കു​വൈ​റ്റ് സി​റ്റി: സ​ൻ​സീ​ലി​യ എ​വ​ർ റോ​ളിം​ഗ്‌ ട്രോ​ഫി​ക്ക്‌ വേ​ണ്ടി​യു​ള്ള ത​നി​മ കു​വൈ​റ്റ് 18-ാം ദേ​ശീ​യ വ​ടം​വ​ലി മ​ത്സ​രം വെ​ള്ളി​യാ​ഴ്ച അ​ബ്ബാ​സി​യ ഇ​ന്ത്യ​ൻ സെ​ൻ​ട്ര​ൽ സ്കൂ​ളി​ലെ ഓ​പ്പൺ ഫ്ല​ഡ്‌ ലൈ​റ്റ്‌ സ്റ്റേ​ഡി​യ​ത്തി​ൽ ഉ​ച്ച​യ്ക്ക്‌ 12 മു​ത​ൽ രാ​ത്രി എ​ട്ട് വ​രെ ന​ട​ക്കു​മെ​ന്ന് ഭാ​ര​വാ​ഹി​ക​ൾ വാ​ർ​ത്താ​സ​മ്മേ​ള​ന​ത്തി​ൽ അ​റി​യി​ച്ചു.

ത​നി​മ മു​ൻ ഹാ​ർ​ഡ്‌​കോ​ർ അം​ഗം പ​രേ​ത​നാ​യ രാ​ജു സ​ക്ക​റി​യ​യു​ടെ സ്മ​ര​ണാ​ർഥം രാ​ജു സ​ക്ക​റി​യ ന​ഗ​ർ എ​ന്നു നാ​മ​ക​ര​ണം ‌ചെ​യ്തി​ട്ടൂ​ള്ള മ​ത്സ​ര​വേ​ദി മു​ഖ്യാ​തി​ഥി മു​ൻ കാ​യി​ക​താ​ര​വും കു​വൈറ്റ് സം​രം​ഭ​ക​നു​മാ​യ സു​രേ​ഷ് കാ​ർ​ത്തി​ക്‌ കാ​ണി​ക​ൾ​ക്കാ​യി സ​മ​ർ​പ്പി​ക്കും.

പൊ​തുസ​മ്മേ​ള​ന​ത്തി​ൽ ദക്ഷിണാഫ്രി​ക്ക​ൻ അം​ബാ​സ​ഡ​ർ ഡോ. ​മ​നേ​ലി​സി പി. ​ഗെ​ൻ​ഗേ മു​ഖ്യാ​തി​ഥി​യാ​യി​രി​ക്കും. കു​വൈറ്റി​ലെ 26 ഇ​ന്ത്യ​ൻ സ്കൂ​ളു​ക​ളി​ൽ നി​ന്ന് പ​ഠ​ന-​പ​ഠ​നേ​ത​ര വി​ഷ​യ​ങ്ങ​ളി​ൽ മി​ക​ച്ച പ്ര​ക​ട​നം കാ​ഴ്ചവയ്ക്കു​ന്ന വി​ദ്യാ​ർ​ഥി​ക​ൾ​ക്കു​ള്ള ഡോ. ​അ​ബ്ദു​ൽ ക​ലാം പേ​ൾ ഓ​ഫ്‌ ദ ​സ്കു​ൾ അ​വാ​ർ​ഡ്‌ ദാ​ന​വും അ​ന്നേ ദി​വ​സം ന​ട​ക്കും.


മാ​സ​ങ്ങ​ളോ​ളം പ​രീ​ശീ​ല​ന​ത്തി​ലുള്ള 20ൽ പ​രം ടീ​മു​ക​ൾ മാ​റ്റു​ര​യ്ക്കു​ന്ന മ​ത്സ​ര​ത്തി​ൽ ആ​ദ്യ​മാ​യി ലോ​ക​ത്തിന്‍റെ വി​വി​ധ ഭാ​ഗ​ങ്ങ​ളി​ൽ നി​ന്നു​ള്ള വ​ടം​വ​ലി കാ​യി​ക​താ​ര​ങ്ങ​ൾ പ​ങ്കെ​ടു​ക്കു​ന്നു എ​ന്ന​ത് ഇ​ത്ത​വ​ണ​ത്തെ സ​വി​ശേ​ഷ​ത​യാ​ണ്.

ടാ​ഗ് ഓ​ഫ് വാ​ർ ഫെ​ഡ​റേ​ഷ​ൻ ഓ​ഫ് ഇ​ന്ത്യ​യു​ടെ അം​ഗീ​കാ​ര​ത്തോ​ട് കൂ​ടി ന​ട​ക്കു​ന്ന മ​ത്സ​ര​ങ്ങ​ളി​ൽ നി​ന്ന് തെര​ഞ്ഞെ​ടു​ക്ക​പ്പെ​ടു​ന്ന കാ​യി​ക താ​ര​ങ്ങ​ൾ ഇ​ന്ത്യ​യി​ൽ ന​ട​ക്കു​ന്ന ദേ​ശീ​യ മ​ത്സ​ര​ങ്ങ​ളി​ൽ കു​വൈ​റ്റി​നെ പ്ര​തി​നി​ധീ​ക​രി​ക്കാ​ൻ അ​വ​സ​ര​മു​ണ്ടാ​കും. ആറ് അ​ടി​യി​ൽ അ​ധി​കം ഉ​യ​ര​മു​ള്ള എ​വർറോ​ളിംഗ് ട്രോ​ഫി​​യാ​ണ് ജേ​താ​ക്ക​ൾ​ക്ക് സ​മ്മാ​നി​ക്കു​ക.

ഓ​ണ​ത്ത​നി​മ ക​ൺ​വീ​ന​ർ ഡി.​കെ. ദി​ലീ​പ്‌, പ്രൊ​ഗ്രാം ക​ൺ​വീ​ന​ർ ബാ​ബു​ജി ബ​ത്തേ​രി, ഓ​ഫീ​സ്‌ സെ​ക്ര​ട്ട​റി ജി​നു കെ. ​അ​ബ്ര​ഹാം, ജ​ന​റ​ൽ ക​ൺ​വീ​ന​ർ ജോ​ജി​മോ​ൻ തോ​മ​സ്‌, ട്ര​ഷ​റ​ർ റാ​ണാ വ​ർ​ഗീസ്‌, ജോ​യി​ന്‍റ് ക​ൺ​വീ​ന​ർ കു​മാ​ർ ത്രി​ത്താ​ല, ഫി​നാ​ൻ​സ്‌ ക​ൺ​വീ​ന​ർ ഷാ​ജി വ​ർഗീസ്‌‌ എ​ന്നി​വ​ർ പ​ത്ര​സ​മ്മേ​ള​ന​ത്തി​ൽ പ​ങ്കെ​ടു​ത്തു.