കാ​സ​ര്‍​ഗോ​ഡ്: മോ​ട്ടോ​ര്‍ വാ​ഹ​ന വ​കു​പ്പി​ന്‍റെ ന​യ​ങ്ങ​ള്‍ സ്വ​കാ​ര്യ​ബ​സ് മേ​ഖ​ല​യെ ത​ക​ര്‍​ക്കു​ന്ന​താ​യി ആ​ക്ഷേ​പം. പു​തി​യ പെ​ര്‍​മി​റ്റു​ക​ള്‍​ക്ക് പു​തി​യ ബ​സ് എ​ന്ന തീ​രു​മാ​ന​മെ​ടു​പ്പി​ക്കാ​ന്‍ നീ​ക്കം ആ​രം​ഭി​ച്ച​താ​യി ബ​സു​ട​മ​ക​ള്‍ ആ​രോ​പി​ക്കു​ന്നു. നി​ല​വി​ല്‍ ഓ​ടു​ന്ന പെ​ര്‍​മി​റ്റി​ല്‍ വേ​ണ​മെ​ങ്കി​ല്‍ 22 വ​ര്‍​ഷം വ​രെ പ​ഴ​കി​യ ബ​സി​ന് ഓ​ടാം.

ബ​സ് വി​റ്റാ​ല്‍ അ​തേ പെ​ര്‍​മി​റ്റി​ല്‍ അ​ല്‍​പം പു​തി​യ​ത് പ​ക​ര​മി​ട്ടാ​ല്‍ മ​തി. പ​ക്ഷേ പു​തി​യ റൂ​ട്ടി​ല്‍ പെ​ര്‍​മി​റ്റ് തു​ട​ങ്ങാ​ന്‍ 45 ല​ക്ഷം വ​രെ മു​ട​ക്കി ബോ​ഡി​കോ​ഡ് അ​നു​സ​രി​ച്ചു​ള്ള ബ​സ് ഇ​റ​ക്ക​ണം. ഇ​തു ഗ്രാ​മ​ങ്ങ​ളി​ലേ​ക്ക് കൂ​ടു​ത​ല്‍ യാ​ത്രാ​സൗ​ക​ര്യം ഉ​ണ്ടാ​കു​ന്ന​ത് പ്ര​തി​രോ​ധി​ക്കാ​നു​ള്ള ത​ന്ത്ര​മെ​ന്നാ​ണ് ആ​ക്ഷേ​പം. ഒ​ട്ടേ​റെ പ്ര​ദേ​ശ​ങ്ങ​ളി​ലേ​ക്ക് പു​തി​യ റോ​ഡു​ക​ളും പാ​ല​ങ്ങ​ളും വ​ന്ന​ത് കൊ​ണ്ട് സ്വ​കാ​ര്യ​വാ​ഹ​നം ഉ​ള്ള​വ​നേ പ്ര​യോ​ജ​ന​പ്പെ​ടു​ക​യു​ള്ളു. ബ​സു​ക​ള്‍ വ​രി​ല്ല.

ബ​സ് വാ​ങ്ങി പെ​ര്‍​മി​റ്റി​ന് അ​പേ​ക്ഷി​ച്ചാ​ല്‍ ആ​ര്‍​ടി​എ യോ​ഗം ന​ട​ക്കു​ന്ന​ത് ത​ന്നെ ആ​റു​മാ​സം വ​രെ വൈ​കി​യാ​ണ്. പെ​ര്‍​മി​റ്റ് പാ​സാ​യാ​ലും ഓ​ടാ​നു​ള്ള സ​മ​യം നി​ശ്ച​യി​ച്ച് കൊ​ടു​ക്കാ​നും മാ​സ​ങ്ങ​ള്‍ വൈ​കി​പ്പി​ക്കും. കാ​സ​ര്‍​ഗോ​ഡ് ജി​ല്ല​യി​ല്‍ 2024 ജൂ​ലൈ​യി​ല്‍ ആ​ര്‍​ടി​എ യോ​ഗം ചേ​ര്‍​ന്നി​രു​ന്നു. അ​ടു​ത്ത ബോ​ര്‍​ഡ് പ്ര​തീ​ക്ഷി​ച്ച് പ​ല​രും ബ​സ് വാ​ങ്ങി. അ​ടു​ത്ത യോ​ഗം ന​ട​ന്ന​ത് 2025 ഫെ​ബ്രു​വ​രി​യി​ലാ​ണ്. ഇ​തി​ന​കം ബാ​ധ്യ​ത​യാ​യി പ​ല​രും ബ​സ് വി​റ്റ് ഒ​ഴി​വാ​ക്കി.

പ​ഴ​യ ഓ​പ്പ​റേ​റ്റ​ര്‍​മാ​രു​ടെ അ​ഭി​പ്രാ​യം പ​രി​ഗ​ണി​ച്ച് മാ​ത്ര​മേ പു​തി​യ​യാ​ള്‍​ക്ക് സ​മ​യ​ക്ര​മം അ​നു​വ​ദി​ക്കൂ. മി​ക്ക റൂ​ട്ടി​ലും പു​തി​യ പെ​ര്‍​മി​റ്റ് കി​ട്ടി​യാ​ല്‍ ഒ​രു വ​ര്‍​ഷ​മെ​ങ്കി​ലും ഓ​ടി​യാ​ലേ ഡീ​സ​ല്‍ ചെ​ല​വും വേ​ത​ന​വും ക​ഴി​ച്ച് ബാ​ക്കി തു​ക മി​ച്ചം പി​ടി​ക്കാ​നാ​കൂ. പ​ഴ​യ ബ​സു​ക​ള്‍ 5 -10 ല​ക്ഷ​ത്തി​ന് വാ​ങ്ങി​യാ​ല്‍ പി​ടി​ച്ച് നി​ല്‍​ക്കാം. പു​തി​യ ബ​സ് ആ​ദ്യ​മേ ഇ​റ​ക്കി​യാ​ല്‍ മാ​സം 70,000 രൂ​പ വ​രെ ലോ​ണ്‍ അ​ട​വും കാ​ണേ​ണ്ടി വ​രും. അ​പേ​ക്ഷ​ക​ന്‍ ക​ടം ക​യ​റി കൂ​ത്തു​പാ​ള​യെ​ടു​ത്താ​ല്‍ മ​റ്റാ​രും ത​ങ്ങ​ളു​ടെ മേ​ഖ​ല​യി​ലേ​ക്ക് ക​ട​ന്നു വ​രി​ല്ലെ​ന്ന ആ​ലോ​ച​ന​യാ​ണ് ഈ ​നീ​ക്ക​ത്തി​ന് പി​ന്നി​ല്‍.

വ​ര്‍​ഷ​ങ്ങ​ള്‍​ക്ക് മു​ന്‍​പ് പു​തി​യ പെ​ര്‍​മി​റ്റു​ക​ള്‍​ക്ക് ഏ​ഴു മു​ത​ല്‍ എ​ട്ടു വ​ര്‍​ഷം പ​ഴ​ക്ക​മെ​ന്ന വ്യ​വ​സ്ഥ ന​ട​പ്പാ​ക്കാ​ന്‍ മോ​ട്ടോ​ര്‍ വാ​ഹ​ന വ​കു​പ്പ് ശ്ര​മം ന​ട​ത്തി​യെ​ങ്കി​ലും പ​രാ​ജ​യ​പ്പെ​ട്ടി​രു​ന്നു. ഇ​തി​നു പി​ന്നാ​ലെ​യാ​ണ് പു​തി​യ നീ​ക്കം.

പെ​ര്‍​മി​റ്റു​ക​ള്‍ വി​ല്‍​ക്കു​ന്ന​തി​ന് നി​യ​മ​സാ​ധു​ത​യി​ല്ലെ​ങ്കി​ലും 14,000 വ​രെ പ്ര​തി​ദി​ന ക​ല​ക്ഷ​നു​ള്ള ബ​സി​ന്‍റെ പെ​ര്‍​മി​റ്റ് മാ​ത്രം 20 ല​ക്ഷം രൂ​പ മ​തി​പ്പ് ക​ണ​ക്കാ​ക്കി​യാ​ണ് കൈ​മാ​റ്റം ചെ​യ്യു​ന്ന​ത്. ഇ​തി​ന്‍റെ മി​ച്ചം ശ​രാ​ശ​രി 4000 രൂ​പ​യു​ണ്ടാ​കും. ക​ടു​ത​ല്‍ ബ​സ് സ​ര്‍​വീ​സു​ക​ള്‍ വ​ന്നാ​ല്‍ പ​ഴ​യ പെ​ര്‍​മി​റ്റു​ക​ള്‍ പൊ​ന്നും​വി​ല​യ്ക്ക് വാ​ങ്ങാ​ന്‍ ആ​ളു​ണ്ടാ​കി​ല്ല. 6000 രൂ​പ ഫീ​സും കൈ​മ​ട​ക്ക് അ​ട​ക്കം 10,000 രൂ​പ​യ്ക്ക് സാ​ങ്കേ​തി​ക കാ​ര്യ​ങ്ങ​ള്‍ ന​ട​ക്കും.

ന​ട​ത്തി​പ്പ് മാ​ത്ര​മേ വെ​ല്ലു​വി​ളി​യാ​കൂ. സം​സ്ഥാ​ന​ത്ത് സ്വ​കാ​ര്യ ബ​സു​ക​ള്‍ 30,0 00ത്തി​ല്‍ നി​ന്ന് 7000 ആ​യി കു​ത്ത​നെ കു​റ​ഞ്ഞ​തി​ന് സ​ര്‍​ക്കാ​രി​നെ പ​ഴി​ക്കു​മ്പോ​ഴാ​ണ് മ​റു​ഭാ​ഗ​ത്ത് പു​തി​യ സം​രം​ഭ​ക​രെ അ​ക​റ്റാ​ന്‍ ശ്ര​മം ന​ട​ത്തു​ന്ന​ത്.