ഫോ​ട്ടോ​ഗ്രാ​ഫ​റെ മ​ർ​ദി​ച്ച സം​ഭ​വം: അ​ന്വേ​ഷ​ണം ഇ​ഴ​യു​ന്നു
Thursday, September 19, 2024 11:31 PM IST
അ​ടി​മാ​ലി: മാ​ങ്കു​ളം കൈ​ന​ഗി​രി​യി​ൽ വി​വാ​ഹ​ചി​ത്ര​ങ്ങ​ൾ പ​ക​ർ​ത്താ​നെ​ത്തി​യ ഫോ​ട്ടോ​ഗ്രാ​ഫറെയും സ​ഹാ​യിയെ​യും സം​ഘം ചേ​ർ​ന്ന് മ​ർ​ദി​ച്ച സം​ഭ​വ​ത്തി​ൽ പോ​ലീ​സ് അ​ന്വേ​ഷ​ണം ഇ​ഴ​യു​ന്നു. മൂ​വാ​റ്റു​പു​ഴ സ്വ​ദേ​ശി ജെ​റി​നാ​ണ് ആ​ക്ര​മ​ണ​ത്തി​ൽ സാ​ര​മാ​യി പ​രി​ക്കേ​റ്റ​ത്. മു​ഖ​ത്തും മൂ​ക്കി​നും ഇ​ടി​യേ​റ്റ ഇ​ദ്ദേ​ഹം കോ​ത​മം​ഗ​ല​ത്തെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.

മ​ർ​ദ​ന​മേ​റ്റ​വ​രു​ടെ പ​രാ​തി​യു​ടെ അ​ടി​സ്ഥാ​ന​ത്തി​ൽ മൂ​ന്നാ​ർ പോ​ലീ​സ് കേ​സെ​ടു​ത്തെ​ങ്കി​ലും അ​ന്വേ​ഷ​ണം ഇ​ഴ​യു​ക​യാ​ണെ​ന്ന ആ​ക്ഷേ​പം ശ​ക്ത​മാ​യി​രി​ക്കു​ക​യാ​ണ്. സം​ഭ​വ​ത്തി​ന്‍റെ വീ​ഡി​യോ​യ​ട​ക്കം സാ​മൂ​ഹ്യ​മാ​ധ്യ​മ​ങ്ങ​ളി​ലു​ടെ വ്യാ​പ​ക​മാ​യി പ്ര​ച​രി​ച്ചി​രു​ന്നു. ഇ​തി​ൽ പ്ര​തി​ക​ളെ കൃ​ത്യ​മാ​യി തി​രി​ച്ച​റി​ഞ്ഞി​ട്ടും ഇ​വ​രെ അ​റ​സ്റ്റ്ചെ​യ്യാ​ൻ പോ​ലീ​സ് താ​ത്പ​ര്യം കാ​ണി​ക്കു​ന്നി​ല്ലെ​ന്നാ​ണ് ആ​ക്ഷേ​പം ഉ​യ​രു​ന്ന​ത്. ക​ഴി​ഞ്ഞ 16നു ​ഉ​ച്ച​ക​ഴി​ഞ്ഞാ​ണ് സം​ഭ​വം. വി​വാ​ഹ​ച​ട​ങ്ങി​ന്‍റെ ചി​ത്ര​ങ്ങ​ൾ പ​ക​ർ​ത്താ​നാ​യി​രു​ന്നു മ​ർ​ദ​ന​മേ​റ്റ ജെ​റി​നും സു​ഹൃ​ത്തു​ക്ക​ളും മാ​ങ്കു​ള​ത്തെ​ത്തി​യ​ത്.​

രാ​വി​ലെ വി​വാ​ഹ ചി​ത്ര​ങ്ങ​ൾ പ​ക​ർ​ത്തേ​ണ്ട​തി​നാ​ൽ ഞാ​യ​റാ​ഴ്ച രാ​ത്രി ത​ന്നെ ജെ​റി​നും സു​ഹൃ​ത്തു​ക്ക​ളും സ്ഥ​ല​ത്തെ​ത്തി​യി​രു​ന്നു. മാ​ങ്കു​ള​ത്തെ സ്വ​കാ​ര്യ റി​സോ​ർ​ട്ടി​ലാ​യി​രു​ന്നു ഇ​വ​ർ​ക്ക് താ​മ​സ സൗ​ക​ര്യ​മൊ​രു​ക്കി​യി​രു​ന്ന​ത്.​ സം​ഭ​വ​ത്തി​ൽ പ്ര​തി​ക​ളാ​യ​വ​ർ താ​മ​സി​ച്ചി​രു​ന്ന​തും ഇ​തേ റി​സോ​ർ​ട്ടി​ലാ​യി​രു​ന്നു. താ​മ​സി​ക്കാ​നു​ള്ള മു​റി​യു​മാ​യി ബ​ന്ധ​പ്പെ​ട്ട് ഇ​വ​ർ ത​മ്മി​ൽ രാ​ത്രി​യി​ൽ ചി​ല ത​ർ​ക്ക​ങ്ങ​ൾ ഉ​ണ്ടാ​യ​താ​യി പ​റ​യ​പ്പെ​ടു​ന്നു. ​ഇ​തി​ന്‍റെ തു​ട​ർ​ച്ച​യെ​ന്നോ​ണം വി​വാ​ഹ​ചി​ത്ര​ങ്ങ​ൾ പ​ക​ർ​ത്തി ജെ​റി​നും സം​ഘ​വും മ​ട​ങ്ങ​വെ പ്ര​തി​ക​ൾ വാ​ഹ​ന​ത്തി​ൽ പി​ന്തു​ട​ർ​ന്നെ​ത്തി ആ​ക്ര​മി​ക്കു​ക​യാ​യി​രു​ന്നു.

ക​ല്ലാ​ർ-​മാ​ങ്കു​ളം റോ​ഡി​ൽ കൈ​ന​ഗി​രി ഗോ​മ​തി​ക്ക​ട​യ്ക്ക് സ​മീ​പ​മാ​യി​രു​ന്നു ആ​ക്ര​മ​ണം ഉ​ണ്ടാ​യ​ത്. ജെ​റി​നും സു​ഹൃ​ത്തു​ക്ക​ളും സ​ഞ്ച​രി​ച്ചി​രു​ന്ന വാ​ഹ​ന​ത്തെ പി​ന്തു​ട​ർ​ന്നെ​ത്തി​യ അ​ക്ര​മി​ക​ൾ വാ​ഹ​നം റോ​ഡി​നു ന​ടു​വി​ലി​ട്ട് ജെ​റി​ന്‍റെ വാ​ഹ​നം ത​ട​ഞ്ഞു. പി​ന്നി​ട്ട് ഡ്രൈ​വിം​ഗ് സീ​റ്റി​ലു​ണ്ടാ​യി​രു​ന്ന ജെ​റി​നെ ആ​ക്ര​മി​ക്കു​ക​യാ​യി​രു​ന്നു.

വാ​ഹ​ന​ത്തി​ന്‍റെ വാ​തി​ൽ വ​ലി​ച്ച് തു​റ​ക്കാ​ൻ ശ്ര​മി​ക്കു​ന്ന​തും അ​സ​ഭ്യ വ​ർ​ഷം ന​ട​ത്തു​ന്ന​തും വീ​ഡി​യോ​യി​ൽ കാ​ണാ​നാ​കും.​ സം​ഘ​ത്തി​ൽ ഒ​ന്നി​ല​ധി​കം പേ​രു​ണ്ടാ​യി​രു​ന്നു. ഇ​വ​രും വി​വാ​ഹ​ത്തി​ൽ പ​ങ്കെ​ടു​ക്കാ​ൻ എ​ത്തി​യ​വ​രാ​യി​രു​ന്നു​വെ​ന്നാ​ണ് വി​വ​രം. പ​രി​ക്കേ​റ്റ ജെ​റി​ൻ ആ​ശു​പ​ത്രി​യി​ൽ ചി​കി​ത്സ തേ​ടു​ക​യും പോ​ലീ​സി​ൽ പ​രാ​തി ന​ൽ​കു​ക​യും ചെ​യ്തു.
Copyright @ 2018 , Rashtra Deepika Ltd.