നേ​മം: ആ​ളി​ല്ലാ​തി​രു​ന്ന വീടും ബ്യൂട്ടിക്ലിനിക്കും കു​ത്തി​ത്തു​റ​ന്ന് ഒ​രു ല​ക്ഷ​ത്തോ​ളം രൂ​പ​യു​ടെ ഗി​ൽ​റ്റ് ആ​ഭ​ര​ണ​ങ്ങ​ളും കോ​സ്മെ​റ്റി​ക്ക് വസ്തുക്കളും ക​വ​ർ​ന്നു. പ​ള്ളി​ച്ച​ൽ വെ​ടി​വെ​ച്ചാ​ൻ കോ​വി​ൽ പു​ന്ന​മൂ​ട് തെ​രു​വി​ൽ വി​നാ​യ​ക ഓഡി​റ്റോ​റി​യ​ത്തി​നു സ​മീ​പം വി​മു​ക്ത​ഭ​ട​നാ​യ ജ​നാ​ർ​ദ​ന​ൻ പി​ള്ള​യു​ടെ വീ​ട്ടി​ലാ​ണ് ക​വ​ർ​ച്ച ന​ട​ന്ന​ത്.

വീ​ടി​നോ​ടു ചേ​ർ​ന്നു പ്ര​വ​ർ​ത്തി​ക്കു​ന്ന ജ​നാ​ർദ​ന​ൻ പി​ള്ളു​ടെ ഭാ​ര്യ ബി​ജി​യു​ടെ ബ്യൂ​ട്ടി ക്ലി​നി​ക്കി​ൽ നി​ന്നാണ് കോ​സ് മെ​റ്റി​ക്ക് സാ​ധ​ന​ങ്ങ​ൾ ന​ഷ്ട​പ്പെ​ട്ടി​ട്ടു​ള്ള​ത്. വീ​ടി​ന്‍റെ അ​ക​ത്തു ക​യ​റി കി​ട​പ്പു​മു​റി​ക​ളി​ലെ അ​ല​മാ​ര​ക​ളും മേ​ശ​ക​ളും വാ​രി​വ​ലി​ച്ചി​ട്ട് പ​രി​ശോ​ധി​ച്ച നി​ല​യി​ലാ​യി​രു​ന്നു. ശ​നി​യാ​ഴ്ച രാ​ത്രി ഒന്പ തോടെയാണ് ജ​നാ​ർ​ദ​ന​ൻ പി​ള്ള​യും ഭാ​ര്യ​യും അ​ടു​ത്തി​ടെ നി​ർ​മിച്ച പു​തി​യ വീ​ട്ടി​ൽ കി​ട​ക്കാ​ൻ പോ​യ​ത്.

ഇ​ന്ന​ലെ രാ​വി​ലെ എ​ട്ടു മ​ണി​യോ​ടെ പ​ഴ​യ വീ​ട്ടി​ലേ​യ്ക്ക് എ​ത്തി​യ​പ്പോ​ഴാ​ണ് വീ​ടി​ന്‍റെ മു​ൻ​വ​ശ​ത്തെ വാ​തി​ൽ തു​റ​ന്ന നി​ല​യി​ൽ ക​ണ്ട​ത്. വീ​ടി​ന്‍റെ ഗേ​റ്റി​ന്‍റെ പൂ​ട്ട് പൊ​ളി​ച്ചി​ട്ടി​ല്ല. ചു​റ്റുമ​തി​ൽ ചാ​ടി ക​ട​ന്നാ​യി​രി​ക്കാം മോഷ്ടാക്കൾ അ​ക​ത്തു ക​യ​റി ക​വ​ർ​ച്ച ന​ട​ത്തി​യ​തെ​ന്ന് ക​രു​തു​ന്നു. പ്രി​ന്‍റും ഡോ​ഗ് സ്ക്വാ​ഡും പ​രി​ശോ​ധ​ന ന​ട​ത്തി. ന​രു​വാ​മൂ​ട് പോ​ലീ​സ് അ​ന്വേ​ഷ​ണം തു​ട​ങ്ങി.