മലപ്പുറത്ത് നാലുപേർക്ക് മലമ്പനി സ്ഥിരീകരിച്ചു; ജാഗ്രതാ നിർദേശം
Wednesday, July 17, 2024 1:01 PM IST
നിലമ്പുർ: മലപ്പുറത്ത് നാലുപേർക്ക് മലമ്പനി സ്ഥിരീകരിച്ചു. നിലമ്പൂരിൽ ഒരാൾക്കും പൊന്നാനിയിൽ മൂന്നുപേർക്കുമാണ് മലമ്പനി സ്ഥിരീകരിച്ചത്.
പൊന്നാനിയിൽ 1200 പേരുടെ രക്തസാമ്പിളുകൾ പരിശോധിച്ചതിൽ നിന്നാണ് മൂന്ന് പേർക്ക് രോഗം സ്ഥിരീകരിച്ചത്. മൂന്ന് സ്ത്രീകൾക്കാണ് ഇവിടെ രോഗം ബാധിച്ചത്.
നിലമ്പൂരിൽ ഇതര സംസ്ഥാന തൊഴിലാളിക്കാണ് രോഗം ബാധിച്ചത്. ഒഡീഷയിൽ നിന്നുള്ള തൊഴിലാളിയാണ് ഇയാൾ. നിലമ്പൂർ ജില്ലാആശുപത്രിയിൽ നിന്ന് ചികിത്സ തേടിയ ഇയാൾ താമസ സ്ഥലത്തേക്ക് മടങ്ങി.
മലമ്പനി ബാധയുടെ പശ്ചാത്തലത്തിൽ പൊന്നാനി നഗരസഭയുടെയും ആരോഗ്യവകുപ്പിന്റെയും നേതൃത്വത്തിൽ പ്രതിരോധപ്രവർത്തനങ്ങൾ ഊർജിതമാക്കി. അഞ്ചാം വാർഡിലാണ് ആദ്യമായി രോഗം കണ്ടെത്തിയത്.
ആരോഗ്യപ്രവര്ത്തകര്, വെക്ടര് കണ്ട്രോള് യൂണിറ്റ്, ആശാ പ്രവര്ത്തര് തുടങ്ങിയവരെ പ്രത്യേക സംഘങ്ങളാക്കി തിരിച്ചാണ് പ്രതിരോധപ്രവര്ത്തനം. കൂടുതല് രോഗബാധിതരുണ്ടോ എന്നറിയാന് ഗൃഹസന്ദര്ശന സര്വേ നടത്തി.