വാഴൂർ: മേജർ കൊടുങ്ങൂർ ദേവീക്ഷേത്രത്തിലെ ഉത്സവം ഇന്നുമുതൽ ഏപ്രിൽ നാലിന് ആറാട്ടോടുകൂടി സമാപിക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു.ഇന്ന് വൈകുന്നേരം 5.30ന് കൊടിയേറ്റ്, തന്ത്രി പെരിഞ്ഞേരിമന വാസുദേവൻ നമ്പൂതിരിപ്പാട്, മേൽശാന്തി മുഖ്യപുരത്തില്ലം ശ്രീവത്സൻ നമ്പൂതിരി എന്നിവർ മുഖ്യകാർമികത്വം വഹിക്കും. രാത്രി ഏഴിന് കലാവേദിയിൽ ഭദ്രദീപ പ്രകാശനം ദേവസ്വം ബോർഡ് കെ. അനന്ദഗോപൻ നിർവഹിക്കും. 7.30ന് ഓട്ടൻതുള്ളൽ, നൃത്തം, തിരുവാതിര, രാത്രി 10ന് ഗാനമേള.
നാളെ വൈകുന്നേരം 5.30ന് കാഴ്ചശ്രീബലി, 8.30ന് നൃത്തം, 9.30ന് തിരുവാതിര, 10ന് ഗാനമേള. 28ന് 1.15ന് പ്രസാദമൂട്ട്, വൈകുന്നേരം 5.30ന് കാഴ്ചശ്രീബലി, ഏഴിനു ഭക്തിഗാനമേള, ഒന്പതിന് കഥകളി. 29ന് ഒന്നിനു ഭക്തിഗാനസുധ, വൈകുന്നേരം 5.30ന് കാഴ്ചശ്രീബലി, രാത്രി ഏഴിനു ചാക്യാർകൂത്ത്, 8.30ന് നൃത്തസന്ധ്യ. 30ന് ഒന്നിനു ഗാനമഞ്ജരി, ഏഴിന് മോഹിനിയാട്ടം, 7.30ന് ഭരതനാട്യം, തിരുവാതിര, ഒന്പതിനു സംഗീതസദസ്. 31ന് ഒന്നിനു ഭജൻസ്, രാത്രി ഏഴിനു ശലഭോത്സവം, ഒന്പതിനു സംഗീതസദസ്. ഏപ്രിൽ ഒന്നിനു ഉച്ചയ്ക്ക് ഒന്നിനു സംഗീതാർച്ചന, രണ്ടിനു സംഗീതസദസ്, വൈകുന്നേരം 5.30ന് കഴ്ചശ്രീബലി, രാത്രി ഏഴിനു കാഴ്ചയങ്കം, തിരുവാതിര, എട്ടിന് കുച്ചിപ്പുടി.
രണ്ടിനു ഉച്ചയ്ക്കു ഒന്നിന് ഭജൻസ്, മൂന്നിനു ഗാനാർച്ചന, നാലുമുതൽ ആറുവരെ കാഴ്ചശ്രീബലി, രാത്രി ഏഴിനു ഹിഡുംബൻപൂജ, എട്ടിനു സംഗീതസദസ്. മൂന്നിനു രാവിലെ 8.30ന് ശ്രീബലി എഴുന്നള്ളിപ്പ്, 3.30ന് കാഴ്ചശ്രീബലി, 10.30ന് പള്ളിവേട്ട ഇറക്കം, 11ന് പള്ളിവേട്ട എതിരേൽപ്. നാലിന് ഒന്പതിനു കാവടിയാട്ടം, 11ന് ആനയൂട്ട്, 12ന് രാമനാട്ടം, 3.30ന് ആറാട്ട്ബലി, നാലിന് ആറാട്ട് പുറപ്പാട്, അഞ്ചിന് ആറാട്ട് എഴുന്നള്ളിപ്പ്, ഏഴിന് ആറാട്ട് എതിരേൽപ്, രാത്രി 11.15ന് വെടിക്കെട്ട്, 11.50ന് കൊടിയിറക്ക്. പത്രസമ്മേളനത്തിൽ ക്ഷേത്ര ഉപദേശക സമിതി പ്രസിഡന്‍റ് ബി. രഘുരാജ്, സെക്രട്ടറി വി.സി. റെനീഷ് കുമാർ, കമ്മിറ്റിയംഗം ഇ.എസ്. രധാകൃഷ്ണൻ എന്നിവർ പങ്കെടുത്തു.