സ്റ്റാർലൈനർ വിക്ഷേപണം വിജയം; സുനിത വില്യംസ് ബഹിരാകാശത്തേക്ക്
Wednesday, June 5, 2024 10:33 PM IST
ന്യൂയോർക്ക്: നാസയുടെ ബഹിരാകാശ പേടകം ബോയിംഗ് സ്റ്റാര്ലൈനറിന്റെ വിക്ഷേപണം വിജയം. ഇന്ത്യന് വംശജ സുനിത വില്യംസിനെയും നാസയുടെ ബുഷ് വില്മോറെയും വഹിച്ചുകൊണ്ടാണ് സ്റ്റാർലൈനർ ബഹിരാകാശത്തേയ്ക്ക് കുതിച്ചത്.
ഫ്ലോറിഡയിലെ കേപ് കനാവറൽ സ്പേസ് ഫോഴ്സ് സ്റ്റേഷനിൽ നിന്ന് പ്രാദേശിക സമയം രാവിലെ 10:52ന് സ്റ്റാർലൈനറുമായി അറ്റ്ലസ് വി റോക്കറ്റ് കുതിച്ചത്. മനുഷ്യരുമായി സ്റ്റാര്ലൈനര് നടത്തുന്ന ആദ്യ പരീക്ഷണയാത്രയാണ്.
നേരത്തെ സാങ്കേതികത്തകരാറുകളെത്തുടർന്ന് ദൗത്യം പലതവണ മാറ്റിവച്ചിരുന്നു.