റ​ഷ്യ​ൻ കൂ​ലി​പ്പ​ട്ടാ​ള​ത്തി​ൽ തൃശൂർ സ്വദേശി കൊ​ല്ല​പ്പെ​ട്ട​ത് ഡ്രോ​ണ്‍ ആ​ക്ര​മ​ണ​ത്തി​ൽ; സു​ഹൃ​ത്തിനും പരിക്ക്
Tuesday, January 14, 2025 3:04 PM IST
തൃ​ശൂ​ർ: മ​നു​ഷ്യ​ക്ക​ട​ത്തി​നി​ര​യാ​യി റ​ഷ്യ​ൻ കൂ​ലി​പ്പ​ട്ടാ​ള​ത്തി​ൽ അ​ക​പ്പെ​ട്ട തൃ​ശൂ​ർ കു​ട്ട നെ​ല്ലൂ​ർ ക​രു​ണ ലെ​യി​ൻ തോ​ല​ത്ത് ബി​നി​ൽ (32) കൊ​ല്ല​പ്പെ​ട്ട​ത് യു​ക്രെ​യ്ന്‍റെ ഡ്രോ​ണ്‍ ആ​ക്ര​മ​ണ​ത്തി​ലെ​ന്നു സു​ഹൃ​ത്ത് ജ​യി​ൻ കു​ര്യ​ൻ.

ബി​നി​ലി​നെ ക​ഴി​ഞ്ഞ അ​ഞ്ചി​നാ​ണു കൂ​ലി​പ്പ​ട്ടാ​ള​ത്തി​നൊ​പ്പം ചേ​ർ​ത്ത​ത്. മ​റ്റൊ​രു സം​ഘ​ത്തി​നൊ​പ്പം പോ​കു​ന്ന​തി​നി​ടെ ബി​നി​ലി​ന്‍റെ മൃ​ത​ദേ​ഹം ക​ണ്ടെ​ന്നു ജ​യി​ൻ ബി​നി​ലി​ന്‍റെ കു​ടും​ബ​ത്തെ അ​റി​യി​ച്ചു.

തൊ​ട്ടു​പി​ന്നാ​ലെ ഉ​ണ്ടാ​യ ഡ്രോ​ണ്‍ ആ​ക്ര​മ​ണ​ത്തി​ൽ ജ​യി​നും(27) പ​രി​ക്കേ​റ്റു. ജ​യി​നി​പ്പോ​ൾ മോ​സ്കോ​യി​ൽ ചി​കി​ത്സ​യി​ലാ​ണ്. കൊ​ല്ല​പ്പെ​ട്ട ബി​നി​ലി​ന്‍റെ മൃ​ത​ദേ​ഹം നാ​ട്ടി​ലെ​ത്തി​ക്കു​ന്ന​ത് സം​ബ​ന്ധി​ച്ച് തീ​രു​മാ​ന​മാ​യി​ല്ല.


കു​ടും​ബ സു​ഹൃ​ത്ത് വ​ഴി ക​ഴി​ഞ്ഞ ഏ​പ്രി​ലി​ലാ​ണ് ബി​നി​ലി​നും ജെ​യി​നും റ​ഷ്യ​യി​ലേ​ക്ക് പോ​യ​ത്. ഇ​ല​ക്ട്രീ​ഷ്യ​ൻ ജോ​ലി എ​ന്ന് പ​റ​ഞ്ഞാ​ണ് ഇ​വ​രു​വ​രെ​യും റ​ഷ്യ​യി​ലേ​ക്ക് കൊ​ണ്ടു​പോ​യ​ത്. അ​വി​ട​ത്തെ മ​ല​യാ​ളി ഏ​ജ​ന്‍റ് ക​ബ​ളി​പ്പി​ച്ച് ഇ​രു​വ​രെ​യും കൂ​ലി​പ്പ​ട്ടാ​ള​ത്തി​നൊ​പ്പം ചേ​ർ​ക്കു​ക യാ​യി​രു​ന്നു.

മ​നു​ഷ്യ​ക്ക​ട​ത്തി​ന് ഇ​ര​യാ​യ യു​വാ​ക്ക​ളെ ര​ക്ഷി​ച്ച് നാ​ട്ടി​ലേ​ക്ക് എ​ത്തി​ക്കാ​നു​ള്ള ശ്ര​മം ന​ട​ക്കു​ന്ന​തി​നി​ട​യി​ലാ​ണ് ബി​നി​ലി​ന്‍റെ മ​ര​ണ​വാ​ർ​ത്ത എ​ത്തി​യ​ത്. ബി​നി​ലി​ന്‍റെ മൃ​ത​ദേ​ഹ​വും മോ​സ്കോ​യി​ൽ ചി​കി​ത്സ​യി​ലു​ള്ള ജ​യി​നെ​യും നാ​ട്ടി​ലെ​ത്തി​ക്കാ​ൻ അ​ടി​യ​ന്ത​ര ഇ​ട​പെ​ട​ൽ ആ​വ​ശ്യ​പ്പെ​ട്ടി​രി​ക്കു​ക​യാ​ണ് ഇ​രു​വ​രു​ടെ​യും ബ​ന്ധു​ക്ക​ൾ.