എ​ട​ക്ക​ര: വ​ഴി​ക്ക​ട​വി​ൽ കൂ​റ്റ​ൻ മ​രം ക​ട​പു​ഴ​കി വീ​ടി​ന് മു​ക​ളി​ൽ വീ​ണു. കൈ​ക്കു​ഞ്ഞ് ഉ​ൾ​പ്പെ​ടെ​യു​ള്ള ആ​ദി​വാ​സി കു​ടും​ബം പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. വ​നം​വ​കു​പ്പ് താ​ൽ​ക്കാ​ലി​ക വാ​ച്ച​റാ​യ പു​ഞ്ച​ക്കൊ​ല്ലി ന​ഗ​റി​ലെ പാ​ല​ക്ക​ട​വ് ക​ണ്ണ​ന്‍റെ വീ​ടി​ന് മു​ക​ളി​ലാ​ണ് വ​ൻ പു​ളി​മ​രം ക​ട​പു​ഴ​കി വീ​ണ​ത്. ചൊ​വ്വാ​ഴ്ച രാ​വി​ലെ ഒ​ന്പ​ത​ര​യോ​ടെ​യാ​ണ് അ​പ​ക​ടം.

മ​രം ക​ട​പു​ഴ​കി വീ​ഴു​ന്ന സ​മ​യ​ത്ത് കൈ​ക്കു​ഞ്ഞ​ട​ക്കം പ​ത്തോ​ളം പേ​രാ​ണ് വീ​ടി​നു​ള്ളി​ലു​ണ്ടാ​യി​രു​ന്ന​ത്. ശ​ബ്ദം കേ​ട്ട് കാ​ര​ണ​വ​രാ​യ ക​ണ്ണ​ൻ മൂ​ന്ന് മാ​സം പ്രാ​യ​മു​ള്ള പേ​ര​ക്കു​ട്ടി​യു​മാ​യി പു​റ​ത്തേ​ക്ക് ഓ​ടു​ക​യാ​യി​രു​ന്നു.

വീ​ടി​ന് സ​മീ​പ​ത്തെ വൈ​ദ്യു​തി ലൈ​നി​ലേ​ക്ക് വീ​ണ മ​രം സാ​വ​ധാ​നം വീ​ടി​ന് മു​ക​ളി​ലേ​ക്ക് പ​തി​ച്ച​തി​നാ​ൽ വ​ൻ​ദു​ര​ന്തം ഒ​ഴി​വാ​യി. ഇ​വ​രു​ടെ വീ​ടി​നോ​ട് ചേ​ർ​ന്ന് ചു​വ​ട് ഭാ​ഗ​ത്ത് നി​ന്ന് ര​ണ്ടാ​യി വ​ള​ർ​ന്ന പു​ളി​മ​ര​മാ​ണ് ഉ​ള്ളി​ലെ കേ​ട് കാ​ര​ണം മ​റി​ഞ്ഞ് വീ​ണ​ത്. മ​ര​ത്തി​ന്‍റെ ഒ​രു ഭാ​ഗം വീ​ടി​ന് മു​ക​ളി​ലേ​ക്കും മ​റു​ഭാ​ഗം എ​തി​ർ​ദി​ശ​യി​ലേ​ക്കു​മാ​ണ് വീ​ണ​ത്. വി​വ​ര​മ​റി​ഞ്ഞ് നെ​ല്ലി​ക്കു​ത്ത് സെ​ക്ഷ​ൻ ഫോ​റ​സ്റ്റ് ഓ​ഫീ​സ​ർ ലാ​ൽ വി. ​നാ​ഥി​ന്‍റെ നേ​തൃ​ത്വ​ത്തി​ൽ വ​ന​പാ​ല​ക​രും നാ​ട്ടു​കാ​രും നി​ല​ന്പൂ​രി​ൽ നി​ന്ന് അ​ഗ്നി​ര​ക്ഷാ സേ​ന​യു​മെ​ത്തി വൈ​കി​ട്ട് നാ​ല് മ​ണി​യോ​ടെ മ​രം മു​റി​ച്ച് മാ​റ്റി.