വെ​ഞ്ഞാ​റ​മൂ​ട്: വ​ട്ട​പ്പാ​റ​യി​ല്‍ ദ​മ്പ​തി​കളെ മരിച്ച നില യിൽ കണ്ടെത്തി. ഭാ​ര്യ​യെ മു​റി​വേ​റ്റും ഭ​ര്‍​ത്താ​വി​നെ തൂ​ങ്ങി മ​രി​ച്ച നി​ല​യി​ലുമാണ് ക​ണ്ടെ​ത്തിയത്. രോ​ഗി​യാ​യ ഭാ​ര്യ​യെ ക​ഴു​ത്ത​റു​ത്ത് കൊ​ല​പ്പെ​ടു​ത്തി​യ ശേ​ഷം ഭ​ര്‍​ത്താ​വ് തൂ​ങ്ങി മ​രി​ച്ച​താ​കാ​മെ​ന്നാ​ണ് നി​ഗ​മ​നം. വ​ട്ട​പ്പാ​റ കു​റ്റി​യാ​ണി അ​ജി​ത് ഭ​വ​നി​ല്‍ ബാ​ല​ച​ന്ദ്ര​ന്‍ (67) ഭാ​ര്യ ജ​യ​ല​ഷ്മി (63) എ​ന്നി​വ​രാ​ണ് മ​രി​ച്ച​ത്.

ഞാ​യ​റാ​ഴ്ച ഉ​ച്ച​യോ​ടെ​യാ​ണു നാ​ടി​നെ ന​ടു​ക്കി​യ സം​ഭ​വം. രാ​വി​ലെ പ​തി​നൊ​ന്നോയോ​ടെ ഒ​രു കി​ലോ​മീ​റ്റ​ര്‍ അ​പ്പു​റം താ​മ​സി​ക്കു​ന്ന മ​രു​മ​ക​ള്‍ ര​മ്യ​യെ ബാ​ല​ച​ന്ദ്ര​ന്‍ ഫോ​ണി​ല്‍ വി​ളി​ച്ച് ഞ​ങ്ങ​ള്‍ ഒ​രു യാ​ത്ര പോ​കു​ന്നു എ​ന്നു പ​റ​ഞ്ഞി​രു​ന്നു. എ​ന്നാ​ല്‍ സു​ഖ​മി​ല്ലാ​ത്ത ജ​യ​ല​ക്ഷ്മി​ക്ക് ദൂ​രയാ​ത്ര പ്ര​യാ​സ​മാ​യ​തുകൊ​ണ്ട് ത​ന്നെ ര​മ്യ അ​തു വി​ശ്വ​സി​ച്ചി​ല്ലെന്നു മാ​ത്ര​മ​ല്ല ഉ​ട​ന്‍ ബാ​ല​ച​ന്ദ്ര​നന്‍റെ വീ​ട്ടി​ല്‍ എ​ത്തുകയും ചെയ്തു.

എ​ന്നാ​ല്‍ പ്ര​തി​ക​ര​ണ​മൊ​ന്നും ഉ​ണ്ടാ​വു​ക​യോ വാ​തി​ല്‍ തു​​റ​ക്കു​ക​യോ ഉ​ണ്ടാ​യി​ല്ല. ഇ​തോ​ടെ സ​മീ​പവാ​സി​ക​ളു​ടെ സ​ഹാ​യ​ത്തോ​ടെ വാ​തി​ല്‍ ത​ള്ളി തു​റ​ന്നു നോ​ക്കു​മ്പോ​ള്‍ കി​ട​പ്പു​മു​റി​യി​ല്‍ ക​ട്ടി​ലി​ല്‍ ജ​യ​ല​ക്ഷ്മി ക​ഴു​ത്തി​ല്‍ മു​റി​വേ​റ്റു ര​ക്തംവാ​ര്‍​ന്നു മ​രി​ച്ച നി​ല​യി​ലും, ബാ​ല​ച​ന്ദ്ര​നെ ഫാ​നിന്‍റെ ഹൂ​ക്കി​ല്‍ തൂ​ങ്ങി​യ നി​ല​യി​ലും കാ​ണ​പ്പെ​ടു​ക​യാ​യി​രു​ന്നു. തു​ട​ര്‍​ന്നു വ​ട്ട​പ്പാ​റ പോ​ലി​സി​ല്‍ വി​വ​രം അ​റി​യി​ക്കു​യും ചെ​യ്തു.

പോ​ലീ​സ് സ്ഥലത്തെ​ത്തി ഇ​ന്‍​ക്വ​സ്റ്റ് ന​ട​ത്തി​യ മൃ​ത​ദേ​ഹ​ങ്ങ​ള്‍ മെ​ഡി​ക്ക​ൽ കോ​ളജ് മോ​ര്‍​ച്ച​റി​യി​ലേക്കു മാ​റ്റി. ജ​യ​ല​ക്ഷ്മി ന്യൂ​റോ സം​ബ​ന്ധ​മാ​യ ആ​രോ​ഗ്യപ്ര​ശ്ന​ങ്ങ​ളെ തു​ട​ര്‍​ന്നു ചി​കി​ത്സ​യി​ല്‍ ആ​യി​രു​ന്നു. സ​മീ​പ​ത്തൊ​ക്കെ ത​ന്നെ​യാ​ണ് മ​ക്ക​ള്‍ താ​മ​സ​മെ​ങ്കി​ലും അ​വ​രെ പ​ര​മാ​വ​ധി ബു​ദ്ധി​മു​ട്ടി​ക്കാ​തി​രി​ക്കാ​ന്‍ ബാ​ല​ച​ന്ദ്ര​നും ഭാ​ര്യ​യും ശ്ര​മി​ച്ചി​രു​ന്നു​വെ​ന്നും വീ​ട്ടി​ലെ പാ​ച​ക​മൊ​ക്കെ ബാ​ല​ച​ന്ദ്ര​നാ​യി​രു​ന്നു ചെ​യ്തി​രു​ന്ന​തെ​ന്നും, മ​ക്ക​ളും ഇ​ട​യ്ക്കി​ടെ വ​രാ​റു​ണ്ട​ന്നും അ​യ​ല്‍വാ​സി​ക​ള്‍ പ​റ​യു​ന്നു.

ജ​യ​ല​ക്ഷ്മി​യു​ടെ അ​സു​ഖം ര​ണ്ടുപേ​രി​ലും മ​നോ​വി​ഷ​മം ഉ​ണ്ടാ​ക്കി​യി​രു​ന്നുവെ​ന്നു ബ​ന്ധു​ക്ക​ള്‍ പ​റ​യു​ന്നു​ണ്ട്. ഇ​തി​ലു​ള്ള മ​നോ​വി​ഷ​മ​ത്തി​ല്‍ ഭാ​ര്യ​യു​ടെ ക​ഴു​ത്ത​റു​ത്ത് കൊ​ല​പ്പെ​ടു​ത്തി​യ ശേ​ഷം ബാ​ല​ച​ന്ദ്ര​ന്‍ ആ​ത്മ​ഹ​ത്യ ചെ​യ്ത​താ​കാമെ​ന്നാ​ണ് പ്രാ​ഥ​മി​ക നി​ഗ​മ​നം. ബാ​ല​ച​ന്ദ്ര​ന്‍ കോ​ണ്‍​ട്രാ​ക്ട​ര്‍ ആ​യി​രു​ന്നു. മ​ക്ക​ള്‍. ശ​ര​ത് (പോലീസ് ), വൈ​ശാ​ഖ്. മ​രു​മ​ക്ക​ള്‍:​ അ​ശ്വ​തി, ര​മ്യ.