കൊല്ലം: ഇപ്ലോ, കരുതൽ കമ്മ്യൂണിക്കേഷൻ, വി കെയർ പാലിയേറ്റീവ് ആന്‍റ് ചാരിറ്റബിൾ ട്രസ്റ്റ്, ക്യാപ് ഓഫ് ഡിജി ട്രസ്റ്റ്, ബൃഹസ്പതി സംഗീത വിദ്യാപീഠം, സ്വാസ്ഥ്യ സ്കൂൾ ഓഫ് യോഗ, കരുതൽ അക്കാഡമി ഓഫ് മ്യൂസിക്, ഫൈൻ ആർട്സ് ആന്‍റ് റിസർച്ച് സെന്‍റർ എന്നിവയുടെ ആഭിമുഖ്യത്തിൽ ഇന്ന് വൈകുന്നേരം നാലിന് കരുതൽ നൈറ്റ് ഷോ കൊല്ലം സോപാനം ഓഡിറ്റോറിയത്തിൽ നടക്കും.
ഡെപ്യൂട്ടി സ്പീക്കർ ചിറ്റയം ഗോപകുമാർ ഉദ്ഘാടനം ചെയ്യും. കരുതൽ കമ്മ്യൂണിക്കേഷൻ ചെയർമാൻ ജോർജ് എഫ്. സേവ്യർ വലിയവീട് അധ്യക്ഷത വഹിക്കും.
എൻ കെ പ്രേമചന്ദ്രൻ എം പി, മേയർ പ്രസന്ന ഏണസ്റ്റ്, എംഎൽഎ മാരായ എം നൗഷാദ്, ജി.എസ്. ജയലാൽ, വനിതാ കമ്മീഷൻ അംഗം ഷാഹിദ കമാൽ, ചലച്ചിത്ര വികസന കോർപറേഷൻ സെക്രട്ടറി അജോയ് ചന്ദ്രൻ, കെപിഎസി ലീലാകൃഷ്ണൻ, നടൻ രാജേഷ് ശർമ, ചുങ്കത്ത് പ്രിൻസ് ജ്വല്ലറി മാനേജിംഗ് ഡയറക്ടർ രാജീവ് പോൾ, ഹോളിക്രോസ് ഹോസ്പിറ്റൽ അഡ്മിനിസ്ട്രേറ്റർ സിസ്റ്റർ വിന്നി വെട്ടുകല്ലേൽ, കോർപറേഷൻ കൗൺസിലർ ഷൈലജ, കരുതൽ മ്യൂസിക് അക്കാദമി പ്രിൻസിപ്പൽ ബെറ്റ്സി എഡിസൺ, ഇപ്ലോ ജനറൽ സെക്രട്ടറി ക്യാപ്റ്റൻ ക്രിസ്റ്റഫർ ഡിക്കോസ്റ്റ, ക്യാപ് ഓഫ് ഡിജി ട്രസ്റ്റി ടി.വി. ടെറൻസ്, എന്നിവർ പ്രസംഗിക്കും.
കുടുംബത്തിനുള്ള കാരുണ്യകുടുംബ അവാർഡ് പത്തനാപുരം ഗാന്ധിഭവൻ സെക്രട്ടറി പുനലൂർ സോമരാജനും കുടുംബത്തിനുമാണ്. ആശുപത്രി മേഖലയിലെ മികവിന് ഹോളിക്രോസ് ആശുപത്രിക്കും കാരുണ്യ മേഖലയിലെ പ്രവർത്തന മികവിന് എഫ്ഐഎച്ച് കോൺഗ്രിഗേഷനും, എംഎസ്എസ് റ്റി കോൺഗ്രിഗേഷനും, ജോയ് ആലുക്കാസ് ഫൗണ്ടേഷനും, ഐഎസ് സി പഠനമികവിന് ഇൻഫന്‍റ് ജീസസ് ആംഗ്ലോ ഇന്ത്യൻ സ്കൂളിനും ഐസിഎസ്ഇ കാർമൽ ആംഗ്ലോ ഇന്ത്യൻ ഗേൾസ് സ്കൂളിനും അവാർഡുകൾ സമ്മാനിക്കും. ജില്ലയിലെ വിവിധ മേഖലയിലുള്ള 30 വ്യക്തിത്വങ്ങളെ മെഗാ ഷോയിൽ ആദരിക്കും.
പത്ര സമ്മേളനത്തിൽ ജോർജ് എഫ്.സേവ്യർ വലിയവീട്, ബെറ്റ്സി എഡിസൺ, ക്യാപ്റ്റൻ ക്രിസ്റ്റഫർ ഡിക്കോസ്റ്റ, ടി വി ടെറൻസ്, ഇഗ്നേഷ്യസ് വിക്ടർ എന്നിവർ സംബന്ധിച്ചു.