മണിമലയാറ്റിൽ അജ്ഞാത മൃതദേഹം; പോലീസ് അന്വേഷണം ആരംഭിച്ചു
Monday, May 6, 2024 7:42 PM IST
എടത്വാ: മണിമലയാറ്റിൽ അജ്ഞാത മൃതദേഹം കണ്ടെത്തിയ സംഭവത്തിൽ പോലീസ് അന്വേഷണം ആരംഭിച്ചു. 65 വയസ് തോന്നിക്കുന്ന പുരുഷന്റെ മൃതദേഹമാണ് കണ്ടെത്തിയത്.
നീരേറ്റുപുറം വള്ളംകളി സ്റ്റാർട്ടിംഗ് പോയിന്റിന് സമീപമാണ് മൃതദേഹം കാണപ്പെട്ടത്. സമീപത്തെ കുളിക്കടവിൽ നിന്ന് മുണ്ടും സോപ്പും ചെരുപ്പും കണ്ടെടുത്തിയിട്ടുണ്ട്.
എടത്വാ പോലീസ് സ്ഥലത്തെത്തി അന്വേഷണം ആരംഭിച്ചു. മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.