ചിത്രീകരണത്തിനിടെ കാട്ടാന ആക്രമണം: മാതൃഭൂമി ന്യൂസ് കാമറാമാൻ എ. വി. മുകേഷിന് ദാരുണാന്ത്യം
Wednesday, May 8, 2024 11:41 AM IST
പാലക്കാട്: കാട്ടാന ആക്രമണത്തെത്തുടർന്ന് മാതൃഭൂമി ന്യൂസ് കാമറാമാൻ എ.വി.മുകേഷിന് ദാരുണാന്ത്യം. 34 വയസായിരുന്നു.
പാലക്കാട് മലമ്പുഴ കൊട്ടേക്കാട് ഇന്ന് പുലര്ച്ചെയാണ് സംഭവം. കാട്ടാനക്കൂട്ടം പുഴ മുറിച്ചുകടക്കുന്നതിന്റെ ദൃശ്യം പകര്ത്തുന്നതിനിടെ പ്രകോപിതനായ കാട്ടാന മുകേഷിനെ ആക്രമിക്കുകയായിരുന്നു. ഉടൻ തന്നെ പാലക്കാട് ജില്ലാ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. റിപ്പോര്ട്ട് ചെയ്യാന് പോയ സംഘത്തില് ഉണ്ടായിരുന്ന റിപ്പോര്ട്ടറും ഡ്രൈവറും ഓടി രക്ഷപ്പെടുകയായിരുന്നു.
ദീർഘകാലം ഡൽഹിയിൽ ജോലി ചെയ്തിരുന്ന മുകേഷ് ഒരു വർഷമായി പാലക്കാട് ബ്യൂറോയിലായിരുന്നു. മലപ്പുറം പരപ്പനങ്ങാടി ചെട്ടിപ്പടി സ്വദേശി അവത്താൻ വീട്ടിൽ, ദേവിയുടേയും പരേതനായ ഉണ്ണിയുടേയും മകനാണ്. ഭാര്യ ടിഷ.