അ​മ്പ​ല​ത്ത​റ: മ​നോ​നി​ല തെ​റ്റി​യ​തി​നെ തു​ട​ർ​ന്ന് വ​ഴി​തെ​റ്റി കാ​ഞ്ഞ​ങ്ങാ​ട് ന​ഗ​ര​ത്തി​ലെ​ത്തി​യ ഛത്തീ​സ്ഗ​ഡ് സ്വ​ദേ​ശി​യെ സു​ര​ക്ഷി​ത​മാ​യി വീ​ട്ടി​ലെ​ത്തി​ച്ച് അ​മ്പ​ല​ത്ത​റ സ്നേ​ഹാ​ല​യം അ​ധി​കൃ​ത​ർ. ഛത്തീ​സ്ഗ​ഡി​ലെ ജാ​ഷ്പൂ​ർ ബ​ന്ദ​ർ​ഭ​ദ്ര സ്വ​ദേ​ശി ജീ​ത്ത് റാ​മി​നെ​യാ​ണ് ബ​ന്ധു​ക്ക​ൾ​ക്കൊ​പ്പം തി​രി​ച്ച​യ​ച്ച​ത്. മാ​ന​സി​കാ​സ്വാ​സ്ഥ്യം പ്ര​ക​ടി​പ്പി​ച്ചു​കൊ​ണ്ട് കാ​ഞ്ഞ​ങ്ങാ​ട് ന​ഗ​ര​ത്തി​ൽ അ​ല​ഞ്ഞു​ന​ട​ക്കു​ക​യാ​യി​രു​ന്ന ജീ​ത്ത് റാ​മി​നെ ഈ ​മാ​സം എ​ട്ടി​നാ​ണ് ഹോ​സ്ദു​ർ​ഗ് സ്റ്റേ​ഷ​നി​ലെ പോ​ലീ​സു​ദ്യോ​ഗ​സ്ഥ​രാ​യ കെ.​വി. പ്ര​ദീ​പ​നും ടി.​വി. നി​ഷാ​ദും ചേ​ർ​ന്ന് സ്നേ​ഹാ​ല​യ​ത്തി​ൽ എ​ത്തി​ച്ച​ത്.

സ്നേ​ഹാ​ല​യ​ത്തി​ലെ ക്ഷ​മാ​പൂ​ർ​വ​മാ​യ ശു​ശ്രു​ഷ​ക​ൾ​ക്കും പ​രി​ച​ര​ണ​ത്തി​നും ശേ​ഷം അ​ല്പാ​ല്പ​മാ​യി ഓ​ർ​മ​ക​ൾ വീ​ണ്ടെ​ടു​ത്ത ജീ​ത്ത് റാം ​ക​ഴി​ഞ്ഞ 15 നാ​ണ് സ​ഹോ​ദ​രി​യു​ടെ ഭ​ർ​ത്താ​വി​ന്‍റെ ഫോ​ൺ ന​മ്പ​ർ സ്നേ​ഹാ​ല​യം അ​ധി​കൃ​ത​ർ​ക്ക് ന​ൽ​കി​യ​ത്. സ്നേ​ഹാ​ല​യ​ത്തി​ൽ നി​ന്ന് ആ ​ന​മ്പ​റി​ൽ വി​ളി​ച്ച് സം​സാ​രി​ച്ച​തോ​ടെ​യാ​ണ് ബ​ന്ധു​ക്ക​ളു​ടെ വി​വ​ര​ങ്ങ​ൾ അ​റി​വാ​യ​ത്. നാ​ട്ടി​ൽ നി​ർ​മാ​ണ ജോ​ലി​ക​ൾ ചെ​യ്തു​വ​രി​ക​യാ​യി​രു​ന്ന ജീ​ത്ത് റാ​മി​നെ ജൂ​ലൈ 31 മു​ത​ലാ​ണ് കാ​ണാ​താ​യ​ത്.

വീ​ട്ടി​ൽ അ​മ്മ​യും നാ​ല് സ​ഹോ​ദ​ര​ങ്ങ​ളും ഭാ​ര്യ മോ​ണി​ക്ക​യു​മാ​ണ് ഉ​ള്ള​ത്. ജീ​ത്ത് റാ​മി​നെ ക​ണ്ടെ​ത്താ​ൻ ക​ഴി​ഞ്ഞ​തി​ന്‍റെ ആ​ഹ്ലാ​ദ​ത്തോ​ടെ സ​ഹോ​ദ​ര​ൻ മ​ഹേ​ന്ദ്ര യാ​ദ​വും സ​ഹോ​ദ​രീ ഭ​ർ​ത്താ​വ് ദാ​മു​ധ​റും ബു​ധ​നാ​ഴ്ച സ്നേ​ഹാ​ല​യ​ത്തി​ൽ എ​ത്തി. ഇ​ന്ന​ലെ​യാ​ണ് ഇ​വ​ർ​ക്കൊ​പ്പം ജീ​ത്ത് റാം ​നാ​ട്ടി​ലേ​ക്ക് മ​ട​ങ്ങി​യ​ത്. മ​നോ​നി​ല തെ​റ്റി അ​ല​യു​ക​യാ​യി​രു​ന്ന നി​ര​വ​ധി പേ​രെ സു​ഖ​പ്പെ​ടു​ത്തി ബ​ന്ധു​ക്ക​ൾ​ക്കൊ​പ്പ​മെ​ത്തി​ക്കാ​ൻ ഇ​തി​ന​കം സ്നേ​ഹാ​ല​യ​ത്തി​ന് ക​ഴി​ഞ്ഞി​ട്ടു​ണ്ട്.