്കാ​ഗോ സി​റോ മ​ല​ബാ​ർ രൂ​പ​താ മെ​ത്രാ​ൻ മാ​ർ ജോ​യ് ആ​ല​പ്പാ​ട്ട് കു​ർ​ബാ​ന​ക്കും തി​രു​സ്വ​രൂ​പ​ത്തി​ന്‍റെ ആ​ശീ​ർ​വാ​ദ പ്ര​തി​ഷ്ഠാ ക​ർ​മ്മ​ങ്ങ​ൾ​ക്കും നേ​തൃ​ത്വം ന​ൽ​കി.​ മി​ഷ​ന്‍റെ ഡ​യ​റ​ക്ട​റും, കൊ​പ്പേ​ൽ സെന്‍റ് അ​ൽ​ഫോ​ൻ​സാ ഇ​ട​വ​ക​യു​ടെ വി​കാ​രി​യു​മാ​യ ഫാ. ​മാ​ത്യൂ​സ് കു​ര്യ​ൻ മു​ഞ്ഞ​നാ​ട്ട്, സെ​ന്‍റ് അ​ൽ​ഫോ​ൻ​സാ ഇ​ട​വ​ക അ​സി​സ്റ്റ​ന്‍റ് വി​കാ​രി ഫാ. ​ജി​മ്മി എ​ട​ക്കു​ള​ത്തൂ​ർ എ​ന്നി​വ​ർ തി​രു​ക​ർ​മ്മ​ങ്ങ​ളി​ൽ സ​ഹ​കാ​ർ​മ്മി​ക​രാ​യി.

തി​രു​സ്വ​രൂ​പ പ്ര​തി​ഷ്ഠ​ക്കു​ശേ​ഷം കേ​ര​ള​ത്തി​ലെ കു​ഴി​ക്കാ​ട്ടു​ശേ​രി​യി​ൽ നി​ന്ന് കൊ​ണ്ടു​വ​ന്ന തി​രു​ശേ​ഷി​പ്പി​ന്‍റെ വ​ണ​ക്ക​വും ന​ട​ന്നു.​ ഞാ​യാ​റാ​ഴ്ച രാ​വി​ലെ മി​ഷ​ന്‍റെ മാ​തൃ​ദേ​വാ​ല​യ​മാ​യ കൊ​പ്പേ​ൽ സെ​ന്റ് അ​ൽ​ഫോ​ൻ​സാ ദേ​വാ​ല​യ​ത്തി​ൽ കു​ർ​ബാ​ന​ക്ക് ശേ​ഷം മ​റി​യം ത്രേ​സ്യാ​യ​യു​ടെ തി​രു​സ്വ​രൂ​പ​ത്തി​ന്റെ എ​ഴു​ന്നെ​ള്ളി​പ്പും തി​രു​ശേ​ഷി​പ്പി​ന്‍റെ വ​ണ​ക്ക​വും ന​ട​ന്നി​രു​ന്നു.


മാ​തൃ ഇ​ട​വ​ക​യി​ൽ നി​ന്നു തു​ട​ർ​ന്ന് വി​ശ്വാ​സി​ക​ൾ പു​ണ്യ​വ​തി​യു​ടെ തി​രൂ​സ്വ​രൂ​പം ആ​ഘോ​ഷ​മാ​യാ​ണ് സെ​ന്റ് മ​റി​യം ത്രേ​സ്യാ മി​ഷ​നി​ലേ​ക്ക് വ​ര​വേ​റ്റ​ത്. ഫാ. ​ജി​മ്മി എ​ട​ക്കു​ള​ത്തൂ​രാ​ണ് തി​രു​സ്വ​രൂ​പം അ​മേ​രി​ക്ക​യി​ലെ​ക്കെ​ത്തി​ക്കു​ന്ന​തി​നു നേ​തൃ​ത്വം ന​ൽ​കി​യ​ത്.