വാ​ഷിം​ഗ്ട​ൺ ഡി​സി: യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​ന്റെ വി​ശ്വ​സ്ത​ൻ ചാ​ർ​ലി കി​ർ​ക്ക് വെ​ടി​യേ​റ്റു മ​രി​ച്ച സം​ഭ​വ​ത്തി​ൽ പ്ര​തി​യെ​ന്ന് സം​ശ​യി​ക്കു​ന്ന​യാ​ളു​ടെ ചി​ത്ര​ങ്ങ​ൾ പു​റ​ത്തു​വി​ട്ട് എ​ഫ്ബി​ഐ.

പ്ര​തി​യെ പി​ടി​കൂ​ടാ​ൻ ജ​ന​ങ്ങ​ൾ സ​ഹാ​യി​ക്ക​ണ​മെ​ന്നും എ​ഫ്ബി​ഐ​യു​ടെ കു​റി​പ്പി​ൽ പ​റ​യു​ന്നു. ടീ​ഷ​ർ​ട്ടും ജീ​ൻ​സും തൊ​പ്പി​യും കൂ​ളിം​ഗ് ഗ്ലാ​സും ധ​രി​ച്ച ചെ​റു​പ്പ​ക്കാ​ര​ന്‍റെ ചി​ത്ര​മാ​ണ് പു​റ​ത്തു​വി​ട്ടി​ട്ടു​ള്ള​ത്.

‘യൂ​ട്ട​വാ​ലി യൂ​ണി​വേ​ഴ്സി​റ്റി​യി​ൽ ചാ​ർ​ലി കി​ർ​ക്ക് വെ​ടി​യേ​റ്റു മ​രി​ച്ച സം​ഭ​വ​വു​മാ​യി ബ​ന്ധ​പ്പെ​ട്ട് ഈ ​വ്യ​ക്തി​യെ തി​രി​ച്ച​റി​യാ​ൻ പൊ​തു​ജ​ന​ങ്ങ​ളു​ടെ സ​ഹാ​യം തേ​ടു​ക​യാ​ണ്.’ - എ​ഫ്ബി​ഐ സ​മൂ​ഹ​മാ​ധ്യ​മ​ങ്ങ​ളി​ൽ പ​ങ്കു​വ​ച്ച കു​റി​പ്പി​ൽ പ​റ​യു​ന്നു. ഫോ​ൺ ന​മ്പ​റും ഒ​പ്പം ന​ൽ​കി​യി​ട്ടു​ണ്ട്.


അ​തേ​സ​മ​യം, കി​ർ​ക്കി​ന് മ​ര​ണാ​ന​ന്ത​ര ബ​ഹു​മ​തി​യാ​യി പ്ര​സി​ഡ​ൻ​ഷ്യ​ൽ മെ​ഡ​ൽ ഓ​ഫ് ഫ്രീ​ഡം ന​ൽ​കു​മെ​ന്ന് ട്രം​പ് പ്ര​ഖ്യാ​പി​ച്ചു. യു​എ​സി​ൽ സാ​ധാ​ര​ണ​ക്കാ​ര​ന് ന​ൽ​കു​ന്ന ഏ​റ്റ​വും വ​ലി​യ പു​ര​സ്കാ​ര​മാ​ണി​ത്.

തീ​വ്ര വ​ല​തു​പ​ക്ഷ ആ​ക്ടി​വി​സ്റ്റും ട്രം​പ് അ​നു​കൂ​ല മാ​ധ്യ​മ​പ്ര​വ​ർ​ത്ത​ക​നു​മാ​യി​രു​ന്നു കി​ർ​ക്ക്. യൂ​ട്ട​വാ​ലി സ​ർ​വ​ക​ലാ​ശാ​ല​യി​ൽ ന​ട​ന്ന ച​ട​ങ്ങി​നി​ടെ​യാ​ണ് കി​ർ​ക്കി​ന് വെ​ടി​യേ​റ്റ​ത്.