ആ​റ്റു​കാ​ൽ പൊ​ങ്കാ​ല: തി​ര​ക്കേ​റി; കു​ത്തി​യോ​ട്ടവ്രതത്തിന് തു​ട​ക്കം
Tuesday, February 20, 2024 4:01 AM IST
തി​രു​വ​ന​ന്ത​പു​രം: ആ​റ്റു​കാ​ൽ പൊ​ങ്കാ​ല മ​ഹോ​ത്സ​വ​ത്തി​ന്‍റെ പ്ര​ധാ​ന ച​ട​ങ്ങു​ക​ളി​ൽ ഒ​ന്നാ​യ കു​ത്തി​യോ​ട്ട വ്ര​തത്തിന് തുടക്കമായി.

വ്ര​താ​രം​ഭ ച​ട​ങ്ങു​ക​ൾ​ക്ക് തു​ട​ക്കം കു​റി​ച്ച ഇ​ന്ന​ലെ ആ​യി​ര​ക്ക​ണ​ക്കി​നു ഭ​ക്ത​ർ ക്ഷേ​ത്ര സ​ന്നി​ധി​യി​ലേ​ക്ക് ഒ​ഴു​കി​യെ​ത്തി. ആ​റ്റു​കാ​ൽ ഭ​ഗ​വ​തി​ക്കു സ​മ​ർ​പ്പി​ക്കു​ന്ന പ്ര​ധാ​ന നേ​ർ​ച്ച​യാ​യ കു​ത്തി​യോ​ട്ട​ത്തി​ന് ഇ​ത്ത​വ​ണ 606 ബാ​ല​ൻ​മാ​രാ​ണ് വ്ര​തം ആ​രം​ഭി​ച്ചത്. കാ​പ്പുകെ​ട്ടി മൂ​ന്നാം ഉ​ത്സ​വ​ദി​നം മു​ത​ൽ കു​ത്തി​യോ​ട്ട വ്ര​തം ആ രംഭിക്കും. കു​ളി​ച്ച് ശു​ദ്ധി​യോ​ടെ ക്ഷേ​ത്ര​ത്തി​ൽ എ​ത്തി​യ ബാ​ല​ൻ​മാ​ർ ദേ​വി​യു​ടെ മു​ന്നി​ലു​ള്ള പ​ള്ളി​പ്പ​ല​ക​യി​ൽ കാ​ണി​ക്ക അ​ർ​പ്പി​ച്ചശേ​ഷം മേ​ൽ​ശാ​ന്തി​യി​ൽ നി​ന്നും തീ​ർ​ഥ​വും പ്ര​സാ​ദ​വും വാ​ങ്ങി വ്ര​താ​രം​ഭം കു​റി​ച്ചു.

വ്ര​ത ശു​ദ്ധി​യോ​ടെ ക്ഷേ​ത്ര അ​ക​ത്ത​ട്ടി​ൽ ഏ​ഴു ദി​വ​സം ക​ഴി​യു​ന്ന ബാ​ല​ൻ​മാ​ർ ദേ​വി​യു​ടെ മു​ൻ​പി​ൽ 1008 ന​മ​സ്കാ​രം ന​ട​ത്തും. ഒ​ൻ​പ​താം ഉ​ത്സ​വ ദി​വ​സം വൈ​കു​ന്നേ​രം ബാ​ല​ൻ​മാ​രെ അ​ണി​യി​ച്ചൊ​രു​ക്കി ദേ​വി​യു​ടെ മു​ൻ​പി​ൽവ​ച്ച് ചൂ​ര​ൽ കു​ത്തു​ന്നു. തു​ട​ർ​ന്ന് ദേ​വി​യു​ടെ എ​ഴു​ന്ന​ള്ള​തി​ന് ബാലകർ അ​ക​ന്പ​ടി സേ​വി​ക്കും. എ​ഴു​ന്ന​ള്ള​ത് തി​രി​കെ ക്ഷേ​ത്ര​ത്തി​ലെ​ത്തി​യ ശേ​ഷം ചൂ​ര​ൽ ഇ​ള​ക്കു​ന്ന​തോ​ടെ കു​ത്തി​യോ​ട്ട വ്ര​തം അ​വ​സാ​നി​ക്കും. അ​തേ​സ​മ​യം പൊ​ങ്കാ​ല​യ്ക്ക് ദി​വ​സ​ങ്ങ​ൾ മാ​ത്രം ബാ​ക്കി നി​ൽ​ക്കെ പൊ​ങ്കാ​ല​യി​ടാ​നാ​യി ഇ​ടം പി​ടി​ക്കാ​നു​ള്ള തി​ര​ക്കി​ലാ​ണ് ഭ​ക്ത​ർ. വി​വി​ധ റ​സി​ഡ​ൻ​സ് അ​സോ​സി​യേ​ഷ​നു​ക​ളു​ടെ നേ​തൃ​ത്വ​ത്തി​ൽ ഭ​ക്ത​ർ​ക്ക് കു​ടി​വെ​ള്ള വി​ത​ര​ണം തു​ട​ങ്ങി.


ദ​ർ​ശ​ന​ത്തി​നെ​ത്തു​ന്ന​വ​ർ​ക്ക് ഭ​ക്ഷ​ണ വി​ത​ര​ണം ന​ട​ത്താ​നു​ള്ള ത​യാ​റെ​ടു​പ്പു​ക​ൾ വി​വി​ധ സം​ഘ​ട​ന​ക​ൾ പൂ​ർ​ത്തി​ക​രി​ച്ചു ക​ഴി​ഞ്ഞു. പൊങ്കാലക്ക​ല​ങ്ങ​ളും പൂ​ജാ സാ​ധാ​ന​ങ്ങ​ളും വാ​ങ്ങാ നും ഭക്തരുടെ വൻ തിരക്കാണ് അനുഭവപ്പെടുന്നത്.

Copyright @ 2022 , Rashtra Deepika Ltd.