ഇറാൻ പിടിച്ചെടുത്ത കപ്പലിലെ എല്ലാവരെയും വിട്ടയച്ചു
Friday, May 3, 2024 10:50 PM IST
ന്യൂഡൽഹി: പിടിച്ചെടുത്ത കപ്പലിലെ മലയാളികൾ അടക്കം എല്ലാവരെയും വിട്ടയച്ചെന്ന് ഇറാൻ വിദേശകാര്യ മന്ത്രാലയം. മാനുഷിക പരിഗണന കണക്കിലെടുത്താണ് എല്ലാവരെയും മോചിപ്പിക്കാനുള്ള തീരുമാനമെന്നും ഇറാൻ അധികൃതർ പറഞ്ഞു.
17 ഇന്ത്യക്കാർ അടക്കം 24 പേരാണ് കപ്പലിലുണ്ടായിരുന്നത്. മലയാളിയായ ആൻ ടെസയെ ജോസഫിനെ ഏപ്രില് 18ന് മോചിപ്പിച്ചിരുന്നു. മാനന്തവാടി സ്വദേശി പി.വി.ധനേഷ്, കോഴിക്കോട് മാവൂര് സ്വദേശി ശ്യാം നാഥ്, പാലക്കാട് കേരളശേരി സ്വദേശി എസ്.സുമേഷ് എന്നിവരാണ് കപ്പലിൽ ഉണ്ടായിരുന്ന മറ്റ് മലയാളികൾ.
കപ്പലിലുണ്ടായിരുന്ന എല്ലാവരെയും മോചിപ്പിച്ചെന്നും ക്യാപ്റ്റന്റെ തീരുമാന പ്രകാരം ഇവർക്ക് സ്വന്തം രാജ്യത്തിലേക്ക് മടങ്ങാമെന്നും ഇറാൻ വിദേശകാര്യ മന്ത്രി അമീർ അബ്ദുള്ളാഹി അറിയിച്ചു.
ഏപ്രില് 13നാണ് ഹോര്മുസ് കടലിടുക്കിനു സമീപത്തു വച്ച് ഇസ്രയേല് ബന്ധമുള്ള ചരക്കുകപ്പൽ ഇറാൻ പിടിച്ചെടുത്തത്.