ഗതാഗതവകുപ്പിൽ അഞ്ചു ദിവസത്തിനകം ഫയൽ തീർപ്പാക്കിയില്ലെങ്കിൽ നടപടി : Deepika.com Kerala News |

Click here for detailed news of all items

ഗതാഗതവകുപ്പിൽ അഞ്ചു ദിവസത്തിനകം ഫയൽ തീർപ്പാക്കിയില്ലെങ്കിൽ നടപടി

Wednesday, January 15, 2025 2:21 AM IST

പ്രദീപ് ചാത്തന്നൂർ

ചാത്തന്നൂർ: ഗതാഗത വകുപ്പിന്‍റെ കീഴിലുള്ള സ്ഥാപനങ്ങളിൽ അഞ്ചു ദിവസത്തിനകം ഫയലുകൾ തീർപ്പാക്കിയില്ലെങ്കിൽ കർശന നടപടി. ഒരു സെക്‌ഷനിലും ഒരു ഉദ്യോഗസ്ഥന്‍റെ മുന്നിലും മതിയായ കാരണമില്ലാതെ അഞ്ചു ദിവസത്തിലധികം ഒരു ഫയലും തടഞ്ഞുവയ്ക്കരുത്.

തടഞ്ഞുവച്ചാൽ ഉദ്യോഗസ്ഥനെതിരേ കർശന ശിക്ഷാ നടപടികൾ സ്വീകരിക്കാൻ ഓഫീസ് മേലധികാരികൾക്കു നിർദേശിക്കാം. ഗതാഗത മന്ത്രി കെ. ബി. ഗണേഷ്കുമാറിന്‍റെ ശക്തമായ നിലപാടിനെത്തുടർന്ന് ഗതാഗത വകുപ്പ് അനുബന്ധ സ്ഥാപനങ്ങൾക്കു നിർദേശം നൽകി.

മോട്ടോർ വാഹന വകുപ്പ്, കെഎസ്ആർടിസി, കെടിഡിഎഫ്സി, ജലഗതാഗതവകുപ്പ്, ശ്രീ ചിത്തിരതിരുന്നാൾ കോളജ് ഓഫ് എൻജിനിയറിംഗ്, കെ-സ്വിഫ്റ്റ് എന്നീ സ്ഥാപനങ്ങൾക്കാണു നിശ്ചിത ദിവസത്തിനകം ഫയൽ തീർപ്പാക്കൽ നിർദേശം നല്കിയിട്ടുള്ളത്.

ഇ- ഓഫീസ് സംവിധാനമുള്ള ഓഫീസുകളിൽ ആഴ്ചയിൽ ഒരിക്കൽ ഫയലുകൾ പരിശോധിക്കാൻ സംവിധാനം ഏർപ്പെടുത്തണം. ഫയലുകൾ പരിശോധിച്ചു റിപ്പോർട്ട് നല്കാൻ ഒരു ഉദ്യോഗസ്ഥനെ മേലധികാരി ചുമതലപ്പെടുത്തണം.

ജനുവരിയിൽത്തന്നെ ഫയൽ തീർപ്പാക്കൽ നടപടികൾ ആരംഭിക്കണം. മാർച്ച് 31നു മുമ്പ് കൃത്യതയോടെ നടപ്പിൽ വരുത്തുകയും വേണമെന്ന് ഉത്തരവിൽ പറയുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.