നെ​ടു​മ​ങ്ങാ​ട്: മാ​ണി​ക്ക​പു​രം സെ​ന്‍റ് തെ​രേ​സാ​സ് യുപി സ്കൂ​ള്‍ ലൈ​ബ്ര​റി​യി​ലേ​ക്ക് 1997 കാ​ല​ ഘ​ട്ട​ത്തി​ലെ പൂ​ര്‍​വ വി​ദ്യാ​ര്‍​ഥി​ക​ള്‍ ശേ​ഖ​രി​ച്ച പു​സ്ത​ക​ങ്ങ​ള്‍ കൈമാറി. ര​ണ്ടുമാ​സം​കൊ​ണ്ട് 40 പേ​ര്‍ ശേ​ഖ​രി​ച്ച 400പു​സ്ത​ക​ങ്ങ​ളാ​ണു ക​ഴി​ഞ്ഞ​ദി​വ​സം കു​ട്ടി​ക​ള്‍​ക്ക് കൈ​മാ​റി​യ​ത്.
സെ​പ്റ്റംബര്‍ മാ​സ​ത്തി​ല്‍ ഈ ​കൂ​ട്ടാ​യ്മ വി​ദ്യാ​ല​യ​ത്തി​ലെ മു​തി​ര്‍​ന്ന അ​ധ്യാ​പ​ക​രെ ആ​ദ​രി​ച്ചി​രി​രു​ന്നു. ഈ ​ച​ട​ങ്ങി​ലാ​യി​രു​ന്നു സ്കൂ​ള്‍ അ​ധി​കൃ​ത​ര്‍ കു​ട്ടി​ക​ളു​ടെ അ​ധി​ക വാ​യ​ന​യ്ക്ക് പു​സ്ത​കം എ​ന്ന ആ​ശ​യം പ​ങ്കു​വ​ച്ച​ത്. ക​ഥ, ക​വി​ത, ലേ​ഖ​ന​ങ്ങ​ള്‍, ജീ​വ​ച​രി​ത്ര​ക്കു​റി​പ്പു​ക​ള്‍ തു​ട​ങ്ങി വി​വി​ധ മേ​ഖ​ല​ക​ളി​ലാ​യി നാ​ന്നൂ​റോ​ളം പു​സ്ത​ക​ങ്ങ​ള്‍ പൂ​ർവ വി​ദ്യാ​ർഥി സം​ഗ​മ​ത്തിന്‍റെ പ്ര​സി​ഡ​ന്‍റ് സ​തീ​ഷ്കു​മാ​ര്‍, ജ​നറൽ ​സെ​ക്ര​ട്ട​റി സ​ന​ല്‍​കു​മാ​ര്‍, ഖ​ജാ​ന്‍​ജി ജി​തി​ന്‍ എ​ന്നി​വ​ര്‍ ചേ​ര്‍​ന്നു വി​ദ്യാ​ര്‍​ഥി പ്ര​തി​നി​ധി​ക്കു കൈ​മാ​റി.
ച​ട​ങ്ങി​ല്‍ പ്ര​ഥ​മാ​ധ്യാ​പ​ക​ന്‍ ജി. ജോ​സ്, ​പിടി​എ പ്ര​സി​ഡ​ന്‍റ് ജ​യ​രാ​ജ്, ലാ​ലു​ അ​ല​ക്സ്, പ്ര​സാ​ദ്, സ്കൂ​ള്‍ അ​ധ്യാ​പ​ക​ര്‍ എന്നി വർ പ്രസംഗിച്ചു.