കാട്ടാക്കട കൊലപാതകം:  പ്രി​യര​ഞ്ജനെ ക​സ്റ്റ​ഡി​യി​ൽ വാ​ങ്ങി
Tuesday, September 19, 2023 3:29 AM IST
കാ​ട്ടാ​ക്ക​ട: പതിനഞ്ചുകാരനെ വാ​ഹ​നം ഇ​ടി​ച്ചു കൊ​ല​പ്പെ​ടു​ത്തി​യ കേ​സി​ലെ പ്ര​തി പ്രി​യര​ഞ്ജന​നെ കാ​ട്ടാ​ക്ക​ട പോ​ലീ​സ് കൂ​ടു​ത​ൽ അ​ന്വേ​ഷ​ണ​ത്തി​നും തെ​ളി​വെ​ടു​പ്പി​നു​മാ​യി ക​സ്റ്റ​ഡി​യി​ൽ വാ​ങ്ങി. ഏ​ഴു ദി​വ​സ​ത്തേ​ക്കാ​ണ് പോ​ലീ​സ് ക​സ്റ്റ​ഡി​യി​ൽ ആ​വ​ശ്യ​പ്പെ​ട്ടി​രു​ന്ന​ത്.​ എ​ന്നാ​ൽ ആ​റു ദി​വ​സം കോ​ട​തി അ​നു​വ​ദി​ച്ചു.

കൃ​ത്യം ന​ട​ത്തി​യശേ​ഷം പ്ര​തി ഒ​ളി​വി​ൽ ക​ഴി​ഞ്ഞി​രു​ന്ന പ്ര​ദേ​ശ​ങ്ങ​ളി​ൽ എ​ത്തി​ച്ചു തെ​ളി​വ് എ​ടു​ക്കും. ക​ളി​യി​ക്കാ​വി​ള, കു​ഴി​ത്തു​റ, കോ​യ​മ്പ​ത്തൂ​ർ, മൈ​സൂ​ർ തു​ട​ങ്ങി വി​വി​ധ പ്ര​ദേ​ശ​ങ്ങ​ളി​ൽ പ്ര​തി ഒ​ളി​വി​ൽ ക​ഴി​യ​വേ സ​ഞ്ച​രി​ക്കു​ക​യും വി​വി​ധ ഇ​ട​ങ്ങ​ളി​ൽ ത​ങ്ങു​ക​യും ചെ​യ്തു.

ഇ​വി​ട​ങ്ങ​ളി​ലെ​ല്ലാം ഇ​യാ​ളെ എ​ത്തി​ച്ച് തെ​ളി​വെ​ടു​പ്പ് ന​ട​ത്തും.​ പ്ര​തി​യെ ര​ക്ഷ​പ്പെ​ടാ​ൻ സ​ഹാ​യി​ച്ച​വ​ർ, ഒ​ളി​വി​ൽ ക​ഴി​യാ​ൻ സ​ഹാ​യി​ച്ച​വ​ർ, സിം ​വാ​ങ്ങി​യ സ്ഥാ​പ​നം ഉ​ൾ​പ്പെ​ടെ വി​വി​ധ ഇ​ട​ങ്ങ​ളി​ലെത്തി​ച്ചാ​യി​രി​ക്കും തെ​ളി​വെ​ടു​പ്പ് ന​ട​ത്തു​ക. കാ​ട്ടാ​ക്ക​ട എ​സ്എ​ച്ച് ഷി​ബു കു​മാ​റാ​ണ് ഇന്നലെ പ്ര​തി​യെ കോ​ട​തി​യി​ൽനി​ന്നും ക​സ്റ്റ​ഡി​യി​ൽ വാ​ങ്ങി​യ​ത്.​ മെ​ഡി​ക്ക​ൽ പ​രി​ശോ​ധ​ന​ക​ൾ​ക്കുശേ​ഷം കാ​ട്ടാ​ക്ക​ട പോ​ലീ​സ് സ്റ്റേ​ഷ​നി​ലേ​ക്ക് പ്രിയരഞ്ജനെ എ​ത്തി​ച്ചു.

ഇ​ക്ക​ഴി​ഞ്ഞ മു​പ്പ​താം തീ​യ​തി​യാ​ണ് പൂ​വ​ച്ച​ൽ പു​ളി​ങ്കോ​ട് ക്ഷേ​ത്ര​ത്തി​നു മു​ൻ​വ​ശ​ത്തുവച്ച് പ​ത്താം ക്ലാ​സ് വി​ദ്യാ​ർ​ഥി പൂ​വ​ച്ച​ൽ പു​ളി​ങ്കോ​ട് അ​രു​ണോ​ദ​യ​ത്തി​ൽ അ​രു​ൺ​കു​മാ​ർ-ഷീ​ബ ദ​മ്പ​തി​ക​ളു​ടെ മ​ക​നാ​യ ആ​ദിശേ​ഖ​രി​നെ പ്രിയരഞ്ജൻ കാ​റി​ടി​പ്പി​ച്ച് കൊ​ല​പ്പെ​ടു​ത്തി​യ​ത്.​ ആ​ദ്യം അ​പ​ക​ട മ​ര​ണമെന്നാണ് ക​രു​തി​യത്. അ​ക​ന്ന ബ​ന്ധുവാ​യതുകൊ​ണ്ടു​ള്ള സം​ശ​യ​വും സി​സി​ടി​വി ദൃ​ശ്യ​ങ്ങ​ളുമെല്ലാം മ​നഃപൂ​ർവമാ​യ അ​പ​ക​ട​ത്തി​ലേ​ക്ക് വി​ര​ൽ ചൂ​ണ്ടി.​ തു​ട​ർ​ന്ന് പോ​ലീ​സ് ന​ട​ത്തി​യ വി​ശ​ദ അ​ന്വേ​ഷ​ണ​ത്തി​ൽ മു​ൻ വൈ​രാ​ഗ്യ​ത്തി​ലാണ് പ്ര​തി കൊ​ല​പാ​ത​കം ന​ട​ത്തി​യതെ ന്നു തെ​ളി​യു​ക​യാ​യി​രു​ന്നു.

Copyright @ 2022 , Rashtra Deepika Ltd.