സാ​മൂ​ഹ്യ​ശാ​സ്ത്ര​മേ​ള​യി​ല്‍ ആ​തി​ഥേ​യ വി​ദ്യാ​ല​യ​ത്തി​ന് മി​ക​വ്
Thursday, October 31, 2024 7:00 AM IST
നെ​യ്യാ​റ്റി​ന്‍​ക​ര: റ​വ​ന്യൂ ജി​ല്ലാ ശാ​സ്ത്രോ​ത്സ​വ​ത്തി​ന് ആ​തി​ഥേ​യ​ത്വം വ​ഹി​ച്ച നെ​ല്ലി​മൂ​ട് ന്യൂ ​എ​ച്ച് എ​ച്ച്എ​സ് സാ​മൂ​ഹ്യ​ശാ​സ്ത്ര മേ​ള​യി​ല്‍ മി​ക​വാ​ര്‍​ന്ന പ്ര​ക​ട​ന​ത്തോ​ടെ ഒ​ന്നാ​മ​തെ​ത്തി. 37 പോ​യി​ന്‍റ് നേ​ടി​യ നെ​ല്ലി​മൂ​ട് ന്യൂ ​എ​ച്ച്എ​സ്എ​സി​നൊ​പ്പം അ​തേ പോ​യി​ന്‍റ് ക​ര​സ്ഥ​മാ​ക്കി​യ ക​ടു​വ​യി​ല്‍ കെ​ടി​സിടിഇ​എം ഹ​യ​ര്‍​സെ​ക്ക​ന്‍​ഡ​റി സ്കൂ​ളും ഒ​ന്നാം സ്ഥാ​നം പ​ങ്കി​ട്ടു. വാ​ശി​യേ​റി​യ പോ​രാ​ട്ട​ത്തി​ല്‍ പ​ട്ടം സെ​ന്‍റ് മേ​രീ​സ് ഹ​യ​ര്‍​സെ​ക്ക​ന്‍​ഡ​റി സ് കൂ​ള്‍ തൊ​ട്ടു​പി​റ​കി​ലു​ണ്ട്.

ശാ​സ്ത്ര​മേ​ള​യി​ല്‍ 57 പോ​യി​ന്‍റോ​ടെ ക​ടു​വ​യി​ല്‍ കെ​ടി​സിടിഇ​എം ഹ​യ​ര്‍​സെ​ക്ക​ന്‍​ഡ​റി സ്കൂ​ള്‍ ഒ​ന്നാം സ്ഥാ​നം നേ​ടി. മാ​റ​ന​ല്ലൂ​ര്‍ ഡി​വി​എം എ​ന്‍​എ​ന്‍​എം ഹ​യ​ര്‍​സെ​ക്ക​ന്‍​ഡ​റി സ്കൂ​ള്‍ 37 പോ​യി​ന്‍റു​മാ​യി ര​ണ്ടാം സ്ഥാ​ന​ത്തെ​ത്തി. ഗ​ണി​ത ശാ​സ്ത്ര​മേ​ള​യി​ല്‍ ഒ​ന്നാം സ്ഥാ​നം സ്വ​ന്ത​മാ​ക്കി​യ മാ​റ​ന​ല്ലൂ​ര്‍ ഡി​വി​എം എ​ന്‍​എ​ന്‍​എം ഹ​യ​ര്‍​സെ​ക്ക​ന്‍​ഡ​റി സ് കൂ​ള്‍ 97 പോ​യി​ന്‍റ് സ്വ​ന്ത​മാ​ക്കി. ഭ​ര​ത​ന്നൂ​ര്‍ ഗ​വ. എ​ച്ച്എ​സ്എ​സ് 93 പോ​യി​ന്‍റോ​ടെ ര​ണ്ടാം സ്ഥാ​നം ക​ര​സ്ഥ​മാ​ക്കി.

പ്ര​വൃ​ത്തി പ​രി​ച​യ മേ​ള​യി​ല്‍ ആ​റ്റി​ങ്ങ​ല്‍ ഗ​വ. ഗേ​ള്‍​സ് ഹ​യ​ര്‍​സെ​ക്ക​ന്‍​ഡ​റി സ്കൂ​ള്‍ 251 പോ​യി​ന്‍റോ​ടെ തി​ള​ക്ക​മാ​ര്‍​ന്ന നേ​ട്ട​ത്തി​ന​ര്‍​ഹ​രാ​യി. വ​ര്‍​ക്ക​ല ജി​എം എ​ച്ച്എ​സ്എ​സ് ആ​ണ് ര​ണ്ടാം സ്ഥാ​ന​ത്ത്- 161 പോ​യി​ന്‍റ്.

ഐ​ടി മേ​ള​യി​ല്‍ നി​ര്‍​മ​ല ഭ​വ​ന്‍ ഗേ​ള്‍​സ് ഹ​യ​ര്‍​സെ​ക്ക​ന്‍​ഡ​റി സ്കൂ​ള്‍ 45 പോ​യി​ന്‍റോ​ടെ ഒ​ന്നാം സ്ഥാ​ന​വും നെ​യ്യാ​റ്റി​ന്‍​ക​ര ഗ​വ. ഹ​യ​ര്‍​സെ​ക്ക​ന്‍​ഡ​റി സ്കൂ​ള്‍ 35 പോ​യി​ന്‍റോ​ടെ ര​ണ്ടാം സ്ഥാ​ന​വും നേ​ടി.

ഏ​റ്റ​വും കൂ​ടു​ത​ല്‍ എ ​ഗ്രേ​ഡ് (173) ല​ഭി​ച്ച​ത് കാ​ട്ടാ​ക്ക​ട വി​ദ്യാ​ഭ്യാ​സ ഉ​പ​ജി​ല്ല​യ്ക്കും കൂ​ടു​ത​ല്‍ ഇ​ന​ങ്ങ​ളി​ല്‍ ഒ​ന്നാം സ​മ്മാ​നം (20) നെ​യ്യാ​റ്റി​ന്‍​ക​ര വി​ദ്യാ​ഭ്യാ​സ ഉ​പ​ജി​ല്ല​യ്ക്കു​മാ​ണ്. ഓ​വ​റോ​ള്‍ ചാ​ന്പ്യ​ന്‍​ഷി​പ്പ് നേ​ടി​യ ആ​റ്റി​ങ്ങ​ലി​ന് 19 ഇ​ന​ങ്ങ​ളി​ലേ ഒ​ന്നാം സ​മ്മാ​ന​മു​ള്ളു. കൂ​ടു​ത​ല്‍ ബി ​ഗ്രേ​ഡു​ക​ള്‍ ക​ണി​യാ​പു​രം വി​ദ്യാ​ഭ്യാ​സ ഉ​പ​ജി​ല്ല നേ​ടി​യ​പ്പോ​ള്‍ സി ​ഗ്രേ​ഡു​ക​ള്‍ കൂ​ടു​ത​ല്‍ സ്വ​ന്ത​മാ​ക്കി​യ വി​ദ്യാ​ഭ്യാ​സ ഉ​പ​ജി​ല്ല​ക​ള്‍ തി​രു​വ​ന​ന്ത​പു​രം നോ​ര്‍​ത്തും പാ​റ​ശാ​ല​യു​മാ​ണ്.

2018നു​ശേ​ഷം വീ​ണ്ടും ശാ​സ്ത്രോ​ത്സ​വ​ത്തി​ന്‍റെ വേ​ദി​യാ​യി നി​യോ​ഗി​ക്ക​പ്പെ​ട്ട നെ​ല്ലി​മൂ​ട് ന്യൂ ​എ​ച്ച്എ​സ്എ​സി​ല്‍ വ​ലി​യ പ​രാ​തി​ക​ളി​ല്ലാ​തെ മൂ​ന്നുദി​വ​സ​ത്തെ മേ​ള പ​രി​സ​മാ​പ്തി കു​റി​ച്ച​തി​ന്‍റെ ആ​ശ്വാ​സ​ത്തി​ലാ​ണ് സ് കൂ​ള്‍ അ​ധി​കൃ​ത​രും സം​ഘാ​ട​ക​രും.
Copyright @ 2018 , Rashtra Deepika Ltd.