പരവൂർ: പുറ്റിംഗൽ ദേവീ ക്ഷേത്രത്തിലെ മീനഭരണി ഉത്സവത്തോടനുബന്ധിച്ച് നിർധന യുവതികളുടെ മംഗല്യം നടത്തുന്നതിന് തീരുമാനം. ഇതിനായി പരവൂർ സ്നേഹമംഗല്യ കൂട്ടായ്മ രൂപീകരിച്ചു. "മീനത്തിൽ താലികെട്ട്' എന്നാണ് ചടങ്ങിന് പേരിട്ടിരിക്കുന്നത്.
സംഘാടക സമിതി രൂപീകരണ യോഗത്തിൽ നഗരസഭ ചെയർപേഴ്സൺ പി. ശ്രീജ അധ്യക്ഷത വഹിച്ചു. മുൻ ചെയർമാൻ കെ.പി.കുറുപ്പ്, അഡ്വ.ഷൈൻ സുന്ദർ എന്നിവർ പ്രസംഗിച്ചു.
ഭാരവാഹികളായി പി. ശ്രീജ, കെ.പി.കുറുപ്പ് - രക്ഷാധികാരികൾ, അഡ്വ.ഷൈൻ സുന്ദർ - ചെയർമാൻ, ഡി. ബൈജു, എസ്.ആർ.സുജിരാജ്, പി.എസ്.ജയലാൽ, പരവൂർ രഞ്ജിത്ത്- വൈസ് ചെയർമാന്മാർ, ജി. ജയനാഥ് - ജനറൽ കൺവീനർ, ആർ. ഷാജി, എസ്. ജഗദീഷ്, മാങ്കുളം രാജേഷ്, അരുൺ, സതീഷ് വാവറ, രാജു ഡി. പൂതക്കുളം - ജോയിന്‍റ് കൺവീനർമാർ, അഡ്വ.എസ്. വി.സജിന - ട്രഷറർ എന്നിവരെ തെരഞ്ഞെടുത്തു. 24 അംഗ എക്സിക്യൂട്ടീവ് കമ്മിറ്റിയും രൂപീകരിച്ചു.
മംഗല്യ നിധിയിലേയ്ക്ക് കൊല്ലത്തെ സേവ്യേഴ്സ് ഗ്രൂപ്പ് ഒഫ് ഹോട്ടൽസ് ഉടമ ഡി. രാജ്കുമാർ ഉണ്ണി നൽകിയ സംഭാവന തുക ഷൈൻ പടിപ്പുരയിൽ നഗരസഭാധ്യക്ഷ പി.ശ്രീജയ്ക്ക് കൈമാറി. പുറ്റിംഗൽ ക്ഷേത്രസന്നിധിയിൽ നടന്ന ചടങ്ങിൽ ജനപ്രതിനിധികളും സാമൂഹിക സാംസ്കാരിക രംഗത്തെ പ്രമുഖരും സംബന്ധിച്ചു.