തി​ര​യ​ടി​ച്ച് ബ്ലാ​ങ്ങാ​ട് ബീ​ച്ചി​ലെ ഫ്ലോ​ട്ടിം​ഗ് ബ്രി​ഡ്ജ് ര​ണ്ടാ​യി വേ​ർ​പെ​ട്ടു
Wednesday, November 29, 2023 2:14 AM IST
ചാ​വ​ക്കാ​ട്: ശ​ക്ത​മാ​യ വേ​ലി​യേ​റ്റ​ത്തി​ല്‍ ബ്ലാ​ങ്ങാ​ട് ബീ​ച്ചി​ലെ ഫ്ലോ​ട്ടിം​ഗ് ബ്രി​ഡ്ജ് ര​ണ്ടാ​യി വേ​ര്‍​പ്പെ​ട്ടു. സം​ഭ​വ​ത്തെ തു​ട​ര്‍​ന്ന് ബ്രി​ഡ്ജ് പൂ​ര്‍​ണ​മാ​യും ക​ഷ​ണ​ങ്ങ​ളാ​യി അ​ഴി​ച്ചെ​ടു​ത്ത് ക​ര​യി​ലേ​ക്കു ക​യ​റ്റി. ഇ​ന്ന​ലെ ഉ​ച്ച​യ്ക്ക് ര​ണ്ടോ​ടെ​യാ​ണ് ശ​ക്ത​മാ​യ തി​ര​യ​ടി​ച്ച് ബ്രി​ഡ്ജി​നെ പ​ര​സ്പ​രം ബ​ന്ധി​പ്പി​ക്കു​ന്ന കൊ​ളു​ത്തു​ക​ള്‍ വേ​ര്‍​പെ​ട്ട് ഒ​രു ഭാ​ഗം ക​ര​യി​ലും മ​റു​ഭാ​ഗം ക​ട​ലി​ലു​മാ​യത്.

ക​മ്പ​യി​ട്ടും ട്രാ​ക്ട​ര്‍ ഉ​പ​യോ​ഗി​ച്ച് കെ​ട്ടി​വ​ലി​ച്ചു​മാ​ണ് പാ​ല​ത്തി​ന്‍റെ ക​ഷ​ണ​ങ്ങ​ള്‍ ക​രയ്​ക്കു​ക​യ​റ്റി​യ​ത്. അ​വ​ധിദി​വ​സ​മ​ല്ലാ​തി​രു​ന്ന​തി​നാ​ലും ഉ​ച്ച​സ​മ​യ​മാ​യ​തി​നാ​ലും സം​ഭ​വ​സ​മ​യ​ത്ത് ജീ​വ​ന​ക്കാ​ര​ല്ലാ​തെ പാ​ല​ത്തി​നു മു​ക​ളി​ല്‍ സ​ന്ദ​ര്‍​ശ​ക​ര്‍ ആ​രും ഇ​ല്ലാ​യി​രു​ന്നു​വെ​ന്ന് ബ്രി​ഡ്ജി​ന്‍റെ ന​ട​ത്തി​പ്പു​കാ​ര്‍ പ​റ​യു​ന്നു.

എ​ന്നാ​ല്‍, ഒ​രു സ​ന്ദ​ര്‍​ശ​ക​ന്‍ ഉ​ണ്ടാ​യി​രു​ന്നു​വെ​ന്നും ഇ​യാ​ള്‍ ര​ക്ഷ​പ്പെ​ട്ടെ​ന്നും ദൃ​ക്‌​സാ​ക്ഷി​ക​ള്‍ പ​റ​ഞ്ഞു. ക​ഴി​ഞ്ഞ ഒ​ക്ടോ​ബ​ര്‍ ഒ​ന്നി​നാ​ണ് സാ​ഹ​സി​ക ടൂ​റി​സ​ത്തി​ന്‍റെ ഭാ​ഗ​മാ​യി ടൂ​റി​സം​വ​കു​പ്പി​നുകീ​ഴി​ല്‍ ചാ​വ​ക്കാ​ട് ബീ​ച്ച് ഡെ​സ്റ്റി​നേ​ഷ​ന്‍ മാ​നേ​ജ്‌​മെ​ന്‍റ് ക​മ്മി​റ്റി​യു​ടെ നി​യ​ന്ത്ര​ണ​ത്തി​ലു​ള്ള ജി​ല്ല​യി​ലെ ആ​ദ്യ ഫ്ലോ​ട്ടിം​ഗ് ബ്രി​ഡ്ജ് മ​ന്ത്രി പി.​എ. മു​ഹ​മ്മ​ദ് റി​യാ​സ് ഉ​ദ്ഘാ​ട​നം​ചെ​യ്ത​ത്.


ഡി​എം​സി അ​പേ​ക്ഷ ക്ഷ​ണി​ച്ച​തി​ന്‍റെ അ​ടി​സ്ഥാ​ന​ത്തി​ല്‍ സ്വ​കാ​ര്യ ക​മ്പ​നി​യാ​ണ് നി​ശ്ചി​ത തു​ക കെ​ട്ടി​വ​ച്ച് ഫ്ലോ​ട്ടിം​ഗ് ബ്രി​ഡ്ജ് ന​ട​ത്തു​ന്ന​ത്. വേ​ലി​യേ​റ്റ​ത്തി​നു വീ​ണ്ടും സാ​ധ്യ​ത​യു​ള്ള​തി​നാ​ലാ​ണ് ബ്രി​ഡ്ജ് പൂ​ര്‍​ണ​മാ​യും ക​ര​യ്ക്കു​ ക​യ​റ്റു​ന്ന​തെ​ന്ന് ന​ട​ത്തി​പ്പു​കാ​ര്‍ പ​റ​ഞ്ഞു. ക​ട​ല്‍ ശാ​ന്ത​മാ​വു​ന്ന​തു​വ​രെ ഇ​നി ബ്രി​ഡ്ജി​ന്‍റെ പ്ര​വ​ര്‍​ത്ത​ന​മു​ണ്ടാ​വി​ല്ലെ​ന്നും അ​ധി​കൃ​ത​ര്‍ പ​റ​ഞ്ഞു.

Copyright @ 2022 , Rashtra Deepika Ltd.