മാവേലിക്കര: അന്തരിച്ച ചിത്രകാരൻ പ്രഫ. ജി. ഉണ്ണികൃഷ്ണന്റെ സ്മരണാർഥം രാജാ രവിവർമ കോളജിലെ ആർട്ടിസ്റ്റ് രാമവർമ രാജ ആർട്ട് ഗ്യാലറിയിൽ നടന്നുവരുന്ന "വർത്തമാനങ്ങൾ" എന്ന ചിത്രകലാ പ്രദർശനം ഏഴിന് സമാപിക്കും. ഉണ്ണികൃഷ്ണന്റെ ചരമദിനമായ ഫെബ്രുവരി 17 നാണ് പ്രദർശനം ആരംഭിച്ചത്.
രേഖാചിത്രങ്ങളും പെയിന്റിംഗുകളും അടക്കം 50 ഓളം സൃഷ്ടികളാണ് പ്രദർശനത്തിൽ ഉൾപ്പെട്ടിട്ടുള്ളത്. നിരവധി ചിത്രകലാ ആസ്വാദകരാണ് പ്രദർശനം കാണാനായി ഗാലറിയിൽ എത്തിക്കൊണ്ടിരിക്കുന്നത്.