ഭൂ​മാ​ഫി​യ കീ​റി​മു​റി​ച്ച മലനിരകളിൽ കു​റി​ഞ്ഞിപ്പൂക്ക​ൾ വി​രി​യുന്നു
Thursday, September 19, 2024 11:31 PM IST
അ​ടി​മാ​ലി: ചൊ​ക്ര​മു​ടി മ​ല​നി​ര​ക​ളെ ഭൂ​മാ​ഫി​യ കീ​റി​മു​റി​ച്ചെ​ങ്കി​ലും അ​വ​ശേ​ഷി​ച്ച കു​റി​ഞ്ഞിപ്പൂക്ക​ൾ വി​രി​ഞ്ഞു തു​ട​ങ്ങി. ചൊ​ക്ര​മു​ടി​യി​ലെ വി​വാ​ദ ഭൂ​മി​​യു​ടെ സ​മീ​പ​ത്താ​യി​ട്ടാ​ണ് ചോ​ല​ക്കു​റി​ഞ്ഞി​ക​ൾ പൂ​വി​ട്ടു തു​ട​ങ്ങി​യി​രി​ക്കു​ന്ന​ത്. ചോ​ല​ക്കു​റി​ഞ്ഞി​യും നീ​ല​ക്കു​റി​ഞ്ഞി​യും ആ​ണ് ചൊ​ക്ര​മു​ടി മ​ല​നി​ര​ക​ളി​ലെ പ്ര​ധാ​ന ഇ​ന​ങ്ങ​ൾ. 2014 ലാ​ണ് ഇ​തി​നു മു​ൻ​പ് ചൊ​ക്ര​മു​ടി മ​ല​നി​ര​ക​ളി​ൽ നീ​ല വ​സ​ന്തം വി​രി​ഞ്ഞ​ത്. നീ​ല​ക്കു​റി​ഞ്ഞി പൂ​വി​ടാ​ൻ 12 വ​ർ​ഷം വേ​ണ​മെ​ങ്കി​ലും പ​ത്തു​വ​ർ​ഷം മു​ത​ൽ ചോ​ല​ക്കു​റി​ഞ്ഞി​ക​ൾ പൂ​വി​ട്ടു തു​ട​ങ്ങും. പ​ശ്ചി​മ​ഘ​ട്ട മ​ല​നി​ര​ക​ളി​ൽ രാ​ജ​മ​ല​യും കൊ​ളു​ക്കു​മ​ല​യും ക​ഴി​ഞ്ഞാ​ൽ ഏ​റ്റ​വും കൂ​ടു​ത​ൽ കു​റി​ഞ്ഞി​ക​ൾ വി​ടു​ന്ന​ത് ചൊ​ക്ര​മു​ടി മ​ല​നി​ര​ക​ളി​ലാ​ണ്.

പ​ശ്ചി​മ​ഘ​ട്ട മ​ല​നി​ര​ക​ളി​ൽ സ​മു​ദ്ര നി​ര​പ്പി​ൽ നി​ന്ന് 1500 മീ​റ്റ​റി​നു മു​ക​ളി​ൽ ചോ​ല​വ​ന​ങ്ങ​ൾ ഇ​ട​ക​ല​ർ​ന്ന പു​ൽ​മേ​ടു​ക​ളി​ൽ കാ​ണ​പ്പെ​ടു​ന്ന കു​റ്റി​ച്ചെ​ടി​യാ​ണ് നീ​ല​ക്കു​റി​ഞ്ഞി. സ്ട്രോ​ബി​ലാ​ന്ത​സ് കു​ന്തി​യാ​ന​സ് എ​ന്നാ​ണ് ശാ​സ്ത്രീ​യ നാ​മം. ഇ​വ കു​റി​ഞ്ഞി വ​ർ​ഗ​ത്തി​ലെ റാ​ണി​യെ​ന്നാ​ണ് എ​ന്ന​റി​യ​പ്പെ​ടു​ന്ന​ത്. 12 വ​ർ​ഷം കൂ​ടു​മ്പോ​ൾ കൂ​ട്ട​ത്തോ​ടെ പൂ​ക്കു​ന്നു എ​ന്ന​താ​ണ് ഇ​തി​ന്‍റെ പ്ര​ത്യേ​ക​ത. ലോ​ക​ത്തു തെ​ക്കു​കി​ഴ​ക്ക​ൻ ഏ​ഷ്യ​ൻ രാ​ജ്യ​ങ്ങ​ളി​ൽ മാ​ത്രം കാ​ണ​പ്പെ​ടു​ന്ന ഇ​വ ഏ​ക​ദേ​ശം 450 ഇ​ന​ങ്ങ​ളു​ണ്ട്. ഇ​വ​യി​ൽ​ത്ത​ന്നെ 40 ശ​ത​മാ​ന​വും ഇ​ന്ത്യ​യി​ലാ​ണു​ള്ള​ത്. പ​ശ്ചി​മ​ഘ​ട്ട​ത്തി​ൽ മാ​ത്രം 64 ത​രം കു​റി​ഞ്ഞി​ക​ൾ ഉ​ണ്ടെ​ന്നാ​ണ് പ​ഠ​ന​ങ്ങ​ൾ. പൂ​ത്ത് പ​ത്തു മാ​സം ക​ഴി​യു​മ്പോ​ഴാ​ണ് ഇ​വ​യു​ടെ വി​ത്ത് പാ​ക​മാ​കു​ന്ന​ത്.

നീ​ല​ക്കു​റി​ഞ്ഞി​യു​ടെ സ​വി​ശേ​ഷ​ത​ക​ൾ

ഒ​രു വ​ർ​ഷം കൂ​ടു​മ്പോ​ൾ പൂ​ക്കു​ന്ന​വ മു​ത​ൽ 16 വ​ർ​ഷം കൂ​ടു​മ്പോ​ൾ മാ​ത്രം പൂ​ക്കു​ന്ന കു​റി​ഞ്ഞി​ച്ചെ​ടി​ക​ൾ വ​രെ ഉ​ണ്ട്. ഭൂ​രി​ഭാ​ഗ​വും 12 വ​ർ​ഷം കൂ​ടു​മ്പോ​ൾ പൂ​ക്കു​ന്ന​വ​യാ​ണ്.

ഒ​ന്ന​ര അ​ടി മു​ത​ൽ 8 മീ​റ്റ​ർ വ​രെ ഉ​യ​രംവയ്​ക്കു​ന്ന പ​ല​യി​നം കു​റി​ഞ്ഞിക​ളു​ണ്ട്. സ​മു​ദ്ര​നി​ര​പ്പി​ൽനി​ന്ന് 500 മീ​റ്റ​റി​നുമേലേ 1400 മീ​റ്റ​ർ വ​രെ ഉ​യ​ര​ത്തി​ലു​ള്ള പു​ൽ​മേ​ടു​ക​ളി​ലും വ​ള​രു​ന്നു. ഋ​തു​ഭേ​ദ​ങ്ങ​ളു​മാ​യി ഈ ​സ​സ്യ​കു​ടും​ബ​ത്തി​നു ബ​ന്ധ​മി​ല്ല. അ​തു​കൊ​ണ്ടു​ത​ന്നെ ഇ​വ​യു​ടെ കാ​ല​ച​ക്ര​ത്തി​നു കൃ​ത്മാ​യ ഇ​ട​വേ​ള​ക​ൾ ഉ​ണ്ട്. മ​ഴ​യി​ല്ലാ​ത്ത കാ​ലാ​വ​സ്ഥ ആ​ണെ​ങ്കി​ൽ പൂ​വി​ട്ടു മൂ​ന്നു മാ​സം വ​രെ കു​റി​ഞ്ഞി​പ്പൂ​ക്ക​ൾ നി​ല​നി​ൽ​ക്കും.

വ​രും ത​ല​മു​റ​യെ കാ​ണാ​തെ ഒ​രി​ക്ക​ൽ മാ​ത്രം പു​ഷ്പി​ച്ച് ഇ​വ സ്വ​യം ന​ശി​ക്കു​ന്നു. കു​റി​ഞ്ഞി​ച്ചെ​ടി​ക​ളു​ടെ കാ​ണ്ഡ​ത്തി​ന്‍റെ അ​ഗ്ര​ഭാ​ഗം ചെ​രി​ഞ്ഞു വ​ള​ർ​ച്ച മു​ര​ടി​ച്ചാ​ൽ ഉ​റ​പ്പി​ക്കാം അ​ടു​ത്ത വ​ർ​ഷം ചെ​ടി പു​ഷ്പി​ക്കു​മെ​ന്ന്. വൈ​വി​ധ്യ​മാ​ർ​ന്ന പ​ല നി​റ​ങ്ങ​ളി​ലും കാ​ണ​പ്പെ​ടു​ന്നു. നീ​ല​യ്ക്കും ഊ​ത​നി​റ​ത്തി​നും ഇ​ട​യി​ൽ, ഇ​ളം വ​യ​ല​റ്റ്, നീ​ല, ഇ​ളം നീ​ല, ഇ​രു​ണ്ട ത​വി​ട്ടു നി​റം, വെ​ള്ള നി​റം, വെ​ള്ള ക​ല​ർ​ന്ന ഇ​ളം ചു​വ​പ്പ്, വ​യ​ല​റ്റ് ക​ല​ർ​ന്ന വെ​ള്ള, അ​വി​ട​വി​ടെ ചു​വ​പ്പു നി​റ​മു​ള്ള വെ​ള്ള, ഇ​ളം റോ​സ് എ​ന്നി​ങ്ങ​നെ വി​വി​ധ നി​റ​ങ്ങ​ളി​ൽ കു​റി​ഞ്ഞു​ക​ൾ കാ​ണ​പ്പെ​ടു​ന്നു.
Copyright @ 2018 , Rashtra Deepika Ltd.